প্রধান মন্ত্রী শ্রী নরেন্দ্র মোদীনা ঙসি নই দিল্লীদা ইন্দিয়ন এগ্রিকলচরেল রিসর্চ ইন্সতিত্যুৎতা পাংথোকপা অখন্নবা কৃষি প্রোগ্রাম অমদা শরুক য়াখ্রে। প্রধান মন্ত্রীনা মীয়ামগী থৌরম অসিদা শরুক য়াদ্রিঙৈ মমাংদা লৌমীশিংগা ৱারী শানখি।
প্রধান মন্ত্রীনা লৌউ-শিংউগী সেক্তরদা লুপা করোর ৩৫,৪৪০গী আউৎলেগা লোয়ননা অচৌবা স্কিম অনি হৌদোকখি। মহাক্না লুপা করোর ২৪,০০০গী আউৎলে ওইবা পি.এম. ধন ধান্য কৃষি য়োজনা হৌদোকখি। মহাক্না লুপা করোর ১১,৪৪০গী আউৎলেগা লোয়ননা মিসন ফোর আত্মনির্ভর ইন পলজেস হৌদোকখি। প্রধান মন্ত্রীনা লৌউ-শিংউ, শা-ষন য়োকপা, ঙা য়োকপা অমসুং ফুদ প্রোসেসিং সেক্তরদা লুপা করোর ৫,৪৫০গী প্রোজেক্তশিং লৈবাক মীয়ামদা কত্থোকখি। মহাক্না লুপা করোর ৮১৫গী অহেনবা প্রোজেক্তশিংগী উরেপ উয়ুংসু তমখি।
লৈবাক মীয়ামদা ৱা ঙাংলদুনা প্রধান মন্ত্রীনা হায়খি, "ঙসি ভারতকী দিমোক্রেসীগী মওং-মতৌ অমসুং খুঙ্গংগী চাউখৎ-থৌরাংবু নৌনা মশক তাকখিবা, মা ভারতীগী শক্নাইরবা মচা অনিগী মপোক কুমওননি। জয়প্রকাশ নারায়নজী অমসুং নানাজী দেশমুখজী অসি রুরেল ইন্দিয়াগী ভোইসশিংনি অমসুং মখোয়গী পুন্সিশিং অসি লৌমীশিং অমসুং শোত্থরবা মীওইশিংবু মপাঙ্গল কনখৎহন্নবা কত্থোকখি।"
মরুওইবা থৌরম অদু পল্লদুনা প্রধান মন্ত্রীনা হায়খি মদুদি প্রধান মন্ত্রী ধন-ধান্য কৃষি য়োজনা অমসুং দলহন আত্মনির্ভরতা মিসন (পলস সেল্ফ রিলায়েকজন্স মিসন) অসি মশা-মরোমদোম লেপচবা, খুঙ্গংশিংদা শক্তি পীবা অমসুং লৌউ-শিংউদা অনৌবা খোঙথাং অমা হৌদোক্নবা দিজাইন তৌবনি। মসিনা লৈবাক অসিগী লৌমী করোর কয়াদা হকথেংননা কান্নবা ফংহল্লগনি। শ্রী মোদীনা হায়খি, “ভারত সরকারনা লৌমীশিংগী শেন্থোক শরুক অনি হেনগৎহন্নবা অমসুং লৈবাক অসিগী ওইনা ফুদ অমসুং ন্যুত্রিসন সেক্যুরিতী ফংহন্নবা মহাক্কী অচেৎপা ফিরেপ অদু উৎতুনা থৌরাংশিং অসিদা লুপা করোর ৩৫,০০০ হেন্না শেল থাদগনি”।
ভারতকী চাউখৎ-থৌরাংগী খোঙচৎতা লৌউ-শিংউ অমসুং ফার্মিংনা মতম পুম্নমক্তা মরু ওইবা থৌদাং লৌরি হায়না প্রধান মন্ত্রীনা অকনবা ৱাফম থমখি। লৈবাক মীয়ামদা ৱা ঙাংলদুনা, প্রধান মন্ত্রীনা মমাংগী সরকারশিংগী মতমদা লৌউ-শিংউগী সেক্তরদা মতম শাংনা মীৎয়েং চংখিদবা অদু নীংশিংখি অমসুং ভারতকী লৌমীশিংবু মপাঙ্গল কনখৎহন্নবা মহাক্কী ফিরেপ অদু অমুক হন্না ফোংদোকখি। মহাক্না হায়খি মদুদি ২১শুবা চহিচাগী য়াম্না থুনা চাউখৎলক্লিবা ভারতনা মপাঙ্গল কনবা অমসুং রিফোর্ম তৌরবা লৌউ-শিংউগী পথাপ অমা মথৌ তাই, অমসুং মসিগী অহোংবা অসি মহাক্কী সরকারগী মখাদা ২০১৪গী মতুংদা হৌখি। “ঐখোয়না মমাংগী মতমগী মীৎয়েং চংদবা অদুদগী থাপতোকখি। ঐখোয়গী লৌমীশিংগী কান্ননবগীদমক্তা ঐখোয়না মরু-মরাংদগী হৌরগা কৈথেল ফাওবদা পাক-শন্না রিফোর্মশিং পায়খৎলে। হায়রিবা রিফোর্মশিং অসি পোলিসীগী অহোংবা খক্তমক নত্তে। মখোয়শিং অসি ভারতকী লৌউ-শিংউবু মোদর্ন, সস্তেনেবল অমসুং রেসিলিয়েন্ত ওইহন্নবা পান্দম থম্লিবা স্ত্রকচরেল ইন্তরভেন্সনশিংনি," হায়না শ্রী মোদীনা ফোংদোকখি।
