ঙসি প্রধান মন্ত্রী শ্রী নরেন্দ্র মোদীনা হরিয়ানাগী গুরুগ্রামদা লুপা করোর লাখ ১ রোমগী তোঙান-তোঙানবা রাজ্যশিংগী নেসনেল হায়ৱে প্রোজেক ১১২ শঙ্গাখ্রে অমসুং উরেপ-উয়ুং তমখ্রে। তেক্নোলোজিগী খুৎথাংদা লৈবাক শীনবা থুংবগী মীওই লাখ কয়া থৌরম অসি শরুক য়াখি।
থৌরম অদুদা ৱা ঙাংবদা, প্রধান মন্ত্রীনা হায়খি দিল্লিদা থৌরমশিং পাংথোকপগী চৎনবী অদু লৈবাক অসিগী অতোপ্পা মফমশিংদা অচৌবা থৌরমশিং পাংথোকপদা হোংলে। ঙসি লৈবাক অসিনা অনৌবা লম্বী-থোং শেমগৎনবা অতোপ্পা অচৌবা অমসুং মরুওইবা খোঙথাং অমা থাংজিল্লে। দ্বারকা এক্সপ্রেসৱেগী হরিয়ানা সেক্সন মীয়ামদা কৎথোকপদা হরাওই। মসিনা মতম চুপ্পদা হরিয়ানা অমসুং দিল্লিগী মরক্তা চৎথোক-চৎশিনদা অহোংবা লৈরগনি। গারিশিং খক্তগী গিয়ার হোংবা খক নত্তনা লমদম অসিগী মীয়ামগী পুন্সিশু হোংলগনি।
প্রধান মন্ত্রীনা হায়খি প্রোজেকশিং পায়খৎপগী খোঙজেল হোংলে। ২০২৪গী থা অহুম য়ৌদ্রিঙৈদা, মীয়ামগীদমক লুপা করোর লাখ ১০ হেনবগী প্রোজেকশিং মীয়ামদা কৎথোকখ্রে নত্ত্রগা উরেপ-উয়ুং তমখ্রে। ঙসি লুপা করোর লাখ ১ হেনবগী প্রোজেক ১০০ হেনবা অসিদা কর্নাতকা, কেরলা, অন্ধ্র প্রদেস, উত্তর প্রদেস, হরিয়ানা, নোংচুপ বেঙ্গল, বিহার, মহারাস্ত্রা, পঞ্জাব অমসুং রাজস্থানগী চাউখৎ-থৌরাংগী প্রোজেকশিং য়াওরি। ঙসিগী প্রোজেকশিংগী মনুংদা কিমি ৫৪০গী অমৃতসর ভান্তিন্দা জামনগর কোরিদোর অমসুং বেঙ্গালুরু রিং রোদ শেমগৎপা য়াওরি।
শ্রী মোদীনা হায়খি উদোগকী ইনফ্রাস্ত্রকচর চাউখৎলকপদগী অৱাবশিং খুদোংচাবশিংদা ওন্থোক্লে। শিংনবশিং খুদোংচাবশিংদা ওন্থোকপা অসি মোদীগী গরেন্তিনি।
প্রধান মন্ত্রী মোদীনা হায়খি শিংনবশিং খুদোংচাবশিংদা ওন্থোকপা মহাক্কী সরকারগী থবক অসি দ্বারকা এক্সপ্রেৱেনা খুদম অমনি। হৌজিক এক্সপ্রেৱে শেমগৎলিবা মফমশিং অসি খুদোংথিনিঙাই ওই হায়না মমাঙদা খন্নরমখি অমসুং মীয়াম মসি নুমিৎ হেক তাবগা শীজিন্নখিদে। অদুবু ঙসিদি, মসি হৌজিক অচৌবা কোর্পোরেসনশিংগী মফম অমা ওইরে, নেসনেল কেপিতেল রিজন(এন সি আর) য়াংনা চাউখৎপদা মতেং পাংলে।
