মুর মরোমোর গুৱাহাতী বাশী রাইজ, আপুনালোকক মোই মুর, আন্তোরিক নমোস্কার জোনাইসু।
অসামগী রাজ্যপাল, শ্রী লক্ষ্মন প্রসাদ আচার্য়, রাজ্য অসিগী মীয়াম্না পাম্নরবা মুখ্য মন্ত্রী, শ্রী হিমন্ত বিশ্ব শর্ম্মা, কেন্দ্রগী মন্ত্রীমন্দলদা ঐহাক্কী মরুপ শ্রী সর্বানন্দ সোনোৱাল, মফম অসিদা লৈরিবা রাজ্য সরকারগী মন্ত্রী পুম্নমক, মীয়ামগী খল্লবা মীহুৎশিং, লৈবাক শিনবা থুংবদগী থৌরম অসিদা ভর্চুএল ওইনা শরুক য়াখিবা ঐখোয়গী লৌমী ইচিল-ইনাও পুম্নমক, চাগী বাগানশিংদা থবক তৌরিবা ঐহাক্কী ইচিল-ইনাওশিং অমসুং লৈবাক অসিগী মফম খুদিংগী মকোক থোংবা মুখ্য মন্ত্রী কয়ানা ঙসি থৌরম অসিদা শরুক য়াখিবা উবা ফংলে।
ইচিল-ইনাওশিং,
ঙসি, নবরত্রিগী মমাংদা, ঐহাক্না মা কামাখ্যাগী অশেংবা লমদম অসিদা ময়াম পুম্নমকপু উনবগী খুদোংচাবা ফংজরে। ইমা কামাখ্যাগী য়াইফ-পাউজেলগা লোয়ননা, মতম খরগী মমাংদা, মফম অসিদা লুপা করোর ১৯,৫০০গী চাউখৎ-থৌরাংগী প্রোজেক্ত কয়া শঙ্গাখ্রে অমসুং উরেপ-উয়ুং তমখ্রে। ঙসি অসামদা মশিং য়াম্লবা প্রোজেক্তশিং ফংলে। রাজ্য অসি ইনর্জী সেক্তরদা মশা-মরোমদোম লেপচবা ঙম্নবা হোৎনবদগী হৌরগা অসামদা লাকপা ভিজিৎরশিংগী খুদোংচাবশিং হেনগৎহন্নবা থবক পায়খৎলি। ঙসিগী নুমিৎ অসি লৈবাক অসিগী লৌমীশিংগীদমক্তা, অসামগী চাগী লমদা থবক তৌরিবা ঐখোয়গী মরুপশিংগীদমক্তা য়াম্না মরুওইবা নুমিৎ অমনি। ঙল্লিঙৈদা পি.এম. কিসান সন্মান নিধি স্কিমগী মখাদা লৈবাক শিনবা থুংনা লৈরিবা ঐখোয়গী চিঞ্জাক পুথোক্লিবশিংগী বেঙ্ক একাউন্তশিংদা লুপা করোর ১৮,০০০ হেন্না হকথেংননা ত্রান্সফর তৌখ্রে। মসিগী মথক্তা, ঙসি অসামগী চাগী বাগানশিংগা মরী লৈনবা ইমুং কয়াদা লমগী দিদশিং য়েন্থোকখি। অসামগী মীয়াম, মফম অসিদা লৈরিবা ইমুং মনুং খুদিংমক্তা অমসুং লৈবাক অসিগী লৌমীশিংদা ঐহাক্না থম্মোয় শেংনা নুংঙাইবা ফোংদোকচরি।
মরুপশিং,
ঙসি, লৈবাক শিনবা থুংবগী লৌমী মরুপশিং অসি ইমা কামাখ্যাগী অশেংবা লমদম অসিদগী ঐখোয়গা শম্নরে। মতম খরগী মমাংদা, লৌমী করোর কয়াগী একাউন্তশিংদা পি.