প্রধান মন্ত্রীনা হায়খি মদুদি হৌখিবা চহি ১১দা ভারতকী লৌউ-শিংউগী এক্সপোর্ত অসি শরুক অনি হেনগৎলে। চেং-হৱাই পুথোকপা অসি চাউরাক্না মেত্রিক তন মিলিয়ন ৯০ হেনগৎলে। উহৈ অমসুং মনা-মশীংগী পোত্থোক পুথোকপা অসি মেত্রিক তন মিলিয়ন ৬৪ হেনগৎলে। ঙসিদি ভারতনা শঙ্গোম পুথোকপদা মালেমদা অহানবা মফমদা লৈরে অমসুং মালেমগী ওইনা খ্বাইদগী চাউবা ঙা পুথোকপা অনিশুবা লৈবাক ওইরি। ২০১৪গা চাংদম্নবদা খোহী পুথোকপগী চাং শরুক অনি হেনগৎখ্রে অমসুং য়েরুম পুথোকপগী চাংসু চপ মান্নবা মতম অসিদা শরুক অনি হেনগৎখ্রে।
মহাক্না মখা তানা হায়খি মদুদি মতম অসিদা লৈবাক অসিদা মরুওইবা ফর্তিলাইজর প্লান্ত তরুক লিংখৎখ্রে। লৌমীশিংদা সোইল হেল্থ কার্দ করোর ২৫ হেন্না য়েন্থোকখ্রে। মাইক্রো-ইরিগেসনগী খুদোংচাবশিং অসি লৌউ-শিংউগী লম হেক্তর লাখ ১০০দা য়ৌহনখ্রে। প্রধান মন্ত্রী ফাসল বিমা য়োজনাগী মখাদা লৌমীশিংদা লুপা করোর লাখ ২গী ইন্সুরেন্স ক্লেম পীখ্রে।
হৌখিবা চহি ১১দা, লৌমীশিংগী মতেং পীনবা অমসুং মার্কেৎ এক্সেস হেনগৎহন্নবা ফার্মর প্রদ্যুসর ওর্গনাইজেসন (এফ.পি.ও.) ১০,০০০ হেন্না শেমখ্রে।
প্রধান মন্ত্রীনা হায়খি মদুদি মহাক্না লৌমীশিং, ঙামীশিং অমসুং লৌউ-শিংউগী লমদা থবক তৌরিবা নুপীশিংগা ৱারী শানবদা মতম কাইথোকখি। মহাক্না মখোয়গী এক্সপরিয়েন্স অমসুং ইনসাইৎশিং অদু তাখি অমসুং অসিগুম্বা ইন্তরেক্সনশিং অসিনা ভারতকী লৌউ-শিংউদা থোক্লিবা অশেংবা ত্রান্সফোর্মেসন অদু উৎলি হায়না মহাক্না পনখি।
প্রধান মন্ত্রীনা হায়খি মদুদি লৈবাক অসিগী হৌজিক লৈরিবা ৱাখল্লোন অসি হৌজিক্তি অকক্নবা মাইপাকপশিং অদুদা য়ুম্ফম ওইদ্রে। ভারত অসি চাউখৎলবা লৈবাক অমা ওইগদবদি, সেক্তর খুদিংমক্তা লেপ্পা লৈতনা ফগৎপা অমসুং খুমাং চাউশিনবা তঙাইফদে হায়না মহাক্না অকনবা ৱাফম থমখি। মসিগী ৱাখল্লোন অসিগা লোইননা পি.এম. ধন-ধান্য কৃষি য়োজনা হৌদোকখি।
প্রধান মন্ত্রীনা হায়খি মদুদি অনৌবা লৌউ-শিংউগী খোঙথাং অসিনা এস্পিরেস্নেল দিস্ত্রিক্ত প্রোগ্রামগী মাইপাকপদগী ইথিল লৌরি। মমাংগী সরকারশিংনা লৈবাক অসিগী দিস্ত্রিক্ত চাম্মরোমবু মতৌ করম্না "বেকৱার্দ" হায়না লাউথোকখিবগে অমসুং মদুগী মতুংদা মখোয়বু চাউনা মীৎয়েং চংদনা থমখিবা অদু মহাক্না নীংশিংখি। মসিগী ওন্ন-তৈনবদা, মহাক্কী সরকারনা হায়রিবা দিস্ত্রিক্তশিং অসিদা মীৎয়েং চংবা অমসুং দাইনামিক ওইবা থৌওং অমদা মীৎয়েং থম্নবা খনখি অমসুং মখোয়বু "এস্পিরেস্নেল দিস্ত্রিক্তশিং" হায়না অমুক হন্না মশক তাকখি।
মহাক্না দিস্ত্রিক্তশিং অসিদা অহোংবা পুরক্নবগীদমক্তা পুনশিন্নবা, পুন্না থবক তৌমিন্নবা অমসুং অথোই-অহেন তান্নবগী স্ত্রেতেজী অদু শন্দোক্না তাকখি। শ্রী মোদীনা হায়খি, "সবকা প্রয়াস"কী ৱাখল্লোনগী মখাদা হোৎনরিবশিং অসি অমত্তা ওইনা পুনশিনখি অমসুং দিস্ত্রিক্তশিংগী মরক্তা অফবা মওংদা চাংদম্ননবা মোদেল অমা পুক্নিং থৌগৎতুনা হেন্না থুনা চাউখৎপা পুরক্নবা হোৎনখি”।
