പങ്കിടുക
 
Comments
അസം, വടക്ക്-കിഴക്ക് എന്നിവയുടെ വളര്‍ച്ച, വികസനം, കണക്റ്റിവിറ്റി എന്നിവ ഗവണ്‍മെന്റിന്റെ മുന്‍ഗണനകള്‍: പ്രധാനമന്ത്രി
റോ-പാക്‌സ് സേവനങ്ങള്‍ ദൂരം ഗണ്യമായി കുറയ്ക്കും: പ്രധാനമന്ത്രി

നമസ്‌കാരം അസം!


ശ്രീമന്ത ശങ്കര്‍ദേവിന്റെ ജോലിസ്ഥലത്തിന്റെയും സത്രങ്ങളുടെയും നാടായ മജൂളിയെ ഞാന്‍ അഭിവാദ്യം ചെയ്യുന്നു! കേന്ദ്ര മന്ത്രിസഭയിലെ എന്റെ സഹപ്രവര്‍ത്തകരായ ശ്രീ നിതിന്‍ ഗഡ്കരിജി, ശ്രീ രവിശങ്കര്‍ പ്രസാദ്ജി, ശ്രീ മന്‍സുഖ് മാണ്ഡവ്യജി, അസം മുഖ്യമന്ത്രി ശ്രീ സര്‍ബാനന്ദ സോനോവാല്‍ജി, മേഘാലയ മുഖ്യമന്ത്രി കോണ്‍റാഡ് സംഗമജി, അസം ധനമന്ത്രി ഡോ. ഹിമന്ത ബിസ്വാ ശര്‍മ്മജി, അസമില്‍ നിന്നുള്ള എന്റെ പ്രിയ സഹോദരീ സഹോദരന്മാരെ! അലി-അയേ-ലിഗാങ് ഉത്സവത്തിന്റെ ആവേശം രണ്ടാം ദിവസവും നിലനില്‍ക്കുന്നതായി തോന്നുന്നു. ഇന്നലെ മിസിംഗ് സമുദായത്തിന്റെ കാര്‍ഷിക ആഘോഷത്തിന്റെ ദിനമായിരുന്നു, ഇന്ന് മജൂലി ഉള്‍പ്പെടെ അസമിലെയും വടക്കുകിഴക്കന്‍ മേഖലയിലെയും വികസനത്തിനുള്ള വമ്പിച്ച ഉത്സവമാണ്.

സഹോദരി സഹോദരന്‍മാരെ,

ഭാരത് രത്ന ഡോ. ഭൂപന്‍ ഹസാരിക ഒരിക്കല്‍ എഴുതി: महाबाहु ब्रह्मपुत्र महामिलनर तीर्थ(अ) कत(अ) जुग धरि आहिछे प्रकाखि हमन्वयर अर्थ(अ)!അതായത്, ബ്രഹ്മപുത്രയുടെ വിപുലീകരണം സാഹോദര്യം, ഐക്യം എന്നിവയുടെ തീര്‍ത്ഥാടനമാണ്. വര്‍ഷങ്ങളായി, ഈ പുണ്യനദി സൗഹൃദത്തിന്റെയും കണക്റ്റിവിറ്റിയുടെയും പര്യായമാണ്. എന്നാല്‍ ബ്രഹ്മപുത്രയിലെ കണക്റ്റിവിറ്റിയുമായി ബന്ധപ്പെട്ട ജോലികള്‍ നേരത്തെ ചെയ്യേണ്ടതുപോലെ സംഭവിച്ചില്ല എന്നതും ശരിയാണ്. തല്‍ഫലമായി, അസമിലും വടക്ക് കിഴക്കിലെ മറ്റ് പ്രദേശങ്ങളിലും കണക്റ്റിവിറ്റി എല്ലായ്‌പ്പോഴും ഒരു പ്രധാന വെല്ലുവിളിയായി തുടരുന്നു. മഹാബാഹു ബ്രഹ്മപുത്രയുടെ അനുഗ്രഹത്താല്‍, ഈ ദിശയില്‍ പണി പൂര്‍ണമായും നടക്കുന്നു. കാലങ്ങളായി, കേന്ദ്രത്തിലെയും അസമിലെയും ഇരട്ട എഞ്ചിന്‍ ഗവണ്‍മെന്റ് പ്രദേശത്തിന്റെ ഭൂമിശാസ്ത്രപരവും സാംസ്‌കാരികവുമായ ദൂരം കുറയ്ക്കാന്‍ ശ്രമിച്ചു. ബ്രഹ്മപുത്രയുടെ ശാശ്വത ചൈതന്യത്തിന് അനുസൃതമായി നാം സൗകര്യത്തിന്റെയും അവസരങ്ങളുടെയും സംസ്‌കാരത്തിന്റെയും പാലങ്ങള്‍ നിര്‍മ്മിച്ചിട്ടുണ്ട്. അസം ഉള്‍പ്പെടെയുള്ള വടക്കുകിഴക്കന്‍ മേഖലയിലെ ശാരീരികവും സാംസ്‌കാരികവുമായ സമഗ്രത വര്‍ഷങ്ങളായി ശാക്തീകരിക്കപ്പെടുന്നു.

