প্রধান মন্ত্রীনা ঙসি নই দিল্লীগী সুব্রহ্মনিয়ম হোল, এন.এ.এস.সি. কমপ্লেক্স, আই.এ.আর.আই. কেম্পস, পুসাদা গ্লোবেল মিল্লেত (শ্রী অন্না) কনফরেন্স হৌদোকখ্রে। প্রধান মন্ত্রীনা থৌরমসিদা তিনবা মীয়ামগী মফমদা মহাক্কী ৱাফমসু থমগনি। নুমিৎ নিনিগী মালেমগী কনফরেন্স অসিদা প্রদ্যুসর, কঞ্জ্যুমর অমসুং অতোপ্পা স্তেকহোলদরশিংগী মরক্তা মিল্লেতকী মতাংদা মরু ওইবা ৱাফম খঙহনবা অমসুং পুক্নিং থৌগৎপা; মিল্লেতকী ভেল্যু চেন শেমগৎপা; মিল্লেতনা পীবা হকশেলগী কান্নবা অমসুং ন্যুত্রিসনগী ৱারোল; মার্কেত লিঙ্কেজ; রিসর্চ অমসুং দিভেলপমেন্তনচিংবা মিল্লেত (শ্রী অন্না)কা মরী লৈনবা মরু ওইবা হীরম কয়াগী মতাংদা সেসন কয়া পাংথোক্কনি।
প্রধান মন্ত্রীনা একজিবিসন-কম-বাইয়র-সেল্লর মীত পেভিলিয়ন অমসু হৌদোক্তুনা মসিগী মিৎয়েং তানবা খোঙচৎ অমসু চৎখি। মহাক্না স্তাম্প অমসুং নিংশিং শেনয়েক অমসু ফোঙখি। মখা তারকপা ওইনা, প্রধান মন্ত্রীনা ভারতকী মিল্লেত (শ্রী অন্না) স্তার্তঅপশিংগী কম্পেন্দিয়ম অমসুং মিল্লেত (শ্রী অন্না) স্তেন্দর্দকী লাইরিক দিজিতেলগী খুত্থাংদা ফোঙখি।
মালেমগী লুচিংবশিংনা ঙসিগী থৌরম অসিগা মরী লৈননা ৱাফম কয়াসু থম্লকখি। ইথিওপিয়াগী রাস্ত্রপতি, কুমারী সাহলে-ৱোর্ক জিউদেনা ভারত সরকারবু মসিগুম্বা থৌরম শীনবগীদমক্তা থাগৎপা ফোংদোকখি। হৌজিক্কী মতম অসিদা মিল্লেতনা শেল চঙদবা মচি ওইবা চিঞ্জাক্কী ওপ্সন অমা পীরি হায়না মহাক্না হায়খি। ইথিওপিয়া অসি সব-শহারাগী অফ্রিকাগী মিল্লেত পুথোকপা মরু ওইবা লৈবাক অমনি। মিল্লেত খুমাং চাউশিলহনবা অমসুং মখোয়গী ইকোসীস্তেমগী মখা পোন্না মহৈ মরোং অসিগী সস্তেনেবিলিতীগী মতাংদা নৈনবদা তঙাই ফদবা পোলিসীগী মিৎয়েং চঙফম থোকপা হীরমশিং থৌরম অসিনা শক্তাক্লিবা অসিবুসু মহাক্না পনখি।
মিল্লেতপু খুমাং চাউশিলহন্নবগীদমক্তা ভারতনা লুচিংবগী থৌদাং লৌরে অমসুং মসিগা লোয়ননা মখোয়গী হৈ-শিংবশিংবু মালেম্না শিজিন্ননবা পুম্নমক্কী মমাংদা থম্লি হায়না গুয়ানাগী রাস্ত্রপতি, ঐচ.ই. দাঃ মোহম্মদ ইর্ফান অলিনা ফোংদোকখ্রে। মালেমগী মিল্লেতকী চহিনা মায় পাকপা অসিনা এস.দি.জি. ফংবদা মশক থোক্না তেংবাংগনি হায়না মহাক্না হায়খি। গুয়ানানা মিল্লেতপু ফুদ সেক্যুরিতী ফংহনগদবা মরু ওইবা হীরম অমনি হায়না শকখঙলে। গুয়ানানা মিল্লেত পুথোক্নবগীদমক্তা একর ২০০গী লম খাক্তুনা ভারতকা লোয়ননা খুৎশম্ননা চৎকনি অমসুং মসিদা ভারতনা তেক্নিকেল তেংবাং অমসুং তেক্নোলোজীগী ঙাক্লৌ পীগনি।
