ঙসি প্রধান মন্ত্রী শ্রী নরেন্দ্র মোদীনা অসামগী গুৱাহাতিদা লুপা করোর ১৯,৪৮০০ রোমগী চাউখৎ-থৌরাংগী প্রোজেকশিং শঙ্গাখ্রে অমসুং উরেপ-উয়ুং তমখ্রে। প্রধান মন্ত্রীনা গুৱাহাতিদা মীয়ামদা ৱা ঙাংখি অমসুং সহর অসিগী মীয়ামদা মহাক্না য়াইজ-পাউজেল পীখি। মহাক্না লৈবাক শীনবা থুংবদগী শরুক য়াখিবা লৌমীশিং অমসুং চাগী বগানশিংদা থবক তৌরিবা ইনাওশিং অমসুং ইচলশিং তরাম্না ওকখি। নাবরাত্রি মমাঙদা মা কমাখ্যাগী শেংলবা লমদমদা লাকপদা প্রধান মন্ত্রীনা মহাক্কী তৌবীমল খঙবা উৎখি। প্রধান মন্ত্রীনা হায়খি “নাবরাত্রি মমাংদা মা কমাখ্যাগী শেংলবা লমদমদা অদোমগী দর্শন তৌনবা ঐ থৌজাল ফংলে”।
প্রধান মন্ত্রীনা হায়খি মদুদি মা কমাখ্যাগী থৌজালগা লোয়ননা, লুপা করোর ১৯,৫০০ রোমগী চাউখৎ-থৌরাংগী প্রোজেকশিং উরেপ-উয়ুং তম্লে অমসুং শঙ্গারে। ইনর্জিগী লমদা অসাম মশাগী ওক্নবা পুথোক পুথোকপদগী হৌরগা অসামদা লাকপা মীওইশিং চৎথোক-চৎশিন্দা খুদোংচানবা পান্দম থম্বা প্রোজেক কয়া অসামদা পায়খৎলে। ঙসিগী নুমিৎ অসি লৈবাক অসিগী লৌমীশিং অমসুং অসামগী চা বগানশিংগী শিন্মীশিংগী মরুওইবা নুমিৎ অমসুনি। লৈবাক শীনবা থুংবগী লৌমীশিংগী একাউন্ত করোর কয়াদা পি.এম সম্মান নিধি য়োজনাগী মখাদা লুপা করোর ১৮,০০০ হেন্না হকথেংননা ফংহনখ্রে। অসামগী চা থাবগী থবক তৌরিবা ইমুং কয়াদা পত্তাশিং য়েন্থোকখ্রে। অসামগী মীয়াম, মফম অসিগী ইমুংশিং অমসুং লৈবাক শীনবা থুংবগী লৌমীশিংদা ঐনা হরাওবা ফোঙদোকচরি।
প্রধান মন্ত্রীনা হায়খি লৈবাক শীনবা থুংবগী লৌমীশিং মা কমাখ্যাগী শেংলবা লমদম অসিদগী থৌরম অসিগা শম্নরে। লৌমী করোর কয়া মখোয়গী একাউন্তশিংদা পি.এম কিষান নিধিগী দিপোজিৎকী মেসেজশিং ফংখ্রে। য়োজনা অসি তশেংনা অখন্নবনি। খুদোংচাবা ফংলিবা লৌমী ইনাওশিং অমসুং ইচলশিংগী মরক্ত অয়াম্বনা ২০১৪ গী মমাঙদা মোবাইল ফোন নত্ত্রগা বেঙ্ক একাউন্ত লৈরমদে। হৌজিক ফাওবদা অসিগুম্বা লৌমীশিংগী একাউন্তশিংদা লুপা করোর লাখ ৪.২৫ হাপচিনখ্রে। হৌজিক ফাওবদা অসাম খক্তদা লৌমী লাখ ১৯ রোম লুপা করোর ৮,০০০ রোম ফংখ্রে। মসি মালেমগী চাউখৎলবা লৈবাকশিং ফাওবনা লাম্বা তৌবা ঙম্লোই, ক্লিক অমদা, লৌমীশিংদা হকথেংননা শেন ফংহল্লে।