এম. কিসান নিধিগী শেনফম থাদোরকপগী পাউশিং অসি মোবাইল ফোন খুদিংদা য়ৌরকখি। মসিগী স্কিম অসি তশেংনা শিংথানিংঙাইনি। ক্লিক অমখক্তনা লৌমী করোর কয়াগী বেঙ্ক একাউন্তশিংদা শেল হকথেংননা থাদোক্লি। অসিগুম্বা থৌওং অসি মালেমগী চাউখৎলবা লৈবাকশিংদসু ওইথোক্তে। তশেংনমক, ঐহাক্না মীরমদগী লাকপা মকোক থোংবা মীওইশিংগা উনবদা, মখোয়না হীরম অসিগী মতাংদা ৱাহং কয়া হংই। মালেমগী মরুওইবা লৈবাকশিংগী মকোক থোংবা লুচিংবশিংনসু মসি থোইদোক হেন্দোকপা অমনি হায়না খল্লি; অমসুং মখোয়শিং অসি চপ মান্নবা লৌমীগী ইচিল-ইনাওশিংনি। মখোয়গী অয়াম্বনা ২০১৪গী মমাংদা মোবাইল ফোন নত্ত্রগা বেঙ্ক একাউন্ত অমত্তা লৈরমদে। ঙসি অসিগুম্বা লৌমী করোর কয়াগী একাউন্তশিংদা লুপা করোর লাখ ৪.২৫ হেন্না দিপোজিৎ তৌখ্রে। মসিদা হৌজিক ফাওবদা চাউরাক্না লুপা করোর ৮,০০০ ফংখ্রবা অসামগী লৌমী লাখ ১৯ রোম য়াওরি।
মরুপশিং,
ঐহাক্না নীংশিংলি মদুদি পি.এম. কিসান সম্মান নিধি স্কিম হৌদোকপা মতমদা, কংগ্রেসকী মীহুৎশিংনা - অরানবা ৱাফমশিং শন্দোকপা অমসুং অরানবা ৱাফমশিং ফোংদোকপদা মাস্তর ওইরিবা মখোয়না মোদীনা ঙসি শেল থাদবা য়াই, অদুবু শেল অদু মীখলগী মতুংদা অমুক হন্না শেল থাদররোই হায়না ফোংদোকখি। অদুম ওইনমক, ঙসিদি, সম্মান নিধি স্কিম অসি লৈবাক অসিগী অপীকপা লৌমীশিংগীদমক্তা সোসিএল সেক্যুরিতী মরুওইবা খুৎলাই অমা ওইরক্লি।
মরুপশিং,
বি.জে.পি.-এন.দি.এ. সরকারগীদমক্তা, লৌমীশিংগী কান্নবদগী করিগুম্বা অমত্তা হেন্না মরু ওইদে। লৌমীশিংদা শেলগী তেংবাং পীনবগী ৱাফম লাকপা খুদিংদা, কংগ্রেস পার্তীনা শ্বর হোনবা ঙমদনা লৈরম্মি। ঐহাক্না অদোমদা অতোপ্পা খুদম অমা পীজগে। ২০১৪গী মমাংদা, কেন্দ্রদা কংগ্রেস পার্তীনা চহি ১০ লৈখি। কংগ্রেসকী চহি ১০গী লৈঙাক্কী মনুংদা, লৌমীশিংনা চহি তরাগী মনুংদা এম.এস.পি.গী মওংদা লুপা করোর লাখ ৬.৫ ফংখি। মসিগী ওন্ন-তৈনবদা, ঐখোয়গী সরকারগী চহি ১০গী মনুংদা, লৌমীশিংনা এম.এস.পি.গী মওংদা লুপা করোর লাখ ২০ হেন্না ফংখ্রে।
মরুপশিং,
হৌখিবা চহি ১১ অসিদা, বি.জে.পি-এন.দি.এ. সরকারনা লৈবাক অসিগী লৌমীশিংগী অকোইবদা শিংথানীংঙাই ওইবা ঙাক্লৌ অমা শেমখি। এম.এস.পি. ওইগেরা, মমল হোংবা ক্রেদিৎ ওইগেরা, মহৈ-মরোংগী ইন্সুরেন্স ওইগেরা, নত্রগা পি.