প্রধান মন্ত্রীনা ঙসি তিনখিবা মীয়ামদা ৱা ঙাংবদা, গ্লোবেল মিল্লেত কনফরেন্স শীন-লাঙলিবা অসিগীদমক্তা পুম্নমকপু থাগৎখি অমসুং মসিগুম্বা থৌরম অসিনা মালেমগী নুংঙাই-য়াইফগীদমক্তা তঙাই ফদবা অমা ওইবতা নত্তনা ভারতনা মালেমগী য়াইফনবগীদমক্তা লৌবা থৌদাংগী খুদম অমসু ওইরে হায়না ফোংদোকখি। ৱারেপ অমা লৌববু অপাম্বা মহৈ ফংবগী থৌওংদা ওন্থোকপগী মরু ওইবদা মিৎয়েং চঙলদুনা, প্রধান মন্ত্রীনা ভারতনা লেপ্তনা হোৎনবদগী য়ুনাইতেদ নেসন্সনা ইং ২০২৩বু মালেমগী মিল্লেতকী চহি হায়না লাউথোকখিবনি হায়না অমুক্কা হন্না ফোংদোকখি। মালেম্না মালেমগী মিল্লেতকী চহিগী নুংঙাইবা ফোংদোক্লিবা অসিগী মতমদা ভারতনা পায়খৎলিবা কেম্পেন অসিনা মাইকৈ অসিদা থাংজিনবা মশক থোকপা খোঙথাং অমা ওইবসিদা নুংঙাইবা পোকই হায়না মহাক্না হায়খি। গ্রাম পঞ্চায়ত, কৃষি কেন্দ্র, স্কুল, কোলেজ অমসুং এগ্রিকলচর য়ুনিভর্সিতী অমদি ভারতকী ইম্বেসী অমসুং মালেমগী তোঙান-তোঙানবা লৈবাক কয়ানা শরুক য়াদুনা মিল্লেত থাবা, মিল্লেতকী শেন্মিৎলোন, হকশেলদা কান্নবা পীবা অমসুং লৌমীশিংগী শেন্থোক্কুম্বা হীরম কয়া অমগী মতাংদা ব্রেনস্তোর্মিং তৌবগী সেসন কয়াসু পাংথোক্কনি হায়না প্রধান মন্ত্রীনা হায়খি। ঙসিগী থৌরম অসিদা লৌমী লাখ ৭৫ হেনবনা ভর্চুএলগী খুত্থাংদা শরুক য়ারি হায়নসু মহাক্না পাউদমখি। নিংশিং শেনয়েক অমসুং স্তাম্প অমা ফোঙবগা লোয়ননা ভারতকী মিল্লেত (শ্রী অন্না) স্তার্তঅপশিংগী কম্পেন্দিয়ম অমসুং মিল্লেত (শ্রী অন্না) স্তেন্দর্দকী লাইরিক ফোঙবা অমসুং আই.সি.এ.আর.গী ইন্দিয়ন ইন্সতিত্যুত ওফ মিল্লেত রিসর্চপু গ্লোবেল সেন্তর ওফ এক্সেলেন্স হায়না লাউথোকপা অসিনা ঙসিগী থৌরমগী মশক তাক্লি হায়না প্রধান মন্ত্রীনা মখা তাখি।
থৌরম মফম অসিদা পাংথোক্লিবা একজিবিসন অসি দেলিগেতশিংনা শোইদনা য়েংবীয়ু অমসুং মিল্লেত থাবগা মরী লৈনবা হীরম খুদিংমক মফমসিদগী মমুৎ তানা খঙবীয়ু হায়না প্রধান মন্ত্রীনা হায়খি। মিল্লেতকা মরী লৈনবা ইন্তর্প্রাইস অমসুং ফার্মিংগী স্তার্তঅপ কয়া নহাশিংনা শেম্লিবা অসিগীদমক্তা মহাক্না থাগৎপা ফোংদোকখি। “মসিদি ভারতনা মিল্লেতকী হীরমদা খোঙফম চেৎলিবা অসিগী খুদম্নি”, মহাক্না হায়খি।