প্রধান মন্ত্রীনা হায়খি মদুদি ঙসিদি, পি.এম কিষান সম্মান নিধি য়োজনা লৈবাক অসিগী লায়রবা লৌমীশিংদা খুন্নাইগী ঙাক্লৌ অমা পীনবা পাম্বৈ অমা ওইরে। হৌজিক পাল্লিবা সরকার অসিদা, লৌমীশিংগী য়াইফনবা থবক পায়খৎপদগী হেন্না মরুওইবা অমতা লৈতে। হৌখিবা চহি ১০ দা, লৌমীশিংনা এম.এস.পিদা লুপা করোর লাখ ২০ হেন্না ফংখ্রে।
প্রধান মন্ত্রীনা হায়খি হৌখিবা চহি ১১ দা, হৌজিক পাল্লিবা সরকারনা লৈবাক্কী লৌমীশিংগী অকোয়বদা অফবা চুঙ্গোই অমা ঙাক্লে। মসি এম.এস.পি, শেন্দোয় য়ামদবা লোনশিং, ক্রোপ ইন্সুরেন্স, পি.এম কিষান সম্মান নিধি ওইবা য়াই, হায়রিবা স্কিমশিংনা লৌমীশিংগী অচৌবা মতেং অমা ওইরে। মালেমগী থৌদোক-ৱাথোকশিংনা লৌউ-শিংউগী থবক্ত অকায়বা পীদনবা ঐখোয়না থবক পায়খৎলে। কোবিদ লাইচৎ অমসুং মতুং তারকপা লালশিংনা মরম ওইদুনা, মালেমগী কৈথেলদা হারগী মমল কয়ারক হেনগৎলকখি অমসুং মপানগী কৈথেলশিংদগী হার লৈবা য়াম্না খুদোংথিনিঙাই ওইখি। অৱাবা অসিদগী লৌমীশিং ঙাকথোক্নবা কেন্দ্র সরকারনা থবক খুদিংমক পায়খৎলে। মালেমগী কৈথেলদা লুপা ৩,০০০ পীবা য়ুরিয়া বেগ অমা সরকারনা ভারতকী লৌমীশিংদা লুপা ৩০০ দা ফংহল্লে। মালেমগী ওইনা হারগী মমল হেনগৎলকপগী পোৎলুম লৌমীশিংদা পুহন্দনবা সরকারনা মসিগী পুক্কৈদগী লুপা করোর লাখ ১২ হেন্না চাদিং তৌখ্রে।
প্রধান মন্ত্রীনা হায়খি মদুদি হৌখিবা চহি ১০ দা, অত্মনির্ভর ওইনবা মাইকৈদা হৌজিক পাল্লিবা সরকার অসিনা অচৌবা থবক অমা পায়খৎলে। মপানগী চৈথেংশিংদগী লৌউ-শিংউ ঙাকথোক্নবা হায়রিবা অত্মনির্ভর অদু য়োকখৎলে। নিংতম্লবা ভারত্ত, মালেমগী অতোপ্পা মফমশিংদা লানশিং থোকপা নত্ত্রগা সপ্লাই চেনশিংদা অপনবা পীরকপদগী ভারতকী লৌমীশিংদা অৱাবা পীগনি, করিগুম্বা মতমদা হার মমল ৱাংখৎকনি, করিগুম্বদা দিজল অমসুং ইনর্জিগী মমল ৱাংখৎকনি।
প্রধান মন্ত্রীনা হায়খি সরকারগী পান্দমদি লৌমীশিং অনৌবা তেক্নোলোজিগা শম্নহনবা, লৌমীশিংদা ঈশিং ফংনবা অনৌবা পাম্বৈশিং ফংহনবা অমসুং মহৈ-মরোংশিংগী কান্নবা ফংহনবনি। মসিগী ৱাখল্লোন অসিগা লোয়ননা, সরকারনা পর দ্রোপ মোর ক্রোপ’ থৌশিল চৎনরে অমসুং দ্রিপ অমসুং স্প্রিংলার সিষ্টেমশিংগুম্বা মাইক্রো-ইরিগেসন তেক্নোলোজিশিং লৌমীশিংদা ফংহল্লে। মসিনা ঈশিং ফংহনবা হেনগৎহল্লে অমসুং লৌউ-শিংউদা শেন চঙবা হন্থরে। লৌমীশিংদা দিজলদা চাদিং তৌবা হন্থহন্নবা সরকারনা হৌজিক লৌবুকশিংদা সোলার পম্পশিং লৈহন্নবা থবক পায়খৎলি। পান্দম অসিগীদমক সরকারনা হৌদোকখিবা কুসুম য়োজনা য়াম্না কুপ্না দিজাইন তৌখিবনি। ঙসিদি লৌমী কয়া সোলার পম্পশিংনা ঈশিং ফংহনবা খক নত্তনা মৈসু পুথোক্লে অমসুং মসিদগী শেন তাল্লে।
