ঙসি প্রধান মন্ত্রী শ্রী নরেন্দ্র মোদীনা মহারাষ্ট্রাগী মুম্বাইদা নবী মুম্বাই ইন্তরনেসনেল এয়রপোর্ত শঙ্গাখ্রে, তোঙান তোঙানবা চাউখৎ-থৌরাংগী প্রোজেকশিং হৌদোকখ্রে অমসুং মীয়ামদা কৎথোকখ্রে। শক্নাইরবশিং তরাম্না ওক্লদুনা, প্রধান মন্ত্রীনা থৌরম শরুক য়াখিবশিংদা য়াইফ পাউজেল পীখি। মহাক্না হায়খি হন্দক বিজয় দশমী অমসুং কোজাগারি পুর্নিমা পাংথোকক্রে অমসুং লাক্লিবা দিৱালিগীদমক মহাক্কী য়াইফ পাউজেল পীজরি।
প্রধান মন্ত্রীনা হায়খি সহর অসিগী অনিশুবা এয়রপোর্ত হাংদোকপগী মুম্বাইনা মতম শাংনা ঙাইরকপা অদু ফংলে। লমদম অসি এসিয়াগী খ্বাইদগী চাউবা কন্নেক্তিবিতি হবশিংগী মনুংদা অমা ওইহনবদা এয়রপোর্ত অসিনা মরুওইবা থৌদাং অমা লৌগনি। হৌজিক মুম্বাইগী মপুংফারবা লৈনুঙগী মেত্রো অমা লৈরে, মসিনা মীয়াম চৎথোক-চৎশিন তৌবদা লাইহল্লগনি অমসুং মতম চঙহল্লরোই। লৈনুঙগী মেত্রো অসি চাউখৎলক্লিবা ভারতকী অহিংবা খুদম অমনি অমসুং মুম্বাইগুম্বা মী য়াম্না চিনবা সহর অমদা অরিবা বিল্দিংশিং শোকহন্দনা লৈনুঙগী মেত্রো শেমগৎলে। প্রোজেক অসিদা শরুক য়াখিবা শিন্মীশিং অমসুং ইঞ্জিনিয়ারশিং থাগৎপা ফোঙদোকচরি।
লৈবাক অসিগী নহারোলশিংগীদমক ভারতনা মশিং থিঙমদ্রবা খুদোংচাবশিং পীরি হায়না ফোঙদোক্লদুনা, প্রধান মন্ত্রীনা হায়খি লৈবাক শীনবা থুংবগী আই.তি.আইশিংগা উদ্যোগশিংগা শম্ননবা পান্দমদা হন্দক লুপা করোর ৬০,০০০ গী পি.এম সেতু স্কিম হৌদোকখ্রে। ঙসি মহারাষ্ট্রা সরকারনা আই.তি.আইশিং অমসুং তেক্নিকেল স্কুলশিংদা অনৌবা থৌরম কয়া হৌদোক্লে। থবকশিং অসিগী খুৎথাংদা মহৈরোয়শিংনা দ্রোনশিং, রোবোতিক্স, ইলেক্ত্রিক গারিশিং, সোলার ইনর্জি অমসুং গ্রিন হায়দ্রোজেনগুম্বা অনৌবা তেক্নোলোজিশিংগী ত্রেনিং ফংলগনি। মহাক্না মহারাষ্ট্রাগী নহারোলশিংদা য়াইফ পাউজেল পীখি।
প্রধান মন্ত্রীনা মহারাষ্ট্রাগী মপারি, লোকনাথ শ্রী দি.বি পতিলদা ইকায়খুম্নবা উৎখি, খুন্নাইগী অমসুং লৌমীশিংগীদমক মহাক্না কৎথোকখিবা অদু নিংশিংখি। মহাক্না হায়খি মদুদি মীয়ামগী থবক তৌনবা শ্রী পতিলগী থৌনা অসি মীওই খুদিংমক্কী ইথিল অমনি অমসুং মহাক্কী পুন্সিনা মখা তানা মীয়ামগী থবক তৌরিবা মীওইশিংগী পুক্নিং থৌগৎকনি।