প্রধান মন্ত্রীনা ভারতনা দেলিগেতশিংগী মফমদা মিল্লেতপু শ্রী অন্না হায়না মিংথোন্দুনা পায়খৎলিবা মিল্লেত ব্রান্দিং তৌবগী থৌওংশিংগী মতাংদা পাউদমখি। শ্রী অন্না হায়বসি চিঞ্জাক নত্ত্রগা লৌ-উবা খক্তদা অকক্নবা লৈতে হায়না ফোংদোকখি। ভারতকী চৎনবী নিংথীনা খঙবা মীওইশিংনা করিগুম্বা অমগী মমাংদা শ্রী হাপ্পগী মরু ওইবশিং মমুৎ তানা খঙগনি। “শ্রী অন্নানা ভারতকী হোলিস্তিক দিভেলপমেন্তকী পাম্বৈ অমা ওইরক্লি। মসিগা খুঙ্গং অমসুং লাইরবশিংগসু মরী লৈনরি”। শ্রী অন্না হায়বদি লৈবাক্কী অপীকপা লৌমীশিংগী নুংঙাই য়াইফবগী থোংজিন, শ্রী অন্না হায়বদি লৈবাক মীয়াম করোর কয়াগী ন্যুত্রিসনগী কোর্নরস্তোন, শ্রী অন্না হায়বদি ত্রাইবেল খুন্নাইবু শকখঙবা, শ্রী অন্না হায়বদি ঈশিং য়াম্না চঙদনা মহৈ মরোং য়াম্না পুথোকপা, শ্রী অন্না হায়বদি কেমিকেল য়াওদবা লৌউ-শিংউগী অচৌবা ফম্বাক অমা, শ্রী অন্না হায়বদি অইং-অশা হোংবগী শিংনবগী মাইয়োক্তা লান্থেংনবগী অচৌবা তেংবাং হায়বনি হায়না মহাক্না মখা তাখি।
শ্রী অন্নাবু মালেমগী ইহৌ অমা ওইহন্নবগীদমক্তা সরকারনা লেপ্পা লৈতনা হোৎনরিবশিংদা মিৎয়েং চঙলদুনা, প্রধান মন্ত্রীনা মিল্লেতপু ইং ২০১৮দা ন্যুত্রি-সিরিএলনি হায়না লাউথোকখি অমসুং মসিবু কৈথেলদা পাম্নহনবগা লোয়ননা লৌমীশিংগী মরক্তা মসিগী কান্নবা খঙহন্নবা থবক কয়া থাক কয়া থোক্না পায়খৎপা হৌখি হায়না পাউদমখি। মিল্লেতশিং অসি লৈবাক্কী তোঙান-তোঙানবা রাজ্য ১২-১৩দা মরু ওইনা থাবনি অমসুং ইমুং অমগী মীওই অমনা থা অমদা মসিবু চাবগী চাং অসি কিলো ৩দগী হেল্লমদে, অদুবু ঙসিদি মসিগী চাং অসি থা অমদা কিলো ১৪দা হেনগৎলে হায়না প্রধান মন্ত্রীনা হায়খি। মিল্লেত ফুদ প্রদক্ত য়োনবগী মশিংসু চাউরাক্না ৩০%গী চাংদা হেনগৎলে হায়না মহাক্না পাউদমখি। সোসিএল মীদিয়া চেন্নেলদগী হেন্দোক্তুনা মিল্লকেতকী রেসিপীদা মিৎয়েং চঙবা মিল্লেত কেফেগী ৱাখল্লোন লৈরক্লিবা অসিগী মতাংদসু মহাক্না পাউদমখি। “লৈবাক্কী জিলা ১৯দা মিল্লেত অসি ৱান দিস্ত্রিক্ত, ৱান প্রদক্ত স্কিমগী মখাদা খনগৎলে”, শ্রী মোদীনা মখা তাখি।
ভারত্তা অপীকপা লৌমী চাউরাক্না করোর ২.৫না মিল্লেত থাবগী থবক হকথেংননা পাংথোক্লি হায়না প্রধান মন্ত্রীনা পাউদম্লদুনা মখোয়না অপীকপা লমগী মপু ওইজরবসু অইং-অশা হোংবগী শিংনবা অদুমক মাইয়োক্নরি হায়না ফোংদোকখি। “ভারতকী মিল্লেত মিসন্না লৈবাক্কী মিল্লেত পুথোকপা লৌমী করোর ২.৫গী য়াইফ থৌজাল অমা ওইরে”, শ্রী মোদীনা হায়খি। নিংতম্বা ফংলবা মতুংদা লৈবাক্কী মিল্লেত থাবা লৌমী করোর ২.