സഹോദരി സഹോദരന്‍മാരെ,

അസം ഉള്‍പ്പെടെ വടക്ക് കിഴക്ക് മേഖലയ്ക്കായുള്ള സമഗ്ര ദര്‍ശനം ഈ ദിവസം വിപുലീകരിക്കും. ഡോ. ഭൂപന്‍ ഹസാരിക പാലം, ബോഗിബീല്‍ പാലം, സാരൈഘട്ട് പാലം എന്നിങ്ങനെയുള്ള നിരവധി പാലങ്ങള്‍ ഇന്ന് അസമിന്റെ ജീവിതം സുഗമമാക്കുന്നു. രാജ്യത്തിന്റെ സുരക്ഷ ശക്തിപ്പെടുത്തുന്നതിനൊപ്പം നമ്മുടെ ധീരരായ സൈനികര്‍ക്ക് ഇത് വലിയ സൗകര്യമാണെന്ന് തെളിയിക്കുന്നു. അസമിന്റെയും വടക്ക് കിഴക്കന്‍ മേഖലയുടെയും വിവിധ ഭാഗങ്ങള്‍ തമ്മില്‍ ബന്ധിപ്പിക്കുന്നതിനുള്ള പ്രചാരണത്തിന് ഇന്ന് ഉത്തേജനം നല്‍കിയിരിക്കുകയാണ്. രണ്ട് പ്രധാന പാലങ്ങളുടെ പണി ഇന്ന് മുതല്‍ ആരംഭിക്കുന്നു. കുറച്ച് വര്‍ഷങ്ങള്‍ക്ക് മുമ്പ് ഞാന്‍ മജൂളി ദ്വീപിലേക്ക് പോയപ്പോള്‍, അവിടെയുള്ള പ്രശ്‌നങ്ങള്‍ ഞാന്‍ സൂക്ഷ്മമായി മനസ്സിലാക്കി. സമ്പൂര്‍ണ്ണ അര്‍പ്പണബോധത്തോടെ ഈ ബുദ്ധിമുട്ടുകള്‍ ലഘൂകരിക്കാന്‍ സര്‍ബാനന്ദ സോനോവാല്‍ജി ഗവണ്‍മെന്റ് ശ്രമിച്ചതില്‍ എനിക്ക് സന്തോഷമുണ്ട്. അസമിലെ ആദ്യത്തെ ഹെലിപോര്‍ട്ട് മജൂളിയില്‍ നിലവില്‍ വന്നു.