প্রধান মন্ত্রীনা হায়খি ঙসিদি, বিকসিত ভারত অমগী ৱাশক ঙাক্নবা লৈবাক শীনবা থুংনা কৎথোক্লে। খোঙজেল য়াংবা অমসুং চাউখৎপা অনিমক লৈরবা, মীয়ামগী য়াইফনবা থবক মরুওইনা লৌরবা অমসুং সরকারগী স্কিমশিংনা মীয়ামগী পুন্সি হিংবদা লাইহল্লবা মতমদা বিকসিত ভারত অমা ওইগনি। লৈবাক্কী কাচিন-কোয়া শীনবা থুংনা চাউখৎ-থৌরাংগী থবকশিং পায়খৎলে। বন্দে ভারত সেমি-হয় স্পিৎ ত্রেনশিং ত্রেকশিংদা চেল্লবা মতমদা, বুল্লেতশিং ত্রেন প্রোজেকশিং য়াংশিল্লকপা মতমদা, হায়ৱেশিং অমসুং এক্সপ্রেসৱেশিংনা অনৌবা সহরশিং শম্নরবা মতমদা, চীঙজাউশিং ফাউদুনা অশাংবা তন্নেলশিং হুৎলবা মতমদা অমসুং অৱাংবা সমুদ্রগী থোঙশিংনা অরাপ্পা সমুদ্রগী মপানশিং শম্নরবা মতমদা, ভারতকী খোঙজেল অমসুং চাউখৎপা উবা ঙমগনি। অসিগুম্বা চাউখৎপশিং অসিনা ভারতকী নহারোলশিংগী অনিংবশিংদা অনৌবা থাজবা পীগনি।
প্রধান মন্ত্রীনা হায়খি ঙসিগী থৌরম অসিনা ভারতকী চাউখৎপগী খোঙচৎকী খোঙজেল মখা তানা য়াংখৎহনগনি। নবী মুম্বাই ইন্তরনেসনেল এয়রপোর্ত অসি বিকসিত ভারত অমগী পান্দমগী মমি তাবা প্রোজেক অমনি। ছত্রপতি সিবাজী মহারাজগী লমদমদা এয়রপোর্ত অসি থম্বালগী মওংদা শাদুনা, নাৎ অমসুং নুংঙাই-য়াইফবগী খুদম ওইরি। অনৌবা এয়রপোর্ত অসিনা মহারাষ্ট্রাগী লৌমীশিং য়ুরোপ অমসুং মিদল ইষ্টকী সুপরমার্কেতশিংগা শম্নহনগনি, মালেমগী কৈথেলশিংদা য়াম্না য়াংনা অতেকপা পোৎথোকশিং, উহৈশিং, মনা-মশিং অমসুং ঙাগী পোৎথোকশিং য়ৌহনবা ঙম্লগনি। এয়রপোর্ত অসিনা অনকপদা লৈরিবা অপীকপা অমসুং ময়াই ওইবা উদ্যোগশিংগী মপান্দা থাদোকপগী চাদিং হন্থহনগনি, শেন থাদবা হেনগৎহনগনি অমসুং অনৌবা ললোন-ইতিকশিং লিংখৎহনগনি। অনৌবা এয়রপোর্ত অসিগীদমক মহারাষ্ট্রা অমসুং মুম্বাইগী মীয়ামদা হরাওবা ফোঙদোকচরি।
প্রধান মন্ত্রীনা হায়খি মীয়াম য়াংনা চাউখৎনবা অচেৎপা ফিরেপ অমা লৈরবা অমসুং মঙলানশিং মঙফাওনবা ঙম্নবা ৱারেপ অমা লৌরবদি, ফলশিং উবা ফংগনি। চাউখৎপা অসিগী মরুওইবা খুদম অমা ভারতকী এভিএসন সেক্তরনা ওইরে। সেন্দল তোংবা মীওইশিং ফাওবা মথক্ত চৎথোক-চৎশিন তৌবা ঙমগদবনি হায়বগী মহাক্কী পান্দম অমা লৈখি। মঙলান অসি মঙফাওনবা ঙম্নবা, লৈবাক শীনবা থুংনা অনৌবা এয়রপোর্তশিং শাগদবনি। মিসন অসি সরকারনা হকচিন্না লৌখি অমসুং হৌখিবা চহি ১১ দা অনৌবা এয়রপোর্তশিং অমগী মথংদা অমা শারে। ২০১৪ দা ভারতকী এয়রপোর্ত ৭৪ খক লৈরমখি, ঙসিদি, এয়রপোর্ত ১৬০ হেল্লে। অপীকপা সহরশিংদা এয়রপোর্তশিং শাবদগী মীয়াম মথক্ত চৎনবগী অনৌবা খুদোংচাবা পীরে। শেন-থুম লৈতবগী অৱাবা কোকহন্নবা, মীয়ামদা মমল হোংবা এয়র তিক্কেতশিং ফংহন্নবা পান্দমদা সরকারনা উরান স্কিম হৌদোক্লে। হৌখিবা চহি ১০ দা, স্কিম অসিগী মখাদা মীওই মিল্লিয়ন কয়া মথক্ত চৎলে অমসুং মতম কুইনা মঙজরক্লবা মঙলানশিং মঙফাওনরে।
