ইকায়খুম্নরবা, প্রধান মন্ত্রী দোনাল্দ তুস্ক,
লৈবাক অনিগী মীহুৎ কাংবু,
মেদিয়াগী মরুপ-মপাংশিং,
খুরুমজরি,
ৱারসোগুম্বা ফজরবা সহর অমদা তরাম্না ওকপা অমসুং মরুপ-মপাং ওইবা ৱাহৈশিং ফোঙদোকপগীদমক ঐগী থম্মোয়দগী ঐনা প্রধান মন্ত্রী তুস্ক থাগৎপা ফোঙদোকচরি। অদোম চহি কয়াগী মমাঙদগী ভারতকী অফবা মরুপ অমা ওইদুনা লাক্লি। ভারত অমসুং পোলেন্দগী মরুপ-মপাং ওইবা মরী হেন্না ফগৎহন্নবা হোৎনবদা অদোম্না মরুওইবা থৌদাং অমা লৌরি।
মরুপশিং,
ঙসি অসি ভারত অমসুং পোলেন্দগী মরক্তা লৈনরিবা মরীশিংগী অখন্নবা অমনি। ঙসি, চহি ৪৫গী মতুংদা, ভারতকী প্রধান মন্ত্রী অমা পোলেন্দা লাক্লে। ঐগী অহুমশুবা তার্ম হৌরকপদা মসিগী খুদোংচাবা অসি ঐনা ফংলে। মসিগী খুদোংচাবা অসিগীদমক ঐনা পোলিস সরকার অমসুং লৈবাক অসিগী মীয়ামদা ঐনা তৌবীমল খঙবা উৎচরি। য়ুক্রেনগী লাল মনুংদা চপতুনা লৈখ্রবা ভারতমচাশিং পুথোরক্নবা ২০২২দা অদোম্না উৎখিবা থৌজাল অদু ঐখোয় ভারতমচাশিংনা কৈদৌঙৈদা কাউবা ঙম্লোই।
মরুপশিং,
চৎলিবা চহি অসিদা ঐখোয়না দিপ্লোমেতিক মরী লৈনরকপা চহি ৭০ মপুংফারকপগী থৌরম পাংথোক্লি। থৌরম অসিদা ঐখোয়না লৈবাক অনিগী মরক্তা লৈনরিবা মরী অসি স্ত্রাতেজিক পার্তনরশিপ অমদা ওন্থোক্নবা ৱারেপ লৌরে। ভারত অমসুং পোলেন্দগী মরক্তা লৈনরিবা মরী অসি গনতন্ত্রগী গুনশিং অমসুং আইন্দা য়ুম্ফম ওইবা লৈঙাক্তা য়ুম্ফম ওইবনি। লৈনরিবা মরী অসিদা অনৌবা মাইকৈ অমা তাক্নবা ঙসি ঐখোয়না তোঙান-তোঙানবা থবকশিং মশক খঙদোক্লে। গনতন্ত্র চৎপা লৈবাক অনি ওইনা ঐখোয়গী সংসদশিংগী মরক্তা চৎথোক-চৎশিন তৌনবা পুক্নিং থৌগৎলি। মপুংফানা শেন-থুমগী মতেং পীনবা ঙম্নবা প্রাইভেত সেক্তরশিং শরুক য়াহন্নবা ঐখোয়না থবক পায়খৎকনি। পোলেন্দ অসি ফুদ প্রোসেসিংগী লমদা মালেমদা মাঙজিল থারিবা লৈবাকশিংগী মনুংদা অমনি। ভারত্তা শেমগৎলিবা অচৌবা ফুদ পার্কশিংদা পোলেন্দগী কম্পেনিশিং শরুক য়াবা ঐখোয়না পাম্মী। ভারত্তা খোঙজেল য়াংনা সহর শেমগৎলকপা মরমনা ঈশিং শেংদোকপা, মপং ওইবা অমোৎপশিং লোইশিনবা, অর্বান ইনফ্রাস্ত্রকচরগুম্বা হিরমশিংদা ঐখোয়না মতেং পীন্নবা অনৌবা খুদোংচাবা কয়া লৈরে। ক্লিন কোএল তেক্নোলোজি, গ্রিন হায়দ্রোজেন, রিন্যুএবল ইনর্জি, আর্তিফিসিএল ইন্তিলিজেন্স অসি ঐখোয়গী লৈবাক অনিনা মরুওইনা লৌরিবা হিরমশিংনি। মেক ইন ইন্দিয়া অমসুং মেক ফোর দি ৱার্ল্দদা পোলেন্দগী কম্পেনশিং