സഹോദരി സഹോദരന്‍മാരെ,

ഇപ്പോള്‍, മജുലിയിലെ ആളുകള്‍ക്ക് വേഗതയേറിയതും സുരക്ഷിതവുമായ റോഡ് മാര്‍ഗ്ഗങ്ങള്‍ ലഭിക്കാന്‍ പോകുന്നു. പാലത്തിന്റെ ശിലാസ്ഥാപന ചടങ്ങിനൊപ്പം നിങ്ങളുടെ വര്‍ഷങ്ങള്‍ പഴക്കമുള്ള ആവശ്യം നിറവേറ്റാന്‍ പോകുന്നു. കാളിബാരി ഘട്ടിനെ ജോര്‍ഹാട്ടുമായി ബന്ധിപ്പിക്കുന്ന എട്ട് കിലോമീറ്റര്‍ പാലം മജൂളിയുടെ ആയിരക്കണക്കിന് കുടുംബങ്ങളുടെ ജീവിതമാര്‍ഗമായി മാറും. ഈ പാലം നിങ്ങള്‍ക്ക് സൗകര്യത്തിന്റെയും പ്രത്യാശയുടെയും ഒരു പാലമായിരിക്കും. അതുപോലെ, ധുബ്രി മുതല്‍ മേഘാലയയിലെ ഫുല്‍ബാരി വരെയുള്ള 19 കിലോമീറ്റര്‍ നീളമുള്ള പാലം തയ്യാറാകുമ്പോള്‍, അത് ബരാക് താഴ്‌വരയുടെ ബന്ധത്തെ ശക്തിപ്പെടുത്തും. അസമില്‍ നിന്ന് മേഘാലയ, മണിപ്പൂര്‍, മിസോറം, ത്രിപുര എന്നിവിടങ്ങളിലേക്കുള്ള ദൂരം ഈ പാലം കുറയ്ക്കും. റോഡ് മാര്‍ഗം 250 കിലോമീറ്റര്‍ അകലെയുള്ള മേഘാലയയും അസമും തമ്മിലുള്ള ദൂരം ഭാവിയില്‍ 19-20 കിലോമീറ്ററായി ചുരുങ്ങുമെന്ന് സങ്കല്‍പ്പിക്കുക. മറ്റ് രാജ്യങ്ങളുമായുള്ള അന്താരാഷ്ട്ര ഗതാഗതത്തിനും ഈ പാലം പ്രധാനമാകും.

സഹോദരി സഹോദരന്‍മാരെ,

ബ്രഹ്മപുത്ര, ബരാക് എന്നിവയുള്‍പ്പെടെ നിരവധി നദികളുടെ സംഭാവനകള്‍ സമ്പുഷ്ടമാക്കുന്നതിനായി മഹാബാഹു ബ്രഹ്മപുത്ര പരിപാടി ഇന്ന് ആരംഭിച്ചു. ബ്രഹ്മപുത്രയിലെ ജലം ഉപയോഗിച്ച് പ്രദേശത്തെമ്പാടുമുള്ള ജല ബന്ധവും തുറമുഖ വികസന പരിപാടിയും സാധ്യമാക്കും. ഈ പ്രചാരണത്തിന്റെ തുടക്കത്തില്‍, നീമാതി-മജൂളി, വടക്ക്, തെക്ക് ഗുവാഹത്തി, ദുബ്രി-ഹാറ്റ്‌സിംഗരി എന്നിവയ്ക്കിടയില്‍ മൂന്ന് റോ-പാക്‌സ് സേവനങ്ങള്‍ ഉദ്ഘാടനം ചെയ്തു.
ഇതോടെ, റോ-പാക്‌സ് സേവനവുമായി ഇത്രയും വലിയ തോതില്‍ ബന്ധപ്പെടുന്ന രാജ്യത്തെ മുന്‍നിര സംസ്ഥാനമായി അസം മാറി. കൂടാതെ, ബ്രഹ്മപുത്രയ്ക്ക് മുകളിലൂടെ നാല് സ്ഥലങ്ങളില്‍ ടൂറിസ്റ്റ് ജെട്ടികളുടെ വികസനവും ജോഗിഖോപയിലെ ഉള്‍നാടന്‍ ജലഗതാഗത ടെര്‍മിനലും ഏറ്റെടുത്തിട്ടുണ്ട്. മജൂളി, വടക്ക് കിഴക്ക് എന്നിവയുള്‍പ്പെടെ അസമിലേക്ക് മികച്ച കണക്റ്റിവിറ്റി നല്‍കുന്ന ഈ പദ്ധതികള്‍ ഈ മേഖലയിലെ വികസനത്തിന്റെ വേഗത വര്‍ദ്ധിപ്പിക്കും. 2016 ല്‍ നിങ്ങള്‍ നല്‍കിയ ഒരു വോട്ട് വളരെയധികം കാരണമായി. നിങ്ങളുടെ വോട്ടിന്റെ ശക്തി ഇപ്പോള്‍ അസമിനെ പുതിയ ഉയരങ്ങളിലേക്ക് കൊണ്ടുപോകാന്‍ പോകുന്നു.

