কনাদাগী কানানাস্কিদা পাংথোক্লিবা জি-৭ মীফমগী নাকলদা ঙসি প্রধান মন্ত্রী নরেন্দ্র মোদীনা জর্মনিগী চান্সেল্লর ফ্রৈদ্রিচ মের্জ উনখ্রে। চান্সেল্লর ফ্রৈদ্রিচ মের্জনা মে ২০২৫ দগী ওফিস পায়বদগী লুচিংবা অনিগী মরক্ত উনবা হন্দক্কী অসিনা অহানবনি। মহাক্না মীখলদা মাইপাকপা অমসুং ওফিস পায়রকপদা প্রধান মন্ত্রীনা চান্সেল্লর ফ্রৈদ্রিচ মের্জ থাগৎপা ফোঙদোকখি। হৌখিবা চয়োলদা অহমেদবাদতা প্লেন কাইবগী থৌদোক্ত জর্মন সরকারনা অয়াবা ফোঙদোকপদা মহাক্না থাগৎপা ফোঙদোকখি।
লৈবাক অনিগী মরীশিং মখা তানা ফগৎলকপদা লুচিংবশিংনা হরাওবা ফোঙদোকখি অমসুং ললোন-ইতিক, শেন থাদবা, ঙাক-শেন, মৈখু থাংদবা অমসুং তুংকোইনা চৎনবা য়াবা চাউখৎ-থৌরাং, মৈখু চেন্দবা ইনর্জি, তেক্নোলোজি, ইন্নোবেসন, লাইরিক-লাইশু অমসুং মোবিলিতগী মতাংদা মখা তানা মতেং পাংনবা হেনগৎহন্নবা মখোয়না অমুক হন্না থাজবা পীনখি। চহি ২৫ মপুংফারক্লবা ইন্দিয়া-জর্মনি ষ্ট্রাতেজিক পার্তনরশিপ মখল য়ামথোকহনবা অমসুং মখা তানা ফগৎহনবদা মখোয়না য়ানরে।
মালেমগী শান্তি অমসুং তংদু-লৈতাবদা তেরোরিজম্না য়াম্না চাউনা শিংনরিবা অসি লুচিংবা অনিনা য়ানখি অমসুং তেরোরিজমগী মায়োক্ত ভারতনা পায়খৎলিবা থবকশিংদা জর্মনিনা মপুংফানা শৌগৎপগীদমক প্রধান মন্ত্রীনা চান্সেল্লর ফ্রৈদ্রিচ মের্জ থাগৎপা ফোঙদোকখি।
লুচিংবা অনিনা মালেমগী মরুওইবা থৌদোক ৱাথোকশিংগী মতাংদশু খন্নখি। নাকল অনিনা খুদোচাগদবা মতম অমদা ভারত্ত লাক্না প্রধান মন্ত্রীনা চান্সেল্লর ফ্রৈদ্রিচ মের্জদা চেবাউ পীখ্রে।
Delighted to hold talks with Chancellor Friedrich Merz on the sidelines of the G7 Summit in Canada. India and Germany are close friends, connected by shared values. This year we mark 25 years of our Strategic Partnership. We discussed how to work even more closely in areas like… pic.twitter.com/9vEiYCqyXW
— Narendra Modi (@narendramodi) June 17, 2025
Ich freue mich, am Rande des G7-Gipfels in Kanada Gespräche mit Bundeskanzler Friedrich Merz zu führen. Indien und Deutschland sind enge Freunde, die durch gemeinsame Werte verbunden sind. In diesem Jahr feiern wir das 25-jährige Bestehen unserer strategischen Partnerschaft. Wir… pic.twitter.com/yMlTCAKNob
— Narendra Modi (@narendramodi) June 17, 2025