শরুক য়ানবা ঐখোয়না হায়জরি। ফিনতেক, ফার্মা অমসুং স্পেসকী লমদা ভারতনা শিংথাবা য়াবা থবক কয়া মাইপাক্না পাংথোক্লে। হায়রিবা হিরমশিং অসিদা ঐখোয়না খঙলিবশিং পোলেন্দগা শরুক য়ামিন্নবদা ঐখোয় হরাওগনি। ঙাক-শেনগী লমদা চেৎনা মতেং পাংনবা অসি ঐখোয় অমনা অমবু থাজনবগী খুদম অমনি। হিরম অসিদা লৈবাক অমগা অমগা মতেং পীনবা হেনগৎহনগদবনি। অনৌবা থবক পায়খৎপা অমসুং হৈথোই-শিংথোইবা অসি ঐখোয়গী লৈবাক অনিগী নহারোলশিং মশক তাক্নবা খুদমশিংনি। হৈথোই-শিংথোইরবা শিন্মীশিং য়াইফনবা অমসুং চৎথোক-চৎশিন হেনগৎহন্নবা লৈবাক অনিনা সোসিএল সেকুরিতি এগ্রিমেন্ত অমা য়ানরে।
মরুপশিং,
মালেমগী ফম্বাক্তা ভারত অমসুং পোলেন্দ য়াম্না নকশিনন্না চৎমিন্নরি। মালেম্না হৌজিক মায়োক্নরিবা খুদোংচাদবশিং অসিগী য়েংলগা য়ুনাইতেদ নেসন্স অমসুং মালেমগী লুপশিং শেমদোকপা হায়না লৈবাক অনিনা য়ানরে। তেরোরিজম অসি ঐখোয়গী লৈবাকশিংগী অচৌবা শিংনবা ওইরি। মীওইবা খুন্নাইগী য়াইফবদা থাজবা থম্লিবা ভারত অমসুং পোলেন্দগুম্বা লৈবাকশিংনা হেন্না মতেং পীনবা দরকার ওই। অইং-অশাগী খল হোংলকপা অসি ঐখোয়না চপ মান্ননা মরুওইনা লৌরিবা ৱাফম অমনি। ঐখোয়গী তৌবা ঙম্বশিং পুনশিন্দুনা মহৌশাগী অকোয়গী ফিবম ফবা তুংলমচৎ অমা শেমগৎনবা ঐখোয় পুন্না থবক তৌগনি। জনুৱারি ২০২৫ দা পোলেন্দ য়ুরোপিয়ান য়ুনিয়নগী প্রসিদেন্ত ওইরগনি। অদোমগী মতেংগা লোয়ননা ভারত-ই.য়ু মরীশিং হেন্না মপাঙ্গল কনখৎকনি হায়না ঐনা থাজবা থম্লি।
মরুপশিং,
হৌজিক য়ুক্রেন অমসুং নোংচুপ এসিয়াদা মুক্নরিবা অসিদা ঐখোয়না নুংনাংবা ফাওরি। লানফম ময়াইদা করিগুম্বা ৱাথোক অমতা ৱারোইশিন পুরকপা ঙম্লোই হায়না ভারতনা থাজৈ। মুক্নবা অমা লাকপদা মতমদা মরাল লৈতবা মীচম মীয়ামগী পুন্সি মাঙবা অসি অপুনবা মীওইবা খুন্নাইগী অচৌবা শিংনবনি। অথুবা মতমদা শান্তি অমসুং তুংদু লৈতাবা পুরক্নবা ৱারি শান্নবা অমসুং কুতনিতিগী থবকশিংদা ঐখোয়না মপুংফানা শৌগৎলি। মসিগীদমক, লৈবাক অসিগা মরুপ-মপাং ওইবা লৈবাকশিংগা লোয়ননা পাংবা য়াবা মতেং পাংনবা ভারতনা থৌরাং তৌদুনা লৈরি।
মরুপশিং,