സഹോദരി സഹോദരന്‍മാരെ,

അടിമത്തത്തിന്റെ കാലഘട്ടത്തില്‍ പോലും, രാജ്യത്തെ ഏറ്റവും സമ്പന്നവും കൂടുതല്‍ വരുമാനം ഉണ്ടാക്കുന്നതുമായ സംസ്ഥാനങ്ങളിലൊന്നാണ് അസം. ചായ, പെട്രോളിയം ഉല്‍പന്നങ്ങള്‍ പോലും ബ്രഹ്മപുത്ര-പത്മ-മേഘ്ന നദികളിലൂടെയും റെയില്‍വേ ലൈനുകളിലൂടെയും ചിറ്റഗോംഗ്, കൊല്‍ക്കത്ത തുറമുഖങ്ങളില്‍ എത്തി. ഈ കണക്റ്റിവിറ്റി ശൃംഖല അസമിന്റെ അഭിവൃദ്ധിക്ക് ഒരു പ്രധാന കാരണമായിരുന്നു. എന്നാല്‍ സ്വാതന്ത്ര്യലബ്ധിക്കുശേഷം, ഈ അടിസ്ഥാന സൗകര്യങ്ങള്‍ നവീകരിക്കേണ്ടത് അത്യാവശ്യമായിരുന്നെങ്കിലും അത് തഴയപ്പെടുകയായിരുന്നു. ജലപാതയില്‍ ശ്രദ്ധ കേന്ദ്രീകരിച്ചിട്ടില്ല, അതിന്റെ ഫലമായി ഇത് ഏകദേശം നാശോത്മുഖമായി. വികസനത്തോടുള്ള ഈ അശ്രദ്ധയും ഈ മേഖലയിലെ അരാജകത്വത്തിനും അശാന്തിക്കും ഒരു പ്രധാന കാരണമായിരുന്നു. അടല്‍ ബിഹാരി വാജ്പേയിജിയുടെ കാലത്താണ് തിരുത്തല്‍ നടപടികള്‍ ആരംഭിച്ചത്.

ഇപ്പോള്‍, ആ പദ്ധതികള്‍ കൂടുതല്‍ വിപുലീകരിക്കുകയും കൂടുതല്‍ ആക്കം കൂട്ടുകയും ചെയ്യുന്നു. ഇപ്പോള്‍, അസമിന്റെ വികസനവും ഒരു മുന്‍ഗണനയാണ്, അതിനായി മുഴുവന്‍ സമയ ശ്രമങ്ങളും നടക്കുന്നു.

സഹോദരി സഹോദരന്‍മാരെ,

കഴിഞ്ഞ അഞ്ചുവര്‍ഷത്തിനിടെ അസമിലെ മള്‍ട്ടി മോഡല്‍ കണക്റ്റിവിറ്റി പുന സ്ഥാപിക്കാന്‍ നിരവധി നടപടികള്‍ സ്വീകരിച്ചു. മറ്റ് കിഴക്കന്‍ ഏഷ്യന്‍ രാജ്യങ്ങളുമായുള്ള നമ്മുടെ സാംസ്‌കാരിക വാണിജ്യ ബന്ധത്തിന്റെ കേന്ദ്രമായി അസമിനെയും വടക്ക് കിഴക്കിനെയും മാറ്റുന്നതിനാണ് ശ്രമം. അതിനാല്‍, ഉള്‍നാടന്‍ ജലപാതകള്‍ ഒരു പ്രധാന ശക്തിയായി വികസിപ്പിക്കുന്നു. ബംഗ്ലാദേശുമായുള്ള ജലബന്ധം വര്‍ദ്ധിപ്പിക്കുന്നതിനായി അടുത്തിടെ ഒരു കരാറില്‍ ഒപ്പുവെച്ചു. ബ്രഹ്മപുത്ര, ബരാക് നദികളെ ബന്ധിപ്പിക്കുന്നതിനായി ഹൂഗ്ലി നദിയില്‍ ഇന്തോ-ബംഗ്ലാദേശ് പ്രോട്ടോക്കോള്‍ റൂട്ടിന്റെ പണി നടക്കുന്നു. മേഘാലയ, മിസോറം, മണിപ്പൂര്‍, ത്രിപുര എന്നിവിടങ്ങളിലേക്ക് അസമിന് പുറമെ ഹാല്‍ദിയ, കൊല്‍ക്കത്ത, ഗുവാഹത്തി, ജോഗിഖോപ എന്നിവിടങ്ങളിലേക്കും ഇത് ഒരു ബദല്‍ കണക്റ്റിവിറ്റി നല്‍കും. അതായത്, വടക്ക് കിഴക്കിനെ ഇന്ത്യയുടെ മറ്റ് ഭാഗങ്ങളുമായി ബന്ധിപ്പിക്കുന്ന ഇടുങ്ങിയ പ്രദേശത്തെ ആശ്രയിക്കുന്നത് കുറയ്ക്കും.

