প্রধান মন্ত্রী, শ্রী নরেন্দ্র মোদীনা ঙসি পাংথোকপা সি.ভি.সি. অমসুং সি.বি.আই.গী অপুনবা কনফরেন্সতা ভিদিওগী খুত্থাংদা ৱাফম থমখ্রে। কনফরেন্স অসি গুজরাতকী কেবারিয়াদা পাংথোকপনি।
ভারতকী চাউখৎপা, মীয়ামগী অপাম্বা খঙবা অমসুং মীয়ামগী য়াইফ-য়ুম্বালদা য়ুম্ফম ওইদুনা লৈঙাকপদা খ্বাইদগী অহানবা মিৎয়েং চঙলম্বা সর্দার পতেলনা লৈবা মফম ওইরিবা, কেবারিয়াদা ঙসিগী হীরম কয়াগী মতাংদা ৱারী শাবগী কনফরেন্স অসি পাংথোক্লি হায়না প্রধান মন্ত্রীনা ফোংদোকখি। “ঐখোয়না ঙসি অমৃত মহোৎসবকী মতমসিদা ভারতনা মহাক্কী নীংথিরবা পান্দম কয়া ফংনবা চঙশিল্লিবা, মীয়ামগীদমক্তা লৈবা লৈঙাক্কী মপাঙ্গল হেনগৎহন্নবা চঙশিল্লিবা অসিদা থবক্তা য়ুম্ফম ওইবা অদোমগী ৱা তান্নবা অসিনা সর্দার সাহেবকী ৱাখল্লোনদা অহেনবা মপাঙ্গল হাপকদৌরে”, হায়না প্রধান মন্ত্রীনা তিল্লিবা মীয়ামগী মফমদা ফোংদোকখি।
প্রধান মন্ত্রীনা সি.বি.আই. অমসুং সি.ভি.সি.গী ওফিসর্শিংনা লৈবাক্কী হীরম খুদিংদগী শেঞ্জা-থুমজা মুত্থৎনবা মশাবু কত্থোক্নবা খোঙফম চেৎলসি হায়বা ৱাফম থমখি। মহাক্না শেঞ্জা-থুমজানা চাউগেরা পীক্কেরা, কনাগুম্বা খরগী হক্তি অদুমক মাঙহনবগা লোয়ননা লৈবাক্কী মীচম প্রজা অমগী হকপু মৎপী, লৈবাক চাউখৎপদা অয়েৎপা ওইহল্লি অমসুং লৈবাক অমা ওইবগী অপুনবা মপাঙ্গলদসু চৈথেং পী হায়বা ৱাফম থমখি।
হৌখিবা চহি ৬-৭তা লেপ্তনা হোৎনরকপদগী, শেঞ্জা-থুমজা লাকশিনবদা মাই-পাকপা ঙম্লে হায়বগী থাজবা পীবা ঙম্লে হায়না প্রধান মন্ত্রীনা পাউদমখি। অহেনবা শেনফম পীথোক-পীশিন তৌনদনা অমসুং মরক্কী মীওই য়াওদনা অমসুং শেঞ্জা-থুমজা তৌদনা সরকারগী স্কিমশিংগী কান্নবা ফংহনবা য়াই হায়বসিদা লৈবাক অসিনা থাজরে হায়নসু মহাক্না হায়খি। মপাঙ্গল লৈবা কয়া ওইরবসু, শেঞ্জা-থুমজা তৌবা মীওইশিং অমত্তা লেম্না থাররোই হায়নসু মীয়াম্না খন্নরে। “মমাংগী মতমদা সরকার চলায়বগী থৌওংশিংদা রাজনীতি অমসুং এদমিনিস্ত্রেতিবকী ওইবা তৌদবা য়াদে হায়বা ৱাখল্লোন লৈরমদে” হায়না মহাক্না ফোংদোকখি। হোংলবা ভারতকী মতাংদা ৱা ঙাংলদুনা, প্রধান মন্ত্রীনা অসুম্না হায়খি, “ঙসিগী ২১শুবা চহি-চাগী ভারতনা মতমগা চান্নবা ৱাখল্লোনগা লোয়ননা তেক্নোলোজীবু মীওইবা খুন্নাইগী কান্নবা পুরক্নবা শিজিন্নবদা মিৎয়েং চঙলে। অনৌবা ভারতনা অনৌবা থৌওং পুথোকই, মসিবু হৌদোকই অমসুং থবক ওইনা পাংথোকই। শেঞ্জা-থুমজাসি পথাপকী মনুং চল্লি হায়বা অনৌবা ভারতনা লৌবা ঙম্লরোই। মসিনা পথাপ্পু নুং-পান ফাওনা উবা, নীংথিনা থবক পাংথোকপা অমসুং কাংলোন চুম্না লৈঙাকপা পাম্মি”।