পোলেন্দদা ইন্দোলোজি অমসুং সংস্কৃতকী য়াম্না লীরবা অমসুং ইনাকখুল্লবা চৎনবী অমা লৈরি। ভারতকী সভেত্য অমসুং লোলশিংদা থৱায় য়াওবা অসিনা ঐখোয়গী মরীগী অচেৎপা য়ুম্ফম অমা ওইরি। ঙরাং ঐনা ঐখোয়গী মীগা-মীগা লৈনবা অচেৎপা মরীশিংগী ময়েক লারবা খুদম অমা উবা ফংলে। “দোব্রি মহারাজ” অমসুং কোলহাপুরগী মহারাজগী মেমোরিএলশিংদা ইকায়খুম্নবা উৎনবগী খুদোংচাবা অমা ঐ ফংলে। ঙসি ফাওবা পোলেন্দগী মীয়াম্না মহাক্কী থৌজাল অমসুং মীনুংশি অদু ইকায়খুম্নবা উৎপদা ঐ হরাওই। ঐখোয়না ভারত অমসুং পোলেন্দগী মরক্তা নৱানগর জামসাহেব য়ুথ একচেঞ্জ প্রোগ্রাম হৌরগনি। চহি খুদিংগী পোলেন্দগী নহারোল ২০ ভারত্তা লাক্কনি।
মরুপশিং,
মহাক্না তরাম্না ওকপা অমসুং মরুপ-মপাং ওইবা কয়া অসিগীদমক ঐনা অমুক হন্না প্রধান মন্ত্রী তুস্ক থাগৎপা ফোঙদোকচরি। ঐখোয়গী মরী অসি অনৌবা থাক অমদা পুখৎনবা ঐনা অমুক হন্না ঐগী থাজবা পীরি। অদোম ঙমখৈ লৈতনা থাগৎপা ফোঙদোকচরি।
आज का दिन भारत और पोलैंड के संबंधों में विशेष महत्व रखता है।
— PMO India (@PMOIndia) August 22, 2024
आज पैंतालीस साल के बाद किसी भारतीय प्रधानमंत्री ने पोलैंड का दौरा किया है: PM @narendramodi
इस वर्ष हम अपने राजनयिक संबंधों की सत्तरवीं वर्षगांठ मना रहे हैं।
— PMO India (@PMOIndia) August 22, 2024
इस अवसर पर हमने संबंधों को Strategic Partnership में परिवर्तित करने का निर्णय लिया है: PM @narendramodi
हम पोलैंड की कंपनियों को Make in India and Make for the world से जुड़ने के लिए आमंत्रित करते हैं: PM @narendramodi
— PMO India (@PMOIndia) August 22, 2024
भारत और पोलैंड अंतर्राष्ट्रीय मंच पर भी करीबी तालमेल के साथ आगे बढ़ते रहे हैं।
— PMO India (@PMOIndia) August 22, 2024
हम दोनों सहमत हैं कि वैश्विक चुनौतियोंका सामना करने के लिए संयुक्त राष्ट्र संघ तथा अन्य अंतराष्ट्रीय संस्थानों में रिफॉर्म वर्तमान समय की मांग है: PM @narendramodi
यूक्रेन और पश्चिम एशिया में चल रहे संघर्ष हम सभी के लिए गहरी चिंता का विषय है।
— PMO India (@PMOIndia) August 22, 2024
भारत का यह दृढ़ विश्वास है कि किसी भी समस्या का समाधान रणभूमि में नहीं हो सकता: PM @narendramodi
किसी भी संकट में मासूम लोगों की जान की हानि पूरी मानवता के लिए सबसे बड़ी चुनौती बन गयी है।
— PMO India (@PMOIndia) August 22, 2024
हम शांति और स्थिरता की जल्द से जल्द बहाली के लिए डायलॉग और डिप्लोमेसी का समर्थन करते हैं।
इसके लिए भारत अपने मित्र देशों के साथ मिलकर हर संभव सहयोग देने के लिए तैयार हैं: PM @narendramodi