സഹോരി സഹോദരന്മാരെ,

ജോഗിഖോപ ഐഡബ്ല്യുടി ടെര്‍മിനല്‍ ഈ ബദല്‍ പാതയെ കൂടുതല്‍ ശക്തിപ്പെടുത്തുകയും അസമിനെ കൊല്‍ക്കത്തയുമായി ബന്ധിപ്പിക്കുകയും ജലപാതയിലൂടെ ഹാല്‍ദിയ തുറമുഖവുമായി ബന്ധിപ്പിക്കുകയും ചെയ്യും. ഭൂട്ടാന്‍, ബംഗ്ലാദേശ് എന്നിവിടങ്ങളില്‍ നിന്നുള്ള ചരക്കുകള്‍, ജോഗിഖോപ മള്‍ട്ടി മോഡല്‍ ലോജിസ്റ്റിക് പാര്‍ക്കിന്റെ ചരക്ക്, ബ്രഹ്മപുത്ര നദിയിലെ വിവിധ സ്ഥലങ്ങളിലേക്ക് യാത്ര ചെയ്യല്‍ എന്നിവ ടെര്‍മിനല്‍ സഹായിക്കും.

സുഹൃത്തുക്കളെ,

സാധാരണക്കാരുടെ സൗകര്യങ്ങള്‍ക്കാണ് മുന്‍ഗണന നല്‍കുകയും വികസനത്തിന്റെ ലക്ഷ്യം മാറ്റാനാവാത്തതുമാണെങ്കില്‍, പുതു വഴികള്‍ സൃഷ്ടിക്കപ്പെടുന്നു. മജൂളിയും നീമാതിയും തമ്മിലുള്ള റോ-പാക്‌സ് സേവനം അത്തരമൊരു പദ്ധതിയാണ്. നിങ്ങള്‍ക്ക് ഇനി റോഡിലൂടെ 425 കിലോമീറ്റര്‍ സഞ്ചരിക്കേണ്ടതില്ല. റോ-പാക്‌സ് വഴി 12 കിലോമീറ്റര്‍ മാത്രം യാത്ര ചെയ്താല്‍ മതിയാകും, നിങ്ങളുടെ സൈക്കിള്‍, സ്‌കൂട്ടര്‍, ബൈക്ക് അല്ലെങ്കില്‍ കാര്‍ എന്നിവ കപ്പലിലേക്ക് കൊണ്ടുപോകാം. ഈ റൂട്ടില്‍ ഓടുന്ന രണ്ട് കപ്പലുകള്‍ക്ക് ഒരേസമയം 1600 യാത്രക്കാരെയും ഡസന്‍ വാഹനങ്ങളെയും വഹിക്കാന്‍ കഴിയും. ഗുവാഹത്തിയിലെ ജനങ്ങള്‍ക്കും സമാനമായ സൗകര്യം ഇപ്പോള്‍ ലഭ്യമാകും. ഇപ്പോള്‍, വടക്കും തെക്കും ഗുവാഹത്തി തമ്മിലുള്ള ദൂരം 40 കിലോമീറ്ററില്‍ നിന്ന് വെറും 3 കിലോമീറ്ററായി കുറയ്ക്കും. അതുപോലെ, ദുബ്രിയും ഹത്സിഗാമാരിയും തമ്മിലുള്ള ദൂരം ഏകദേശം 225 കിലോമീറ്ററില്‍ നിന്ന് 30 കിലോമീറ്ററായി കുറയ്ക്കും.

