Share
 
Comments
“ঐহাক্না অহানবদা গুজরাত্তা অমসুং হৌজিক্না লৈবাক্কী থাক্তা ওফিস পায়রকপা অপুনবা চহি ২০দা অকোয়বগী ফিভম অমসুং তুং কোইনা চাউখৎপদা অহেনবা মিৎয়েং চঙদুনা লাকখি”
“লাইরবশিংদা অতৈগা মান্ননা ইনর্জী ফংহনবা হায়বসিনা ঐখোয়গী অকোয়বগী ফিভমগা মরী লৈনবা পোলিসীশিংগী মরু ওইবা য়ুম্ফম অমা ওইরি”
“ভারত অসি তোঙান-তোঙানবা মগুন চেনবা য়াম্না চাউবা লৈবাক অমনি অমসুং ইকোলোজী অসিবু ঙাক শেনবনা ঐখোয়গী ইথৌনি”
“অকোয়বগী ফিভম্না তুং কোইনা চৎপসি ক্লাইমেত জস্তিসখক্তদগী খুত্থাংদগী ফংবা ঙমগনি”
“ভারতকী মীয়ামগী ইনর্জীগী তঙাই ফদবশিং অসি মথংগী চহি ২০দা শরুক অনি হেনগৎকনি হায়না থাজনরি। ইনর্জী অসিবু ফংহন্দবনা মীওই মিলিয়ন কয়াদা হিংবগী পাম্বৈ পীদবগা মান্নগনি”
“চাউখৎলবা লৈবাকশিংনা মখোয়না শেল-থুম অমসুং তেক্নোলোজী ত্রান্সফর তৌগনি হায়না খোঙফম চেৎনা লেপ্পশিংবু থবক্তা ওন্থোকফম থোকই”
“সস্তেনেবেলিতীনা গ্লোবেল কম্মন্সকীদমক্তা তেংবাংনদুনা থবক তৌমিন্নবগী মথৌ তাই”
“মালেম শিনবা থুংনা লৈবগী গ্রিদশিংদগী মতম পুম্বদা ক্লীন ইনর্জী শোইদনা ফংহনবা ঙমহন্নবা ঐখোয়না হোৎনমিন্নগদবনি। ভারতকী ভেল্যুনা লেপ্লিবা অসি অসিগুম্বা “মালেমগী অপুনবা”

প্রধান মন্ত্রী, শ্রী নরেন্দ্র মোদীনা ভিদিও মেসেজকী খুত্থাংদা দি ইনর্জী এন্দ রিসোর্স ইন্সতিত্যুৎ (তেরি)গী ৱর্ল্দ সস্তেনেবল দিভেলপমেন্ত সম্মিৎ হৌদোকপগী ৱারোল থমখ্রে। থৌরম অসিদা শরুক য়াখিবা মীওইশিংগী মনুংদা দোমিনিকান রিপব্লিক্কী রাস্ত্রপতি, শ্রী লুইস অবিনাদের, কোওপরেতিব রিপব্লিক ওফ গুয়ানাগী রাস্ত্রপতি, দাঃ মোহম্মদ ইর্ফান অলি, য়ুনাইতেদ নেসন্সকী দেপ্যুতী সেক্রেতরী জেনেরেল, কুমারী অমিনা জে. মোহম্মদ অমসুং কেন্দ্রগী মন্ত্রী, শ্রী ভুপেন্দর য়াদবসু মনুং চনখি।

প্রধান মন্ত্রীনা মহাক্না অহানবদা গুজরাত্তা অমসুং হৌজিক্না লৈবাক্কী থাক্তা ওফিস পায়রকপা অপুনবা চহি ২০দা অকোয়বগী ফিভম অমসুং তুং কোইনা চাউখৎপদা অহেনবা মিৎয়েং চঙদুনা লাকখি হায়না ফোংদোকখি। য়াম্না লায়না অশোক-অপন নংগদবা অসিদি ঐখোয়গী গ্রহ অসি নত্তে, অশোক-অপন নংগদবা অসিদি ঐখোয়না গ্রহ অমসুং মহৌশাগীদমক্তা করিগুম্বা অমা পাংথোক্নবা খোঙফম চেৎপগী থৌওং অসিবুনি হায়না মহাক্না হায়খি। ১৯৭২গী স্তোকহোল্ম কনফরেন্সকী মতুংদগী হৌখিবা চহি ৫০ অসিগী মনুংদা মরী লৈনবা ৱাফম কয়া ফোংদোক্নখ্রবসু, থবক ওইনদি খরতমক পাংথোকখি হায়না মহাক্না মিৎয়েং চঙখি। অদুবু ভারত্তদি, ঐখোয়না হায়বসিং খুদিংমক থবক ওইনসু পাংথোক্লি হায়না প্রধান মন্ত্রীনা পাউদমখি। “লাইরবশিংদা অতৈগা মান্ননা ইনর্জী ফংহনবা হায়বসিনা ঐখোয়গী অকোয়বগী ফিভমগা মরী লৈনবা পোলিসীশিংগী মরু ওইবা য়ুম্ফম অমা ওইরি”, হায়না মহাক্না ফোংদোকখি। উজ্বালা য়োজনাগী মখাদা ইমুং মিলিয়ন ৯০না ক্লীন কুকিং ফুএল ফংহনখিবা অমসুং লৌমীশিংনা সোলার পেনেল খিন্দুনা, শিজিন্নদুনা অমসুং অহেনবা মৈবু গ্রিদতা য়োনবগী থবক মনুং চনবা পি.এম.-কুসুম স্কিমগী মখাদা লৌমীশিংদা রিন্যুএবল ইনর্জী ফংহনবগী খোঙথাংশিংনা তুং কোইনা চৎপা অমসুং মান্ননা কান্নবা ফংবগী থৌওংবু খুমাং চাউশিলহল্লি।