প্রধান মন্ত্রীনা হায়খি মদুদি লৌমীশিংনা হারশিং অমসুং তিলহাৎহিদাকশিংগী মখা পোনবা হন্থহন্নবা সরকারনা মখা তানা থবকশিং পায়খৎলি। হৌজিক পাল্লিবা সরকার অসিনা হারগী ফেক্তরিশিং অমুক হিঙ্গৎহল্লে অমসুং লৌমীশিং নেনো য়ুরিয়া শীজিন্ননবা থবক কয়া পায়খৎলে অমসুং ঙসিদি লৈবাক অসিগী লৌমীশিং মসিগী কান্নবশিং ফংলে। লৌমীশিং মহৌশাগী ওইবা লৌউ-শিংউগী থবক পায়খৎনবা সরকার অসিনা হৌজিক লৌমীশিংগী পুক্নিং থৌগৎলি। লৌমীশিংনা পাক-শন্না মহৌশাগী ওইবা লৌউ-শিংউগী থবক পায়খৎলপা মতমদা, লৈবাক-লৈহাও ফনা লৈগনি অমসুং ঐখোয়গী লৌমীশিংনা মালেমগী অৱাবশিংদগী ঙাকথোক্কনি।
প্রধান মন্ত্রীনা হায়খি মদুদি হৌজিক পাল্লিবা সরকার অসিনা লৌমীশিংগী অমসুং লৈবাক অসি অত্মনির্ভর ওইনবা চোকথবা লৈতনা থবক পায়খৎলি। ভারতকী রিফাইনরিশিং চাউখৎনবা অমসুং রিফাইন তৌবগী থবক হেনগৎহন্নবা হৌজিক পাল্লিবা সরকার আসিনা থবক পায়খৎলে। ঙসিদি, ভারত মশাগী দরকার ওইবা ইনর্জিগী চেকশিন থৌরাং লৌখৎপা খক নত্তনা, মালেমগী দরকার ওইবা ইনর্জি ফংহনবা লৈবাক অমা ওইরে। হৌখিবা চহিশিংদা অসামদা লৈরিবা রিফানরিশিংসু পাকথোক-চাউথোকহল্লে। অসাম অমসুং অৱাং-নোংপোক শীনবা থুংবদা মমাঙদা অমুক্ত ওইখিদ্রিবা মওংদা গ্যাস পাইপলাইন ইনফ্রাষ্ট্রকচরদা শেন থাদরে। নুমালিগর-সিলিগুরি পাইপলাইন ফগৎহনবগী থবক লোইশিনখ্রে অমসুং অসামগী গোলাঘাত্ত মালেমগী অহানবা সেকেন্দ-জেনেরেসন বাইও-ইথানোল প্লান্ত লিংখৎলে। প্রোজেকশিং অসিনা লমদম অসি শীনবা থুংনা কান্নবা কয়া পীগনি।
প্রধান মন্ত্রীনা হায়খি মদুদি রেলৱেজনা মপান লৈবাক্কী পোৎলমশিংগী মখা পোনবা হন্থহন্নবা অমসুং মপান্দগী থাউ পুশিল্লকপা হন্থহন্নবা হৌখিবা চহি ১০ দা শিংথাবা য়াবা থবকশিং পায়খৎলে। লৈবাক অসিগী অপুনবা রেল নেতৱার্ক মৈ ফংহল্লে অমসুং অথুবা মতমদা চাদা ১০০ মৈ ফংহনবা ঙম্লগনি। রেলৱেদা মৈ ফংহনবদগী, লৈবাক অসিনা দিজিল লিতর বিল্লিয়ন ১.৭৫ রোম কনবা ঙম্লে আমসুং অসামগী রেলৱে নেতৱার্কসু য়াংনা ইলেক্ত্রিক ফংহল্লি।