৫বু সরকারনা অহানবা ওইনা য়েংশিনবীরি হায়না মহাক্না হায়খি। প্রোসেস তৌরবা অমসুং পেকেজ তৌরবা ফুদ আইতেম ওইনা মিল্লেতনা ঙসি দুকান কয়াদা য়ৌরিবা অসিবু শকখঙলদুনা, প্রধান মন্ত্রীনা শ্রী অন্না মার্কেত অসিবু হেন্না খুমাং চাউশিলহনবা মতমদা লৌমী করোর ২.৫গী চাগা হেনগৎকনি অমসুং মসিনা খুঙ্গংগী শেন্মিৎলোনগী মপাঙ্গলসু হাপকনি হায়না ফোংদোকখি। মমাংগী চহি খরসিদা শ্রী অন্নাদা থবক তৌবা স্তার্তঅপ ৫০০ হেন্না অমসুং এফ.পি.ও. মশিং য়াম্না থোক্লকখ্রে হায়না প্রধান মন্ত্রীনা পাউদমখি। খুঙ্গং মচাশিংগী সেল্ফ হেল্প গ্রুপকী নুপীশিংনা মিল্লেতকী পোত্থোক শাদুনা মপুং ফাবা সপ্লাই চেন অমসু লৈবাক অসিদা লৈরে অমসুং হায়রিবা পোত্থোকশিং অসিনা মোল অমসুং সুপরমার্কেত কয়াদা য়ৌশিনবা ঙম্লে হায়না মহাক্না ফোংদোকখি।
প্রধান মন্ত্রীনা জি.২০গী ভারতকী মোত্তো, ৱান আর্থ, ৱান ফেমিলী, ৱান ফ্যুচরদা মিৎয়েং চঙলদুনা মালেম পুম্ববু ইমুং অমা ওইনা খনবগী ৱাখল্লোন অসিসু মালেমগী মিল্লেতকী চহি অসিদা মমি তারি হায়না ফোংদোকখি। “ভারতনা মতম পুম্বদা মালেম অমসুং মীওইবা খুন্নাইগী সেবা তৌনবা লৌবা ৱারেপ অসিবু মশাগী থৌদাংনি খন্দুনা খ্বাইদগী অহানবা মিৎয়েং চঙদুনা লাক্লি”, প্রধান মন্ত্রীনা হায়খি। প্রধান মন্ত্রীনা য়োগগী খুদম পীরদুনা, মালেমগী য়োগ নুমিৎকী খুত্থাংদা য়োগগী কান্নবশিং মালেম শিনবা থুংবদা য়ৌরি হায়খি। মালেমগী লৈবাক ১০০ হেনবদা য়োগবু পুক্নিং থৌগৎলিবা অমসুং লৈবাক ৩০ হেনবনা অয়ুর্বেদবু শখঙলিবা অসিদা মহাক্না য়াম্না নুংঙাইবা ফাওই হায়না ফোংদোকখি। মহাক্না ইন্তর্নেস্নেল সোলর এলাইএন্সকী মতাংদা পল্লদুনা মসিনা সস্তেনেবল ওইবা প্লানেত অমা শেম্নবগীদমক্তা কান্নবা প্লেতফোর্ম অমা পীরি অমসুং লৈবাক ১০০ হেনবনা ইহৌ অসিদা শরুক য়ারি হায়না মহাক্না হায়খি। “লাইফ মিসনবু লুচিংবা নত্ত্রগা ক্লাইমেত চেঞ্জকী পান্দমশিং মতমগী মমাংদা ফংবা ওইরো, ভারতনা মশাগী হেরিতেজতগী ইথিল লৌরি, খুন্নাইদা অহোংবা পুরক্লি অমসুং মালেমগী য়াইফ-থৌরাংগীদমক্তা ইথিলশিং অসিগী মতেং লৌরি”, প্রধান মন্ত্রীনা হায়খি অমসুং মসিগা মান্নবা মহৈ অমসু ঐখোয়না ‘মিল্লেত ইহৌ’ অসিদা উবা ফংবা য়াগনি হায়খি। জোৱার, বাজরা, রাগী, সামা, কঙ্গনী, চীনা, কোদোন, কুতকী অমসুং কুত্তুগুম্বা ভারতকী তোঙান-তোঙানবা মফমশিংদা মরাং কায়না ফংবা শ্রী অন্নাগী খুদম পীরদুনা