মন্ত্রীনা হায়খি মদুদি হায়রিবা জিলা ১০০+ অসিদা চাউরাক্না খুঙ্গং চাদা ২০দি নীংতম্লবা মতুংদগী লম্বী অমত্তা উখিদে। “ঙসিদি, এস্পিরেস্নেল দিস্ত্রিক্ত প্রোগ্রামগী মীৎয়েং চংদুনা থবক পায়খৎপদগী, খুঙ্গংশিং অসিগী অয়াম্বদি নোংজু-নুংশা খাইদনা চৎপা য়াবা লম্বীশিংগা শম্নহল্লে," হায়না শ্রী মোদীনা মখা তাখি। মহাক্না হেল্থকেয়র দেলিভরীদা ফগৎলকপা অদুসু পনখি। প্রোগ্রাম অসিগী অহৌবদা, দিস্ত্রিক্তশিং অসিদা লৈবা অঙাংশিংগী চাদা ১৭না বেসিক ইম্ম্যুনাইজেসনগী কভরেজকী ৱাংমদা লৈরমখি। হৌজিক, অঙাংশিং অসি অয়াম্বদি মপুং ফানা ইম্ম্যুনাইজেসন কভরেজকী মখাদা লৈরে। “হায়রিবা দিস্ত্রিক্তশিং অসিগী স্কুল চাদা ১৫ হেনবদা ইলেক্ত্রিসিতী লৈতে। ঙসি অসিগুম্বা স্কুল খুদিংমক্তা মৈগী কনেক্সন ফংহল্লে, মসিনা অঙাংশিংগীদমক্তা হেন্না কনদ্যুসিব ওইবা লর্নিং এনভাইর্নমেন্ত অমা লৈহল্লে," হায়না শ্রী মোদীনা ফোংদোকখি।
মহাক্না হায়খি, মাইপাকপশিং অসি দিবেলপমেন্ত মোদেল অমগী দাইরেক্ত রিজল্তনি। মসি কনভর্জেন্স, কোলাবোরেসন অমসুং কম্পিতিসনদা য়ুম্ফম ওইরি। দিপার্তমেন্তশিংগী মরক্তা কোওর্দিনেৎ তৌদুনা হোৎনবশিং অমসুং নাগরিকশিংগী এক্তিব পার্তিসিপেসননা ময়েক শেংবা মহৈ ফংহল্লি।
শ্রী মোদীনা হায়খি পি.এম. ধন-ধান্য কৃষি য়োজনাগী ইথিল অসি এস্পিরেস্নেল দিস্ত্রিক্ত মোদেলগী মাইপাকপদগী লাকপনি। “হায়রিবা জিলা ১০০ অসি মরুওইবা পেরামিতর অহুমদা য়ুম্ফম ওইদুনা খনগৎপা অসি কুপ্না খন্নদুনা পাংথোকখি। অহানবদা, লম য়ুনিৎ অমদা লৌউ-শিংউগী পোত্থোক্কী থাক। অনিশুবদা, চহি অমগী মনুংদা চপ মান্নবা মফমদা মহৈ-মরোং কয়ারক থাবগে। অহুমশুবদা, লৌমীশিংগীদমক ইন্সতিত্যুস্নেল লোন নত্ত্রগা ইনভেস্তমেন্ত ফেসিলিতীশিং ফংহনবা অমসুং পাকথোক চাউথোকপা হায়বা অসিনি” হায়না শ্রী মোদীনা ফোংদোকখি।
ঐখোয়না “৩৬ কা আঙ্করা” হায়বা ৱাহৈ অসি তোইনা তাখি, মসিনা পার্তী অনি অসি অমগা অমগা য়ানদ্রে হায়বা তাকই। অদুবু সরকার অমা ওইনা, ঐখোয়না অসিগুম্বা ৱাখল্লোনশিং অসি শীংনরি অমসুং মখোয়শিং অদু রিভর্স তৌরি," হায়না শ্রী মোদীনা ফোংদোকখি। পি.এম. ধন-ধান্য কৃষি য়োজনাগী মখাদা ঐখোয়না তোঙান তোঙানবা সরকারগী স্কিম ৩৬বু পুনশিন্নদুনা অপুনবা অমসুং কোওর্দিনেৎ ওইবা মওংদা পুনশিন্নরি হায়না মহাক্না ফোংদোকখি। নেস্নেল মিসন ওন নেচরেল ফার্মিং ওইগেরা, ইফিসেন্ত ইরিগেসনগীদমক "পর দ্রোপ মোর ক্রোপ" কেম্পেন ওইগেরা, নৎত্রগা ওইলসীদ প্রদক্সন হেনগৎহন্নবা ওইলসীদস মিসন ওইগেরা। অসিগুম্বা খোঙথাং কয়া অমা শা-ষন চাউখৎহনবদা অখন্নবা মীৎয়েং থমদুনা অমত্তা ওইনা পুনশিল্লি। “পি.এম. ধন-ধান্য কৃষি য়োজনাগী মখাদা, লমদমসিগী ওইবা শা-ষনগী হেল্থ কেম্পেনশিংসু গ্রাসরুতকী থাক্তা লেপ্পা লৈতনা য়েংশিন্নবা অমসুং লায়নাশিংদগী ঙাকথোক্নবা হৌদোক্লগনি," হায়না শ্রী মোদীনা হায়খি।