সরকারনা মেক্সিমম গবর্নমেন্ত কন্ত্রোলগী মহুত্তা মিনিমম গবর্নমেন্ত, মেক্সিমম গবর্নেন্সতা মিৎয়েং চঙদুনা লাকখিবা খোঙচৎকী মতাংদা পল্লদুনা, প্রধান মন্ত্রীনা সরকারগী থবকশিংবু হেন্না লায়থোকহন্দুনা সরকারনা লৈবাক মীয়ামগী পুন্সিদা অয়েৎপা পীবা হন্থহনবগী থবকপু মিসন অমা ওইনা লৌদুনা মতৌ করম্না থবক পাংথোকখিবগে হায়বগী মতাংদা পাউদমখি। থাজবা অমসুং তেক্নোলোজীগী থৌওংদা মিৎয়েং চঙদুনা মীয়ামদা পাঙ্গল মতৌ করম্না হাপখিবগে হায়বগী মতাংদা মহাক্না মিৎয়েং চঙখি। ঙসি লৈবাক অসিদা লৈরিবা সরকার অসিনা মীয়াম খুদিংদা থাজবা থম্মি, মখোয়না কনা অমত্তদা চিংনবগী মিৎয়েং য়েংদবা মরম্না চে-চাংগী অচুম-অরান থিদোকপগী মরোল অমা লৌথোকখি অমসুং পোকপা, শিবগী সর্তিফিকেৎ, পেন্সন সর্তিফিকেৎকুম্বা খুদোংচাবা কয়াসু মরক্কী মীওইশিং লৌথোক্তুনা তেক্নোলোজীগী খুত্থাংদা পীরি হায়না পাউদমখি। গ্রুপ সি. অমসুং দি.গী থবক লৌবদা ইন্তর্ভিয়ু তৌহন্দবা, গ্যাস বুকিংদগী হৌরগা তেক্স ফাইল তৌবদা ওনলাইন অমসুং ফেসলেস থৌওং কয়া শিজিন্নবা অসি শেঞ্জা-থুমজা তৌবা য়াবা তাঙ্কক লৌথোকপগী খুদম অমনি।
ঐখোয়গী থাজবা অমসুং তেক্নোলোজীগী থৌওংনা নীংথিনা লৈঙাকপা অমসুং নুংঙাইনা কারবার তৌববু মপাঙ্গল হাপ্লে হায়না প্রধান মন্ত্রীনা ফোংদোকখি। অয়াবা লৌবা অমসুং কারবারগী কাংলোন ইনবগী চৎন-কাংলোন কয়া অমা লৌথোকখ্রে অমসুং হৌজিক্কী মতমগী শিংনবশিংগা মরী লৈনবা অহকপা কাংলোন কয়া অমসু শেম্লে হায়না প্রধান মন্ত্রীনা ফোংদোকখি। অয়াবা লৌবগী তঙাই ফদবা লৈবা কয়া অমা লৌথোক্নবা হোৎনরি অমসুং সেল্ফ-এসেসমেন্ত অমসুং সেল্ফ-দিক্লারেসন তৌবগী থৌওং কয়াসু পুক্নিং থৌগৎলি। সরকারগী ই-মার্কেৎ প্লেস ওইরিবা জি.ই.এম.না ই-তেন্দরিংদা নুং-পান ফাওনা উহল্লে। দিজিতেল ফুৎপ্রিন্ত লৈবনা থিজিন হুমজিনবগী থবক কয়া লাইহল্লি। মান্নবা ৱাফম অমা ওইনা, পি.এম. গতি শক্তি নেস্নেল মাস্তর প্লান্না ৱারেপ লৌবদা থেংনবা খুদোংচাদবা কয়া লৌথোক্লগনি। থাজবা অমসুং তেক্নোলোজীগী খোঙজং অসিদা লৈবাক্না সি.ভি.সি., সি.বি.