Share
 
Comments
অসাম অমদি অৱাং নোংপোক চাউখৎহনপা, শেমগৎ-শাগৎপা অমসুং কন্নেক্তিবিতী ফগৎহনবা অসি সরকারনা মরু ওইনা লৌই: পি.এম
রো-পেক্স সর্ভিসেসনা লমগী অরাপ্পশিং চাউনা হন্থহল্লগনি: পি.এম.

 

অসমবু খুরুমজরি,

শ্রীমান শঙ্করদেবকী মথৌ পাংথোকফম অমসুং মজুলীগী মফম অসিদা ঐহাক্না ইকায় খুম্নজরি। কেন্দ্র সরকারদা লৈরিবা ঐহাক্কী খোঙলোই, শ্রী নিতিন গদকরীজী, শ্রী রবিশঙ্কর প্রসাদজী, শ্রে মনশুখ মান্দাবিয়াজী, অসমগী মুখ্য মন্ত্রী, শ্রী সর্বানন্দ সোনোৱালজী, মেঘালয়গী মুখ্য মন্ত্রী, কোনরেদ সাংমাজী, অসমগী শেল-থুমগী মন্ত্রী, দাঃ হিমন্তা বিশ্বা শর্মজী অমসুং অসমগী ঐহাক্কী নুংশীরবা ইচিল-ইনাওশিং! আলী-আয়ে-লিগংগী কুমহৈগী হরাও-নুংঙাইবা অসি অনিশুবা নুমিত্তসু চত্থরক্লবরা হায়না খল্লি। ঙরাং অসি মিসিং খুন্নাইগী ওইনা লৌউ-শিংউগী ওইবা হরাও-নুংঙাইবা ফোংদোকপগী নুমিৎনি অমসুং ঙসিনা মজুলীগা লোয়ননা অসম অমসুং অৱাং-নোংপোক ভারতকী চাউখৎপগী ওইবা য়াম্না অচৌবা কুমহৈ অমনি। তাকামে লিগাং আছেংগে ছেলিদুংগ।

ইচিল-ইনাওশিং,

ভারত রত্না, দাঃ ভুপেন হজারিকানা করিগুম্বা মতম অমদা অসুম্না ইবীরম্মি- মহাবাদু ব্রহ্মপুত্রা মহামিলনর তীর্থ(আ) কত(আ) জুগ ধরি প্রকাখি হমন্যৱার আর্থ(আ)! মসিনা হায়বদি, ব্রহ্মপুত্রনা পাকথোক-চাউথোকপা হায়বসি অমনা-অমগা নুংশী চানবগী ইথিল অমনি হায়বনি। চহি কয়াদগী হৌনা, মসিগী শেংলবা তুরেল অসিনা অমনা-অমগা নক্নহনবা, শম্নহনবগী থৌদাং লৌদুনা লাক্লি। অদুবু অমনা-অমগা শম্নহনবগী মতাংদা ব্রহ্মপুত্রদা হান্ননা পাংথোক্লমগদবা থবকশিংগী চাং অদুদগী হন্থনা পাংথোক্তুনা লাক্লি। মসিনা মরম ওইদুনা, অসমগী মনুং অমসুং অৱাং-নোংপোক্কী অতোপ্পা মফমশিংদা অমগা-অমগা শম্নহনবগী হীরম অসি শিংনবা অমা ওইদুনা লাক্লি। অদুবু, মহাবাদ ব্রহ্মপুত্রগী থৌজালদগী, হীরম অসিগী মতাংদা থবক কয়া অমা খোঙজেল য়াঙনা চত্থরি। হৌখিবা চহিশিংদা, কেন্দ্র অমসুং অসমগী দবল ইঞ্জিন সরকারনা লমদম অসিগী লম-তু অমসুং সংস্কৃতী অনিমক্কী মরক্তা লৈরম্বা অহাঙবা কয়া মেন্নবা থবক কয়া অমা পায়খৎখ্রে। ঐখোয়না ব্রহ্মপুত্রগী শেংলবা অমসুং লাইওইরবা ইথিল অসিবু য়েংলদুনা খুদোংচাবগী থোং কয়া অমা শারি। অসম য়াওনা অৱাং-নোংপোক লমদমগী ফিজিকেল অমসুং নাৎকী অমত্তা ওইবা শক্তমসু মপাঙ্গল কলহনখ্রবনি।

