প্রধান মন্ত্রী শ্রী নরেন্দ্র মোদীনা ঙসি 'ইন্দিয়া এন্দ ৱার্ল্দ' হায়বা থিমদা তি.ভি.৯ সম্মিৎতা ৱা ঙাংখ্রে। মালেমগী ওইনা অমুক্তা ওইদ্রিবা অমসুং অরুবা ফীভমশিং অসি খঙলদুনা, মরুওইবা তাঙ্কক অসিদা ৱাখল্লোনশিং ফোংদোক্নবগী মরুওইবা প্লেৎফোর্ম অমা শেমগৎপগীদমক প্রধান মন্ত্রীনা তি.ভি.৯ নেৎৱার্কপু থাগৎপা ফোংদোকখি। “ঙসি, মালেম অসিনা মায়োক্নরিবা অরুবা ফীভম অসি মমাংদা অমুক্তা ওইখিদ্রিবা অমসুং য়াম্না শাথীবা অমনি। মসিগী মরক্তা, তি.ভি.৯ নেৎৱার্কনা ৱাখল্লোনশিংগীদমক য়াম্না মরু ওইবা প্লেৎফোর্ম অমা শেমখ্রে", হায়না শ্রী মোদীনা ফোংদোকখ্রে।
অয়েৎ-অপন কয়াগা লোয়নরিবা মালেম অসিদা ভারতনা কল্লিবা মফমগী মতাংদা ৱা ঙাংলদুনা, প্রধান মন্ত্রীনা হায়খি মদুদি ভারতকী শেন্মিৎলোন অসি য়াম্না থুনা খুমাং চাউশিল্লি। ২০১৪গী মমাংগী ফীভমশিং অসি মাংলোমদা থমদুনা অনৌবা থাজবগা লোয়ননা মাংলোমদা চংশিল্লি। মহাক্না হায়খি মদুদি কোরোনাগী লাইচৎকী মতুং ইন্না অৱাবা কয়া মায়োক্নরবসু, ভারতকী নাগরিক করোর ১৪০না অমত্তা ওইনা লেপতুনা অৱাবা খুদিংমক মায়োক্নবদা মতেং পাংলি। "ফেব্রুৱারী ২৮দগী হৌখিবা নুমিৎ ২৩ অসিদা ভারতনা মরী শেমগৎপগী তৌবা ঙম্বা, ৱারেপ লৌবগী তৌবা ঙম্বা অমসুং অৱাবা লাকশিন্নবা ঙম্বা অদু উৎখ্রে," হায়না শ্রী মোদীনা ফোংদোকখ্রে।
খাইবুম খাইবুম তারবা মালেমগী ফীভম অসিগী মরক্তা ভারতকী দিপ্লোমেতিক আউৎরীচকী মতাংদা ৱা ঙাংলদুনা প্রধান মন্ত্রীনা হায়খি মদুদি ভারতনা গল্ফতগী গ্লোবেল ৱেস্ত ফাওবা অমসুং গ্লোবেল সাউথতগী য়ুম্লোন্নরিবা লৈবাকশিং ফাওবা, মমাংদা অমুক্তা ওইখিদ্রিবা মরীশিং শেমগৎলি অমসুং ময়াম পুম্নমক্কী থাজবা য়াবা মপাং অমা ওইনা মশাবু মশক তাক্লি। ভারতনা করম্না মরী লৈনগদগে হায়বা ৱাহং অদুদা মহাক্না ময়েক শেংনা অমসুং মরিক চুম্বা পাউখুম পীখি। শ্রী মোদীনা হায়খি, "ঐখোয় ভারতকা লোয়ননা লৈ, ভারতকী ইন্তরেস্তশিংগা লোয়ননা লৈ, শান্তিগা লোয়ননা লৈ, দাইলোগকা লোয়ননা লৈ।"
মালেমগী ওইবা সপ্লাই চেনশিং শোকচিল্লকপা মতম অসিদা ভারতকী মখল-মখা কয়া অমসুং মপাঙ্গল হাপ্পগী মোদেল অদু পল্লদুনা প্রধান মন্ত্রীনা হায়খি মদুদি ইনর্জী ওইগেরা, ফর্তিলাইজর ওইগেরা, নৎত্রগা তঙাই ফদবা পোৎলম ওইগেরা, নাগরিকশিংনা য়ারিবমখৈ খুদোংচাদবা থেংনদনবা লেপ্পা লৈতনা হোৎনরি। শ্রী মোদীনা হায়খি, "ভারতনা মখল-মখা অমসুং মপাঙ্গল হাপ্পগী মোদেল অমা উৎলি অমসুং ঐখোয়গী নাগরিকশিংনা য়ারিবমখৈ খুদোংচাদবা মায়োক্নহন্দনবা ঐখোয়না লেপ্পা লৈতনা হোৎনরি।"