মিল্লেত অসি চহি চা কয়াদগী ভারতকী পুন্সি মহিংগী শরুক অমা ওইদুনা লাক্লি হায়খি। ভারতনা শ্রী অন্নাগা মরী লৈনবা মশাগী লৌউ-শিংউগী থৌওংশিং অসি মালেমদা তাকপা পাম্মি অমসুং অতোপ্পা লৈবাকশিংগী মফমদগীসু তম্বা পাম্মি হায়না প্রধান মন্ত্রীনা ফোংদোকখি। ঙসি থৌরমসিদা শরুক য়ারিবা ঐখোয়গা নক্নবা মরী লৈবা লৈবাকশিংগী লৌউ-শিংউ মন্ত্রীশিংদা প্রধান মন্ত্রীনা হীরম অসিগী মতাংদা তংদু লৈতানা চৎকদবা থৌওং অমা শেম্নবা হায়খি অমসুং লবুক্তগী কৈথেল ফাওবা অমসুং লৈবাক অমদগী লৈবাক অমদা পুন্না থৌদাং য়ামিন্নদুনা অনৌবা সপ্লাই চেন অমা শেম্বগী তঙাই ফদবা লৈ হায়নসু মহাক্না ফোংদোকখি।
মিল্লেতশিংনা অইং-অশা খাঙবা ঙম্বগী মতাংদা প্রধান মন্ত্রীনা পল্লদুনা মখোয়শিং অসিদি অইং-অশাগী কে-হেনবা ফিভমদসু য়াম্না লায়না থাবা য়াই হায়না ফোংদোকখি। ঈশিং য়াম্না তাঙবা মফমগী ওইনদি মসিদি য়াম্না পাম্নবা মহৈ-মরোংনি অমসুং মসি থাবদা ঈশিং য়াম্না চঙদে হায়না মহাক্না পাউদমখি। মিল্লেতশিং অসিদি কেমিকেল য়াওদনা মহৌশাদা য়াম্না লায়না থাবা য়াই অমসুং মসিনা মরম ওইদুনা মীওইবা অমসুং লৈবাক-লৈহাওবু কেমিকেলগী মাইয়োক্তগী ঙাক শেল্লি হায়না মহাক্না পাউদমখি।
প্রধান মন্ত্রীনা ঙসিগী মালেম অসিদা থেংনরিবা ফুদ সেক্যুরিতীগী শিংনবশিংগী মতাংদা পল্লদুনা মালেমগী খা-থংবা শরুকশিংদা থেংনরিবা ফুদ সেক্যুরিতীগী শিংনবা অমসুং মালেমগী অৱাংথংবা মফমশিংদা থেংনরিবা চিঞ্জাক্কী হৈনবীগা মরী লৈনবা লাইনাশিংগী মতাংদা পনখি। “ঐখোয়না নাকল অমদা ফুদ সেক্যুরিতীগী শিংনবা থেংনরি, অদুগা নাকল অমদনা চিঞ্জাক্কী হৈনবীনা পুরকপা শিংনবা কয়া অমুক লৈরি”, মহাক্না চিঞ্জাকশিং পুথোকপদা কেমিকেল য়াম্না শিজিন্নরিবা অসিগী মতাংদা পল্লদুনা হায়খি। শ্রী অন্না অসিদি থাবদা লায়বা অমসুং শেলসু য়াম্না চঙদবা অমসুং অতোপ্পা মহৈ মরোংগা চাংদম্নবদা অতেনবা মতমদা লোকপা য়াবা অসিনা মরম ওইরগা মসিগুম্বা শিংনবশিংগী ৱারোইশিন পুরকপা ঙমগনি হায়না মহাক্না হায়খি। প্রধান মন্ত্রীনা শ্রী অন্নাগী কান্নবশিং পল্লদুনা মখোয়শিং অসিদি মচি য়াম্না লৈ, মহাও য়াম্না লৈ, ফাইবরগী চাং য়াম্না ৱাংই, হকচাংদা য়াম্না কান্নবা পী অমসুং পুন্সি মহিংগা মরী লৈনবা লাইনা কয়া ঙাকথোকপদসু তেংবাংই হায়খি।