মরূপশিং,

ঙসিগী নুমিৎ অসিনা অসমগা লোয়ননা অৱাং-নোংপোক্কী মফম খুদিংদা হায়রিবা মঙলান অসি হেন্না পাকথোক-চাউথোকহল্লগনি। দাঃ ভুপেন হজারিকা থোং, বোগীবিল থোং, সরাইঘাৎ থোং ওইরো, অসিগুম্বা থোং কয়া অসিনা অসমগী মীওইশিংগী পুন্সিদা নুংঙাইহল্লি। মসিনা লৈবাক্কী ঙাক-শেনববু হেন্না কলহনবগী মথক্তা, ঐখোয়গী থৌনা ফরবশিংবুসু পুক্নিং থৌগৎলি। অসম অমসুং অৱাং-নোংপোক্কী তোঙান-তোঙানবা মফমশিংবু শম্নহনবগী খোঙথাং অসিসু ঙসিদগী অমুক্কা হেন্না খুমাং চাউশিল্লবনি। ঙসিদগী হৌনা, অতোপ্পা থোং অচৌবা অনিদসু থবক তৌবা হৌরগনি। চহি খরগী মমাংদা ঐহাক্না মজুলী ইথত্তা চৎলুবা মতমদা, মফম অদুগী খুদোংচাদবশিং ঐহাক্না য়াম্না নক্না উরকখি। সর্বানন্দ সোনোৱালগী সরকারনা হায়রিবা শিংনবশিং অসি হন্থহন্নবা অকনবা থবক পায়খৎলিবা অসিদা ঐহাক্না য়াম্না নুংঙাইবা ফাওই। মজুলীদা অসমগী খ্বাইদগী ইহান হানবা হেলিপেদসু শাখ্রবনি।

ইচিল-ইনাওশিং,

হৌজিক্তি, মজুলীগী মীওইশিংনা শোরোক্কী খুদোংচাবসু ফংলগনি। নখোয়না মতম কুইনদগী তাল্লক্লিবা অপাম্বা অসি ঙসি পাংথোক্লিবা পুজা অসিগা লোয়ননা মঙফাওনরগনি। কালিবারী তোর্বান্দগী জোরহাৎ ফাওবা শম্নহনগদৌরিবা কিলোমীতর ৮ শাংবা মসিগী থোং অসিনা মজুলীগী ইমুং লিশিং কয়া অমগী পুন্সি লম্বী ওইরগনি। মসিগী থোং অসিনা নখোয়গী খুদোংচাবা অমসুং ওইথোকপা কয়াগী পাম্বৈ অমা ওইরগনি। মতৌ অসুম্না, ধুব্রিদগীনা মেঘালয়গী ফুলৱারী ফাওবগী কিলোমীতর ১৯ শাংবা থোং অমসু শেম-শারগনি, অমসুং মসিনা বারাক তম্পাক্কা নীংথিজনা শম্নহল্লগনি। মসিদা নত্তনা, থোং অসিদগী মেঘালয়, মনিপুর, মিজোরম অমসুং ত্রিপুরাগা অসমগা লাপ্নবা অসি য়াম্না হন্থরগনি। অমুক্তা খন্থবীয়ু, মেঘালয় অমসুং অসমগী হৌজিক হৌজিক্কী ওইরিবা শোরোক্কী অরাপ্পা অসি চাউরাক্না কিলোমীতর ২৫০নি অমসুং তুংগী মতমদা, মসিগী অরাপ্পা অসি শুপ্নগী কিলোমীতর ১৯-২০ ওইরগনি। মসিগী থোং অসিনা অতোপ্পা লৈবাকশিংগা মালেমগী ওইবা খোঙচত্তসু য়াম্না খুদোংচাবা অমা ওইরগনি।