প্রধান মন্ত্রীনা অমুক হন্না ফোংদোকখি মদুদি এস্পিরেস্নেল দিস্ত্রিক্তস প্রোগ্রামগী মতৌগুম্না পি.এম. ধন-ধান্য কৃষি য়োজনা অসি লৌমীশিংদা খক্তা নত্তনা লোকেল গভর্নমেন্ত ওফিসিএলশিং, মরু ওইনা জিলা খুদিংগী দিস্ত্রিক্ত মেজিস্ত্রেৎ নৎত্রগা কল্লেক্তরগী মথক্তা অচৌবা থৌদাং অমা পীরি। স্কিম অসিগী দিজাইননা ফ্লেক্সিবিলিতীগী খুদোংচাবা পীদুনা দিস্ত্রিক্ত খুদিংমক্কী অখন্নবা মথৌ তাবশিংগী মতুং ইন্না প্লানিং শেম্বা য়াহল্লি। "মরম অদুনা, ঐহাক্না লৌমীশিং অমসুং জিলাগী লুচিংবশিংবু মফম অদুগী লৈহাও অমসুং অইং-অশাগী ফিভমগা চুনবা জিলাগী থাক্তা এক্সন প্লানশিং শেম্নবা তকশিনজরি," হায়না শ্রী মোদীনা অকনবা ৱাফম থমখি।
শ্রী মোদীনা হায়খি মদুদি দলহন আত্মনির্ভর ভারত মিসন অসি হৱাই পুথোকপা হেনগৎহনবতা নত্তনা লৈবাক অসিগী তুংগী মীরোলশিংবুসু মপাঙ্গল কনখৎহন্নবা পান্দম থম্লি। প্রধান মন্ত্রীনা হায়খি মদুদি ভারতকী লৌমীশিংনা হন্দক্তা গেহু অমসুং চেংনচিংবা মহৈ-মরোংশিং পুথোকপদা রেকোর্দ থম্বা ঙমখ্রে। মসিনা ভারতপু মালেমগী খ্বাইদগী মকোক থোংবা মহৈ-মরোং পুথোক্লিবশিংগী মরক্তা থুংহল্লে। “অদুম ওইনমক, সস্তেনেন্সকীদমক্তা য়াম অমসুং চেং খক্তদগী হেন্দোক্না য়েংবগী তঙাইফদবা লৈ। হায়রিবা মরুওইবা চিঞ্জাকশিং অসিনা চাকলাম্বা কোকহনবা ঙম্মী, অদুবু মতিক চাবা ন্যুত্রিসনগীদমক্তদি মখল কয়াগী চিঞ্জাক চাবা মথৌ তাই। প্রোতিন, মরুওইনা ভারতকী য়াম্লবা ভেজিতরিয়ন পোপুলেসনগী ওইনা হকচাং অমসুং ৱাখলগী চাউখৎপদা য়াম্না মরু ওইবা থৌদাং অমা লৌই। হৱাই অসি পাম্বীদা য়ুম্ফম ওইবা প্রোতিনগী খ্বাইদগী মরুওইবা সোর্স অমা ওইরি," হায়না শ্রী মোদীনা ফোংদোকখি।
“দলহন আত্মানির্ভরতা মিসননা হায়রিবা শীংনবশিং অসি থেংননবা হোৎনরিবা অসি দোমেস্তিক পলস পুথোকপা হেনগৎহন্দুনা ন্যুত্রিসনেল সেক্যুরিতী অমসুং মশা-মরোমদোম লেপচবা হেনগৎহনবনি” হায়না মহাক্না ফোংদোকখি। লুপা করোর ১১,০০০ হেনবগী শেনফমগা লোইননা দলহন আত্মানির্ভরতা মিসননা লৌমীশিংদা চাউনা মতেং পাংগনি হায়না মহাক্না অকনবা ৱাফম থমখি। শ্রী মোদীনা হায়খি মদুদি পান্দমদি পলস কলতিভেসনদা হেক্তর লাখ ৩৫ হেনগৎহনবনি। মিসন অসিগী মখাদা তুর, উরাদ অমসুং মাসোর পলস পুথোকপা হেনগৎহল্লগনি অমসুং পলস প্রোক্যুর তৌনবগী মতিক চাবা পথাপ অমা লৈহল্লগনি। মসিনা লৈবাক শিনবা থুংনা লৈরিবা পলস ফার্মর করোর অনিরোমদা হকথেংননা কান্নবা ফংহল্লগনি।
প্রধান মন্ত্রী শ্রী নরেন্দ্র মোদীনা সরকারনা লৌমীশিংগী য়াইফ-থৌরাংগীদমক অচেৎপা ফিরেপ অদু অমুক হন্না ফোংদোকখি। মহাক্না মখোয়বু চাউখৎলবা ভারত অমগী য়ুম্ফম ওইবা য়ুম্বী মরিগী মনুংদা অমা ওইনা ফোংদোকখি। মহাক্না হায়খি মদুদি হৌখিবা চহি ১১ অসিদা সরকারনা লৌমীশিংবু শক্তি লৈহন্নবা অমসুং লৌউ-শিংউদা শেল থাদবা হেনগৎহন্নবা লেপ্পা লৈতনা হোৎনরি। হায়রিবা মতম অসিদা এগ্রিকলচরগী বজেৎ অসি শরুক তরুক হেনগৎলকপদা মসিগী প্রাইওরিতি অসি ময়েক শেংনা উবা ফংই।