এম. কিসান সম্মান নিধি ওইগেরা, স্কিমশিং অসিনা লৌমীশিংগীদমক অচৌবা মতেং ওইরি। মসিগী মথক্তা, মালেমগী ওইবা অৱাবা অসিনা লৌউ-শিংউগী সেক্তরদা অকায়বা লৈহন্দনবা ঐখোয়না চেকশিন থৌরাং লৌখৎলি। খুদম ওইনা, কোবিদ-১৯ লাইচৎ অমসুং মদুগী মতুং তারকপা চয়েৎনবশিংগী মতুং ইন্না, ইন্তর্নেস্নেল মার্কেত্তা ফর্তিলাইজরগী মমল অসি য়াম্না হেনগৎলকখি। মপানগী কৈথেলশিংদগী ফর্তিলাইজরশিং ফংহনবা অসিসু য়াম্না অরুবা ওইরক্লি। অদুম ওইনমক, সেন্ত্রেল গবর্নমেন্তনা মসিগী অৱাবা অসি কোকহন্নবা হোৎনখি। ইন্তর্নেস্নেল মার্কেত্তা লুপা ৩,০০০ চংগদবা য়ুরিয়াগী বেগ অমা ঐখোয়গী সরকারনা ঐখোয়গী লৌমীশিংদা লুপা ৩০০ খক্তদা পীরি। মসিগীদমক, সরকারনা ঐখোয়গী লৌমীশিংগী মথক্তা শেলগী চৈথেং অমত্তা লৈহন্দনবা, মাগী এক্সচেকরদগী লুপা করোর লাখ ১২ হেন্না চাদিং তৌখ্রে। মসিগী পোৎলুম অসি সরকারনা পুরি।
মরুপশিং,
হৌখিবা চহি তরা অসিদা, বি.জে.পি-এন.দি.এ. সরকারনা মশা-মরোমদোম লেপচবা ঙম্নবা অতোপ্পা চাউরবা খোংথাং অমা লৌখৎখি। ঐখোয়না ঐখোয়গী লৌউ-শিংউগী সেক্তরবু মপানগী অৱা-অনাশিংদগী ঙাকথোক্নবা মশা-মরোমদোম লেপচবা হেনগৎহল্লে। মালেমগী অতোপ্পা মফমশিংদা খুদোংচাদবা থোকপা মতমদা, নৎত্রগা মালেমগী সপ্লাই চেনশিংদা খুদোংচাদবা থোকপা মতমদা, খুদোংচাদবশিং অসিগী অৱাবা অসি ঐখোয়গী লৌমীশিংনা মায়োক্নরি হায়বসি ঐখোয়না নীংতম্লবা ভারত্তা হন্না হন্না উবা ফংলি। করিগুম্বা মতমদা, ফর্তিলাইজরশিং অসি য়াম্না মমল ৱাংবা ওইরকখি; অতোপ্পা মতমদা, দিজল অমসুং ইনর্জীগী মমল অসি য়াম্না ৱাংনা হেনগৎলকখি। মসিগী মরমদি, দিকেদ কয়াগী মমাংদগী কংগ্রেস পার্তীনা লৈবাক অসিবু অতোপ্পা লৈবাকশিংগী মখা পোলহনখি। মসিনা মরম ওইদুনা, মহৈ-মরোং থাবগী মমলসু লেপ্তনা হেনগৎলকখি।
মরুপশিং,
লৌমীশিংগী লৌউ-শিংউগী থবকশিংবু অনৌবা তেক্নোলোজীগা পুনশিন্নবা, মখোয়বু অনৌবা ইরিগেসন মেথদশিংগা শম্নহন্নবা অমসুং মহৈ-মরোংশিংদসু কান্নবা ফংহন্নবা পান্দম থমদুনা ঐখোয়গী সরকারনা 'পর দ্রোপ, মোর ক্রোপ' পোলিসী শেমখি। খোঙথাং অসিগী খুত্থাংদা ঐখোয়না মাইক্রো-ইরিগেসন তেক্নোলোজীশিং হায়বদি দ্রিপ অমসুং স্প্রিংকলর সিস্তেমশিং লৌমীশিংদা হকথেংননা য়ৌহনখ্রে। মসিনা ইরিগেসনগী ইফিসিএন্সী হেনগৎহনবগা লোয়ননা ওপরেস্নেল কোস্ত হন্থহনখ্রে। ঙসিদি, সরকারনা অদোমগী লৌফমশিংদা সোলর পম্পশিং পীনবা থবক পায়খৎলি, অমসুং ঐখোয়গী হোৎনরিবদি দিজেলদা অদোমগী শেল থাদবা হন্থহন্নবা হোৎনবনি। সেন্ত্রেল গবর্নমেন্তনা শেমখিবা 'কুসুম স্কিম' অসি মপুং ফানা পান্দম অসিগীদমক্তা শেমখিবনি। ঙসিদি, লৌমী কয়ানা সোলর পম্পশিংবু ঈশিং য়োক্নবা শীজিন্নবতা নত্তনা মখোয়গী খুত্থাংদা ইলেক্ত্রিসিতী পুথোক্লি, মসিনা অহেনবা শেন্দোং ফংহল্লি। অমসুং মরম অসিনা ঐনা হায়রি: 'অন্নদাতা' (চানবা পুথোকপা মীওই) অসি 'উর্জাদাত' (ইনর্জী পীনবা মীওই) ওইহল্লু।