ইচিল-ইনাওশিং,

ব্রহ্মপুত্রা অমসুং বরাক্কা লোয়ননা অসমগী য়াম্লবা তুরেলশিংগী খুদোলশিং অসিবু হেন্না কান্নহন্নবা হায়দুনা মহাবাহু ব্রহ্মপুত্রা প্রোগ্রাম অসি হৌদোক্লিবনি। মসিগী প্রোগ্রাম অসিনা ব্রহ্মপুত্রগী ঈশিংগী খুত্থাংদগী লমদম পুম্বা অসিদা ৱাতর কন্নেক্তিবিতী, পোর্ত লেদ দিভেলপমেন্তকী থৌওংশিং চাউখৎহনগনি। মসিগী খোঙথাং অসিগী অহৌবা ওইনা, ঙসি নীমাতী-মজুলী, অৱাং অমসুং খা গুৱাহাতী, ধুব্রী-তসিংগীমারীগী মরক্তা রো-পেক্স সেবা ৩সু শঙ্গাখ্রে। মসিগা লোয়ননা, অসম অসি অসুক্কী মতিক চাউরবা রো-পেক্স সর্ভিস লৈবা লৈবাক অসিগী মাংজিল থাবা রাজ্য অমা ওইরগনি। মসিদা নত্তনা, জোগীঘোপাদা লৈরিবা ইনলেন্দ ৱাতর ত্রান্সপোর্ত তর্মিনেলগা লোয়ননা ব্রহ্মপুত্রগী মফম ৪দা তুরিস্ত জেত্তী শাবগী থবকসু হৌখ্রবনি। মজুলীগা লোয়ননা অসম অমসুং অৱাং-নোংপোক্তা অফবা কন্নেক্তিবিতী পীনবা অসিগুম্বা প্রোজেক্ত অসিনা লমদম অসিগী চাউখৎপগী খোঙজেলবু হেন্না য়াঙখৎহল্লগনি। ইং ২০১৬তা নখোয়না পীখিবা ভোৎ অমা অদুনা থবক কয়া অমা পাংথোক্তুনা উৎলে। নখোয়গী ভোৎ খক্তনা অসমবু চাউখৎপগী থাক অৱাংবদা পুদুনা চৎকদৌরিবনি।

ইচিল-ইনাওশিং,

মীখা পোল্লিঙৈগী মতমদসু, অসম অসি লৈবাক অসিদা শেন্থোক পীবা রাজ্যশিংগী মরক্তা অমা ওইদুনা লাক্লি। মফম অসিদগী চিতগাও অমসুং কোলকতা হীথাংফম ফাওবা চা অমসুং পেত্রোলগী পোত্থোক পুনবগীদমক্তা ব্রহ্মপুত্রা-পদ্মা-মেঘনা তুরেল অমসুং রেল কয়া ফাওদুনা মফম অসি ফাওবা লাক্লিবনি। কন্নেক্তিবিতীগী অসিগুম্বা নেৎৱর্ক অসিনা অসম্না চাউখৎপগী মরু ওইবা মরম অমা ওইরিবনি। অদুবু নিং-তম্বা ফংলবা তুংদা, মফম অসিদা মতমগা চানবা ইনফ্রাস্ত্রকচর শাবগী তঙাই ফদবা লৈবা অদুদি অদুমক লেপখ্রে। ঈশিং লম্বীদা চত্থোক-চৎশিন তৌনবা হীরমদা মিৎয়েং চঙখিদ্রে। মসিগী লমদম অসিদা তংদু লৈতারকখিদবা অসি চাউখৎপা লেপখিবগী হীরম অসিনসু য়াম্না তেংবাংখি। পুৱারীদা লংখ্রবা অদুগুম্বা অশোইবা কয়া অসিবু চুমথোক্নবা অতল বিহারী বাজপায়না অহানবদা য়াম্না হোৎনখিবনি। হৌজিক মসিগী মতাংদা য়াম্না খন্নরি অমসুং খোঙজেল য়াঙহন্নবসু হোৎনরি। হৌজিক্তি, অসমগী চাউখৎপা অসি খ্বাইদগী হান্না পাংথোক্কদবা থৌদাং অমা ওইরে অমসুং মসিগীদমক্তা অহিং-নুংথীল নাইদনা থবক চত্থরিবনি।