প্রধান মন্ত্রীনা হায়খি রিন্যুএবল ইনর্জিদা লৈবাক অসিগী পান্দমশিং ফংবদা অসামনা মরুওইবা থৌদাং অমা লৌরি। লৱার কোপিলি হায়দ্রোপৱার প্রোজেক্না অসামগা লোয়ননা অপুনবা অৱাং-নোংপোক কান্নবা পীগনি। লুপা করোর লিশিং কয়াগী প্রোজেকশিং অসিনা অসামগী নহারোলশিং থবক ফংনবা অনৌবা খুদোংচাবশিং পীগনি অমসুং রাজ্য অসিগী নুংঙাই-য়াইফবা হেনগৎহনগনি।
প্রধান মন্ত্রীনা হায়খি মদুদি হৌজিক পাল্লিবা দবল ইঞ্জিন সরকার অসিগী শক্তম সরকার অসিগী অফবা লৈঙাক অমসুং মীয়ামগী অৱাবা খঙবদা লৈরে। লৈবাক্কী লমদম খুদিং অমসুং কাংলুপ খুদিং চাউখৎহনবা হায়বসি ঐখোয়গী মরুওইবনি। মসিগী ৱাখল্লোন অসিগা লোয়ননা, ঙসি, অসামগী চা বগানশিংগী শিন্মীশিংগীদমক অচৌবা থবক অমা পায়খৎলে। মখোয়না থবক কন্না শুবদগী মালেমদা অসামগী মিংচৎ হেনগৎহল্লে অমসুং মখোয়না থাবা চাগী নুংশিবা মনম্না মালেম শীনবা থুংনা ভারত মশক তাক্লে। হৌজিক পাল্লিবা সরকার অসিনা হায়রিবা শিন্মীশিং অসিদা ইকায়খুম্নবা অমসুং মতেং অনিমক পীরে। চা বগানশিংদা থবক শুরিবা ইমুংশিংগীদমক শিংথানিঙাই ওইরবা থবকশিং পায়খৎপগীদমক প্রধান মন্ত্রীনা চীফ মিনিষ্টর শ্রী হিমান্ত বিশ্বা শর্মা অমসুং মহাক্কী কাংবু থাগৎপা ফোঙদোকখি। প্রধান মন্ত্রীনা হায়খি মদুদি পুৱারিগী অরানবা অসি লোইশিন্নবা হৌজিক অসাম সরকারনা থবক পায়খৎলি, হায়রিবা ইমুংশিং অসি হৌজিক মখোয় মশাগী লম লৈজরে অমসুং পাক্কাগী য়ুমশিং ফংনবা মখোয়গী লম্বী নাখৈ শেংলে। থবক অসিগী কান্নবা চা বাগানশিংদা লৈরিবা নুপীশিংনা হেন্না কান্নবা ফংগনি। চা বাগানগী শিন্মী ইমুংশিংগী অঙাংশিং লাইরিক ফজনা তম্লগনি অমসুং মখোয়গী পুন্সি চাউখৎলগনি। মসিগী দরকার ওইবা খুদোংচাবা খুদিংমক হৌজিক পাল্লিবা সরকার অসিনা শেমগৎলে।
প্রধান মন্ত্রীনা হায়খি মদুদি মমিং চৎলবা নিমাতি ঘাত অমসুং বিশ্বনাথ ঘাত্ত অনৌবা ক্রুইজ তর্মিনেলশিং শাবগী থবকসু ঙসিদগী হৌরে। মসি ইচম চম্বা ইফ্রাষ্ট্রকচর অমা নত্তে, মসি অসামদা তুরিজম অমসুং শেন্মিৎলোনগী অনৌবা মাইকৈ অমা তাক্নবা খোঙথাং অমনি। হৌজিক পাল্লিবা সরকার অসিনা তুরিজম অসি লম য়েংবা খক্তনি হায়না লৌদে, মসি থবক ফংনবা অমসুং চাউখৎনবা অচৌবা খুদোংচাবা অমনি। মসিগী পান্দম অসিগা লোয়ননা, ব্রাহ্মপুত্র তুরেলদা ৱাতর তুরিজমগী থবকশিং পাকথোক-চাউথোকহল্লে।