സുഹൃത്തുക്കളെ,

നമ്മുടെ ഗവണ്‍മെന്റ് ജലപാതകള്‍ വികസിപ്പിക്കുക മാത്രമല്ല, അവ ഉപയോഗിക്കുന്നവര്‍ക്ക് കൃത്യമായ വിവരങ്ങള്‍ ലഭിക്കുന്നുണ്ടെന്ന് ഉറപ്പുവരുത്തുന്നതിനായി ഇ-പോര്‍ട്ടലുകളും ഇന്ന് സമാരംഭിച്ചു. ദേശീയ ജലപാതയുടെ എല്ലാ ചരക്കുകളും ക്രൂയിസുമായി ബന്ധപ്പെട്ട ട്രാഫിക് ഡാറ്റയും യഥാസമയം ശേഖരിക്കാന്‍ കാര്‍-ഡി പോര്‍ട്ടല്‍ സഹായിക്കും. അതുപോലെ, ഗതിനിര്‍ണ്ണയത്തിന് പുറമെ ജലപാതയുടെ അടിസ്ഥാന
സൗകര്യങ്ങളെക്കുറിച്ചും വാട്ടര്‍ പോര്‍ട്ടല്‍ വിവരങ്ങള്‍ നല്‍കും. ജിഐഎസ് അടിസ്ഥാനമാക്കിയുള്ള ഭാരത് മാപ്പ് പോര്‍ട്ടല്‍ ഇവിടെ സന്ദര്‍ശിക്കാനോ ബിസിനസ്സ് ആവശ്യങ്ങള്‍ക്കായി വരാനോ ആഗ്രഹിക്കുന്നവരെ സഹായിക്കുന്നു. ആത്മനിര്‍ഭര്‍ ഭാരതത്തിനായി മള്‍ട്ടി മോഡല്‍ കണക്റ്റിവിറ്റി വികസിപ്പിച്ചുകൊണ്ടിരിക്കുകയാണ്, അസം അതിന്റെ ഏറ്റവും മികച്ച ഉദാഹരണമാണ്.

സഹോദരി സഹോദരന്മാരെ,

അസമിലെയും നോര്‍ത്ത് ഈസ്റ്റിലെയും ജലപാത-റെയില്‍വേ-ഹൈവേ കണക്റ്റിവിറ്റിയോടൊപ്പം ഇന്റര്‍നെറ്റ് കണക്റ്റിവിറ്റിയും ഒരുപോലെ അനിവാര്യമാണ്. ഈ വിഷയങ്ങളില്‍ ഒരേസമയം പ്രവര്‍ത്തനം തുടരുകയാണ്. ഇപ്പോള്‍, നൂറുകണക്കിന് കോടി രൂപയുടെ നിക്ഷേപത്തോടെ, വടക്ക് കിഴക്കിന്റെ ആദ്യ ഡാറ്റാ സെന്റര്‍ ഗുവാഹത്തിയില്‍ വരും, ഇത് രാജ്യത്തെ ആറാമത്തെ സ്ഥാനമായിരിക്കും. വടക്ക് കിഴക്കിലെ എട്ട് സംസ്ഥാനങ്ങളുടെയും ഡാറ്റാ സെന്റര്‍ ഹബായി ഈ കേന്ദ്രം പ്രവര്‍ത്തിക്കും. ഈ ഡാറ്റാ സെന്റര്‍ ഇ-ഗവേണന്‍സ്, ഐടി സേവന അധിഷ്ഠിത വ്യവസായം, അസം ഉള്‍പ്പെടെ വടക്കുകിഴക്കന്‍ സംസ്ഥാനങ്ങളിലെ സ്റ്റാര്‍ട്ടപ്പുകള്‍ എന്നിവയ്ക്ക് കൂടുതല്‍ പ്രചോദനം നല്‍കും. കഴിഞ്ഞ കുറച്ച് വര്‍ഷങ്ങളായി വടക്ക് കിഴക്കിലെ യുവാക്കള്‍ക്കായി വികസിപ്പിച്ചുകൊണ്ടിരിക്കുന്ന ബിപിഒ പരിസ്ഥിതി വ്യവസ്ഥയെ ഇത് ശാക്തീകരിക്കും. ഒരു തരത്തില്‍ പറഞ്ഞാല്‍, വടക്കി കിഴക്കിലെ ഡിജിറ്റല്‍ ഇന്ത്യയുടെ കാഴ്ചപ്പാടും കേന്ദ്രം ശക്തിപ്പെടുത്തും.