ইচিল-ইনাওশিং,

হৌখিবা চহি ৫দগী হৌনা অসমগী মলতি মোদেল কন্নেক্তিবিতী অমুক্কা হন্না হৌদোক্নবা থবক মথং-মথং পায়খৎপা হৌখ্রে। অসম, অৱাং-নোংপোকপু অতোপ্পা নোংপোক এসিয়াগী লৈবাকশিংগী নাৎ অমসুং ললোন ইতিক্কী মপুং ওইবা মফম অমা ওইহন্নবা কন্না হোৎনরি। মসিগীদমক্তা, মফম অসিগী ইনলেন্দ ৱাতরৱেবু মপাঙ্গল হেন্না লৈহন্নবা থবক অমা কন্না হোৎনরি। হন্দক্তসু, ঈশিংগী লম্বীদা শম্নবগী থৌওং খুমাং চাউশিলহন্নবগীদমক্তা বঙ্গলাদেশকা য়ানবা অমসু পুরকখ্রে। ব্রহ্মপুত্রা অমসুং বরাক তুরেলবু শম্নহন্নবগীদমক্তা হুগলী তুরেলদা ইন্দো-বঙ্গলাদেশ প্রোতোকোল রুৎকী ওইনসু থবক পায়খৎলি। মসিদা অসমদা নত্তনা, মেঘালয়, মিজোরম, মনিপুর অমসুং ত্রিপুরাবুসু হালদিয়া, কোলকতা, গুৱাহাতী অমসুং জোগীঘোপাদা চৎনবগীদমক্তা বেকলিফ কন্নেক্তিবিতী ফংলগনি। মসিনা হায়বদি, অৱাং-নোংপোক্কী লমদম্বু মপুং ওইবা ভারতকা শম্নহন্নবা হোৎনরিবা অসিদা মসিগী লম্বী অসিনা য়াম্না তেনশিনহল্লগনি।

ইচিল-ইনাওশিং,

জোগীঘোপাগী আই.দবল্যু.তি. তর্মিনেল অসিনা মসিগী বেকলিফ লম্বী অসিবু মপাঙ্গল হেন্না কনখৎহল্লগনি অমসুং অসম্বু কোলকতাগা হালদিয়া হীথাংফমদগী ঈশিংগী লম্বীগী খুত্থাংদা শম্নহল্লগনি। মসিগী তর্মিনেল অসিদা ভুতান অমসুং বঙ্গলাদেশকী কার্গোশিং, জোগীঘোপা মলতি মোদেল লোজিস্তিক্স পার্ককী কার্গোশিং অসি ব্রহ্মপুত্র তুরেলগী তোঙান-তোঙানবা মফমশিংদা পুবা য়াবগী খুদোংচাবসু লৈরগনি।

