ഭാവിയിലെ നേതൃപാടവങ്ങൾക്കായി യുവ പഠിതാക്കളെ പരിപോഷിപ്പിക്കുന്നതിനുള്ള ദേശീയ പദ്ധതിയായ 'യുവ' യെ കുറിച്ച് അറിയാൻ പ്രധാനമന്ത്രി ശ്രീ നരേന്ദ്ര മോദി യുവാക്കളെ ക്ഷണിച്ചു.
ഒരു ട്വീറ്റിൽ പ്രധാനമന്ത്രി പറഞ്ഞു :
"യുവാക്കൾക്ക് അവരുടെ എഴുത്ത് കഴിവുകൾ ഉപയോഗപ്പെടുത്തുന്നതിനും ഇന്ത്യയുടെ ബൗദ്ധിക വ്യവഹാര ത്തിന് സംഭാവന നൽകുന്നതിനുമുള്ള രസകരമായ അവസരമാണിത്. കൂടുതലറിയാൻ
https://innovateindia.mygov.in/yuva/ ” സന്ദർശിക്കുക .
Here is an interesting opportunity for youngsters to harness their writing skills and also contribute to India's intellectual discourse. Know more... https://t.co/SNfJr7FJ0V pic.twitter.com/rKlGDeU39U
— Narendra Modi (@narendramodi) June 8, 2021
ദേശീയ വിദ്യാഭ്യാസ നയം 2020, യുവ മനസ്സുകളെ ശാക്തീകരിക്കുന്നതിനും ഭാവിയിലെ നേതൃപാടവങ്ങൾക്കായി യുവ പഠിതാക്കളെ പരിപോഷിപ്പിക്കാൻ കഴിയുന്ന ഒരു പഠന ആവാസവ്യവസ്ഥ സൃഷ്ടിക്കുന്നതിനും ഊന്നൽ നൽകുന്നു.
ഈ ലക്ഷ്യം വളർത്തിയെടുക്കുന്നതിനും ഇന്ത്യയുടെ 75 വർഷത്തെ സ്വാതന്ത്ര്യത്തിന്റെ സ്മരണയ്ക്കായി, ഒരു ദേശീയ പദ്ധതി , പ്രധാനമന്ത്രിയുടെ യുവജനങ്ങളെ ഉപദേശിക്കുന്നതിനുള്ള പദ്ധതി , "യുവ", നാളത്തെ നേതാക്കളുടെ അടിത്തറ ഉറപ്പിക്കുന്നതിൽ വലിയ പങ്ക് വഹിക്കും. .
അടിസ്ഥാനപരമായി, 75 വർഷത്തെ സ്വാതന്ത്ര്യത്തിലേക്ക് രാജ്യം നീങ്ങുമ്പോൾ ഇന്ത്യൻ സാഹിത്യത്തിന്റെ ആധുനിക അംബാസഡർമാരെ വളർത്തിയെടുക്കാൻ പദ്ധതി വിഭാവനം ചെയ്യുന്നു. പുസ്തക പ്രസിദ്ധീകരണ രംഗത്ത് ഇന്ത്യ മൂന്നാം സ്ഥാനത്താണ്, തദ്ദേശീയ സാഹിത്യത്തിന്റെ ഈ നിധി കൂടുതൽ വർദ്ധിപ്പിക്കുന്നതിന്, ആഗോള വേദിയിൽ ഇത് ഉയർത്തിക്കാട്ടേണ്ടത് അനിവാര്യമാണ്.