প্রধান মন্ত্রীনা অকনবা ৱাফম থমখি মদুদি হেনগৎলক্লিবা বজেৎ অসিনা মরুওইনা ভারতকী লৌউ-শিংউগী য়ুম্বী ওইরিবা অপীকপা অমসুং মর্জিনেল লৌমীশিংদা কান্নবা পীরি। খুদম অমা পীরদুনা মহাক্না লৈবাক মীয়ামদা নীংশিংখি মদুদি ভারতনা মখোয়গী লৌমীশিংদা মতেং পাংনবা অমসুং মখোয়গী ইনপুত কোস্ত হন্থহন্নবা ফর্তিলাইজরদা চাউনা সবসিদী পীরি। অসিগুম্বা পোলিসী অসি লৌউ-শিংউগী লম অসি তুং কোইনা চৎনহন্নবা, পোত্থোক পুথোকপা ঙম্নবা অমসুং মীপুম খুদিংমক্কী কান্নবা ফংহন্নবা হোৎনরিবা অসিগী শরুক অমনি।
মহৌশাদগী লৌউ-শিংউগী ৱাংমদা খুদোংচাবশিং পাকথোক-চাউথোকহন্দুনা লৌমীশিংগী শেন্থোক হেনগৎহন্নবা সরকারনা অচেৎপা ৱাফম থম্লদুনা শ্রী নরেন্দ্র মোদীনা হায়খি মদুদি শা-ষন য়োকপা, ঙা য়োকপা অমসুং খোই য়োকপা অসি মরুওইনা অপীকপা অমসুং লম লৈতবা লৌমীশিংদা অহেনবা শেন্থোক্কী সোর্সশিং ফংহন্নবা থৱায় য়াওনা থবক পায়খৎলি।
হৱাই পুথোকপগী সেক্তর অসি মাইপাকপগী ৱারী অমনি হায়না পল্লদুনা প্রধান মন্ত্রীনা হায়খি মদুদি হৌখিবা চহি ১১ অসিদা ভারতকী হৱাই পুথোকপা শরুক অনি হেনগৎলে। মহাক্না মখা তারদুনা হায়খি মদুদি চহি ৬-৭গী মমাংদা খোহী এক্সপোর্ত অসি লুপা করোর ৪৫০ রোম ওইরম্মি, হৌজিক্তি মসি লুপা করোর ১৫০০ হেনখ্রে। এক্সপোর্ত্তা য়াম্না চাউনা হেনগৎলকপা অসিনা লৌমীশিংদা হকথেংননা লাকপা ইনকম শরুক অহুম হেনগৎহল্লি। মসিনা এগ্রিকলচরেল দাইভর্সিফিকেসন অমসুং ভেল্যু এদিসনগী মশক থোকপা কান্নবশিং উৎলি হায়না মহাক্না হায়খি।
আত্মনির্ভর অমসুং চাউখৎপা ভারত অমগীদমক মখোয়বু মরু ওইবা দ্রাইভর ওইহল্লিবা ইন্নোবেসন, ইনভেস্তমেন্ত অমসুং মার্কেৎ এক্সেসকী থোংদা লৌমীশিংবু মপাঙ্গল কনখৎহন্নবা সরকারনা মীৎয়েং থম্লিবা অদু প্রধান মন্ত্রীনা অমুক হন্না ফোংদোকখি।
শ্রী মোদীনা ভারতকী লৌউ-শিংউ অমসুং খুঙ্গংগী চাউখৎ-থৌরাংদা অহোংবা পুরকপদা নুপীশিংনা লৌরিবা থৌদাংবু থাগৎপা ফোংদোকখি। মহাক্না হায়খি মদুদি মহৈ-মরোং থাবদা ওইরবসু, শা-ষন য়োকপদা ওইরবসু, নৎত্রগা নেচরেল ফার্মিংদা ওইরবসু, নুপীশিংনা খুঙ্গংগী শেন্মিৎলোনদা মরুওইবা লুচিংবশিং ওইনা থোরক্লি। মহাক্না সরকারনা হৌজিক চত্থরিবা কেম্পেন অমা ওইনা লৌউ-শিংউগী সেক্তরদা হকথেংননা মতেং পাংলিবা শক্তি লৈবা থৌশিল অমা ওইনা করোর অহুমগী 'লাখপতি দিদী' শেমগৎনবা হায়খি। ভারতকী খুঙ্গংশিংদা নমো দ্রোন দিদিশিং থোরকপা অসি য়াম্না মশক থোকপা খুদম অমনি। মখোয়না হৌজিক্তি হার অমসুং তিলহাৎ হীদাক চাইনবগীদমক দ্রোন তেক্নোলোজী শীজিন্নরি। ইন্নোবেসন অসিনা লৌউ-শিংউগী ইফিসিএন্সী হেনগৎহনবতা নত্তনা খুঙ্গংগী নুপীশিংগীদমক্তা শেল-থুমগী অনৌবা লম্বীসু ফংহল্লে," হায়না শ্রী মোদীনা ফোংদোকখি।