মরূপশিং,

করিগুম্বা অচম্বা মীওই অমগী চাউখৎপা অসি পুরক্তবা য়াদ্রবা ওইরবা অমসুং চাউখৎপগী পান্দম অসি হোংবা নাইররোইদবা ওইরগদি, অনৌবা লম্বী অমা অদুম য়াৎলকপনি। মজুলী অমসুং নেমাতীগী মরক্তা লৈগদৌরিবা রো-পেক্সকী লম্বী অসিসু অসিগুম্বা লম্বী মখল অমনি। মসিনা মরম ওইরগা, কিলোমীতর ৪২৫গী শোরোক্কী লম্বীদা কোইথোক্না চত্ত্রবসু য়ারে। মসিগী অনৌবা লম্বী অসিদা শুপ্নগী কিলোমীতর ১২ ওইনা সাইকল, স্কুতর নত্ত্রগা বাইকপু জহাজতা জাপ্তুনা চৎপা য়ারগনি। মসিগী লম্বী অসিদা জহাজ ২ চেনগনি অমসুং জহাজ অমদা অমুক্তা চাউরাক্না মীওই ১৬০০ অমসুং গারী দর্জন অনিমুক পুবা য়াগনি। অসিগুম্বা খুদোংচাবা অসি গুৱাহাতীগী মীওইশিংনসু ফংলগনি। হৌজিক্তি, খা অমসুং অৱাংগী গুৱাহাতীগী মরক্তা লৈরিবা কিলোমীতর ৪০গী অরাপ্পা অসি শুপ্নগী কিলোমীতর ৩দা তেন্সিল্লগনি। মসিগা মান্ননা, ধুব্রী অমসুং হৎসিংগীমারীগী মরক্কী অরাপ্পা অসি কিলোমীতর ২২৫দগী শুপ্নগী কিলোমীতর ৩০দা তেন্সিল্লগনি।

মরূপশিং,

ঐখোয়গী সরকারনা ঈশিং লম্বী শেম্বতা নত্তনা, মসিবু শিজিন্নগদৌরিবা মীওইশিংদসু তঙাই ফদবা ই-পাউ খঙহন্নবা হায়দুনা মসিগী মতাংদা ঙসি ই-পোর্তেল অমসু লোঞ্চ তৌখ্রে। কার-দি. পোর্তেলদগী লৈবাক্কী ওইনা ঈশিং লম্বীগী কার্গো অমসুং ক্রুজকা মরী লৈনবা ত্রেফিক দেতাশিং অসি রিএল তাইমদা খোমজিনবদা মতেং ওইরগনি। মতৌ অসুম্না পানী পোর্তেল, নৌচালনগী মথক্তা ৱাতরৱেগী ইনফ্রাস্ত্রকচরগা মরী লৈনবা ই-পাউশিংসু পীগনি। জি.আই.এস.তা য়ুম্ফম ওইবা ভারতকী মেপ পোর্তেল অসিনা মফম অসিদা কোয়বা নত্ত্রগা কারবারগীদমক্তা লাক্নিংবা মীওইশিংদসু তেংবাংগনি। মরোমদোম লেপচবা ভারত ওইহন্নবগীদমক্তা লৈবাক অসিদা মলতি মোদেল কন্নেক্তিবিতীগী হীরমদা চাউখৎপা পুরক্লি অমসুং অসম অসি মসিগী য়াম্না মশক থোকপা খুদম অমনি।

