ঙসি প্রধান মন্ত্রী শ্রী নরেন্দ্র মোদীনা কোরিয়াগী ফার্স্ত লেদী কিম জুং-সুককা উনখ্রে।
প্রধান মন্ত্রী মোদীনা চেবাউ পীবদগী ফার্স্ত লেদী কিম ভারত্তা লাকখিবনি। উত্তর প্রদেস সরকারনা শীনবা দিপোতসব অমসুং ২০১৮গী নবেম্বর ৬তা অয়োধ্যাদা পাংথোক্কদবা মহারানি সুরিরাতনা (হিও ৱাং-ওক)গী অনৌবা মেমোরিয়েল হাংদোকপা থৌরমদা মহাক্না অথোইবা মীথুংলেন ওইগনি। ৪৮ সিইদা কোরিয়াদা চৎখিবা অমসুং কোরিয়াগী নিংথৌ সুরোদা লুহোংখিবা অয়োধ্যাগী মহারানি সুরিরাতনাগী খুৎথাংদা অয়োধ্যা অমসুং কোরিয়া পুৱারীগী অচেৎপা মরি লৈনৈ।
ঙসি উনখিবা অদুদা, প্রধান মন্ত্রী মোদী অমসুং ফার্স্ত লেদী কিমনা ভারত অমসুং কোরিয়াগী মরক্তা লৈনরিবা মরিশিং অমসুং মীগা-মীগা চৎথোক-চৎশিনা তৌনবা হেনগৎহন্নবা ৱারী শানখি।
সিওল পিছ প্রাইজ পীরকপদা ফার্স্ত লেদী কিমনা প্রধান মন্ত্রী নরেন্দ্র মোদী থাগৎখি। প্রধান মন্ত্রীনা হায়খি, মসিগী ইকায়খুম্নবা অসি ভারতকী মীয়ামগীনি।
২০১৮গী জুলাইদা প্রসিদেন্ত জে-ইননা ভারত্তা লাক্লম্বা অদু প্রধান মন্ত্রীনা নীংশিংখি অমসুং মদুনা ভারত-কোরিয়াগী মরি ফগৎহল্লে।
