২০১৯গী সেপ্তেম্বর ৭তা প্রধান মন্ত্রী শ্রী নরেন্দ্র মোদী মহারাস্ত্রগী মুম্বাই অমসুং ঔরঙ্গবাদতা চৎকনি।
মুম্বাই
মুম্বাইদা, প্রধান মন্ত্রীনা মেত্রো লাইন অহুমগীদমক উরেপ উয়ুং তমগনি, মদুনা শহর অসিগী মেত্রো নেৎৱার্কতা কিলোমীতর ৪২ হেন্না হাপচিল্লগনি। কোরিদোর অহুম অদুদি কিলোমীতর ৯.২ শাংবা গাইমুখতগী শিবাজী চোক (মিরা রোদ) ফাওবগী মেত্রো–১০ কোরিদোর, কিলোমীতর ১২.৭ শাংবা ৱাদালাদগী ছত্রপতি শিবাজী মহারাজ তর্মিনস ফাওবগী মেত্রো–১১ কোরিদোর অমসুং কিলোমীতর ২০.৭ শাংবা কল্যানদগী তালোজা ফাওবগী মেত্রো–১২ কোরিদোরনি।
প্রধান মন্ত্রীনা মেত্রো ভবনগীদমক উরেপ উয়ুংসু তমগনি; মথোল ৩২ লৈগদবা সেন্তর অসিনা চাউরাক্না কিলোমীতর ৩৪০ শাংবা মেত্রো লাইন ১৪ ওপরেৎ অমসুং কন্ত্রোল তৌগনি।
প্রধান মন্ত্রীনা কান্দিবলী ইস্ততা বন্দোনগ্রী মেত্রো স্তেসন শঙ্গাগনি।
মহাক্না মেক ইন ইন্দিয়াগী মখাদা অহানবা মেত্রো কোচসু শঙ্গাগনি।
প্রধান মন্ত্রীনা মহা মুম্বাই মেত্রোগীদমক ব্রান্দ ভিজন দোকুমেন্ত অমা ফোংগনি।
ঔরঙ্গবাদ
ঔরঙ্গবাদতা, প্রধান মন্ত্রীনা মহারাস্ত্র স্তেত রুরেল লাইবলিহুদ মিসন্না শিন্দুনা পাংথোক্কদবা রাজ্যগী থাক্কী সেল্ফ হেল্প গ্রুপশিংগী মহিলা সক্সম মেলাবা নত্ত্রগা এম্পৱার্দ ৱুমেন্স মিৎ অমদা ৱা ঙাংগনি।
২০১৯গী সেপ্তেম্বর ৭তা প্রধান মন্ত্রীনা ঔরঙ্গবাদতা এ.য়ু.আর.আই.সি. বিজিনেস অমসুং এদমিনিস্ত্রেতিব বিলদিং শঙ্গাগনি অমদি দি.এম.আই.সি. এ.য়ু.আর.আই.সি. সিতী জাতিদা কত্থোক্কনি। দিল্লী মুম্বাই ইন্দস্ত্রীয়েল কোরিদোর (দি.এম.আই.সি.) অসি ভারত সরকারনা লাওথোক্লবা অহানবা ইন্দস্ত্রীয়েল কোরিদোর প্রোজেক্তনি। মসিনা অমুক্তং মপুং ফারবা মতমদা, দি.এম.আই.সি. প্রোজেক্তনা চাউরাক্না লুপা কোতি লাখ ১গী ইনভেস্তমেন্ত পুরক্লগনি অমদি চাউরাক্না মীওই লাখ তরাদা থবক ফংহন্নবগী খুদোংচাবা পীরগনি। প্রোজেক্ত অসি ঔরঙ্গবাদ ইন্দস্ত্রীয়েল সিতী নত্ত্রগা ‘এ.য়ু.আর.আই.সি. সিতী’ হায়না মীংথোল্লি।
