Share
 
Comments
“ভারতকী পুৱারীদা মীরত অসি সহর অমখক নত্তনা চৎন-লোনচৎ অমসুং থৌনাগী শীংথানীংঙাই ওইরবা মফম অমনি”
“লৈবাক অসিদা স্পোর্তস অসি অৱাংবা থাক্তা পুখৎনবা নহারোলশিংনা স্পোর্তসতা থাজবা থম্বা হায়বসি তঙাই ফদে অমসুং স্পোর্তস হায়বসি প্রোফেসন অমা ওইনা লৌবদা পুক্নিং থৌগৎকদবনি। মসি ঐহাক্কী ৱারেপনি অমসুং ঐহাক্কী মংলান্নি”
“খুঙ্গংশিং অমসুং অপীকবা সহরশিংদা স্পোর্তিং ইনফ্রাস্ত্রকচর ফংহনবদগী মসিগী মফমশিং অসিদগী শান্নরোইশিং মশিং য়াম্না থোরক্লি”
“রিসোর্সশিং অমসুং অনৌবা হীরমশিংগা লোয়ননা পুখৎলক্লিবা স্পোর্তিং ইকো-সিস্তেম অসিনা অনৌবা খুদোংচাবা কয়ামরুম ফংহল্লি। মসিনা স্পোর্তস অসি অচুম্বা খোঙথাংনি হায়না ৱারেপ লৌবদা খুনাইদা থাজবা পীরগনি”
“মীরত অসি ভোকেল ফোর লোকল ওইবা খক্তা নত্তনা লোকলবু মালেমগী থাক্তা পুখৎলি”
“ঐখোয়গী পান্দমদি তশেং তশেংবনি। নহারোলশিংনা রোল মেদেলশিং ওইবা খক্তমক নত্তনা মখোয়গী রোল মোদেলশিং অদুসু মশক খংগদবনি”

প্রধান মন্ত্রী, শ্রী নরেন্দ্র মোদীনা উত্তর প্রদেশকী মীরত্তা মেজর ধ্যান চান্দ স্পোর্তস য়ুনিভর্সিতীগী উরেপ উয়ুং তমখ্রে। স্পোর্তস য়ুনিভর্সিতী অসি চাউরাকপা লুপা করোর ৭০০কী শেনফম চঙদুনা শাগনি অমসুং সিন্থেতিক হোক্কী গ্রাউন্দ, ফুৎবোল গ্রাউন্দ, বাস্কেতবোল/ভোলিবোল/হেন্দবোল/কবদ্দি গ্রাউন্দ, লোন তেনিস কোর্ত, জিম্নাজিয়ম হোল, সিন্থেতিক রন্নিং স্তেদিয়ম, স্বিম্মিং পুল, মলতিপর্পজ হোল অমসুং সাইক্লিং ভেলোদ্রোম য়াওনা মতমগা চুনবা অমসুং স্তেত ওফ দি আর্ত স্পোর্ত ইনফ্রাস্ত্রকচরশিং লৈগনি। য়ুনিভর্সিতী অসিদা অতোপ্পা ফেসিলিতীশিংগী মরক্তগী শুতিং, স্ক্বাশ, জিম্নাস্তিক্স, ৱেৎলিফতিং, আর্চরী, কেনোইং অমসুং কায়াকিংগী খুদোংচাবশিংসু লৈগনি। য়ুনিভর্সিতী অসিনা নুপী শান্নরোই ৫৪০ অমসুং নুপা ৫৪০ শান্নরোই য়াওদুনা অপুনবা শান্নরোই ১০৮০ ত্রেনিং তৌবআ ঙম্বগী কেপাসিতী লৈগনি।

