ମୁମ୍ବାଇ
ପ୍ରଧାନମନ୍ତ୍ରୀ ମୁମ୍ବାଇ ମେଟ୍ରୋର ତିନୋଟି ଲାଇନ ପାଇଁ ଆଧାରଶିଳା ରଖିବେ । ଏହି ତିନି ଲାଇନ ଦ୍ଵାରା ସହରର ମେଟ୍ରୋ ନେଟୱାର୍କରେ 42 କିଲୋମିଟରରୁ ଅଧିକ ରାସ୍ତା ଯୋଡିହେବ । ତିନି ଲାଇନ ମଧ୍ୟରେ 9.2 କିଲୋମିଟର ଲମ୍ବା ଗାୟମୁଖରୁ ଶିବାଜୀ ଛକ (ମିରାରୋଡ) ମେଟ୍ରୋ – 10 ଲାଇନ, 12.7 କିଲୋମିଟର ଲମ୍ବା ବଣ୍ଡାଲାରୁ ଛତ୍ରପତି ଶିବାଜୀ ମହାରାଜ ଟର୍ମିନାଲ ମେଟ୍ରୋ – 11 ଲାଇନ ଏବଂ 20.7 କିଲୋମିଟର ଲମ୍ବା କଲ୍ୟାଣରୁ ତଲୋଜା ମେଟ୍ରୋ – 12 ଲାଇନ ରହିଛି ।
ପ୍ରଧାନମନ୍ତ୍ରୀ ଅତ୍ୟାଧୁନିକ ମେଟ୍ରୋ ଭବନର ଆଧାରଶିଳା ମଧ୍ୟ ରଖିବେ । 32 ମହଲା ବିଶିଷ୍ଟ ଏହି କେନ୍ଦ୍ର 340 କିଲୋମିଟର ଅବଧିର 14 ମେଟ୍ରୋ ଲାଇନର ସଂଚାଳନ ଏବଂ ନିୟନ୍ତ୍ରଣ କରିବ ।
ପ୍ରଧାନମନ୍ତ୍ରୀ ବନ୍ଦୋଗାରି ମେଟ୍ରୋ ଷ୍ଟେସନ, କାଣ୍ଡିବାଲି ପୂର୍ବର ଉଦ୍ଘାଟନ କରିବେ ।
ପ୍ରଧାନମନ୍ତ୍ରୀ ଅତ୍ୟାଧୁନିକ ମେଟ୍ରୋ କୋଚର ମଧ୍ୟ ଉଦ୍ଘାଟନ କରିବେ । ଏହା ମେକ ଇନ ଇଣ୍ଡିଆ ଅନ୍ତର୍ଗତ ପ୍ରଥମ ମେଟ୍ରୋ କୋଚ ହେବ ।
ପ୍ରଧାନମନ୍ତ୍ରୀ ମହା ମୁମ୍ବାଇ ମେଟ୍ରୋ ପାଇଁ ବ୍ରାଣ୍ଡ ଭିଜନ ଦସ୍ତାବିଜ ଉନ୍ମୋଚନ କରିବେ ।
ଔରଙ୍ଗାବାଦ
ଔରଙ୍ଗାବାଦରେ, ପ୍ରଧାନମନ୍ତ୍ରୀ ମହାରାଷ୍ଟ୍ର ରାଜ୍ୟ ଗ୍ରାମୀଣ ଜୀବିକା ମିଶନ ଦ୍ଵାରା ଆୟୋଜିତ ରାଜ୍ୟସ୍ତରୀୟ ମହିଳା ସକ୍ଷମ ମେଳାକୁ ସମ୍ବୋଧିତ କରିବେ ।
ପ୍ରଧାନମନ୍ତ୍ରୀ ଔରଙ୍ଗାବାଦଠାରେ ସେପ୍ଟେମ୍ବର 7, 2019ରେ AURIC ବାଣିଜ୍ୟ ଓ ପ୍ରଶାସନିକ କୋଠା ଉଦ୍ଘାଟନ କରିବେ ଏବଂ DMIC AURIC ସିଟି ରାଷ୍ଟ୍ରକୁ ଉତ୍ସର୍ଗ କରିବେ । ଦିଲ୍ଲୀ–ମୁମ୍ବାଇ ଶିଳ୍ପାଞ୍ଚଳ କରିଡର ପ୍ରକଳ୍ପ ଯାହାକି ଭାରତ ସରକାରଙ୍କ ଦ୍ଵାରା ଘୋଷଣା କରାଯାଇଥିବା ପ୍ରଥମ ଶିଳ୍ପାଞ୍ଚଳ କରିଡର ପ୍ରକଳ୍ପ । ଏହା ସଂପୂର୍ଣ୍ଣ ହୋଇଗଲେ, DMIC ପ୍ରକଳ୍ପ ପାଖାପାଖି ଏକ କୋଟି ଟଙ୍କାର ନିବେଶ ଆଣିପାରିବ ଏବଂ ପାଖାପାଖି 10 ଲକ୍ଷ ଲୋକଙ୍କୁ ରୋଜଗାର ସୁଯୋଗ ଯୋଗାଇପାରିବ । ଏହି ପ୍ରକଳ୍ପ ଔରଙ୍ଗାବାଦ ଶିଳ୍ପାଞ୍ଚଳ ସିଟି ବା AURIC ସିଟି ନାମରେ ନାମିତ ହୋଇଛି ।