চহি তরেৎ হেনবদগী চত্থদুনা লাক্লিবা এল.ই.দি. বল্ব য়েন্থোকপগী স্কিম্না মৈ য়ুনিৎ বিলিয়ন ২২০ হেনববু কনবা অমসুং চহিদা কার্বোন দাইওক্সাইদ বিলিয়ন তোন ১৮০ থাদোকপা থিংবদা তেংবাংখি হায়না প্রধান মন্ত্রীনা ফোংদোকখি। মসিদা নত্তনা, নেস্নেল হাইদ্রোজেন মিসন্না গ্রীন হাইদ্রোজেনগী কান্নবা লৌনবা পান্দম থম্লি হায়না মহাক্না হায়খি। মহাক্না তেরিগুম্বা মহৈ-মশিং তম্বীবা অমসুং রিসর্চ তৌবা ইন্সতিত্যুৎশিংনা গ্রীন হাইদ্রোজেনগী তসেংবা মতিক ফংবা ঙম্নবা থবক ওইনা পাংথোকপা য়াগদবা ৱারোইশিন পুরক্নবা পুক্নিং থৌগৎখি।

মালেমগী কংফালগী অপুনবা শরুক্কী ২.৪% চাং কন্দুনা ভারত্তা মালেমগী স্পিসিসকী চাউরাকপা ৮%গী চাং লৈরি। ভারত অসি তোঙান-তোঙানবা মগুন চেনবা য়াম্না চাউবা লৈবাক অমনি অমসুং ইকোলোজী অসিবু ঙাক শেনবনা ঐখোয়গী ইথৌনি হায়না প্রধান মন্ত্রীনা মখা তানা ফোংদোকখি।

প্রোতেক্তেদ এরিয়া নেতৱর্ক মপাঙ্গল কনখৎহন্নবা হোৎনবগী মতাংদা ৱাফম ফোংদোক্লদুনা, প্রধান মন্ত্রীনা দি ইন্তর্নেস্নেল য়ুনিয়ন ফোর কঞ্জর্বেসন ওফ নেচর (আই.য়ু.সি.এন.) শকখঙখিবগুম্বা ভারতনা হোৎনরিবা কয়াবু মালেম্না শকখঙবগী মতাংদা ৱাফম থমখি। হরিয়ানাগী অরাবল্লী বাইওদাইবর্সিতী পার্ক অসিবুসু মসিনা বাইওদাইবর্সিতীবু নীংথিনা ঙাক-শেন্দুনা য়োকখৎপগীদমক্তা ও.ই.সি.এম. সাইত অমা ওইনা লাউথোকখ্রবনি। ভারতকী ৱেৎলেন্দ অনিবুসু রামসার সাইত ওইনা শকখঙখ্রবা মতুংদা ভারত্তা হৌজিক মিলিয়ন হেক্ত্যার ১ হেন্না শন্দোক্না লৈবা রামসার সাইত ৪৯ লৈরে।

ফিভম শোক্লবা লমশিংবু নৌনা শেমগৎপনা মরু ওইবা মিতীয়েং চঙবা থৌওং ওইদুনা লাক্লি অমসুং ইং ২০১৫দগী হৌদুনা মিলিয়ন হেক্ত্যার ১১.৫ হেনববু শেমগৎখ্রে। “ঐখোয়না বোন্ন চেলেঞ্জকী মখাদা লেন্দ দিগ্রেদেসন ন্যুত্রেলিতীগী পান্দম ফংনবা লৈবাক্কী ৱারেপ অসিসু অচুম্বা লম্বীদা চৎলি।  ঐখোয়না য়ু.এন.এফ. অমসুং ত্রিপল সি.গী মখাদা লৌখিবা ৱারেপশিং শোইদনা মায় পাক্কনি হায়বগী অচেৎপা থাজবসু লৈরি। ঐখোয়না গ্লাসগোগী কোপ-২৬কী মনুংদা ঐখোয়না পাংথোক্কে খনবা থৌওং কয়াসু পুথোকখি”, হায়না শ্রী মোদীনা হায়খি।