নেচরেল ফার্মিং প্রমোৎ তৌবদা নুপীশিংগী মরুওইবা থৌদাং অদুসু প্রধান মন্ত্রীনা ফোংদোকখি। “ সস্তেনেবল এপ্রোচ অসিবু সপোর্ত তৌনবা দেদিকেতেদ ক্লাস্তর ১৭,০০০ হেন্না লিংখৎখ্রে। মসিগী মথক্তা, ত্রেনিং ফংলবা "কৃষি সখী" ৭০,০০০ রোম্না লৌমীশিংদা মহৌশাগী ওইবা অমসুং অকোইবগী ফ্রেন্দলী ওইবা লৌউ-শিংউগী থৌওং শীজিন্ননবা লমজিং-লমতাকপীরি," হায়না শ্রী মোদীনা মখা তাখি।
মহাক্না অমুক হন্না হায়খি মদুদি লৌউ-শিংউদা নুপীশিংদা শক্তি পীনবা অসি খুন্নাইগী ৱায়েল-পথাপকী ৱাফম খক্তা নত্তে, মসি মোদর্ন, মশা-মরোমদোম লেপচবা অমসুং চাউখৎপা খুঙ্গংগী ভারত অমা ওইহন্নবা স্ত্রেতেজিক ওইবা খোংথাং অমনি।
হন্দক্কী জি.এস.তি.গী রিফোর্মশিংনা লৌউ-শিংউগী খুৎলায়শিং অমসুং তঙাই ফদবা পোৎলমশিং মমল হোংনা ফংহন্দুনা ভারতকী লৌমীশিং অমসুং খুঙ্গংগী ইমুংশিংদা করম্না হকথেংননা শেন্মিৎলোনগী মতেং ফংহনবগে হায়বদু পল্লদুনা মহাক্না হায়খি মদুদি নৌনা রিফোর্ম তৌরবা জি.এস.তি. সিস্তেমগী মখাদা ত্রেক্তর অসি হৌজিক্তি লুপা ৪০,০০০গী চাংদা মমল হন্থরে। নেচরেল ফার্মিংদা শীজিন্নরিবা ওর্গানিক ফর্তিলাইজর অমসুং বাইও-পেস্তিসাইদশিংগী মমল জি.এস.তি. হন্থরকপনা মরম ওইরগা হন্থরকপা, মসিনা সস্তেনেবল এগ্রিকলচরদা হেন্না খুমাং চাউশিলহল্লকপনি হায়নসু মহাক্না ফোংদোকখি।
রিফোর্মশিং অসিনা খুঙ্গংগী ইমুংশিংদা শরুক অনিগী সেভিং তৌবা ঙমহনখ্রে অমসুং নুমিৎ খুদিংগী শীজিন্নবা পোৎলমশিং অমসুং লৌউ-শিংউগী খুৎলাইশিংগী মমল হন্থহনখ্রে হায়না প্রধান মন্ত্রী মোদীনা অকনবা ৱাফম থমখি।
ভারতকী লৌমীশিংনা মহৈ-মরোং পুথোকপদা মশা-মরোমদোম লেপচবদা পুৱারী ওইরবা থৌদাং লৌবগী মতাংদা অমুক হন্না পনখি। প্রধান মন্ত্রীনা মখোয়দা চাউখৎলবা ভারত অমা শেমগৎপদা লমজিংনবা হায়খি। শ্রী মোদীনা মহাক্কী ৱারোল লোইশিল্লদুনা লৌমীশিংদা মশা-মরোমদোম লেপচবা ঙম্নবগীদমক্তা থবক তৌবতা নত্তনা পুশিল্লকপা হন্থহন্নবা অমসুং ভারতকী লৌউ-শিংউগী এক্সপোর্ত হেনগৎহন্নবা এক্সপোর্ত ওরিয়েন্তেদ ক্রোপশিং থাদুনা গ্লোবেল মার্কেৎতা তার্গেৎ তৌনবা হায়খি। মহাক্না হায়খি পি.এম. ধন-ধান্য কৃষি য়োজনা অমসুং দলহন আত্মানির্ভরতা মিসন অসিনা খোঙচৎ অসিদা মরুওইবা থৌদাং লৌগনি। মহাক্না লৈবাক শীনবা থুংনা লৈরিবা লৌমীশিংদা নুংঙাইবা ফোংদোকখি অমসুং য়াইফ পাউজেল পীখি।
বেকগ্রাউন্দ
প্রধান মন্ত্রী শ্রী নরেন্দ্র মোদীনা ২০২৫গী ওক্তোবর ১১দা অয়ুক্কী পুং ১০:৩০ তাবা মতমদা ন্যু দিল্লীদা লৈবা ইন্দিয়ন এগ্রিকলচরেল রিসর্স ইন্সতিত্যুৎতা পাংথোক্কদৌরিবা অখন্নবা কৃষি প্রোগ্রাম অমদা শরুক য়াগনি। প্রধান মন্ত্রীনা লৌমীশিংগা ৱারী শানগনি অমসুং মসিগী মতুংদা মীয়ামগী থৌরম অমদা শরুক য়াগনি। থৌরম অসিদা মহাক্না মীয়ামদা ৱা ঙাংগনি।
প্রধান মন্ত্রীনা লৌমীশিংগী য়াইফ-থৌরাং, লৌউ-শিংউদা মশা-মরোমদোম লেপচবা অমসুং খুঙ্গংগী ইনফ্রাস্ত্রকচর মপাঙ্গল কনখৎহন্নবা লেপ্তনা হোৎনরি। মসিনা মোদর্ন এগ্রিকলচরেল প্রেক্তিসশিং প্রমোৎ তৌবা, লৌমীশিং মতেং পাংনবা অমসুং লৌমী-কেন্দ্রিক ইনিসিএতিবশিংদা মরুওইবা মাইলস্তোনশিং সেলেব্রেৎ তৌবদা মীৎয়েং থমগনি।