ক্রুইজ তর্মিনেলশিং শাবা হেক লোইবগা, ব্রাহ্মপুত্র তুরেলদা ক্রুইজগী থবকশিং মখা তানা ফগৎলগনি অমসুং মসিনা ভারত অমসুং মালেমগী শীনবা থুংবগী লমকোয়বা লাকপা মীওইশিং অসাম য়ৌবদা লাইহল্লগনি। ক্রুইজ তুরিজম চাউখৎলকপগা লোয়ননা, মফম অসিগী নহারোলশিং, খুৎহৈবশিংগী অনৌবা থবক ফংনবা খুদোংচাবশিং ফংলগনি অমসুং হেন্দিক্রাফকী শিন্মীশিংগী অনৌবা কৈথেলশিং লৈরগনি অমসুং অপীকপা দুকান ফম্বা মীওইশিং, হি হোনবা মীওইশিং অমসুং হোতেল অমসুং ত্রান্সপোর্তকী থবক তৌবা মীওইশিংগী শেন্থোক হেনগৎলগনি। অসামদা তুরিজম অসি মখা তানা লমকোয়বা অমসুং লম য়েংবা খক নত্তে, মসি লমদম অসি চাউখৎনবা অমসুং য়াইফনবা অনৌবা ইঞ্জিন অমা ওইরক্লে।
প্রধান মন্ত্রীনা হায়খি ঙসিদি অসাম ঐখোয়গী অৱাং-নোংপোক, অষ্টলক্ষমীগী অনৌবা তুংলমচৎকী অনৌবা নমুনা অমা ওইরে। অসাম চাউখৎপনা অপুনবা অৱাং-নোংপোক্ত অনৌবা ইনোৎ অমা পীগনি। বিকসিত অসাম অমগীদমক ঐখোয় পুন্না থবক তৌমিন্নগদবনি, মতম অদুদা লৈবাক অসিদা অসাম মোদেল ষ্টেৎ অমা ওইরক্কনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
पीएम किसान सम्मान निधि योजना देश के छोटे किसानों के लिए, सामाजिक सुरक्षा का एक माध्यम बन गई है: PM @narendramodi in Guwahati
— PMO India (@PMOIndia) March 13, 2026
MSP हो, सस्ता ऋण हो, फसल बीमा हो, पीएम किसान सम्मान निधि हो... ये योजनाएं किसानों का बहुत बड़ा संबल बनी हैं।
— PMO India (@PMOIndia) March 13, 2026
इतना ही नहीं, हमने इस बात का ध्यान रखा है कि अंतरराष्ट्रीय स्तर पर संकट का असर खेती-किसानी पर ना पड़े: PM @narendramodi
असम, देश में रीन्यूएबल एनर्जी से जुड़े संकल्पों की सिद्धि में भी बड़ी भूमिका निभा रहा है।
— PMO India (@PMOIndia) March 13, 2026
लोअर कोपिली हाइड्रो पावर प्रोजेक्ट से असम सहित पूरे नॉर्थ ईस्ट को फायदा होगा: PM @narendramodi
देश के हर क्षेत्र, हर वर्ग का विकास हमारी प्राथमिकता है।
— PMO India (@PMOIndia) March 13, 2026
इसी भाव के साथ... आज असम के टी-गार्डन में काम करने वाले साथियों के लिए बहुत बड़ी पहल हुई है: PM @narendramodi
असम, आज हमारे नॉर्थ ईस्ट यानि अष्टलक्ष्मी के नए भविष्य का एक मॉडल बन रहा है।
— PMO India (@PMOIndia) March 13, 2026
यहां की प्रगति पूरे नॉर्थ ईस्ट को नई गति दे रही है: PM @narendramodi