মরুপশিং,
ফর্তিলাইজর অমসুং পেস্তিসাইদশিংদা লৌমীশিংনা মখা পোনবা হন্থহন্নবা ঐখোয়না লেপ্পা লৈতনা হোৎনরি। কংগ্রেসকী ফত্তবা পোলিসীশিংগী মরমদা, লৈবাক অসিগী মরুওইবা ফর্তিলাইজর প্লান্ত মঙা থিংজিনখি। ঐখোয়না ফর্তিলাইজর প্লান্তশিং অসি অমুক হন্না হৌদোক্নবা খোঙথাংশিং লৌখৎখি। মসিগী মথক্তা, ঐখোয়না লৌমীশিংদা নেনো য়ুরিয়া খঙহন্নবা তোঙান তোঙানবা খোঙথাং কয়া পায়খৎলি। ঙসিদি, লৈবাক শিনবা থুংবগী লৌমীশিংনা খোঙথাংশিং অসিগী কান্নবা ফংলি। হৌজিক, বি.জে.পি-এন.দি.এ. সরকারনা লৈবাক অসিগী লৌমীশিংবু নেচরেল ফার্মিং শিজিন্ননবা পুক্নিং থৌগৎলি। লৌমীশিংনা নেচরেল ফার্মিংবু পাক-শন্না শিজিন্নরকপা মতমদা, লৈহাউ অসি ঙাক-শেনগনি, অমসুং ঐখোয়গী 'অন্নদাতাস' - চিঞ্জাক পুথোক্লিবশিংসু মালেমগী অৱাবা মায়োক্নবদা ঙাক-শেনগনি।
মরুপশিং,
নাকল অমরোমদা, বি.জে.পি.-এন.দি.এ. সরকারনা লৌমীশিংগী য়াইফনবা থবক পায়খৎলি, অমসুং ঐখোয়না লৈবাক অসিবু মশা-মরোমদোম লেপচবা ঙম্নবা হোৎনরি। অদুগা, অতোপ্পা নাকল অমরোমদা, কংগ্রেস পার্তীনা ঙসি অমুক হন্না লৈবাক অসিগী মায়কৈদা অশেংবা থাজবা লৈতে হায়বা উৎখ্রে। হৌজিক চত্থরিবা লানগী অৱাবা মরক্তা ফাওবা, কংগ্রেসনা অরানবা ৱাফমশিং শন্দোকপা অমসুং ফত্তবা প্রোপেগান্দা শরুক য়াবদা পুক্নিং চিংশিল্লি। অমসুং ঐহাক্না কংগ্রেস পার্তীগী ঐহাক্কী মরুপশিংদা হায়জনীংই মদুদি: ঐহাকপু মতেং পাংবীয়ু। পন্দিৎ নেহরুনা ওগস্ত ১৫দা রেদ ফোর্ত্তগী ঙাংখিবা ৱারোলশিং অদু তাবীয়ু। অদোম্না তাবদা অঙকপা পোক্কনি। ওগস্ত ১৫দা রেদ ফোর্ত্তগী পীখিবা ৱারোল অমদা পন্দিৎ নেহরুনা হায়খি মদুদি ভারত্তা পোৎচৈগী মমল হেনগৎলক্লিবা অসি অৱাং কোরিয়া অমসুং খা কোরিয়াগী মরক্তা চত্থরিবা লানগী মরমননি। অৱাং কোরিয়া অমসুং খা কোরিয়াগী মরক্তা লৈরিবা জিওগ্রাফিকেল দিস্তেন্স অদু খল্লু। অদুগা, নেহরুনা দোমেস্তিক ইনফ্লেসন ৱাংখৎলক্লিবা অসি কনফ্লিক্ত অদুদগীনি হায়না ফোংদোকখি। অমসুং ঙসিদি, কংগ্রেস পার্তীগী মেম্বরশিংনা লৈবাক অসিবু লান্না লমজিংবগী থবক তৌরি। মালেম পুম্বনা হৌজিক মালেমগী ওইবা অৱা-অনাগী অশেংবা শাফু অদু উবা ফংলি।