প্রধান মন্ত্রীনা হায়খি দ্বারকা এক্সপ্রেৱে অসি দিল্লিদা ইন্দিরা গান্ধী ইন্তরনেসনেল এয়রপোর্তকা শম্নদুনা য়াম্না মরুওইবা লম্বী অমা ওইরি। অসিগুম্বা ইনফ্রাস্ত্রকচর প্রোজেকশিংনা লম্বী-থোং ফগৎহন্দুনা এন.সি.আর লমদমদা শেন-থুম তানবগী থবকশিং চাউখৎহনগনি।
প্রধান মন্ত্রীনা মখা তানা হায়খি ইনফ্রাস্ত্রকচর প্রোজেকশিং মতম চানা লোইশিনবগীদমক হরিয়ানা সরকার অমসুং মরুওইনা চীফ মিনিস্তর মনোহর লাল খাত্তর থাগৎপা ফোঙদোকচরি। বিকসিত হরিয়ানা অমসুং বিকসিত ভারতকীদমক য়াম্না মরুওইরিবা রাজ্য অসিগী ইনফ্রাস্ত্রকচর মতমগা চুন্না শেমগৎপগীদমক মখোয়গী কৎথোকপগীদমক থাগৎপা ফোঙদোকচরি।
প্রধান মন্ত্রীনা হায়খি দিল্লি-এন.সি.আর লমদমদা মহাক্কী সরকারনা ইনফ্রাস্ত্রকচর চাউখৎনবা থবক পায়খৎলি। দ্বারকা এক্সপ্রেৱে, পেরিফেরেল এক্সপ্রেৱে অমসুং দিল্লি-মিরুত এক্সপ্রেসৱে মতম চানা লোইশিল্লে। হায়রিবা প্রোজেকশিং অসিগা লোয়ননা, মেত্রো লাইনশিং শাংদোকহন্দুনা অমসুং ইন্তরনেসনেল এয়রপোর্তশিং শাদুনা লমদম অসিদা মী চিনবা অমসুং পোল্লুসন হন্থহন্নবা থবক পায়খৎলি। ২১শুবা চহিচাগী ভারত অসি অচৌবা মঙলান অমসুং অচৌবা পান্দমশিংগী ভারতনি।
প্রধান মন্ত্রীনা হায়খি ইনফ্রাস্ত্রকচর চাউখৎহনবা অমসুং লায়রবা কোকহনবগা মরী লৈনরি অমসুং খুঙ্গংগী লমশিংদা লম্বীশিং ফগৎহনবা অমসুং দিজিতেলগী খুদোংচাবশিং ফংহনবনা খুঞ্জাশিংদা অনৌবা খুদোংচাবা কয়া ফংহল্লি। দিজিতেল ইনফ্রাস্ত্রকচরশিংনা মরম ওইদুনা ভারতকী খুঙ্গংদা অনৌবা খুদোংচাবশিং ফংবা হেনগৎহল্লে অমসুং হকশেল অমসুং লাইরিক-লাইশুগুম্বা তঙাইফদবা থবকশিং ফংহল্লে। অসিগুম্বা থবকশিংনা হৌখিবা চহি ১০দা ভারতমচা করোর ২৫ লায়রবা কোকহনবদা মতেং পাংলে অমসুং ভারত মালেমদা ৫শুবা খ্বাইদগী চাউবা ইকোনোমি ওইরে। লৈবাক অসিদা য়াংনা ইনফ্রাস্ত্রকচর শেমগৎলকপা অসিনা ভারত মালেমদা ৩শুবা খ্বাইদগী চাউবা ইকোনোমি ওইহল্লগনি। ভারত শীনবা থুংনা ইনফ্রাস্ত্রকচর চাউখৎহনবা য়াংখৎহন্নবা সরকারনা থবক পায়খৎলে। অসিগুম্বা থবকশিংনা লৈবাক্কী শেন্মিৎলোন মপাঙ্গল কনখৎহনবতা নত্তনা নহারোলশিংগীদমক মশিং য়াম্লবা খুদোংচাবশিং শেমগৎকনি।