প্রধান মন্ত্রীনা লুপা করোর ৩৫,৪৪০গী শেনফমগা লোইননা লৌউ-শিংউগী সেক্তরদা মরুওইবা স্কিম অনি হৌদোক্কনি। মহাক্না লুপা করোর ২৪,০০০গী শেনফম ওইবা পি.এম. ধন ধান্য কৃশি য়োজনা হৌদোক্কনি। মসিগী পান্দমদি লৌউ-শিংউগী পোত্থোক হেনগৎহনবা, মহৈ-মরোংশিং মখল-মখা কয়া খায়দোকপা অমসুং তুং কোইনা চৎনবা য়াবা লৌউ-শিংউগী থৌওংশিং শীজিন্নবা হেনগৎহনবা, পঞ্চায়ত অমসুং ব্লোক থাক্তা পোস্ত হর্ভেস্ত-স্তোরেজ হেনগৎহনবা, ইরিগেসনগী খুদোংচাবশিং হেনগৎহনবা অমসুং খনগৎলবা জিলা ১০০দা লোং-তর্ম অমসুং শোর্ত-তর্ম ক্রেদিৎ ফংহনবনি।
প্রধান মন্ত্রীনা লুপা করোর ১১,৪৪০গী শেনফমগা লোইননা মিসন ফোর আত্মানির্ভর ইন পলস হৌদোক্কনি। মসিনা পলসকী প্রদক্তিবিতী লেভেল হেনগৎহনবা, পলস কলতিভেসনগী মখাদা লৈবা এরিয়া হেনগৎহনবা, ভেল্যু চেন - প্রোক্যুরমেন্ত, ষ্টোরেজ, প্রোসেসিং - মপাঙ্গল কনখৎহনবা অমসুং অমাংবা হন্থহনবদা পান্দম থম্লি।
প্রধান মন্ত্রীনা লৌউ-শিংউ, শা-ষন য়োকপা, ঙা য়োকপা অমসুং ফুদ প্রোসেসিং সেক্তরদা লুপা করোর ৫,৪৫০গী প্রোজেক্তশিং লৈবাক মীয়ামদা কত্থোক্কনি। লুপা করোর ৮১৫গী অহেনবা প্রোজেক্তশিংগী উরেপ উয়ুংসু তমগনি।
প্রধান মন্ত্রীনা শঙ্গাখিবা প্রোজেক্তশিং অদুদা বেঙ্গালুরু অমসুং জে অমসুং কেদা আর্তিফিসিএল ইন্সিমিনেসন ত্রেনিং সেন্তর; অমরেলি অমসুং বনাসতা সেন্তর ওফ এক্সিলেন্স; রাস্ত্রিয় গোকুল মিসনগী মখাদা আসামদা আই.ভি.এফ. লেব শেম্বা; মেহসানা, ইন্দোর অমসুং ভিলৱারাদা মিল্ক পাউদর প্লান্তশিং; আসামগী তেজপুরদা প্রধান মন্ত্রী মৎস্য সমপাদা য়োজনাগী মখাদা ফিশ ফীদ প্লান্ত; এগ্রো-প্রোসেসিং ক্লাস্তরশিংগী ইনফ্রাস্ত্রকচর, ইন্তিগ্রেতেদ কোল্দ চেন অমসুং ভেল্যু এদিসন ইনফ্রাস্ত্রকচর য়াওরি।
প্রধান মন্ত্রীনা উরেপ উয়ুং তমগদবা প্রোজেক্তশিং অদুদি, অন্ধ্র প্রদেশকী কৃষ্ণদা ইন্তিগ্রেতেদ কোল্দ চেন অমসুং ভেল্যু এদিসন ইনফ্রাস্ত্রকচর (ইরাদিএসন), উত্তরাখন্দদা ত্রাউত ফিসরিজ, নাগালেন্দদা ইন্তিগ্রেতেদ এক্বা পার্ক, পুদুচেরীগী কারাইকলদা স্মার্ত অমসুং ইন্তিগ্রেতেদ ফিসিং হার্বর অমসুং ওরিশাগী হিরাকুদতা স্তেত-ওফ-দি-আর্ত ইন্তিগ্রেতেদ এক্বা পার্ক অসিনচিংবনি।
থৌরম অদুগী মনুংদা, প্রধান মন্ত্রীনা নেস্নেল মিসন ফোর নেচরেল ফার্মিং, এম.এ.আই.তি.আর.আই. তেক্নিসিয়নশিং, অমসুং প্রাইমরী এগ্রিকলচর কোওপরেতিব ক্রেদিৎ সোসাইতীশিং (পি.এ.সি.এস.) গী মখাদা সর্তিফিকেৎ তৌরবা লৌমীশিংদা মথংশিৎনা প্রধান মন্ত্রী কিসান সমৃদ্ধি কেন্দ্রশিং (পি.এম.কে.এস.কে.) অমসুং কমন সর্ভিস সেন্তরশিং (সি.এস.সি.) দা ওন্থোক্লবা সর্তিফিকেৎশিং য়েন্থোক্কনি।
