നേപ്പാളിലേക്കു തിരിക്കുംമുന്പ് പ്രധാനമന്ത്രി ശ്രീ. നരേന്ദ്ര മോദി പുറത്തിറക്കിയ പ്രസ്താവന:
‘നാലാമതു ബിംസ്റ്റെക് ഉച്ചകോടിയില് സംബന്ധിക്കാനായി ഞാന് ഓഗസ്റ്റ് 30, 31 തീയതികളില് കാഠ്മണ്ഡു സന്ദര്ശിക്കുകയാണ്.
ഉച്ചകോടിയില് ഞാന് പങ്കെടുക്കുന്നത് അയല്രാജ്യങ്ങളുമായി ഉള്ള ബന്ധത്തിന് ഇന്ത്യ കല്പിക്കുന്ന പ്രാധാന്യവും ദക്ഷിണ പൂര്വേഷ്യന് രാജ്യങ്ങളുമായുള്ള ബന്ധം വര്ധിപ്പിക്കുന്നതില് ഇന്ത്യക്കുള്ള പ്രതിജ്ഞാബദ്ധതയും വെളിപ്പെടുത്തുന്നു.
മേഖലാതല സഹകരണവും വ്യാപാര ബന്ധവും മെച്ചപ്പെടുത്തുക, ബംഗാള് ഉള്ക്കടല് മേഖലയില് ശാന്തിയും അഭിവൃദ്ധിയും ഉറപ്പുവരുത്തുക എന്നീ ഉദ്ദേശ്യങ്ങളോടെ, ഉച്ചകോടിക്കിടെ ബിംസ്റ്റെക് നേതാക്കളുമായി ഞാന് ചര്ച്ചകള് നടത്തും.
‘സമാധാനപൂര്ണവും അഭിവൃദ്ധിയാര്ന്നതും സുസ്ഥിരവുമായ ബംഗാള് ഉള്ക്കടല് മേഖല യാഥാര്ഥ്യമാക്കാന്’ എന്ന പ്രമേയത്തോടുകൂടിയ ഉച്ചകോടി പൊതു താല്പര്യങ്ങളും വെല്ലുവിളികളും സംബന്ധിച്ചു പൊതു പ്രതികരണം രൂപപ്പെടുത്തുന്നതില് നിര്ണായകമാകും.
നാലാമതു ബിംസ്റ്റെക് ഉച്ചകോടി ഇതുവരെ ബിംസ്റ്റെക് നടത്തിയ പ്രവര്ത്തനങ്ങളെ കൂടുതല് സമഗ്രമാക്കാനും സമാധാനവും പുരോഗതിയും ഉള്ള ബംഗാള് ഉള്ക്കടല് മേഖല യാഥാര്ഥ്യമാക്കാനും സഹായിക്കുമെന്നു ഞാന് വിശ്വസിക്കുന്നു.
ഉച്ചകോടിക്കിടെ ബംഗ്ലാദേശ്, ഭൂട്ടാന്, മ്യാന്മര്, ശ്രീലങ്ക, തായ്ലന്ഡ് എന്നീ രാജ്യങ്ങളുടെ നേതാക്കളുമായി ആശയവിനിമയം നടത്താന് എനിക്ക് അവസരം ലഭിക്കും.
നേപ്പാള് പ്രധാനമന്ത്രി ബഹുമാനപ്പെട്ട കെ.പി.ശര്മ ഒലിയെ കാണാനും 2018 മേയില് ഞാന് നടത്തിയ നേപ്പാള് സന്ദര്ശനത്തിനുശേഷം ഉഭയകക്ഷി ബന്ധത്തില് എത്രത്തോളം പുരോഗതി ഉണ്ടായെന്നു വിലയിരുത്താനുമായി ഞാന് ആകാംക്ഷയോടെ കാത്തിരിക്കുകയാണ്.
പ്രധാനമന്ത്രി ഒലിയും ഞാനും ചേര്ന്ന് പശുപതിനാഥ് ക്ഷേത്രസമുച്ചയത്തിലെ നേപ്പാള് ഭാരതി മൈത്രി ധര്മശാലയുടെ ഉദ്ഘാടനം നിര്വഹിക്കും.’
Will be in Kathmandu on 30th and 31st August to take part in the 4th BIMSTEC Summit. The Summit focuses on the theme ‘Towards a Peaceful, Prosperous and Sustainable Bay of Bengal Region.’ Will be interacting with various world leaders during the Summit. https://t.co/ycGzDG85GN
— Narendra Modi (@narendramodi) August 29, 2018
I look forward to meeting PM KP Sharma Oli and reviewing the progress we have made in India-Nepal bilateral relations. PM Oli and I will also inaugurate the Nepal-Bharat Maitri Dharamshala at the Pashupatinath Temple Complex.
— Narendra Modi (@narendramodi) August 29, 2018