মরুপশিং,
.জে.পি.-এন.দি.এ. সরকারনা ঐখোয়গী রিফাইনরীশিং চাউখৎহন্নবা অমসুং মখোয়গী রিফাইনিং কেপাসিতী হেনগৎহন্নবা থবক পায়খৎলে। ঙসিদি, ভারত অসি মশাগী ইনর্জীগী মথৌ তাবা খক্তা নত্তনা মালেমগীসু মথৌ তাবশিং ফংহনবা ঙম্বা লৈবাক অমা ওইরে। অসামদা লৈরিবা রিফাইনরীশিং অসি হৌখিবা চহি খরা অসিদা পাকথোক চাউথোকহনখ্রে। অসাম য়াওনা অৱাং নোংপোক্কী মফম পুম্নমক্তা গ্যাস পাইপলাইন ইনফ্রাস্ত্রকচরদা মমাংদা অমুক্তা ওইখিদ্রিবা মওংদা শেন থাদরে। নুমালিগর-সিলিগুরী পাইপলাইনগী অপগ্রেদ তৌবগী থবকসু লোইশিনখ্রে। মসিগী মথক্তা, মালেমগী অহানবা সেকেন্দ-জেনেরেসন বাইও-ইথানোল প্লান্ত অসি অসামগী গোলাঘাত্তা লিংখৎখ্রে। হায়রিবা প্রোজেক্তশিং অসিনা লমদম অসিদা চাউনা কান্নবা ফংহল্লগনি।
মরুপশিং,
রেলৱেজনা মপান লৈবাক্কী লৈবাকশিংদা মখা পোনবা হন্থহন্নবা অমসুং ইম্পোর্ত তৌরিবা ওইলদা ঐখোয়না মখা পোনবা হন্থহন্নবা হৌখিবা চহি তরা অসিদা চাউনা থবক পায়খৎলে। হৌখিবা চহি ১০ অসিদা লৈবাক অসিগী রেলৱেজ নেৎৱার্ক পুম্নমক ইলেক্ত্রিক রুততা শম্নহনখ্রে। মসিগী মথক্তা, ঐখোয়না ১০০% ইলেক্ত্রিফিকেসনগী পান্দম অদু ফংনবা খোঙজেল য়াংনা চংশিল্লি। মসিগী ইলেক্ত্রিফিকেসন অসিগী মহৈ ওইনা লৈবাক অসিনা চাউরাক্না দিজল লিতর বিল্লিয়ন ১.৭৫ কনবা ঙম্লে। অসামগী রেলৱেজ নেৎৱার্কসু য়াম্না থুনা ইলেক্ত্রিফিকেসন তৌরি। তশেংনমক, লমদম অসিদা রেলৱেজ ইলেক্ত্রিফিকেসনগা মরী লৈনবা প্রোজেক্তশিং ঙসি শঙ্গাখ্রে অমসুং উরেপ উয়ুংসু তমখ্রে।
মরুপশিং,
রিন্যুএবল ইনর্জীগা মরী লৈননা লৈবাক অসিনা লৌখিবা অচেৎপা থৌদাংশিং অসি মপুং ফাহনবদা অসামনা অচৌবা থৌদাং লৌরি। লোয়র কোপিলী হাইদ্রো পাৱর প্রোজেক্ত অসিনা আসাম য়াওনা অৱাং-নোংপোক লমদম পুম্নমক কান্নবা ফংহল্লগনি। অমসুং খ্বাইদগী মরু ওইরিবদি, অসামদা হৌদোকখিবা করোর কয়াগী প্রোজেক্তশিং অসিনা রাজ্য অসিগী নহারোলশিংগীদমক্তা অনৌবা থবক ফংহন্নবা খুদোংচাবা পীরি অমসুং মসিগী চাউখৎপা হেনগৎহল্লি।
মরুপশিং,
