ঙসি নিউ দিল্লিদা প্রধান মন্ত্রী শ্রী নরেন্দ্র মোদীনা য়ু.এস.এগী রাস্ত্রপতি জোসেফ আর. বাইদেন উনখ্রে। মহাক্না রাস্ত্রপতি ওইবদগী ভারত্তা অহানবা ওইনা লাক্লিবা রাস্ত্রপতি বাইদেন্না সেপ্তেম্বর ৯-১০,২০২৩দা নিউ দিল্লিদা পাংথোক্কদৌরিবা জি-২০ মীফম শরুক য়াগনি।
গনতন্ত্রগী গুনশিং, অচেৎপা মরীশিং অমসুং মীগা মীগা লৈনবা মরীশিংদা য়ুম্ফম ওইরিবা ইন্দিয়া-য়ু.এস কমপ্রেহেন্সিপ গ্লোবেল স্ত্রাতেজিক পার্তনরশিপ মখা তানা মপাঙ্গল কনখৎহন্নবা রাস্ত্রপতি বাইদেনগী মঙলান অমসুং থাজবা অদু প্রধান মন্ত্রীনা থাগৎপা ফোঙদোকখি।
ইন্দিয়া-য়ু.এস ইনিসিএতিপ ফোর ক্রিতিকেল এন্দ ইমর্জিং তেক্নোলোজি(আই সি ই তি)গী মখাদা, জুন ২০২৩দা প্রধান মন্ত্রীগী পুৱারি ওইরবা য়ু.এস খোঙচত্তা য়ানখিবশিং থবক ওইনা পায়খৎলকপদা লুচিংবশিংনা থাগৎপা ফোঙদোকখ্রে।
ঙাক-শেন, ললোন-ইতিক, শেন থাদবা, লাইরিক-লাইশু, হকশেল, রিছার্স, ইন্নোবেসন, নাৎ অমসুং মীগা মীগা লৈনবা মরীশিং য়াওনা লৈবাক অনিগী মরক্তা মতেং পাংনবা হেনগৎলকপা অসিদা লুচিংবশিংনা তরাম্না ওকখি।
ভারতকী চন্দ্রয়ান-৩না পুৱারি ওইনা থাগী খা মেরু ময়াদা তাবদা রাস্ত্রপতি বাইদেন্না প্রধান মন্ত্রী অমসুং ভারতকী মীয়ামদা হরাওবা ফোঙদোকখি অমসুং স্পেসকী লমদা লৈবাক অনিগী মরক্তা মতেং পীনবা হেনগৎহন্নবা মতাংদা ফোঙদোকখি।
লুচিংবা অনিনা লমদম লমদমগী অমসুং মালেমগী ওইবা ৱাফমশিং খন্নখি। ভারত-য়ু.এস মরী অসি লৈবাক অনিগী মীয়াম খক্তগী কান্নবা পীবতা নত্তনা মালেমগী য়াইফবা ওইহনবা হায়না মখোয়না য়ানখি।
ভারতনা জি-২০গী প্রসিদেন্ত ওইবদা য়ু.এসনা শৌগৎপগীদমক প্রধান মন্ত্রীনা রাস্ত্রপতি বাইদেন থাগৎপা ফোঙদোকখ্রে
Happy to have welcomed @POTUS @JoeBiden to 7, Lok Kalyan Marg. Our meeting was very productive. We were able to discuss numerous topics which will further economic and people-to-people linkages between India and USA. The friendship between our nations will continue to play a… pic.twitter.com/Yg1tz9kGwQ
— Narendra Modi (@narendramodi) September 8, 2023
Prime Minister @narendramodi and @POTUS @JoeBiden are holding talks at 7, Lok Kalyan Marg in Delhi.
— PMO India (@PMOIndia) September 8, 2023
Their discussions include a wide range of issues and will further deepen the bond between India and USA. 🇮🇳 🇺🇸 pic.twitter.com/PWGBOZIwNT