“মিল্লেতনা লোইবা নাইদ্রবা খুদোংচাবা কয়া পুদুনা লাক্লি”, প্রধান মন্ত্রীনা হায়খি। শ্রী অন্নানা নেস্নেল ফুদ বাস্কেত্তা শরুক তম্লিবা অসি শুপ্নগী ৫-৬%নি হায়রদুনা, মহাক্না লৌউ-শিংউ সেক্তরগী সাইন্তিস্ত অমসুং অখঙ-অহৈশিংনা হায়রিবা শরুক তম্বগী চাং হেনগৎহন্নবা থবক পাংথোক্লসি অমসুং চহি খুদিংগী ফংবা ঙমগদবা পান্দম থমদুনা চৎসি হায়না ফোংদোকখি। লৈবাক অসিনা ফুদ প্রোসেসিং সেক্তর চাউখৎহন্নবা পি.এল.আই. স্কিম হৌদোকখ্রবনি হায়না মহাক্না হায়খি। মিল্লেত সেক্তরনা মসিদগী খ্বাইদগী হেন্না কান্নবা লৌহনবগী তঙাই ফদবা লৈরি অমসুং কম্পেনী মশিং য়াম্বনা মিল্লেতকী পোত্থোক পুথোক্নবা মাঙ থানা থোক্লক্নবা ৱাফমসু মহাক্না ফোংদোকখি। রাজ্য কয়ানা মখোয়গী পি.দি.এস. পথাপতা শ্রী অন্না য়াওহন্নখ্রে অমসুং অতোপ্পা রাজ্যশিংনসু মসিগী মতুং ইন্নবা প্রধান মন্ত্রীনা ৱাফম থমখি। অঙাংশিংনা মতিক চাবা ন্যুত্রিসন ফংহন্নবা অমসুং মখোয়গী চিঞ্জাক্তা অনৌবা মহাও অমা হাপহন্নবগীদমক্তা শ্রী অন্নাবু মিদ-দে মীলদা য়াওহনবা য়াই হায়না মহাক্না ৱাহৌদোক থমখি।
প্রধান মন্ত্রীনা মহাক্কী ৱারোল লোইশিনবা ওইনা, মসিগী হীরমশিং অসি কনফরেন্স অসিদা য়াম্না কুপ্না খন্নগনি অমসুং মখোয়বু থবক ওইনা পাংথোকপগী থৌরাংসু য়াৎকনি হায়খি। “লৌমী অমসুং স্তেকহোলদরশিংনা পুন্না হোৎনমিন্নদুনা, চিঞ্জাক্না ভারত অমসুং মালেমগী য়াইফ য়ুম্বালগী ফিভমদা অনৌবা মঙাল অমা হাপ্লগনি”, প্রধান মন্ত্রীনা হায়খি।
কেন্দ্রগী লৌউ-শিংউ অমসুং লৌমীশিংগী য়াইফ থৌরাং মন্ত্রী, শ্রী নরেন্দ্র সিংহ তোমার, এক্সতর্নেল এফিয়র্সকী কেন্দ্র মন্ত্রী, দাঃ সুব্রহ্মনিয়ম জয়শঙ্কর, হকশেল অমসুং য়াইফ য়ুম্বালগী কেন্দ্র মন্ত্রী, দাঃ মনশুখ মন্দাবিয়া, কম্মর্স অমসুং ইন্দস্ত্রীগী কেন্দ্র মন্ত্রী, শ্রী পিয়ুশ গোয়ল অমসুং লৌউ-শিংউ অমসুং লৌমীশিংগী য়াইফ থৌরাংগী কেন্দ্রগী রাজ্য মন্ত্রী, শ্রী কাইলাশ চৌধুরী অমসুং মিস সোভা করান্দজলেনা অতোপ্পা মীথুংলেন কয়াগা লোয়ননা ঙসিগী থৌরমদা শরুক য়াখি।
বেকগ্রাউন্দ
ভারতনা ৱাহৌদোক থম্বগী মতুং ইন্না, ইং ২০২৩বু য়ুনাইতেদ নেসন্স জেনেরেল এসেমব্লী (য়ু.এন.জি.এ.)না মালেমগী মিল্লেতকী চহি (আই.ৱাই.এম.) হায়না লাউথোকখিবনি। মসিগা লোয়ননা, প্রধান মন্ত্রীগী আই.ৱাই.এম. ২০২৩গী হরাও-তয়াম্বা ফোংদোকপা অসিবু ‘মীয়ামগী ইহৌ’ অমা ওইহনবা অমসুং ভারতপু ‘মিল্লেতকী মালেমগী হব’ অমা ওইহনবা হায়বা মঙলান অসিগী মতুং ইন্না, মিল্লেত থাবা, শিজিন্নবা অমসুং অইং-অশাগী মতাংদা মিল্লেত (শ্রী অন্না)না কান্নবা পীবগী মতাংদা ই-পাউ শন্দোক্নবা অমসুং থৌওং অসিবু হেন্না খুমাং চাউশিলহন্নবা কেন্দ্র সরকারগী মন্ত্রালয়/বিভাগ, রাজ্য/য়ু.