ইচিল-ইনাওশিং,

অসম অমসুং অৱাং-নোংপোক্কী ৱাতরৱে-রেলৱে-হাইৱে কন্নেক্তিবিতীগী মথক্তা ইন্তর্নেৎকী কন্নেক্তিবিতীসু অদুক্কী মতিক মরু ওই। মসিদসু লেপ্তনা থবক চত্থরি। হৌজিকসু, লুপা করোর কয়া থাদদুনা গুৱাহাতীদা অৱাং-নোংপোক্কী অহানবা অমসুং লৈবাক্কী তরুকশুবা দেতা সেন্তর অমা শাগদৌরে। মসিগী সেন্তর অসিনা লমদম অসিগী রাজ্য ৮গী দেতা সেন্তর হব অমা ওইনা মথৌ তৌগনি। মসিগী দেতা সেন্তর অসি হেক লৈবদগী অসমগা লোয়ননা অৱাং-নোংপোক্কী মফম খুদিংদা ই.-গবর্নেন্স, আই.তি. সর্ভিস্তা য়ুম্ফম ওইবা ইন্দস্ত্রী, স্তার্ত-অপশিংদা অহেনবা খুদোংচাবা পীরগনি। হৌখিবা চহি খরা অসিদা লমদম অসিগী নহাশিংগী ওইনা বি.পি.ও.গী ইকোসীস্তেম অমা শেম্লিবা অসিদসু, মসিনা য়াম্না মপাঙ্গল হাপ্লগনি। মসিনা হায়বদি, মসিগী সেন্তর অসিনা দিজিতেল ইন্দিয়াগী মঙলান অসিবু লমদম অসিদসু হেন্না মপাঙ্গল লৈহল্লগনি হায়বনি।

ইচিল-ইনাওশিং,

ভারত রত্না, দাঃ ভুপেন হজারিকানা অসুম্না ইবীরম্মি – কমই আমার ধর্মা, আমি নতুন জুগর নতুন মানব, আনিম নতুন স্বর্গ, অবহেলিৎ জন্তার বাবে ঘরাৎ পাতিম স্বর্গ! মসিনা হায়বদি, ঐখোয়গী থবক অসিনা ঐখোয়গী লাইনিংনি। ঐখোয় অসি অনৌবা জুগকী অনৌবা মীওইশিংনি। শেন্নবিদ্রবা মীওইশিংগীদমক্তা ঐখোয়না মখোয়গী অনৌবা স্বর্গ অমা শেমগনি, লৈবাক-লৈমায় অসিদা স্বর্গ অমা শেমগনি। পুম্নমক্কা লোয়ননা পুম্নমক চাউখৎমিন্নবগী ৱাখল্লোন অসিগা লোয়ননা সরকার অসিনা অসম অমসুং অৱাং-নোংপোক্কা লোয়ননা লৈবাক শিনবা থবক কয়া পায়খৎলি। ব্রহ্মপুত্রগী অকোয়বদা লৈরিবা অসমগী নাৎ, চৎনবী, বাইও-দাইবর্সিতী অসিনা ঐখোয়গী হেরিতেজনি। শ্রীমন্ত শঙ্ক্রদেবজীসু মজুলী ইথত্তা মসিগী হেরিতেজ অসিবু হেন্না মপাঙ্গল হাপ্নবগীদমক্তা লাকখিবনি। মদুগী মতুংদা, মজুলীবু অসমগী লাইনীংফমগী খ্বাইদগী মপুং ওইবা মফম অমা ওইনা শক-খঙনখি। নখোয় খুদিংনা মসিগী সংস্কৃতীবু খুমাং চাউশিলহনখিবা মওং অসি য়াম্না থাগৎনীংঙাইনি। মুখগী মখুৎ-মশা হৈবা অমসুং রাস উৎসবকী মতাংদা লৈবাক অমসুং মালেমদা থৱাই য়াওবগী মওং অমা লৈরক্লিবা অসি য়াম্না পুক্নিং হুনিংঙাইনি। মসিগী পাঙ্গল অমসুং ফজবা অসি নখোয়গী নাক্তা খক্তা লৈবনি। মসিবু ঙাক শেনগদবনি অমসুং তুং লমচৎকীদমক্তসু চৎকদবনি।