নোংচুপ এসিয়াগী লানগী মরমদা ভারত্তা পীরিবা শাফুগী মতাংদা পল্লদুনা প্রধান মন্ত্রীনা লোক সভাদা মহাক্না ঙরাং পীখিবা ৱারোল অদু পনখি। মহাক্না হায়খি মদুদি লানশিং অসি ভারতকী ঙমখৈদগী য়াম্না লাপ্না লৈরবসু, ঙসিগী ইন্তর কন্নেক্তেদ মালেম অসিদা লৈবাক অমত্তনা মখোয়গী অচৌবা শাফুশিং অসিদগী ঙাকথোকপা ঙম্লোই। শ্রী মোদীনা হায়খি, "মসি চেকশিনবা অমসুং সেন্সিতিবিতীগী মতম ওইরে। লৈবাক মীয়ামনা খুদোংচাদবশিং থেংননবা অমত্তা ওইনা পুনশিনবা মতমদা, মহৈশিং অসি মতম পুম্নমক্তা কান্নবা ওই।"
মালেমগী অৱাবা কয়া লৈরবসু ভারতকী চাউখৎপগী খোঙজেল লেপ্তনা চংশিল্লি হায়না পল্লদুনা, প্রধান মন্ত্রীনা ফেব্রুৱারী ২৮দগী হৌখিবা নুমিৎ ২৩গী মতাংদা অকুপ্পা মরোল পীখি। মহাক্না দিল্লী মেত্রো রেলগী মরুওইবা কোরিদোরশিং শঙ্গাবা, সিলচর হাই-স্পিদ কোরিদোর অমসুং অনৌবা কোতা এয়রপোর্তকী উরেপ উয়ুং তম্বগী থৌরম অমসুং মদুরাই এয়রপোর্তপু ইন্তর্নেস্নেলগী থাক্তা পুখৎপগী থৌরমশিং পনখি। প্লগ এন্দ প্লে ইন্দস্ত্রীএল পার্ক ১০০গী অয়াবা পীখিবা, অনৌবা কেপাসিতী মেগাৱাৎ ১৫০০ হাপ্নবা স্মোল হাইদ্রোপাৱর দিবেলপমেন্ত স্কিমদা গ্রীন সিগনেল পীখিবা, ২০২৮ ফাওবা জল জীবন মিসন শাংদোকখিবা, পি.এম. কিসান সম্মান নিধিগী মখাদা লুপা করোর ১৮,০০০গী শেনফম হকথেংননা ত্রান্সফর তৌখিবা অমসুং এম.এস.এম.ই.শিং অমসুং এক্সপোর্তরশিংগীদমক লুপা করোর ৫০০গী রিলিফ পেকেজসু মহাক্না পনখি। শ্রী মোদীনা হায়খি, "মসিগী খোঙথাং পুম্নমক অসিনা লৈবাক অসিনা ভিক্সিৎ ভারত অমা শেমগৎনবা খোঙজেল য়াংনা থবক তৌরি হায়বদু উৎলি।"
মেনেজমেন্ত প্রিন্সিপলশিংদগী ইথিল লৌরকপগা লোয়ননা, প্রধান মন্ত্রীনা মীয়াম্না খঙনরবা 'করিগুম্বা অমা ওনবা ঙম্লবদি, মদু মেনেজ তৌবা ঙম্মি' হায়বা ৱাফম অদু পাক শন্না ফোংদোকখি। মহাক্না মখা তাখি মদুদি ওনবা ঙম্লবদি মদু ফগৎলকই অমসুং অরোইবদা ত্রান্সফোর্মেসন লাকই। শ্রী মোদীনা হায়খি মদুদি হাইৱে শেমগৎপগী খোঙজেল অসি নোংমদা কিলোমিতর ১১-১২দগী কিলোমীতর ৩০দা হেনগৎখ্রে; পোর্তশিংদা শিপ তর্ন-অরাউন তৌবগী মতম অসি নুমিৎ ৫দগী নুমিৎ ২গী মখাদা হন্থখ্রে; রেজিস্তর তৌরবা স্তার্ত-অপশিংগী মশিং অসি লুপা ৪০০দগী লুপা ৫০০দা হেনগৎখ্রে; এম.বি.বি.এস. সীতশিং অসি লিশিং ৫০-৫৫দগী লাখ ১.২৫ হেন্না হেনগৎখ্রে; বেঙ্ক একাউন্তশিং অসি করোর ২৫দগী করোর ৮০দা হেনগৎখ্রে (জন ধন একাউন্ত করোর ৫৫ য়াওনা); অমসুং এয়রপোর্তশিং অসি ৭০দগী ১৬০ হেন্না লৈরে। শ্রী মোদীনা হায়খি, "ঙসিদি, ভারত অসি য়াম্না থুনা চৎলি, ঙসিদি, ৱারেপশিং অসি মাইপাকপদা ওন্থোক্লি।"