സഹോദരി സഹോദരന്മാരെ,

ഭാരത് രത്ന ഡോ. ഭൂപന്‍ ഹസാരിക എഴുതി: कर्मइ आमार धर्म, आमि नतुन जुगर नतुन मानब, आनिम नतुन स्वर्ग, अबहेलित जनतार बाबे धरात पातिम स्वर्ग അതായത്, ഞങ്ങളുടെ ജോലി ഞങ്ങളുടെ മതമാണ്, അവഗണിക്കപ്പെട്ട പുതിയ കാലഘട്ടത്തിലെ പുതിയ ആളുകളാണ് ഞങ്ങള്‍. അവര്‍ക്കായി നാം ഭൂമിയില്‍ ഒരു പുതിയ ആകാശം സൃഷ്ടിക്കും. അസം, വടക്ക് കിഴക്ക് എന്നിവയുള്‍പ്പെടെ രാജ്യമെമ്പാടും സബ്ക സാത്ത്, സബ്ക വികാസ്, സബ്ക വിശ്വാസ് എന്ന ഈ മനോഭാവത്തോടെയാണ് ഗവണ്‍മെന്റ് പ്രവര്‍ത്തിക്കുന്നത്. അസാമീസ് സംസ്‌കാരം, ആത്മീയത, ഗോത്രങ്ങളുടെ സമ്പന്നമായ പാരമ്പര്യം, ജൈവവൈവിധ്യങ്ങള്‍ എന്നിവയാണ് ബ്രഹ്മപുത്രയില്‍ അഭിവൃദ്ധി പ്രാപിച്ച നമ്മുടെ പാരമ്പര്യങ്ങള്‍. ഈ പൈതൃകം ശാക്തീകരിക്കുന്നതിനായി ശ്രീമന്ത ശങ്കര്‍ദേവ് ജിയും മജുലി ദ്വീപിലെത്തി.
അന്നുമുതല്‍, മജൂലിയെ ആത്മീയതയുടെ കേന്ദ്രമായി തിരിച്ചറിഞ്ഞു, അസം സംസ്‌കാരത്തിന്റെ ആത്മാവ്. നിങ്ങള്‍ എല്ലാവരും സാത്രീയ സംസ്‌കാരം പിന്തുടര്‍ന്ന രീതി പ്രശംസനീയമാണ്. രാജ്യത്തും ലോകത്തും മുഖ ശില്‍പ (മാസ്‌ക് ആര്‍ട്ട്), റാസ് ഉത്സവം എന്നിവയിലെ ആവേശം അതിശയകരമാണ്. ഈ ശക്തിയും ഈ ആകര്‍ഷണങ്ങളും നിങ്ങള്‍ക്ക് മാത്രമേയുള്ളൂ. അവ സംരക്ഷിച്ച് മുന്നോട്ട് കൊണ്ടുപോകണം.

സഹോദരി സഹോദരങ്ങളേ,

മജൂളിയുടെയും അസമിന്റെയും ഈ സാംസ്‌കാരികവും ആത്മീയവും സ്വാഭാവികവുമായ കഴിവ് വര്‍ദ്ധിപ്പിക്കുന്നതിനുള്ള അഭിനന്ദനാര്‍ഹമായ പ്രവര്‍ത്തനത്തിന് സര്‍ബാനന്ദ സോനോവാല്‍ ജിയെയും അദ്ദേഹത്തിന്റെ മുഴുവന്‍ ടീമിനെയും അഭിനന്ദിക്കുന്നു. നിയമവിരുദ്ധമായ അധിനിവേശത്തില്‍ നിന്ന് സത്രകളെയും മറ്റ് പ്രധാന സ്ഥലങ്ങളെയും മോചിപ്പിക്കാനുള്ള പ്രചാരണം, ഒരു സാംസ്‌കാരിക സര്‍വകലാശാല സ്ഥാപിക്കല്‍, മജൂലിക്ക് 'ജൈവവൈവിധ്യ പൈതൃക സ്ഥലമെന്ന പദവി, തേജ്പൂര്‍-മജുളി-ശിവസാഗര്‍ ഹെറിറ്റേജ് സര്‍ക്യൂട്ട്, നമാമി ബ്രഹ്മപുത്ര, നമാമി ബരാക് എന്നീ ഉത്സവങ്ങള്‍ അസമിന്റെ സ്വത്വം ശക്തിപ്പെടുത്തുകയാണ്.