প্রধান মন্ত্রীনা হায়খি অনৌবা এয়রপোর্তশিং শাবা অমসুং উরান স্কিমনা মীয়ামদা খুদোংচাহল্লে। হৌজিক ভারত মালেমদা অহুমশুবা খ্বাইদগী চাউবা দোমেষ্টিক এভিএসন মার্কেত ওইরে। ভারতকী এয়রলাইনশিং মখা তানা পাকথোক-চাউথোক্লি অমসুং অনৌবা এয়রক্রাফ চা কয়া ওর্দর তৌখ্রে। মসিগী চাউখৎলকপা অসিনা পাইলোতশিং, কেবিন ক্রিয়ুশিং, ইঞ্জিনিয়ারশিং অমসুং গ্রাউন্দ ৱার্করশিংগী অনৌবা খুদোংচাবা কয়া পীরগনি। এয়রক্রাফ মশিং হেনগৎলকপগা লোয়ননা, শেমজিন-শাজিনবগী দরকার ওইবসু হেনগৎলক্লে। মসিগী দরকার ওইবা অসি ফংহন্নবা ভারতনা লৈবাক অসিগী ওইবা অনৌবা খুদোংচাবশিং শেমগৎলে। চৎলিবা দিকেদ অসিগী অরোইবদা ভারত মেন্তেনেন্স, রিপ্যার অমসুং ওভরহোলগী মরুওইবা মফম অমা ওইনা শেমগৎনবা পান্দম থম্লি। থবক অসিনা ভারতকী নহারোলশিংদা অনৌবা থবক কয়া ফংনবগী খুদোংচাবশিং পীগনি।
প্রধান মন্ত্রীনা হায়খি ঙসিদি, ভারত মালেমদা খ্বাইদগী নহা ওইবা লৈবাক ওইরে, ঐখোয়গী পাঙ্গল ঐখোয়গী নহারোলশিংদা লৈরে। সরকারগী থৌশিল খুদিংমক নহারোলশিংদা থবক খ্বাইদগী য়াম্না পীনবা মীৎয়েং থম্লি। ইনফ্রাষ্ট্রকচরদা শেন থাদবা হেনগৎপনা থবক ফংহনগনি। লুপা করোর ৭৬,০০০ গী বাধাবান পোর্ত প্রোজেক অসি খুদম অমনি। ললোন-ইতিক হেনগৎলকপা মতমদা লোজিষ্টিক্স সেক্তর ফগৎলকই, থবক য়াম্না ফংহল্লি। লৈবাক্কী থৌশিলনা রাজনিতিগী য়ুম্ফম ওইবা গুনশিং ভারতনা শেমগৎলি। সরকারগী ওইনা, ইনফ্রাষ্ট্রকচরদা লুপা অমা থাদবা খুদিংগী মসিনা মীয়ামগী খুদোংচাবা অমসুং তৌবা ঙম্বা হেনগৎহনগনি। মীয়াম য়াইফনবা থবক তৌবগী মহুত্ত শক্তিনা হেন্না লুম্না লৌবা রাজনিতিগী ইচেল অমা লৈবাক অসিদা লৈখি। অসিগুম্বা লনাই মীওইশিংনা চাউখৎ-থৌরাংগী থবক অপনবা পীখি অমসুং স্কামশিং অমসুং শেঞ্জা-থুমজাগী খুৎথাংদা প্রোজেকশিং থেংথহনখি অমসুং চহি কয়া অসিগুম্বা অরানবা লৈঙাকশিং লৈবাক অসিনা উখ্রে।