আই. গুম্বা ইন্সতিত্যুসনশিং অমসুং মসিগী ওফিসর্শিংদা থাজবা থম্বগী মরু ওইবদসু মহাক্না মিৎয়েং চঙখি। “ঐখোয়না লৈবাক্না খ্বাইদগী হাল্লি হায়বা মোত্তো অসি মতম পুম্বদা নিংশিংগদবনি অমসুং ঐখোয়গী থবক-থৌরম খুদিংসু মীয়ামগী অপাম্বা অমসুং য়াইফ-য়ুম্বালগীদমক্তা য়েংদুনা পায়খৎকদবনি”, হায়না মহাক্না মখা তানা পাউদমখি। হীরমশিং অসি ইন্দুনা চৎপা “করময়োগী” খুদিংগী ৱারেপ্তা মহাক্না শৌগৎকনি হায়নসু প্রধান মন্ত্রীনা ফোংদোকখি।
প্রধান মন্ত্রীনা ‘প্রিভেন্তিব ভিজিলেন্স’তা লৈবা মহাক্কী ৱাখল্লোন্সু মীয়ামদা পাউদমখি। ‘প্রিভেন্তিব ভিজিলেন্স’ অসি মিৎকুপ-নাহুম শিংনা লৈরগা ফংবা ঙমগনি অমসুং তেক্নোলোজী অমসুং এক্সপরিএন্সকী খুত্থাংদা মপাঙ্গল কনখৎহনগনি। তেক্নোলোজী অমসুং মিৎকুপ-নাহুম শিংনা লৈবগা লোয়ননা থৌওংশিংদা অচম্বা, ময়েক শেংবা, নুং-পান ফাওনা উবগী মওং চেনবনা প্রিভেন্তিব ভিজিলেন্সতা য়াম্না তেংবাংগনি। মসিনা ঐখোয়গী থবক লায়হনবতা নত্তনা লৈবাক্কী রিসোর্স কয়াসু কনবা ঙমগনি হায়না মহাক্না হায়খি।
শেঞ্জা-থুমজা তৌবা মীওইগী মাইয়োক্তা অকিবা লৈতনা থবক পায়খৎকদবনি অমসুং লৈবাক অমসুং লৈবাক মীয়ামদা নম্থাক তৌবশিংগী মফম অমত্তদা চঙজফম লৈহল্লোইদবনি হায়না প্রধান মন্ত্রীনা ফোংদোকখি। খ্বাইদগী লাইরবা মীওইশিংদা পথাপকী অকিবা লৈহল্লোইদবনি হায়বগা লোয়ননা তেক্নোলোজীগী শিংনবা অমসুং সাইবর ফ্রোদকী মতাংদা ৱা তান্নবগী থবক পাংথোকসি হায়নসু ফোংদোকখি।
নীংতম্বা নুমিত্তা আইন অমসুং থবক থৌরম কয়া লাইথোকহনবগী মতাংদা মহাক্না থমখিবা ৱাফম নীংশিংলদুনা প্রধান মন্ত্রীনা সি.ভি.সি., সি.বি.আই. অমসুং শেঞ্জা-থুমজাগী মাইয়োক্তা লৈবা অতোপ্পা ইন্সতিত্যুসনশিংনা অনৌবা ভারতকী লম্বীদা য়েৎলক্কদবা মরী লৈনবা থবকশিং লৈহন্দনবা হোৎনসি হায়না ফোংদোকখি। “শেঞ্জা-থুমজা য়াদবগা মরী লৈনবা অনৌবা ভারতকী পোলিসীবু অদোম্না মপাঙ্গল কনখৎহনফম থোকই। লাইরবশিংনা পথাপকা নকশিন্না লাক্নবা অমসুং শেঞ্জা-থুমজানা মসিদগী থোকখিনবা মওংদা অদোম্না আইন কয়া শেম্বগী মথৌ তারে”, হায়রদুনা প্রধান মন্ত্রীনা মহাক্কী ৱারোল লোইশিনখি।
आज हम भारत की आज़ादी का अमृत महोत्सव मना रहे हैं।
— PMO India (@PMOIndia) October 20, 2021
आने वाले 25 वर्ष, यानि इस अमृतकाल में आत्मनिर्भर भारत के विराट संकल्पों की सिद्धि की तरफ देश बढ़ रहा है।
आज हम गुड गवर्नेंस- प्रो पीपल, प्रोएक्टिव गवर्नेंस को सशक्त करने में जुटे हैं: PM @narendramodi