অকোয়বগী ফিভম্না তুং কোইনা চৎপসি ক্লাইমেত জস্তিসখক্তদগী খুত্থাংদগী ফংবা ঙমগনি হায়না প্রধান মন্ত্রীনা মিৎয়েং চঙখি। মহাক্না হায়খিবদা, ভারতকী মীয়ামগী ইনর্জীগী তঙাই ফদবশিং অসি মথংগী চহি ২০দা শরুক অনি হেনগৎকনি হায়না থাজনরি। “ইনর্জী অসিবু ফংহন্দবনা মীওই মিলিয়ন কয়াদা হিংবগী পাম্বৈ পীদবগা মান্নগনি। মায় পাকপা ক্লাইমেত এক্সন্দা মতিক চাবা শেন্থংগী মথৌ তাই। মসিগীদমক্তা, চাউখৎলবা লৈবাকশিংনা মখোয়না শেল-থুম অমসুং তেক্নোলোজী ত্রান্সফর তৌগনি হায়না খোঙফম চেৎনা লেপ্পশিংবু থবক্তা ওন্থোকফম থোকই”, হায়না মহাক্না অহেনবা মিৎয়েং চঙদুনা ফোংদোকখি।

সস্তেনেবেলিতীনা গ্লোবেল কম্মন্সকীদমক্তা তেংবাংনদুনা থবক তৌমিন্নবগী মথৌ তাই হায়না প্রধান মন্ত্রীনা মরু ওইনা পনখি। “ঐখোয়গী হোৎনজমন্না অসিগুম্না অমগা অমগগী তেংবাংনববু শকখঙলে। ইন্তর্নেস্নেল সোলার এলাইএন্সকী খুত্থাংদা ওইরিবা ঐখোয়গী পান্দম অসিদি “নুমিৎ অমা, মালেম অমা, গ্রিদ অমা” হায়বসিনি”। মালেম শিনবা থুংনা লৈবগী গ্রিদশিংদগী মতম পুম্বদা ক্লীন ইনর্জী শোইদনা ফংহনবা ঙমহন্নবা ঐখোয়না হোৎনমিন্নগদবনি। ভারতকী ভেল্যুনা লেপ্লিবা অসি অসিগুম্বা “মালেমগী অপুনবা” থৌওং অসিগীদমক্তনি হায়না মহাক্না শন্দোক্না পাউদমখি।

অমাঙ-অতা থোক্কনবগী চাং ৱাংবা মফমশিংগীদমক্তা ৱাখল খনবগী মতাং অসিসু দি কোলিএসন ফোর দিজাজতর রেজিলিএন্ত ইনফ্রাস্ত্রকচর (সি.দি.আর.আই.) অমসুং “ইনফ্রাস্ত্রকচর ফোর রেজিলিএন্ত আইলেন্দ স্তেৎস”কুম্বা খোঙথাংশিং অসিনা য়েংশিল্লি। চাউখৎলক্লিবা ইথৎকী রাজ্যশিং অসি খ্বাইদগী হেন্না অশোক-অপন নংবগী চাং য়াম্না ৱাংই অমসুং মসিনা মরম ওইরগা, খুদক্তা ঙাক শেনবগী মথৌ তাই হায়না মহাক্না হায়খি।

প্রধান মন্ত্রীনা লাইফস্তাইল ফোর ইনভাইরনমেন্ত (লাইফ) অমসুং প্রো প্লানেত পীপল (পি.-৩)গী খোংথাং অনিবুসু অমুক্কা হন্না নীংশিংখি। মসিগী মালেমগী থাক্তা কাঙবু শেম্বা অসিনা গ্লোবেল কম্মন্স ফগৎহন্নবা ঐখোয়না অকোয়বগী ফিভমগা মরী লৈননা হোৎনরিবশিং অসিগী য়ুম্ফম ওইগনি হায়না মহাক্না মখা তানা ফোংদোকখি।

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Sunil Mittal Explains Why Covid Couldn't Halt India, Kumar Birla Hails 'Gen Leap' as India Rolls Out 5G

Media Coverage

Sunil Mittal Explains Why Covid Couldn't Halt India, Kumar Birla Hails 'Gen Leap' as India Rolls Out 5G
...

Nm on the go

Always be the first to hear from the PM. Get the App Now!
...
PM replies to citizens’ comments on PM Sangrahalaya, 5G launch, Ahmedabad Metro and Ambaji renovation
October 02, 2022
Share
 
Comments

The Prime Minister, Shri Narendra Modi has replied to a cross-section of citizen on issues ranging from Pradhanmantri Sangrahalaya to 5G launch, Ahmedabad Metro and Ambaji renovation.

On Pradhanmantri Sangrahalaya

On Ahmedabad Metro as a game-changer

On a mother’s happiness on development initiatives like 5G

On urging more tourists and devotees to visit Ambaji, where great work has been done in in the last few years. This includes the Temples of the 51 Shakti Peeths, the work at Gabbar Teerth and a focus on cleanliness.