প্রধান মন্ত্রীনা হায়খি ঙসি শঙ্গারিবা মেত্রো লাইন অসিনা হৌখিবা সরকারশিংগী থবক খর নিংশিংহল্লে। প্রোজেক অসিগী উরেপ-উয়ুং তম্বা মতমদা মুম্বাইগী ইমুং লাখ কয়াগী মরক্ত অৱাবশিং হন্থহল্লগনি হায়বগী থাজবা হেনগৎহনখি। অদুবু তুংদা লাকপা সরকারনা প্রোজেক অসি লেপহনখি, লৈবাক্কী লুপা করোর কয়া মাঙহনখি অমসুং চহি কয়া খুদোংচাদবা কয়া থোকহনখি। মেত্রো লাইন অসি লোইশিনবদগী, পুং ২ দগী পুং ২:৩০ চঙলম্বা খোঙচৎ অমা হৌজিক মিনিত ৩০-৪০ খক্ত চঙলগনি। মিনিত খুদিংমক মশিং থিরিবা মুম্বাইগুম্বা সহর অমদা, মসিগী খুদোংচাবা অসি চহি কয়া ফংহন্দনা লাকখি, মসি অচৌবা অরানবা অমনি হায়বদা হায়মনবা থোক্লোই। হৌখিবা চহি ১১ দা, মীয়াম হিংবদা লাইবা হেনগৎহন্নবা সরকারনা অকনবা থবক পায়খৎতুনা লাক্লি। রেলৱেশিং, লম্বীশিং, এয়রপোর্তশিং, মেত্রোশিং অমসুং ইলেক্ত্রিক বসশিংগুম্বা খুদোংচাবশিংদা মমাঙদা অমুক্ত ওইখিদ্রিবা মওংদা শেন থাদরে। অতল সেতু অমসুং কোষ্টেল রোদ অসি চাউখৎপা অসিগী খুদমশিংনি।
প্রধান মন্ত্রীনা হায়খি অপনবা লৈতনা চৎথোক-চৎশিন য়ানবা, নুমিৎ খুদিংগী চৎলিবা মীওইশিং মওং অমদগী অমদা হোংদোক-হোংজিন তৌবগী অৱাবা কোকহন্নবা মখল খুদিংমক্কী চৎথোক-চৎশিনগী থবক খুদিংমক অমদা পুনশিন্নবা থবকশিং পায়খৎলে। ৱান নেসন, ৱান মোবিলিতিগী পান্দমগী মাইকৈদা ভারতনা য়াংনা চঙশিল্লি। মুম্বাই ৱান এপ্প মাইকৈ অসিদা থাংজিনবা অতোপ্পা খোঙথাং অমনি, মসিনা মীয়াম তিক্কেত কক্নবা পরেং শাংনা লেপ্পা তোক্লগনি। এপ্প অসিনা, তিক্কেত অমা খক কক্লগা লোকেল ত্রেনশিং, বসশিং, মেত্রোশিং অমসুং তেক্সিশিং শীজিন্নবা য়ারগনি।
প্রধান মন্ত্রীনা হায়খি মুম্বাই ভারতকী শেন-থুমগী কোনুংনি অমসুং মসি লৈবাক অসিগী খ্বাইদগী ফজবা সহরশিংগী মনুংদা অমনি, মসি ২০০৮ দা তেরোরিষ্টশিংনা লান্দারকখি। মতম অদুদা পানখিবা সরকারনা শোনবগী পাউজেল অমা থাখি অমসুং তেরোরিজমদা চঙজবা মানখি। হন্দক হান্নগী হোম মিনিষ্টর অমসু ওপোজিসন দলগী অহল ওইরবা লুচিংবা অমনা হায়খি মদুদি মুম্বাই এত্তেক মতুংদা, পাকিস্তান্দা লান্দনবা ভারতকী আর্মদ ফোর্সশিংনা শেম-শাখি। অসিগুম্বা থবক অসি লৈবাক শীনবা থুংনা শৌগৎখি। অদুবু, ওপোজিসনগী লুচিংবা অদুগী মতুংইন্না, মপান লৈবাক অমনা তকশিল্লকপদগী লান্মীনা লান্দনা থৌরাং তৌরম্বা অদু সরকারনা লেপখি। মসিগী ৱারেপ অসিদা কনানা ইথিল পীখিবগে হায়বা ওপোজিসন্না শেংদোক্কদবনি। মসিনা মুম্বাই অমসুং লৈবাক্কী অপাম্বশিং নমথখি। ওপোজিসনগী অশোনবনা তেরোরিষ্টশিং মঙক হাইগৎখি অমসুং লৈবাক্কী সেকুরিতিদা শন্তাইনখি, লৈবাক অসিগী মীচম কয়াগী থৱায় মাঙখি। ঐখোয়দা, ঐখোয়গী লৈবাক অমসুং লৈবাক অসিগী মীয়াম অশোই-অঙাম থোকহন্দবা অমসুং ঙাক-শেনবদগী হেন্না মরুওইবা অমতা লৈতে। ঙসিগী ভারতনা পাঙ্গলগা লোয়ননা পাউখুম পীরে অমসুং য়েক্নবগী ঙমখৈ মনুংদা লান্দারে। মসি ওপরেসন সিন্দুর মনুংদা মালেম শীনবা থুংবনা উরে।