বি.জে.পি.-এন.দি.এ.গী 'দবল ইঞ্জিন' সরকার অসি মসিগী সেন্সিতিবিতী অমসুং অফবা লৈঙাকপদা থাজবা অসিনা মশক তাক্লি। লম খুদিংমক্কী অমসুং লৈবাক অসিগী সেক্সন খুদিংমক্কী চাউখৎ-থৌরাং অসি ঐখোয়গী খ্বাইদগী মরুওইবনি। হায়রিবা ৱাখল্লোন অসিগা লোয়ননা, অসামগী চাগী লমদা থবক তৌরিবা ঐখোয়গী নাগরিকশিংগীদমক ঙসি চাউরবা খোঙথাং অমা হৌদোক্লে। মখোয়গী কন্না হোৎনবনা অসামগী মালেমগী মশক মগুন হেনগৎহনখি। অমসুং মখোয়গী চাগী অখন্নবা মগুননা মালেম শীনবা থুংনা ভারতকী মশক মগুনগী খুদম অমা ওইখি। বি.জে.পি-এন.দি.এ. সরকারনা ঙসি মখোয়বু ইকায় খুম্নবা অমসুং তেংবাং পীনবা হোৎনরি। মমাংগী কংগ্রেস সরকারশিংনা হায়রিবা শিন্মীশিং অসিবু মপুং ফানা কান্নবা পীখিদে; মখোয়না লৈরম্বা লম অদুগী লিগেল দোক্যুমেন্তশিং ফাওবা মখোয়দা লৈরমদে। ঐহাক্না হেমন্তজী অমসুং মহাক্কী তীম পুম্নমকপু থাগৎপা ফোংদোকচরি। নহাক্না চাগী বাগানগা মরী লৈনবা ইমুংশিং অসিগীদমক অচৌবা থবক অমা পাংথোক্লে। ঙসিদি, অসাম সরকারনা পুৱারী ওইরবা অরানবা অসি চুমথোক্নবা থবক পায়খৎলি। ইমুংশিং অসিনা হৌজিক মখোয়গী লম মপু ওইবা ফংলে, অমসুং মখোয়গীদমক পর্মিনেন্ত, কংক্রিৎ ওইবা য়ুমশিং ফংনবগী লম্বী অসি হাংদোক্লে। থৌরাং অসিনা মরুওইনা চাগী বাগানগী মফমশিংদা লৈবা নুপীশিংদা কান্নবা পীগনি। ঐহাক্না থম্মোয় শেংনা হায়জরি মদুদি হায়রিবা চাগী বাগানগী শিন্মীশিং অসিগী মচাশিংনা হৌজিক্তি মখোয়গী মহৈ-মশিং তম্নবা কন্না হোৎনগনি অমসুং মখোয় মশানা চাউখৎপগী লম্বী অমা য়াৎলগনি। মসিগীদমক, বি.জে.পি সরকারনা মখোয়বু মতেং পাংনবা মপুং ফাবা খুদোংচাবশিং শেমখ্রে। মসিনা মরম ওইদুনা চাগী বাগানগী শিন্মী খুদিংমক্না "অমুক হন্না বি.জে.পি সরকার অমা!" হায়না লাউরি। অমসুং ঐহাক্কী ওইনদি, হায়রিবা চাগী লমদা থবক তৌরিবশিং অসিবু ইকায় খুম্নবা উৎপসি ঐহাক্কী মশাগী শেন্দোন শিংদোকপগা মান্নৈ। অদোম্না মসিগী বাগানশিং অসিদা কন্না হোৎনবা নত্রগা হোৎনদবা হায়রিবা চাগী মনাশিং অসি গুজরাতকী ঐগী অরাপ্পা খুঙ্গংদা য়ৌরকখি। অমসুং ঐহাক্না ঙসি লৈরিবা ফম অসি য়ৌরকপা ঙমখিবা অসি হায়রিবা চা অসি য়োকখৎতুনা ওইখি। হৌজিক, ঐঙোন্দা হায়বিয়ু: করিগুম্বা ঐহাক্না হায়রিবা চাগী বাগানশিং অসিগী মীওইশিংগী য়াইফ-মঙ্গোল ফংলমদ্রবদি, ঐহাক অসি হৌজিক্কী থাক অসি য়ৌরক্লমগদ্রা? হায়রিবা বাগানশিং অসিদগী থারকপা চা অসিনা ঐঙোন্দা য়ৌহনখি, অমসুং ঙসিদি, ঐহাক্না মফম অসিদা অদোমগী মরক্তা লৈদুনা অদোমদা য়ৌহনখ্রে। অমসুং ইমা কামাখ্যাগী অপুনবা করম্না ঐঙোন্দা ঙসি চাগী বাগানগী ঐহাক্কী ইচিল-ইনাওশিংগী মফমদা ঐহাক্কী শেন্দোন অদু শীংদোকচবগী খুদোংচাবা ফংজরি।