প্রধান মন্ত্রীনা হায়খি মতম শাংনা পন্দুনা লাক্লবা প্রোজেক কয়া হৌজিক পাল্লিবা সরকার অসিনা লোইশিল্লে, লোইশিল্লবা প্রোজেকশিংগী মনুংদা ইস্তর্ন পেরিফেরেল এক্সপ্রেসৱে(২০০৮তা লাউথোকখিবা, ২০১৮দা লোইশিনবা) য়াওরি। দ্বারকা এক্সপ্রেসৱে চহি ২০ পন্দুনা লাকখি। ঙসি, ঐখোয়গী সরকারনা উরেপ-উয়ুং তমখিবা থবক খুদিংমক, মসি মতম চানা লোইশিল্লে। ঐখোয় মীখল লৈবা নত্ত্রগা লৈতদবা য়েংদে। খুঙ্গংশিংদা কিমি লাখ কয়াগী ওপ্তিক ফাইবরশিং তিংলে, অপীকপা সহরশিংদা এয়রপোর্তশিং শেমগৎলে, মীখলগী মতম য়েংদনা লম্বীগী প্রোজেকশিং লোইশিল্লে।
প্রধান মন্ত্রীনা হায়খি হান্নদি, থবক খুদিংমক থেংথখি, হৌজিক থবক লোইশিল্লে। মমাঙদা, থবক থেংথখি, হৌজিক চাউখৎপা লৈরে। কিমি লিশিং ৯গী হায় স্পিৎ কোরিদোর শেমগৎনবা পান্দম থম্বদা হৌজিক কিমি লিশিং ৪ শেমগৎপা লোইরে। ২০১৪দা সহর ৫ দা মেত্রো লৈরম্বদগী হৌজিক সহর ২১দা মেত্রো য়ৌরে। চাউখৎপগী পান্দমগা লোয়ননা থবক অসি পায়খৎপনি। হায়রিবা থবকশিং অসি পুকচেল শেংলবা মতমদা পাংথোকই। মথং চহি ৫দা চাউখৎপগী খোঙজেল শরুক কয়া য়াংখৎলগনি।
থৌরম অসিদা শরুক য়াখিবশিংগী মনুংদা হরিয়ানাগী চীফ মিনিস্তর শ্রী বন্দারু দাত্তাত্রেয়া, হরিয়ানাগী চীফ মিনিস্তর শ্রী মনোহর লাল, য়ুনিয়ন মিনিস্তরশিং শ্রী নিতিন গাদকারি, শ্রী রাও ইন্দ্রজিৎ, শ্রী কৃষ্ণন পাল, হরিয়ানাগী দিপুতি চীফ মিনিস্তর শ্রী দুসায়ান্ত চৌতালা য়াওখি।
নুঙগীৱারোল
এন.ঐচ-৪৮তা লম্বী চৎপা নুংঙাইবা হেনগৎহন্নবা অমসুং দিল্লি অমসুং গুরুগ্রামগী মরক্তা মী চিনবা হন্থহন্নবা, প্রধান মন্ত্রীনা কিমি ১৯ শাংবা দ্বারকা এক্সপ্রেসৱেগী হরিয়ানা সেক্সন শঙ্গাখি। কিমি ১৯ শাংবা দ্বারকা এক্সপ্রেসৱেগী হরিয়ানা সেক্সন অসি লুপা করোর ৪,১০০ রোম চঙনা পায়খৎপনি অমসুং মসিদা কিমি ১০.২ শাংবা দিল্লি-হরিয়ানা বোর্দরদগী বাসাই রেল-ওভর-ব্রিজ(আর ও বি) অমসুং কিমি ৮.৭ শাংবা বাসাই আর.ও.বিদগী খেরকি দাউলা ফাওবগী পেকেজ অনি য়াওরি। মসিনা দিল্লি অমসুং গুরুগ্রাম বাইপাসতা আই.জি.আই এয়রপোর্তকা হকথেংননা শম্নগনি।