প্রধান মন্ত্রীনা হায়খি লায়রবা, নিও-মিদল ক্লাস অমসুং মিদল ক্লাসকী ফিবম ফগৎহনবা হায়বসি লৈবাক অসিগী মরুওইবনি। হায়রিবা ইমুংশিং অসিনা খুদোংচাবশিং অমসুং ইকায়খুম্নবা ফংবা মতমদা, মখোয়গী তৌবা ঙম্বা হেনগৎলকই অমসুং মীয়ামগী অপুনবা মপাঙ্গলনা লৈবাক অসি মপাঙ্গল কনখৎহল্লি। হন্দক জি.এস.তিগী অওনবা পুরকপদগী পোৎ-চৈ কয়া মমল হোংদোক্লে, মীয়াম পোৎ-চৈ লৈবা ঙম্বগী থৌনা হেনগৎলে। হন্দক্কী নবরাত্রি অসিদা চহি কয়াগী পোৎশিনগী রেকোর্দশিং থুগায়রে, মশিং য়াম্লবা মীওইশিংনা স্কুতরশিং, বাইকশিং, তেলিবিজনশিং, রেফ্রিজেরেতরশিং অমসুং ৱাশিং মেছিনশিং লৈরে। মীয়ামগী পুন্সি মহিং ফগৎনবা অমসুং লৈবাক মপাঙ্গল কনখৎনবা সরকারনা মখা তানা থবকশিং পায়খৎকনি। মীওই খুদিংমক শ্বাদেসি ওইগদবনি অমসুং “মসি শ্বাদেসিনি” হায়না চাউথোক্না হায়গদবনি, মসি য়ুম খুদিংগী অমসুং কৈথেলশিংগী লাইৱা অমা ওইগদবনি। মীওই খুদিংমক্না শ্বাদেসি ফিরোলশিং অমসুং খোঙউপশিং লৈরবা, য়ুমদা শ্বাদেসি পোৎথোকশিং পুরক্লবা অমসুং শ্বাদেসি খুদোলপোৎশিং পীরবা, লৈবাক অসিগী শেন লৈবাক মনুংদা লৈগনি। মসিনা ভারতকী শিন্মীশিং থবক পীগনি অমসুং নহারোলশিং থবক ফংগনি। লৈবাক শীনবা থুংনা শ্বাদেসি চৎনরবা মতমদা ভারতকী মপাঙ্গল অঙকপা ফংনা হেনগৎকনি।
প্রধান মন্ত্রীনা হায়খি ভারতকী চাউখৎপা য়াংখৎহনবদা মতম পুম্নমক্ত মহারাষ্ট্রানা মাঙজিল থাগনি। মহারাষ্ট্রাগী সহর খুদিংমক অমসুং খুঙ্গং খুদিংমক্কী তৌবা ঙম্বা হেনগৎহন্নবা কেন্দ্র অমসুং রাজ্য সরকারনা মখা তানা চোকথবা নাইদনা থবক তৌগনি। চাউখৎ-থৌরাংগী থবকশিং অসিগীদমক মীয়ামদা হরাওবা ফোঙদোকচরি অমসুং য়াইফ পাউজেল পীজরি।
ঙসিগী থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা মহারাষ্ট্রাগী রাজ্যপাল শ্রী অচার্য়া দেবব্রাত, মহারাষ্ট্রাগী চীফ মিনিষ্টর, শ্রী দেবেন্দ্র ফদনাবিস, য়ুনিয়ন মিনিষ্টরশিং, শ্রী রামদাস অথাৱালে, শ্রী রামমোহন নাইদু কিঞ্জারাপু, শ্রী মুর্লিধার মোহোল, ভারত্ত লৈবা জপানগী এম্বেসেদর কৈজি ওনো য়াওখি।