মরুপশিং,
ঙসিদগী হৌরগা, মমিং লৈরবা নিমতি ঘাত অমসুং বিশ্বনাথ ঘাত্তা মোদর্ন ক্রুজ তর্মিনেলশিং শাবগী থবকসু হৌখ্রে। মসি ইনফ্রাস্ত্রকচর প্রোজেক্ত খক্তা নত্তে, মসি আসামগী তুরিজম অমসুং লোকেল ইকোনোমীদা অনৌবা মায়কৈ অমা পীনবা খোংথাং অমনি। বি.জে.পি. সরকারনা তুরিজম অসি মফমশিং খক্তা য়েংবদা য়ুম্ফম ওইহন্দ্রে। মসিগী মহুত্তা মসি থবক ফংহন্নবা অমসুং চাউখৎপা পুরক্নবা মরুওইবা লম্বী অমনি হায়না লৌই। অসিগুম্লবা ৱাখল্লোন অসিনা লমজিংদুনা, ব্রহ্মপুত্রা তুরেলগী ঈশিংগী ওইবা তুরিজমগী ওইথোকপা য়াবশিং হেনগৎহন্নবা হোৎনরি। ক্রুজ তর্মিনেলশিং অসি শাবনা ব্রহ্মপুত্রদা ক্রুজ ওপরেসনশিং হেনগৎহল্লগনি। মসিনা অসামদা লৈবাক অসিগী অমসুং মালেমগী তুরিস্তশিংনা হেন্না লায়না চঙবা ঙম্লগনি। ক্রুজ তুরিজম পাকথোক চাউথোক্লকপগা লোয়ননা, মফম অদুগী নহারোলশিংগীদমক্তা অনৌবা থবক ফংহন্নবগী খুদোংচাবশিং থোরক্কনি। আর্তিসানশিং অমসুং খুৎ-শা হৈবগী লমদা থবক তৌরিবশিংনা অনৌবা কৈথেলশিং ফংলগনি। মসিগী মথক্তা, অপীকপা দুকান লৈবা মীওইশিং, বোটমেনশিং অমসুং হোস্পিতাল অমসুং ত্রান্সপোর্ত সেক্তরগা মরী লৈনবা মীওইশিংগী ইনকমসু হেনগৎলকপা উবা ফংলগনি। তঙাইফদনা, অসামগী তুরিজম অসি লেজর ত্রেবেল খক্তদা য়ুম্ফম ওইদ্রে। মসি লোকেল দিবেলপমেন্ত অমসুং মীয়ামগী য়াইফনবা অনৌবা মপাঙ্গল লৈবা ইঞ্জিন অমা ওইরক্লি।
মরুপশিং,
ঙসিদি, অসাম অসি ঐখোয়গী অৱাং নোংপোক্কী অনৌবা তুংলমচৎকী মোদেল অমা ওইরক্লি - ঐখোয়গী 'অশতলক্ষ্মী' (লনগী লাইরেম্বী ৮) । মফম অসিদা উবা ফংলিবা খুমাং চাউশিল্লকপনা অৱাং নোংপোক লমদম পুম্বদা অনৌবা থৌনা অমা পীরগনি। হৌখিবা চহি তরা অসিদা বি.জে.পি-এন.দি.এ. সরকারনা অসামদা পুরকখিবা অহোংবা অসি হৌজিক য়ুম্লোন্নরিবা ৱেস্ত বেঙ্গল রাজ্যদসু উবা ফংলি। মফম অদুগী মীয়াম্নাসু বি.জে.পি-এন.দি.এ.না মফম অসিদা পীরিবা অফবা লৈঙাক অসিগা মান্নবা পাম্মি। মরম অদুনা, অসামগী নহারোল খুদিংমক্তা অমসুং ইমুং খুদিংমক্তা ঐহাক্না হায়জরি মদুদি ঐখোয়গা খুৎশম্নদুনা ‘চাউখৎলবা অসাম' অমগী মায়কৈদা থবক তৌমিন্নসি। মসিনা অসাম অসি লৈবাক পুম্বগীদমক মোদেল স্তেৎ অমা ওইহল্লগনি। অসিগুম্বা আপিল অসিগা লোয়ননা- অমসুং ইকাই খুম্নরবা মুখ্য মন্ত্রী পুম্নমক্না থৌরম অসিদা ঐখোয়গী মরক্তা শরুক য়াদুনা লৈরিবা অসিদা খুদোংচাবা অসি লৌদুনা- ঐনা মখোয়দা অকক্নবা ৱাফম অমা হায়জবা পাম্মি: মফম অসিদা হৌদোকখিবা 'পি.