মীতিন অদুদা ৱা ঙাংলদুনা প্রধান মন্ত্রীনা মীরত অমসুং মসিগী অকোইবদা লৈরিবা মফমশিংনা নীতম্লবা ভারত্তা অনৌবা লম্বেল অমা পীবদা লৌরিবা শীংথানীংঙাই ওইরবা থৌদাং অদুবু ফোঙদোকখি। মফম অসিদা লৈরিবা মীওইশিংনা লৈবাক অসি ঙাকপদা ঙমখৈদা থৱাই থারি অমসুং শান্নবুংদা লৈবাক অসিগী মীংচৎ পুরক্লি হায়না মহাক্না ফোঙদোকখি। মসিগী মফম অসিনা লৈবাক নীংবগী মৈরা অদু মুৎহন্দনা থম্লি হায়না প্রধান মন্ত্রীনা ফোঙদোকখি। “ভারতকী পুৱারী মীরত অসি সহর অমখক নত্তনা চৎন-লোনচৎ অমসুং থৌনাগী শীংথানীংঙাই ওইরবা মফম অমনি” হায়না প্রধান মন্ত্রীনা ফোঙদোকখি। প্রধান মন্ত্রীনা ম্যুজিয়ম ওফ ফ্রীদম, অমর জৱান জ্যোতি অমসুং বাবা ঔঘর নাথজীগী লাইশঙগী ৱাখল্লোন অদু উবা ফংবদা মহাক্কী থমোয়দা ফাওবা নুংঙাইবা অদু প্রধান মন্ত্রীনা ফোঙদোকখি। 

প্রধান মন্ত্রীনা মীরত্তা এক্তিব ওইখিবা মেজর ধ্যান চান্দবু নীংশিংখি। থা খরগী মমাংদা কেন্দ্র সরকারনা লৈবাক অসিগী শান্ন-খোৎনবগী খ্বাইদগী চাউবা এৱার্দ অদু স্পোর্তিং আইকন অসিগী মমিং লৌদুনা থোনখি। মীরতকী স্পোর্তস য়ুনিভর্সিতী অসি মেজর ধ্যান চান্দদা কত্থোকচরে হায়না প্রধান মন্ত্রীনা ফোঙদোকখি।

মমাংদা ক্রিমিনেল অমসুং মাফিয়াশিংনা মখোয়গী শান্নফম ওইরম্বা উত্তর প্রদেশ রাজ্যদা হোংলক্লিবা ফীভম অসিগী মতাংদা প্রধান মন্ত্রীনা ফোঙদোকখি। মহাক্না আইন্না য়াদবা শীনফমশিং, ইচানুপীশিংবু তাথী তাওইনা তৌবীবা মীওইশিং মনীংতম্না চৎহনবা মতম অদুবু নীংশিংখি। মহাক্না মমাংগী ইনসিক্যুরিতী অমসুং আইন লৈতবা মতম অদুবু নীংশিংখি। অসিগুম্বা ক্রিমিনেলশিংদা হৌজিক্তি জোগী সরকারনা আইনগী অকিবা লৈহল্লে হায়না মহাক্না থাগৎপা ফোঙদোকখি। মসিগী অহোংবা অসিনা ইচানুপীশিংগী মরক্তা লৈবাক পুম্বগী মীংচৎ পুরক্নবা থাজবা পীরি।   

নহাশিং অসি অনৌবা ভারতকী য়ুম্বী অমসুং এক্সপান্সন্নি হায়না প্রধান মন্ত্রীনা ফোঙদোকখি। নহাশিং অসি অনৌবা ভারতপু শেমগৎকদবা অমসুং লুচিংবসুনি। ঙসিগী ঐখোয়গী নহাশিংনা মমাংঙৈদগী লৈরক্লবা চৎনবী অমসুং মোর্দরনিতীগী ৱাখল্লোন লৈ। অদুগা নহাশিং অসিনা চৎকদবা মাইকৈদা ভারতসু চৎকনি। অদুগা ভারতনা চৎপা মাইকৈদা মালেম অসিসু চৎলগনি।