প্রোগ্রাম অসিনা সরকারগী ইনিসিয়েতিবশিংগী মখাদা ফংলকপা মরুওইবা মাইলস্তোনশিংসু মশক তাক্কনি। মসিগী মনুংদা এফ.পি.ও. ১০,০০০দা লৌমী লাখ ৫০গী মেম্বরসিপশিং য়াওরি। মসিগী মনুংদা এফ.পি.ও. ১১০০না ২০২৪-২৫দা চহিগী ওইনা লুপা করোর ১ হেনবগী তর্নওভর রেকোর্দ তৌখি। নেস্নেল মিসন ফোর নেচরেল ফার্মিংগী মখাদা লৌমী ৫০,০০০গী সর্তিফিকেসন; এম.এ.আই.তি.আর.আই. ৩৮,০০০গী সর্তিফিকেসন (মল্তি-পর্পস এ.আই. তেক্নিক্সন ইন রুরেল ইন্দিয়া); কম্প্যুতরাইজেসনগীদমক মল্তি-পর্পস অমসুং ই-পি.এ.সি.এস. ১০,০০০গী মথক্তা সেঙ্কসন অমসুং ওপরেস্নেলাইজেসন; অমসুং পি.এ.সি.এস., দাইরী অমসুং ফিসরি কোওপরেতিব সোসাইতীশিং শেমগৎপা অমসুং মপাঙ্গল কনখৎহনবা অসিসু অতোপ্পা মাইপাকপশিংনি। পি.এম.কে.এস.এস. ১০,০০০ হেনবনা মখোয়গী ওপরেসনশিং প্রধান মন্ত্রী কিসান সমৃদ্ধি কেন্দ্র (পি.এম.কে.এস.কে.) অমসুং কমন সর্বিস সেন্তর (সি.এস.সি.) ওইনা মথৌ তৌনবা দাইবর্সিফাই তৌখ্রে।
থৌরম অদুগী মনুংদা, প্রধান মন্ত্রীনা লৌউ-শিংউ, শা-ষন য়োকপা অমসুং ঙা য়োকপগী লমদা ভেল্যু চেনদা য়ুম্ফম ওইবা থৌওং অমা শেমগৎনবা পান্দম থম্লিবা সরকারগী স্কিম কয়াদগী কান্নবা ফংলবা, মনা-মশিং থাবগা মরী লৈনবা লৌমীশিংগা ৱারী শানগনি। লৌমীশিং অসি ফার্মর প্রদ্যুসর ওর্গনাইজেসনশিং (এফ.পি.ও.শিং) গী মেম্বর ওইবদগী অমসুং এগ্রিকলচর ইনফ্রাস্ত্রকচর ফন্দগী মখাদা মতেং পাংবদগীসু কান্নবা ফংলি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
देश की आत्मनिर्भरता के लिए, किसानों के कल्याण के लिए... दो नई योजनाओं की शुरुआत हो रही है।
— PMO India (@PMOIndia) October 11, 2025
1) पीएम धन धान्य कृषि योजना
2) दलहन आत्मनिर्भरता मिशन pic.twitter.com/VCUyEuMEnh
हमने किसानों के हित में...बीज से लेकर बाज़ार तक reform किए, सुधार किए: PM @narendramodi pic.twitter.com/HDmdIoehKG
— PMO India (@PMOIndia) October 11, 2025
तीन parameters पर पीएम धन-धान्य योजना के लिए 100 जिलों का चयन... pic.twitter.com/RzgHSruRjZ
— PMO India (@PMOIndia) October 11, 2025
दलहन आत्मनिर्भरता मिशन... ये सिर्फ दाल उत्पादन बढ़ाने का मिशन नहीं है बल्कि हमारी भावी पीढ़ी को सशक्त बनाने का भी अभियान है। pic.twitter.com/WNG61HlSBh
— PMO India (@PMOIndia) October 11, 2025
बीते 11 वर्षों से सरकार का निरंतर प्रयास रहा है कि किसान सशक्त हो, खेती पर ज्यादा निवेश हो। pic.twitter.com/jOrq3woN06
— PMO India (@PMOIndia) October 11, 2025
पशुपालन...मछली पालन...मधुमक्खी पालन से छोटे किसानों को, भूमिहीन परिवारों को ताकत मिली है। pic.twitter.com/hlEiLcHH1J
— PMO India (@PMOIndia) October 11, 2025
आज गांवों में नमो ड्रोन दीदियां...खाद और कीटनाशक छिड़काव के आधुनिक तरीकों का नेतृत्व कर रही हैं। pic.twitter.com/VCimayyMNT
— PMO India (@PMOIndia) October 11, 2025
एक तरफ हमें आत्मनिर्भर होना है।
— PMO India (@PMOIndia) October 11, 2025
दूसरी तरफ हमें, वैश्विक बाज़ार के लिए भी उत्पादन करना है। pic.twitter.com/CPZAY7d6oC