ইচিল-ইনাওশিং,

ঐহাক্না সর্বানন্দ সোনোৱালজী অমসুং মহাক্কী কাঙবু পুম্নমকপু থাগৎলি অমসুং মজুলী, অসমগী অসিগুম্বা সংস্কৃতী, লাইনিং-লাইশোন অমসুং মহৌশাগী ফজববু খুমাং চাউশিনহনলিবা অসিগীদমক্তসু থাগৎলি। মরু ওইবা মফমশিংবু আইন্না য়াদবা মওংদা লৌশিনবগী মাইয়োক্তা চত্থবা কেম্পেন, কলচরেল য়ুনিবর্সিতী শেমগৎপা, মজুলীবু “বাইও-দাইভর্সিতী হেরিতেজ সাইৎ” ওইহন্নবা খোঙথাং, তেজপুর-মজুলী-শিবসাগর হেরিতেজ সর্কুইৎ ওইরো, নমামি ব্রহ্মপুত্র অমসুং নমামি বরাক কুম্বা থৌরম শিনবা ওইরো, অসিগুম্বা খোঙথাংশিং অসিনা অসমগী মশক তাক্তুনা হেন্না চাউখৎপা ওইহল্লে।

মরূপশিং,

ঙসি শঙ্গাখ্রিবা অমসুং উরেপ-উয়ুং তমখ্রিবা প্রোজেক্তশিং অসিনা অসমদা লমকোয়বগী অনৌবা থোঙ অমসু হাংলবনি। অসম অসি ক্রুজ তুরিজমগী মতাংদা লৈবাক অসিগী চাউরবা পন্থুংফম অমা ওইবা য়ারিবনি। নেমাতী, বিশ্বনাথ তোর্বান, গুৱাহাতী অমসুং জোগীঘোপাদা তুরিস্ত জেত্তী লৈরকপনা অসমগী তুরিজম ইন্দস্ত্রীদা অনৌবা মাইকৈ অমা পীরগনি। ক্রুজ অসিদা কোয়বা চৎনবগীদমক্তা লৈবাক অমসুং মালেমগী শেল পায়বা মীয়াম লাকপা মতমদা, অসমগী নহাশিংগী শেন্থোক লম্বী অমসুং চাগাসু হেনগৎলগনি। তুরিজম জায়রিবা সেক্তর অসিদদি লাইরিক খজিক্তং তম্লকপা মীওইশিং, শেল য়াম্না থাদদবা মীওইশিং অমসুং স্কিল লৈবা প্রোফেস্নেলশিংনা শেল তানবা য়াই। মসিনি চাউখৎপা হায়বসি, খ্বাইদগী লায়রবশিং অমসুং মীচম মীয়ামদা চাউখৎপা খুদোংচাবা পীবা। ঐখোয়না চাউখৎপবু মসিগী খোঙজেল অসিদা ঙাক্তুনা থমগদবনি অমসুং হেন্না খোঙজেল য়াঙহনগদবনি। অসম অমসুং অৱাং-নোংপোক লমদম্বু মরোমদোম লেপচবা ঙম্বা ভারতকী য়ুম্বী ওইহন্নবগীদমক্তা ঐখোয়না পুন্না থবক তৌমিন্নগদবনি। ঐহাক্না নখোয়বু অমুক্কা হন্না চাউখৎপগী অসিগুম্বা প্রোজেক্ত অসিগীদমক্তা থাগৎপা ফোংদোক্লি।

 

হন্না-হন্না থাগৎচরি।

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
'Foreign investment in India at historic high, streak to continue': Piyush Goyal

Media Coverage

'Foreign investment in India at historic high, streak to continue': Piyush Goyal
...

Nm on the go

Always be the first to hear from the PM. Get the App Now!
...
#NaMoAppAbhiyaan makes its way to Delhi’s villages. Leaders and karyakartas double their efforts to ensure that every Booth becomes Extra Mazboot
July 25, 2021
Share
 
Comments

Taking the rural route, the #NaMoAppAbhiyaan bandwagon reaches villages throughout Delhi. With active participation from karyakartas of all ages, the Mera Booth, Sabse Mazboot initiative has now become a great success, both in rural as well as urban areas.

Mera Booth, Sabse Mazboot at Madipur