হৌখিবা চহি খরা অসিদা রিসোর্সশিং, ত্রেনিংগী মতমগা চুনরবা ফেসিলিতীশিং, ইন্তরনেস্নেল এক্সপোজর অমসুং সেলেক্সনদা ত্রান্সপেরেন্সী হায়রিবা খুলাই মরি অসি ভারতকী শান্নরোইশিংদা ফংহন্নবা মহাক্কী সরকারনা লৌখিবা থৌদাংগী মতাংদা প্রধান মন্ত্রীনা ফোঙদোকখি। লৈবাক অসিদা শান্ন-খোৎনবা অসি অৱাংবা থাক্তা পুখৎনবা নহারোলশিংনা শান্ন-খোৎনবদা থাজবা থম্বা হায়বসি তঙাই ফদে অমসুং শান্ন-খোৎনবা হায়বসি প্রোফেসন অমা ওইনা লৌগদবনি হায়না প্রধান মন্ত্রীনা ফোঙদোকখি। “মসিগী ঐগী ৱারেপনি অমসুং ঐগী মংলানসুনি! ঐখোয়গী নহারোলশিংনা শান্ন-খোৎনবা হায়বসি অতোপ্পা প্রোফেসন অমা ওইনা লৌনবা ঐহাক্না থাজবা থম্মি” হায়না মহাক্না ফোঙদোকখি। সরকারনা স্পোর্তস অসি এম্প্লোইমেন্তগা মরী লৈনহল্লে হায়না প্রধান মন্ত্রীনা ফোঙদোকখি। তার্গেত ওলিম্পিক্স পোদিয়ম (তি.ও.পি.এস.) গুম্বা স্কিমশিংনা অৱাংবা থাক্তা লম্বা তৌননবা মকোকথোংবা শান্নরোইশিংদা মতেং খুদিংমক ফংহল্লি। খেলো ইন্দিয়া অভিয়ান্না তেলেন্তশিং ঙন্না খংদোক্লি অমসুং মখোয়বু মালেমদা থাক্তা পুখৎনবা মতেং খুদিংমক ফংহল্লি। হন্দক্তা পাংথোকখীবা ওলিম্পিক্স অমসুং পেরা ওলিম্পিক্সতা ভারতনা পীখীবা পর্ফোর্মেন্স অদু অনৌবা ভারত অসিনা শান্নবুংদা ফাওগৎলকপগী খুদম অমনি হায়না প্রধান মন্ত্রীনা ফোঙদোকখি। খুঙ্গংশিং অমসুং অপীকবা সহরশিংদা স্পোর্তিং ইনফ্রাস্ত্রকচর ফংহনবদগী মসিগী সহরশিং অসিদগী শান্নরোইশিং মশিং য়াম্না থোরক্লি।  

অনৌবা নেস্নেল এজুকেসন পোলিসীদা স্পোর্তসতা অহানবা মীৎয়েং থম্লি হায়না প্রধান মন্ত্রীনা ফোঙদোকখি। স্পোর্তস অসি সাইন্স, কম্মর্স নত্ত্রগা অতোপ্পা হীরমশিংগা মান্ননা থম্লে। মমাংদদি স্পোর্তস অসি এক্সত্রা করিকুলম এক্তিবিতীশিং ওইনা লৌরম্মি, অদুবু হৌজিক্তি স্কুলশিংদা স্পোর্তস অসি সবজেক্ত অমা ওইনা তম্লগনি। স্পোর্তস, স্পোর্তস মেনেজমেন্ত, স্পোর্তস রাইতিং, স্পোর্তস সাইকোলোজী নচিংবা য়ারিবা স্পোর্তিং ইকো-সিস্তেম অসিনা অনৌবা খুদোংচাবা কয়ামরুম ফংহল্লগনি হায়না প্রধান মন্ত্রীনা ফোঙদোকখি। মসিনা স্পোর্তস অসি অচুম্বা খোঙথাংনি হায়না খুনাইদা থাজবা লৈহল্লগনি হায়না মহাক্না ফোঙদোকখি। রিসোর্সশিংগা লোয়ননা স্পোর্তিং কলচর অমা থোরক্লগনি অমসুং মসিদা স্পোর্তস য়ুনিভর্সিতী অসিনা অচৌবা থৌদাং লৌগনি হায়না মহাক্না মখা তাখি। মীরতকী স্পোর্তিং কলচরগী মতাংদা পল্লদুনা সহর অসিনা লৈবাক ১০০গী মথক্তা শান্ন-খোৎনবগী পোৎলমশিং এক্সপোর্ত তৌরি হায়না  প্রধান মন্ত্রীনা ফোঙদোকখি। ইনখৎলক্লিবা শান্নরোইশিংগী খুত্থাংদা সেক্তর অসিদা লৈবাক অসিবু আত্মনির্ভর ওইহনবা মথৌ তাবা অদুগী মতাংদা ফোঙদোক্লদুনা প্রধান মন্ত্রীনা হায় অশুম তৌদনা মীরত অসি ভোকেল ফোর লোকল খক্তা নত্তনা লোকলবু মালেমগী থাক্তা পুখৎলি।