এম. একতা মোল'গী মতাংদা, ঐনা অদোমদা হায়জরি মদুদি মসিগী ফেসিলিতী অসিগী মনুংদা অদোমগী রাজ্যশিংগী পোৎথোকশিং উৎনবা অমসুং য়োনবগী থৌরাং তৌবীয়ু। মফমসিদা মফম খরা শেন্নবিয়ু। করিগুম্বা অসামগী মীওই অমনা কেরলাদগী পোৎশক অমা লৈবা পাম্লবদি, মফমসিদা ফংহনগদবনি। করিগুম্বা মহাক্না মহারাস্ত্রদগী পোৎশক অমা পাম্লবদি, মফমসিদা ফংহনগদবনি। করিগুম্বা মহাক্না গুজরাত নত্ত্রগা রাজস্থানদগী পোৎশক অমা পাম্লবদি, মফমসিদা ফংহনগদবনি। তঙাইফদনা, মসিগী মোল অসিনা ঐখোয়গী লৈবাক অপুনবগী অপুনবগী অহিঙবা মশক অমা ওইনা মথৌ তৌগদবনি। মোল অসিদা ভারতকী রাজ্য খুদিংমক্কী মীওইশিং য়াওগদবনি, অসামগী জিলা খুদিংমক্কী মীওইশিং য়াওগদবনি। 'ৱান দিস্ত্রিক্ত, ৱান প্রদক্ত'কী খোঙথাং অসিগী খুত্থাংদা 'একতা মোল'দা চঙলকপা মীওই খুদিংমক্না ভারত পুম্ববু মফম অমগী মখাদা থেংনরে হায়না ফাওহনগদবনি। অসামগী লৈমায়দগী হৌরকপা ৱাখল্লোন অসিনা লৈবাক পুম্বগীদমক মোদেল অমা ওইগনি অমসুং অসিগুম্বা 'একতা মোল' অসি লৈবাক অসিগী রাজ্য খুদিংদা মায় পাক্না লিংখৎলগনি হায়না ঐহাক্না থাজবা থম্লি। ঐহাক্না অমুক্কা হন্না অদোম পুম্নমকপু মসিগী তোঙান তোঙানবা চাউখৎ-থৌরাংগী প্রোজেক্তশিং অসি মাই পাক্না পায়খৎনবা য়াইফ-পাউজেল পীজরি। ঐহাক্না অমুক্কা হন্না, লৈবাক শিনবা থুংনা লৈরিবা ঐখোয়গী লৌমী ইচিল-ইনাও পুম্নমক্তা, মসিগী থৌরম অসিদা ঐখোয়গী মরক্তা শরুক য়াবীরিবা অসিগীদমক ঐহাক্কী থাগৎপা ফোংদোকচরি। অরোইবদা, নবরাত্রিগী য়াইফরবা কুমহৈ অসি নুমিৎ খরনিগী মতুংদা হৌগদৌরি। ঐহাক্না ইমা কামাখ্যাগী মফমদা হায়জরি মদুদি মহাক্না ঐখোয়গী লৈবাক অসিগী নাগরিক পুম্নমক্কী মফমদা মহাক্কী থৌজালগী মঙাল অসি মখা তানা পীরকপা ওইরসনু। মসিনা ঐখোয়দা খুদোংচাদবা খুদিংমক মায়োক্নবদা অমসুং অনৌবা থাজবা অমসুং থৌনাগা লোয়ননা মাংলোমদা চংশিনবদা মতেং পাংগনি। ময়াম পুম্নমকপু ঐহাক্না য়াইফ-পাউজেল পীজরি।
ভারত ইমানা য়াইফরে!
ভারত ইমানা য়াইফরে!
ভারত ইমানা য়াইফরে!
বন্দে মাতরম!
বন্দে মাতরম!
বন্দে মাতরম!
বন্দে মাতরম!
বন্দে মাতরম!
বন্দে মাতরম!
বন্দে মাতরম!
বন্দে মাতরম!