নুঙগীৱারোল
ভারত অসি গ্লোবেল এভিএসন হব অমদা ওন্থোক্নবগী পরিংদা লুপা করোর ১৯,৬৫০ মুক চংনা শাবা নবি মুম্বই ইন্তর্নেস্নেল এয়রপোর্ত (এন.এম.আই.এ.) ফেজ-১ প্রধান মন্ত্রীনা শঙ্গাখ্রে।
নবি মুম্বই ইন্তরনেসনেল এয়রপোর্ত অসি পব্লিক-প্রাইভেৎ পার্ত্নরশিপ(পি.পি.পি.) গী মখাদা শেমগৎপা ভারতকী খ্বাইদগী চাওরবা গ্রীনফিল্দ এয়রপোর্ত প্রোজেক্ত অমনি। মুম্বই মেত্রোপোলিতান রিজনগী ওইনা অনিশুবা ইন্তরনেসনেল এয়রপোর্ত ওইনা এন.এম.আই.এ. না মী চিনবা হন্থহন্নবা অমসুং মুম্বই অলি গ্লোবেল মল্তি এয়রপোর্ত সিস্তেমশিংদা ওইহন্নবগীদমক্তা ছত্রপতী শিবাজী মহারাজ ইন্তর্নেস্নেল এয়রপোর্ত(সি.এস.এম.আই.এ.)গা পুন্না মথং-মথং থবক তৌমিন্নরগনি। এয়রপোর্ত অসি লম হেক্তর ১১৬০ দা মতম অমত্তদা পুন্না মীওই মিলিয়ন ৯০ পেসেজ্ঞর এনুএল্লি(এম.পি.পি.এ.) অমসুং কার্গো মিলিয়ন মেত্রিক তোন ৩.২৫ পুবা ঙম্বা মালেম অসিদা খ্বাইদগী মঙম লৈরবা এয়রপোর্ত ওইনা দিজাইন তৌখিবনি।
মহাক্কী তোপ-তোপ্পা মওংদা শেম্বদা পন্দনা ইন্তর-তর্মিনেল পেসেজ্ঞরশিং হোন্নবগীদমক্তা পেসেজ্ঞর তর্মিনেল মরি শম্নবা ওতোমেতেদ পিপল মুভর(এ.পি.এম.) গী ত্রাজ্ঞিৎ সিস্তেমগা লোয়ন-লোয়ননা সিতি সাইদ ইনফ্রাস্ত্রকচর শম্নবা লেন্দসাইদ এ.পি.এম.গী প্লান তৌখ্রে। তুং কোইনা থবক পাংথোকপা য়ানবগী পরিংদা এয়রপোর্ত অসিনা সস্তেনেবল এভিএসন ফ্যুএল(এস.এ.এফ.) কী দেদিকেতেত স্তোরেজ, চাওরাক্না মেগাৱাত ৪৭ গী মৈ পুথোকপা ঙম্বা সোলর পাৱর অমসুং মীয়ামগীদমক্তা সিতীশিং শম্নবা ই.ভি. বস ফিচর লৈগনি। এন.এম.আই.এ.না লৈবাক অসিগী খ্বাইদগী ইহান হানবা ৱাতর তেক্সিগা শম্নহনবা এয়রপোর্ত ওইরগনি।
প্রধান মন্ত্রীনা চাওরাক্না লুপা করোর ১২,২০০ মুক চংনা শাবা আচার্যা অত্রে চোক্তগীনা কুফে পেরেদ ফাওবা শাংবা মুম্বই মেত্রো লাইন-৩ গী ফেজ ২বি সু শঙ্গাখ্রে। মসিগা লোয়ননা মহাক্না লুপা করোর ৩৭,২৭০ গী মথক্তা চংনা শাবা মুম্বই মেত্রো লাইন-৩ (এক্বা লাইন)পুম্বা অসি সহরগী মফমশিংগী চত্থোক-চৎশিন তৌবদা অওনবা অমা পুরকপগী মওংদা চাওনা মায় পাকপগী মিংচৎ উরোঙ খিনবা ওইনা নিংশিংনিঙাই ওইনা লৈবাক অসিদা কৎথোকখ্রে।
মুম্বাইগী অহানবা মপুং ওইনা লৈনুংদা চেনবা অহানবা মেত্রো লাইন ওইনা প্রোজেক্ত অসি হেন্না য়াংনা, হেন্ন কোম্না অমসুং মফমসিদা লৈরিবা মীওই মিলিয়ন কয়া অনৌবা মওংদা পুথোকপগী পাম্বৈ ওইনা মুম্বই মেত্রোপোলিতন রিজন(এম.এম.আর.) শিন-থুংনা ফাওননবা রিদিফাইন তৌনবা শেম্লে।