উত্তর প্রদেশতা লৈরিবা দবল ইঞ্জিন সরকার অসিনা য়ুনিভর্সিতী কয়ামরুম লিংখৎলি হায়না প্রধান মন্ত্রীনা ফোঙদোকখি। গোরাখপুরদা লৈবা মহাজোগী গুরু গোরাখনাথ আয়ুশ য়ুনিভর্সিতী, প্রয়াগরাজদা লৈবা দা. রাজেন্দ্র প্রসাদ লো য়ুনিভর্সিতী, লক্ষনৌদা লৈবা স্তেত ইন্সতিত্যুত ওফ ফোরেন্সিক সাইন্স, অলিগরদা লৈবা রাজা মহেন্দ্র প্রতাপ সিংহ স্তেত য়ুনিভর্সিতী, সহরানপুরদা লৈবা মা শাকুমবারি য়ুনিভর্সিতী অমসুং মীরত্তা লৈবা মেজর ধ্যান চান্দ য়ুনিভর্সিতীগী মতাংদা মহাক্না পনখি। “ঐখোয়গী পান্দমদি তশেং তশেংবনি। নহারোলশিংনা রোল মেদেলশিং ওইবা খক্তমক নত্তনা মখোয়গী রোল মোদেলশিং অদুসি মশক খংগদবনি” হায়না প্রধান মন্ত্রীনা ফোঙদোকখি। 

স্বামিত্ব স্কিমগী মখাদা জিলা ৭৫দা তাইতল (ঘরাওনি) লাখ ২৩ হেন্না পীখ্রে হায়না প্রধান মন্ত্রীনা ফোঙদোকখি। পি.এম. কিসান সম্মান নিধীগী মখাদা রাজ্য অসিগী লৌমীশিংনা মখোয়গী একাউন্ততা লুপা করোর কয়া ফংখ্রে। চু থারিবা লৌমীশিংদা রেকোর্দ ওইনা পেমেন্ত তৌখীবা অসিনা রাজ্য অসিগী লৌমীশিংদা কান্নবা ফংহল্লে। মসিগা মান্ননা লুপা করোর লিশিং ১২গী মমল ওইগদবা ইথানোল য়ু.পি.দগী লৈরে হায়না প্রধান মন্ত্রীনা ফোঙদোকখি।

সরকারগী থৌদাংদি মমা-মপা অহল লমনগী থৌদাং অদুগা মান্নৈ হায়না প্রধান মন্ত্রীনা ফোঙদোকখি। মেরিৎ লৈবা খুদিংমক সরকারনা পুক্নিং থৌগৎকদবনি অমসুং অশোইবা হায়বসি নহাশিংগী অরানবনি হায়না জস্তিফাই তৌরোইদবনি। নহাশিংবু রেকোর্দ ওইনা থবক ফংহন্নবগী হৌজিক লৈরিবা উত্তর প্রদেশকী সরকার অসিবু পি.এম.না থাগৎপা ফোঙদোকখি। আই.তি.আই.দগী ত্রেনিং ফংলবা নহা লীশিং কয়া অচৌবা কম্পনীশিংদা থবক পীরি। নেস্নেল এপ্রেন্তিসশীপ স্কিম অমসুং প্রধান মন্ত্রী কৌশল বিকাস য়োজনাদগী নহা লাখ কয়ানা কান্নবা ফংখ্রে হায়না মহাক্না মখা তাখি। মীতর অসি গঙ্গা এক্সপ্রেসৱে, রিজনেল রেপিদ রেল ত্রাঞ্জিৎ সিস্তেম অমসুং মেত্রোগী পাম্বৈদগী কন্নেক্তিবিতী হব অমা ওইরক্লি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক

Popular Speeches

পরিক্ষা পে চর্চা ২০২২দা পি.এম.না মহৈরোই, মমা-মপা অমসুং ওজাশিংগা ৱারী শাবদা থমখিবা ৱারোলগী মনিপুরী ৱাহন্থোক
Mobile imports: PLI scheme has helped reduce India's dependancy on China, says CRISIL report

Media Coverage

Mobile imports: PLI scheme has helped reduce India's dependancy on China, says CRISIL report
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 6 জুলাই, 2022
July 06, 2022
Share
 
Comments

Agnipath Scheme is gaining trust and velocity, IAF received 7.5L applications.

Citizens take pride as India is stepping further each day in the digital world