প্রধান মন্ত্রীনা শঙ্গাখিবা অতোপ্পা মরুওইবা প্রোজেকশিংগী মনুংদা দিল্লিদা নাংলোই-নাজাফগর রোদতগী সেক্তর ২৪ দ্বারকা ফাওবগী কিমি ৯.৬ শাংবা লেন তরুক ওনখৎনবা অর্বান এক্সতেন্সন রোদ-২(য়ু ই আর-২)-পেকেজ ৩; উত্তর প্রদেসতা লুপা করোর ৪,৬০০রোম চঙনা লাখনৌ রিং রোদ শেমগৎনবা পেকেজ অহুম; অন্ধ্র প্রদেসতা লুপা করোর ২,৯৫০ রোম চঙনা এন.ঐচ-১৬গী অনন্দাপুরম-পেন্দুরতি-অনাকাপাল্লি সেক্সন শেমগৎপা; হিমাচল প্রদেসতা লুপা করোর ৩,৪০০ রোম চঙনা এন.ঐচ-২১(পেকেজ ২)গী কিরাতপুর-নেরচোক সেক্সন শেমগৎপা; কর্নাতকাদা লুপা করোর ২৭৫০ রোম চঙনা দোবাসপেত-হেসকোত সেক্সন শেমগৎপা অমসুং লৈবাক্কী তোঙান-তোঙানবা রাজ্যশিংদা লুপা করোর ২০,৫০০ রোমগী অতোপ্পা প্রোজেক ৪২ য়াওরি।
প্রধান মন্ত্রীনা লৈবাক শীনবা থুংনা তোঙান-তোঙানবা নেসনেল হায়ৱে প্রোজেকশিংশু উরেপ-উয়ুং তমখি। উরেপ-উয়ুং তমখিবা মরুওইবা প্রোজেকশিংগী মনুংদা অন্ধ্র প্রদেসতা লুপা করোর ১৪,০০০গী বেঙ্গালারু-কাদাপ্পা-বিজয়ৱাদা এক্সপ্রেসৱেগী পেকেজ ১৪; কর্নাতকাদা লুপা করোর ৮০০০গী এন.ঐচ-৭৪৮এগী বেলগাউন-হুনগুন্দ-রাইচুর সেক্সনগী পেকেজ তরুক; হরিয়ানাদা লুপা করোর ৪,৯০০গী সাম্লি-অম্বালা হায়ৱেগী পেকেজ অহুম; পঞ্জাবতা লুপা করোর ৩,৮০০গী অমৃতশর-বথিন্থা কোরিদোর; লোয়ননা ভারত শীনবা থুংবগী তোঙান-তোঙানবা রাজ্যশিংদা লুপা করোর ৩২,৭০০ রোমগী অতোপ্পা প্রোজেক ৩৯ য়াওরি।
প্রোজেকশিং অসিনা নেসনেল হায়ৱে নেতৱার্ক ফগৎহনবদা শিংথাবা য়ানা মতেং পাংগনি অমসুং লৈবাক শীনবা থুংবগী খুন্নাই অমসুং শেন-থুম চাউখৎহনবা, থবক ফংবগী খুদোংচাবশিং হেনগৎহনবা অমসুং ললোন-ইতিক চাউখৎহনবদা মতেং পাংগনি।
Next-gen infrastructure for 'Viksit Bharat.' pic.twitter.com/htVRhqeC3A
— PMO India (@PMOIndia) March 11, 2024
21वीं सदी का भारत बड़े विजन का भारत है।
— PMO India (@PMOIndia) March 11, 2024
ये बड़े लक्ष्यों का भारत है। pic.twitter.com/VJE6k5dYeD
देश में तेजी से हो रहा इंफ्रास्ट्रक्चर निर्माण का काम, भारत को उतनी ही तेजी से दुनिया की तीसरी सबसे बड़ी आर्थिक ताकत भी बनाएगा। pic.twitter.com/tZONdCcjIo
— PMO India (@PMOIndia) March 11, 2024
Honouring taxpayers. pic.twitter.com/0WkABpNQlO
— PMO India (@PMOIndia) March 11, 2024