സുഹൃത്തുക്കളെ,

ഇന്ന് ഉദ്ഘാടനം ചെയ്തതോ തറക്കല്ലിട്ടതോ കണക്റ്റിവിറ്റി പദ്ധതികള്‍ അസമിലെ വിനോദ സഞ്ചാരത്തിന് പുതിയ വാതിലുകള്‍ തുറക്കാന്‍ പോകുന്നു. രാജ്യത്തെ ക്രൂയിസ് ടൂറിസത്തിന്റെ പ്രധാന ലക്ഷ്യസ്ഥാനമായി അസം മാറാം. നെമാറ്റി, ബിശ്വനാഥ് ഘട്ട്, ഗുവാഹത്തി, ജോഗിഖോപ എന്നിവിടങ്ങളിലെ ടൂറിസ്റ്റ് ജെട്ടികളുടെ വികസനത്തോടെ അസമിലെ ടൂറിസം വ്യവസായത്തിന് പുതിയ മാനം ലഭിക്കും. രാജ്യത്തുനിന്നും വിദേശത്തുനിന്നും ഉയര്‍ന്ന ചിലവുള്ള വിനോദസഞ്ചാരികള്‍ ക്രൂയിസില്‍ ഒരു യാത്ര നടത്തുമ്പോള്‍, അത് അസമിലെ യുവാക്കളുടെ വരുമാന മാര്‍ഗ്ഗം വര്‍ദ്ധിപ്പിക്കും. ടൂറിസം എന്നത് ഏറ്റവും കുറഞ്ഞ സാക്ഷരരും കുറഞ്ഞ നിക്ഷേപം നേടുന്നവരും വിദഗ്ധരായ പ്രൊഫഷണലുകളും നേടുന്ന ഒരു മേഖലയാണ്. വികസനം ഇതാണ്, ദരിദ്രരില്‍ ദരിദ്രരയാവര്‍ക്കും സാധാരണ പൗരന്മാര്‍ക്കും മുന്നോട്ട് പോകാന്‍ അവസരമൊരുക്കുന്ന വികസനമാണിത്. ഈ വികസന ഗതി നാം നിലനിര്‍ത്തുകയും വേഗത്തിലാക്കുകയും വേണം. അസമിനെയും വടക്ക് കിഴക്കിനെയും ആത്മമീര്‍ഭാരത് ഭാരതത്തിന്റെ ശക്തമായ സ്തംഭമാക്കി മാറ്റാന്‍ നാം ഒരുമിച്ച് പ്രവര്‍ത്തിക്കണം. വികസനത്തിന്റെ പുതിയ പദ്ധതികള്‍ക്ക് ഞാന്‍ നിങ്ങളെ എല്ലാവരെയും അഭിനന്ദിക്കുന്നു.

വളരെയധികം നന്ദി!

സേവനത്തിന്റെയും സമർപ്പണത്തിന്റെയും 20 വർഷങ്ങൾ നിർവ്വചിക്കുന്ന 20 ചിത്രങ്ങൾ
Mann KI Baat Quiz
Explore More
ജമ്മു കശ്മീരിലെ നൗഷേരയിൽ ദീപാവലിയോടനുബന്ധിച്ച് ഇന്ത്യൻ സായുധ സേനയിലെ സൈനികരുമായി പ്രധാനമന്ത്രി നടത്തിയ ആശയവിനിമയം

ജനപ്രിയ പ്രസംഗങ്ങൾ

ജമ്മു കശ്മീരിലെ നൗഷേരയിൽ ദീപാവലിയോടനുബന്ധിച്ച് ഇന്ത്യൻ സായുധ സേനയിലെ സൈനികരുമായി പ്രധാനമന്ത്രി നടത്തിയ ആശയവിനിമയം
India Inc raised $1.34 billion from foreign markets in October: RBI

Media Coverage

India Inc raised $1.34 billion from foreign markets in October: RBI
...

Nm on the go

Always be the first to hear from the PM. Get the App Now!
...
PM’s message on International Day of Persons with Disabilities
December 03, 2021
പങ്കിടുക
 
Comments

On the International Day of Persons with Disabilities, Prime Minister Narendra Modi said, 

"On International Day of Persons with Disabilities, I would like to appreciate the stellar achievements and contributions of persons with disabilities to India’s progress. Their life journeys, their courage and determination is very motivating.

The Government of India is actively working to further strengthen infrastructure that empowers persons with disabilities. The emphasis remains on equality, accessibility and opportunity".