তি., লৌমী, স্তার্তঅপ, এক্সপোর্তর, রিতেল ব্যুজিনেস অমসুং অতোপ্পা স্তেকহোলদরশিংবু শিজিন্নগনি। ভারত্তা গ্লোবেল মিল্লেত (শ্রী অনা) কনফরেন্স পাংথোক্লিবা অসিসু হীরম অসিগা মরী লৈনবা য়াম্না মরু ওইবা থৌরম অমনি।
নুমিৎ নিনিগী মালেমগী কনফরেন্স অসিদা মিল্লেত (শ্রী অন্না)কা মরী লৈনবা মরু ওইবা হীরম কয়াগী মতাংদা সেসন কয়া পাংথোক্কনি। হায়রিবা হীরমশিং অসিগী মনুংদা প্রদ্যুসর, কঞ্জ্যুমর অমসুং অতোপ্পা স্তেকহোলদরশিংগী মরক্তা মিল্লেতকী মতাংদা মরু ওইবা ৱাফম খঙহনবা অমসুং পুক্নিং থৌগৎপা; মিল্লেতকী ভেল্যু চেন শেমগৎপা; মিল্লেতনা পীবা হকশেলগী কান্নবা অমসুং ন্যুত্রিসনগী ৱারোল; মার্কেত লিঙ্কেজ; রিসর্চ অমসুং দিভেলপমেন্তনচিংবা কয়া য়াওগনি। কনফরেন্স অসিদা তোঙান-তোঙানবা লৈবাকশিংগী লৌউ-শিংউ মন্ত্রী; মালেমগী সাইন্তিস্ত; ন্যুত্রিস্নিস্ত, হকশেলগী মতাংদা খঙ-হৈরবা মীওই, স্তার্তঅপশিংগী লুচিংবা অমসুং অতোপ্পা স্তেকহোলদর কয়ানা শরুক য়াগনি।
It is a matter of great honour for us that after India's proposal and efforts, the United Nations declared 2023 as 'International Year of Millets'. pic.twitter.com/BVCSVlqdoP
— PMO India (@PMOIndia) March 18, 2023
In India, millets have been given the identity of Shree Anna. Here's why... pic.twitter.com/6QDN9WptbR
— PMO India (@PMOIndia) March 18, 2023
श्रीअन्न भारत में समग्र विकास का एक माध्यम बन रहा है। pic.twitter.com/Ooif8MK0Oq
— PMO India (@PMOIndia) March 18, 2023
India is the President of G-20 at this time. Our motto is - 'One Earth, One Family, One Future.'
— PMO India (@PMOIndia) March 18, 2023
This is also reflected as we mark the 'International Year of Millets.' pic.twitter.com/QOnbSF1htQ
Millets, मानव और मिट्टी, दोनों के स्वास्थ्य को सुरक्षित रखने की गारंटी देते हैं। pic.twitter.com/0q00kq7seT
— PMO India (@PMOIndia) March 18, 2023
Millets can help tackle challenges of food security as well as food habits. pic.twitter.com/VIyVDIWo5K
— PMO India (@PMOIndia) March 18, 2023
