নেপালগী খোংচৎতা চৎত্রিঙৈগী মমাংদা প্রধান মন্ত্রী শ্রী নরেন্দ্র মোদীনা পীখিবা ৱারোল মখাদা পীজরিঃ
“ঐহাক ওগস্ত ৩০-৩১দা মরিশুবা বিমস্তেক সমিৎ য়াওননবা কাথমান্দুদা চৎকনি।
সমিৎতা ঐনা শরুক য়াবা অসি, ভারতকী য়ুমলোন্নবশিংগী মফমদা মরু ওইনা খনবা লোইননা খা-নোংপোক এশিয়াদা য়ুমলোন্নবা লৈবাকশিংগা লোইননা ঐখোয়গী লেপ্তনা চেৎশিল্লক্লিবা মরি অদু উৎলি।
সমিৎ অদুদা ঐনা, রিজনেল কোওপরেসন অসি অমুক্কা হেন্না চেৎশিলহন্নবা, ললোন-ইতিক্কী মরি হেনগৎহন্নবা অমসুং ইং তপ্লবা অমসুং চাউখৎলবা বে ওফ বেঙ্গল শেমগৎপদা ঐখোয়গী অপুনবা হোৎনবশিংদা খোংজেল য়াংহন্নবা, বিমস্তেক্কী লুচীংবা পুম্নমক্কা লোইননা ৱারী শাননবগী তাঞ্জা ফংলগনি।
সমিৎ অসিগী থিমদি – ‘ইং-তপ্পা, চাউখৎপা অমসুং তুং কোইনা চৎকদবা বে ওফ বেঙ্গলগী মাইকৈদা’ হায়বা অসিনি। থিম অসিনা ঐখোয়গী শরুক য়ামিন্নরিবা অনীংবশিংবু মপুং ফাহনবা অমসুং শিংনবশিংবু মায়োক্নবদা ঐখোয়গী অপুনবা হোৎমিন্নরিবা অসিদা অচৌবা শক্তম অমা লৌরগনি।
ঐনা থাজৈ মদুদি মরিশুবা বিমস্তেক সমিৎ অসিনা বিমস্তেক্কী মখাদা হৌজিক ফাওবদা ওইরিবা খোংজেল অসিবু হেন্না চেৎশিলহল্লগনি অমসুং ইং-তপ্পা অমসুং চাউখৎপা বে ওফ বেঙ্গলগী শেমগৎ-শাগৎপগী মশক-মওং লেপথোক্কনি।
বিমস্তেক সমিৎকী মনুংদা ঐনা বাঙ্গলাদেশ, ভুতান, ম্যানমার, শ্রীলঙ্কা অমসুং থাইলেন্দগী লুচীংবশিংগা লোইননা ৱারী শাননবগী তাঞ্জা ফংলগনি।
ঐনা নেপালগী প্রধান মন্ত্রী শ্রী কে.পি. শর্মা ওলীগা উন্নগদবা অদুগী মতাংদা লাংতক্নবা পোক্লি অমসুং মে, ২০১৮দা ঐগী অকোনবা নেপাল খোংচৎকী মতুংদা লৈবাক অনিগী ওইবা মরিশিংদা ওইরিবা খোংজেল য়েংশিনবগী থবকসু চৎথরি।
প্রধান মন্ত্রী ওলী অমসুং ঐনা, পশুপতিনাথ মন্দিরগী ইংখোলদা নেপাল-ভারত মৈত্রী ধর্মশালা শঙ্গাবগী ইকাই খুম্নবা ফংলগনি।”
Will be in Kathmandu on 30th and 31st August to take part in the 4th BIMSTEC Summit. The Summit focuses on the theme ‘Towards a Peaceful, Prosperous and Sustainable Bay of Bengal Region.’ Will be interacting with various world leaders during the Summit. https://t.co/ycGzDG85GN
— Narendra Modi (@narendramodi) August 29, 2018
I look forward to meeting PM KP Sharma Oli and reviewing the progress we have made in India-Nepal bilateral relations. PM Oli and I will also inaugurate the Nepal-Bharat Maitri Dharamshala at the Pashupatinath Temple Complex.
— Narendra Modi (@narendramodi) August 29, 2018
