প্রধানমন্ত্রীনা নবেম্বর 27 গী অয়ুক পুং 11 তাবদা ভিদিও কনফরেন্সকী থোংদা ভারতীয় স্পেস স্তার্তঅপ স্কাইরুতকী ইনফিনিতী কেম্পস শঙ্গাগনি। মহাক্না সেতলাইতশিং ওর্বিত্তা লোঞ্চ তৌবা ঙম্লবা স্কাইরুতকী অহানবা ওর্বিতেল রোকেৎ, বিক্রম-I গী মায়খুমসু হাংদোক্কনি।
মসিগী স্তেত-ওফ-আর্ত ফেসিলিতী অসিদা মল্তিপল লোঞ্চ ভিহিকলশিং দিজাইন তৌবা, শেমগৎপা, ইন্তিগ্রেত তৌবা অমসুং তেস্তিং তৌনবগীদমক্তা চাওরাক্না স্ক্বার ফুত 200,000 মুক্কী ৱার্কস্পেস ওইগদবা অমদি থা খুদিংগী ওর্বিতেল অমা ওইবা রোকেৎ শাবা ঙমগনি।
স্কাইরুত অসি অনিমক্কী হান্না ইন্দিয়ন ইন্সতিত্যুত ওফ তেক্নোলোজী অমসুং ইসরোগী সাইন্তিস্তশিংগী এলম্নিদগী ওন্তর্প্রিন্যুর ওইখিবা পৱন চন্দনা অমসুং ভারত ধাকানা লিংখৎখিবা ভারতকী মাংজিল থাবা প্রাইবেৎ স্পেস কম্পনিনি। নবেম্বর 2022 দা, স্কাইরুতনা মহাক্কী সব-ওর্বিতেল রোকেৎ, বিক্রম-এস. লোঞ্চ তৌখিদুনা স্পেসতা রোকেৎ লোঞ্চ তৌখিবা অহানবা ভারতকী প্রাইবেৎ কম্পনি ওইখি।
প্রাইবেৎ স্পেস ইন্তর্প্রাইজশিংগী থুনা-য়াংনা হেনগত্তুনা হৌখিবা চহী খরসিদা সরকারনা তৌখিবা ত্রান্সফোর্মেতিব রিফোর্মশিং মায় পাক্না পাংথোকখিবগী খুদম্নি, মসিনা ইশানা থাজজবা অমসুং পাঙ্গল লৈবা গ্লোবেল স্পেসকী শক্তি ওইনা ভারতকী লীচিং অসি হেন্না ফগৎহনখি।