স্তেসন ২৭ গা কোন্ননা কুফে পেরেদতগীনা আরে জে.ভি.এল.আর. য়ৌবা কি.মি. ৩৩.৫ শাংবা মুম্বাই মেত্রো লাইন –৩ অসিনা নুমীৎ খুদিংগী পেসেজ্ঞর লাখ ১৩ মুক পুগনি। প্রোজেক্ত অসিগী ফাইনেল ফেজ ২বি অসিনা সাউথ মুম্বাইগী হেরিতেজ অমসুং কলচরেল দিস্ত্রিক্তশিং হায়বদি ফোর্ত, কালা ঘোরা অমসুং মেরিন দ্রাইভকা কোন্ননা বোম্বে হাইকোর্ত, মন্ত্রালয়, রিজর্ব বেঙ্ক ওফ ইন্দিয়া(আর.বি.আই.) অমসুং নরিমল পোইন্তকুম্বা মরুওইবা এদ্মিনিস্ত্রেতিব অমসুং ফাইনান্সিএল হবশিং অপনবা য়াওদনা শম্নহনগনি।
মেত্রো লাইন-রেলৱেশিং, এয়রপোর্তশিং, অতৈ মেত্রো লাইনশিং অমসুং মোনোরেল সর্ভিসশিং অসি পুল্লপ শুনা মঙম শালহন্নবা লাস্ত-মাইল কনেক্তিবিতী হেনগৎহন্দুনা অমসুং মেত্রোপোলিতান রিজনশিংদা মী চিনবা হন্থহন্দুনা দিজাইন তৌখিবনি।
প্রধান মন্ত্রীনা “মুম্বাই ৱান”–মেত্রো, মোনোরেল, সবরবন রেলৱেশিং অমসুং বস পি.তি.ও.শিংগী পব্লিক ত্রান্সপোর্ত ওপরেতর(পি.তি.ও.) ১১ গী ইন্তিগ্রেতেদ কমন মোবিলিতী এপসু হৌদোকখ্রে। মসিদা মুম্বাই মেত্রো লাইন ২এ অমসুং ৭, মুম্বাই মেত্রো লাইন ৩, মুম্বাই মেত্রো লাইন ১, মুম্বাই মোনোরেল, নবি মুম্বাই মেত্রো, মুম্বাই সবরবন রেলৱে, বৃহন মুম্বাই ইলেক্ত্রিক সপ্লাই এন্দ ত্রান্সপোর্ত (বি.ই.এস.তি.) থানে ম্যুনিসিপাল ত্রান্সপোর্ত. মীরা ভয়ন্দর ম্যুনিসিপাল ত্রান্সপোর্ত, কল্যান দোম্বিবলী ম্যুনিসিপাল ত্রান্সপোর্ত অমসুং নবী মুম্বাই ম্যুনিসিপাল ত্রান্সপোর্ত য়াওরি।
মুম্বাই ৱান এপ অসিনা মল্তিপল পব্লিক ত্রান্সপোর্ত ওপরেতরশিংগী ইন্তিগ্রেতেদ মাবোইল তিকেতিং, দিজিতেল ত্রাজ্ঞেক্সনশিং হাপকত্তুনা ক্যুদা লেপ্পা লৈহন্দনা অমসুং মল্তিপল ত্রান্সপোর্ত মোদশিং য়াওনা দাইনামিক ওইবা তিকেত্তগী অপনবা লৈতবা মল্তিমোদেল কনেক্তিবিতীগী ত্রীপশিংগী য়াওনা খুদোংচাবা কয়া অমা পাক শন্না পীরি। মসিনা কম্যুতরশিং শোই-ঙামহন্দনবা মতম থেংথবশিং, অল্তর্নেতিব রুতশিং অমসুং য়ৌগদবা মতমশিং অদু মনাক নকপা স্তেসনশিং, এত্রেক্সনশিং অমসুং পইন্ত ওফ ইন্তরেস্ত অমসুং এস.ও.এস. ফিচরশিং য়ুম্ফম ওইবা মেপশিংগা কোন্নবা ৱারোলশিং য়াওবা রিএল তাইম জর্নী এপদেতশিং ফংহল্লি। পুন্না মসিগী ফিচরশিং অসিনা কোম্বা, মঙম শানবা অমসুং শোইদ-ঙামদবা হেনগৎহন্দুনা মুম্বাই পুম্বদা পব্লিক ত্রান্সপোর্তেসনগী এক্সপরিএন্স অসিদা অওনবা অমা পুরকই।