भ्रष्टाचार-करप्शन, छोटा हो या बड़ा, वो किसी ना किसी का हक छीनता है।
— PMO India (@PMOIndia) October 20, 2021
ये देश के सामान्य नागरिक को उसके अधिकारों से वंचित करता है, राष्ट्र की प्रगति में बाधक होता है और एक राष्ट्र के रूप में हमारी सामूहिक शक्ति को भी प्रभावित करता है: PM @narendramodi
और आज देश को ये भी विश्वास हुआ है कि देश को धोखा देने वाले, गरीब को लूटने वाले, कितने भी ताकतवर क्यों ना हो, देश और दुनिया में कहीं भी हों, अब उन पर रहम नहीं किया जाता, सरकार उनको छोड़ती नहीं है: PM @narendramodi
— PMO India (@PMOIndia) October 20, 2021
बीते 6-7 सालों के निरंतर प्रयासों से हम देश में एक विश्वास कायम करने में सफल हुए हैं, कि बढ़ते हुए करप्शन को रोकना संभव है।
— PMO India (@PMOIndia) October 20, 2021
आज देश को ये विश्वास हुआ है कि बिना कुछ लेन-देन के, बिना बिचौलियों के भी सरकारी योजनाओं का लाभ मिल सकता है: PM @narendramodi
न्यू इंडिया अब ये भी मानने को तैयार नहीं कि भ्रष्टाचार सिस्टम का हिस्सा है।
— PMO India (@PMOIndia) October 20, 2021
उसे System Transparent चाहिए, Process Efficient चाहिए और Governance Smooth चाहिए: PM @narendramodi
हमने देशवासियों के जीवन से सरकार के दखल को कम करने को एक मिशन के रूप में लिया।
— PMO India (@PMOIndia) October 20, 2021
हमने सरकारी प्रक्रियाओं को सरल बनाने के लिए निरंतर प्रयास किए।
मैक्सिमम गवर्नमेंट कंट्रोल के बजाय मिनिमम गवर्नमेंट, मैक्सिमम गवर्नेंस पर फोकस किया: PM @narendramodi
आज देश में जो सरकार है, वो देश के नागरिकों पर ट्रस्ट करती है, उन्हें शंका की नजर से नहीं देखती।
— PMO India (@PMOIndia) October 20, 2021
इस भरोसे ने भी भ्रष्टाचार के अनेकों रास्तों को बंद किया है।
इसलिए दस्तावेज़ों की वैरीफिकेशन के लेयर्स को हटाकर, करप्शन और अनावश्यक परेशानी से बचाने का रास्ता बनाया है: PM
जब हम ट्रस्ट और टेक्नॉलॉजी के दौर में आगे बढ़ रहे हैं, तो आप सभी साथियों, आप जैसे कर्मयोगियों पर देश का ट्रस्ट भी उतना ही अहम है।
— PMO India (@PMOIndia) October 20, 2021
हम सभी को एक बात हमेशा याद रखनी है-
राष्ट्र प्रथम !
हमारे काम की एक ही कसौटी है-
जनहित, जन-सरोकार: PM @narendramodi