প্রধান মন্ত্রীনা হৌজিক পায়খৎলিবা অহোংবা কয়াগী মতাংদা পনখি। মহাক্না হায়খি মদুদি মতম অমদা নোংমৈ মখোলনা শোকহল্লম্বা অসামদা হৌজিক সেমিকন্দক্তর য়ুনিৎ অমা লৈরে; ওরিশাদা সেমিকন্দক্তরদগী পেত্রোকেমিকেল ফাওবগী সেক্তরশিংদা চাউখৎপা উবা ফংলে; হৌখিবা দিকেদ অমদা বিহারদা অনৌবা থোং ৫ হেন্না শাখ্রে। উত্তর প্রদেশনা মোবাইল ফোন পুথোকপগী মালেমগী মফম অমা ওইরে। শ্রী মোদীনা হায়খি, "ভারতনা হৌখিবা মতমগী দিবেলপমেন্তকী ইস্বেলেন্সপু তুংলমচৎকী খুদোংচাবদা ওন্থোক্লি।"
নোংচুপ বেঙ্গলগী মতাংদা পল্লদুনা, প্রধান মন্ত্রীনা কলচর, এজুকেসন, ইন্দস্ত্রী অমসুং ললোন-ইতিক্কী মফম অমা ওইনা মসিগী পুৱারীগী ওইবা মরুওইবা অদু খঙখি অমসুং হৌখিবা চহি ১১ অসিদা রাজ্য অসিগী চাউখৎ থৌরাংগীদমক কেন্দ্র সরকারনা চাউনা শেন থাদরকপা অদু পনখি। শ্রী মোদীনা হায়খি, "নেস্নেল ইন্তরেস্ত অসি পার্তীগী ইন্তরেস্তদগী হেন্না মরু ওই, মরমদি রাজনিতীদগী লৈবাক্কী অমসুং মসিগী চাউখৎপনা মরু ওই।"
মহাক্কী ৱারোল পীবা লোইশিল্লদুনা, সাহিদ দিবসকী পুৱারী ওইরবা থৌরম, সাহিদ ভগৎ সিংহ, সাহিদ রাজগুরু অমসুং সাহিদ সুখদেবনা থৱাইনা পোন্থা পীখিবগী পুৱারী ওইরবা নুমিৎ অমসুং দোক্তর রাম মনোহার লোহিয়াগী মপোক কুমওনগী থৌরমদা প্রধান মন্ত্রীনা মখোয় মশাদগী মতম পুম্নমক্তা লৈবাকনা হেন্না মরু ওইনা লৌবা মীওইশিং অসিদগী ইথিল লৌখি। তি.ভি.৯ সম্মিৎ অসিনা ভারতকী মশা-মরোমদোম থাজবা অমসুং মালেমনা ভারত মচাশিংদা থাজবা হেনগৎহল্লগনি হায়না থাজবা থম্লদুনা মহাক্না হায়খি, "লৈবাক্কী য়াইফবনা হেন্না মরুওইনা লৌবগী ইথিলনা ভারতপু চাউখৎপা অমসুং মশা-মরোমদোম লেপচবা ওইহল্লগনি", ৱাফম অসি থমলদুনা শ্রী মোদীনা ৱারোল পীবা লোইশিনখি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
Today, India is moving forward with a new confidence.
— PMO India (@PMOIndia) March 23, 2026
Now India faces challenges head-on. pic.twitter.com/jlcydDdY0R
From the Gulf to the Global West and from the Global South to neighbouring countries, India is a trusted partner for all. pic.twitter.com/b0BIJdHAPc
— PMO India (@PMOIndia) March 23, 2026
What gets measured gets improved and ultimately gets transformed. pic.twitter.com/BgUle3Wxt1
— PMO India (@PMOIndia) March 23, 2026
This is the new India.
— PMO India (@PMOIndia) March 23, 2026
It is leaving no stone unturned for development. pic.twitter.com/lJERMPe5Qv