প্রধান মন্ত্রীনা মহারাস্ত্রাদা দিপার্তমেন্ত ওফ স্কীল, এম্প্লোয়মেন্ত, ওন্তর্প্রিন্যুর্শিপ অমসুং ইনোভেসন্না থৌবু ওইদুনা পায়খৎপা থৌরাং সোর্ত-তর্ম এম্প্লোয়েবিলিতী প্রোগ্রাম(স্তেপ) সু হৌদোকখ্রে। মসিগী প্রোগ্রাম অসিনা থবক ফংবা হেনগৎহন্নবা ইন্দস্ত্রীদা মথৌ তাবশিংগা লোয়ননা স্কীল দিভেলপমেন্ত শেমগৎপদা অচৌবা খোংথাং অমা ওইহন্দুনা গবর্নেমেন্ত আই.তি.আই. ৪০০ অমসুং গবর্নমেন্ত তেক্নিকেল হায় স্কুল ১৫০ দা চত্থগনি। স্তেপনা নুপীগী ওইবা এক্সক্লুসিব বেত্চ ৩৬৪ অমসুং আর্তিফিসিএল ইন্তিলিজেন্স(এ.আই.), ইন্তর্নেৎ ওফ থিংস(আই.ও.তি.), ইলেক্ত্রিক ভিহিকলশিং(ই.ভি.), সোলর অমসুং এদিতিব মেনুফেকচরিংনচিংবা ইমর্জিং ওইবা তেক্নোলোজী কোর্সকী বেত্চ ৪০৮ য়াওনা অনৌবা ত্রেনিং বেত্চ ২,৫০০ লিংখৎলগনি।
ৱা ঙাংখিবগী মপুংফাবা ৱারোল পানবা মসিদা নম্বীয়ু
The new international airport and underground metro are set to transform travel and connectivity in Mumbai. pic.twitter.com/Vlyxsfb01o
— PMO India (@PMOIndia) October 8, 2025
A Viksit Bharat is one where there is both momentum and progress, where public welfare is paramount and government schemes make life easier for every citizen. pic.twitter.com/neV1TEsjSP
— PMO India (@PMOIndia) October 8, 2025
Thanks to the UDAN Yojana, lakhs of people have taken to the skies for the first time in the past decade, fulfilling their dreams. pic.twitter.com/isYS1aHz7u
— PMO India (@PMOIndia) October 8, 2025
New airports and the UDAN Yojana have made air travel easier while making India the world's third-largest domestic aviation market. pic.twitter.com/sMM789Ib82
— PMO India (@PMOIndia) October 8, 2025
Today, India is the youngest country in the world. Our strength lies in our youth. pic.twitter.com/gE9lvDx7PT
— PMO India (@PMOIndia) October 8, 2025
For us, nothing is more important than the safety and security of our nation and its citizens. pic.twitter.com/hqoTLWDuz5
— PMO India (@PMOIndia) October 8, 2025
