A. കൈമാറ്റം ചെയ്ത കരാറുകളുടെ/ ധാരണാപത്രങ്ങളുടെ പട്ടിക
| ക്രമ നമ്പർ | ധാരണാ പത്രം / കരാറിന്റെ പേര് | ഇന്ത്യയ്ക്ക് വേണ്ടി കൈമാറ്റം ചെയ്തവ | ബംഗ്ലാദേശിന് വേണ്ടി കൈമാറ്റം ചെയ്തവ |
|---|---|---|---|
| 1 | പൊതു അതിർത്തി നദിയായ കുഷിയറയിൽ നിന്ന് ഇന്ത്യയും ബംഗ്ലാദേശും ജലം എടുക്കുന്നത് സംബന്ധിച്ച് കേന്ദ്ര ഗവൺമെന്റിന്റെ ജലശക്തി മന്ത്രാലയവും , ജലവിഭവ മന്ത്രാലയവും ബംഗ്ലാദേശ് ഗവണ്മെന്റും തമ്മിലുള്ള ധാരണാപത്രം | ശ്രീ പങ്കജ് കുമാർ, സെക്രട്ടറി, ജലശക്തി മന്ത്രാലയം | ശ്രീ. കബീർ ബിൻ അൻവർ, ജലവിഭവ മന്ത്രാലയം സീനിയർ സെക്രട്ടറി |
| 2 | ഇന്ത്യയിൽ ബംഗ്ലാദേശ് റെയിൽവേ ഉദ്യോഗസ്ഥരെ പരിശീലിപ്പിക്കുന്നത് സംബന്ധിച്ച് റെയിൽവേ മന്ത്രാലയം (റെയിൽവേ ബോർഡ്), കേന്ദ്ര ഗവൺമെന്റ്, റെയിൽവേ മന്ത്രാലയം, ബംഗ്ലാദേശ് ഗവണ്മെന്റ് എന്നിവ തമ്മിലുള്ള ധാരണാപത്രം. | വിനയ് കുമാർ ത്രിപാഠി, റെയിൽവേ ബോർഡ് ചെയർമാൻ | മുഹമ്മദ് ഇമ്രാൻ, ഇന്ത്യയിലെ ബംഗ്ലാദേശ് ഹൈക്കമ്മീഷണർ |
| 3 | എഫ് ഓ ഐ എസ് പോലുള്ള ഐടി സംവിധാനങ്ങളിലും ബംഗ്ലാദേശ് റെയിൽവേയ്ക്കായുള്ള മറ്റ് ഐടി ആപ്ലിക്കേഷനുകളിലും സഹകരിച്ച് പ്രവർത്തിക്കുന്നതിന് റെയിൽവേ മന്ത്രാലയം (റെയിൽവേ ബോർഡ്), ഇന്ത്യാ ഗവൺമെന്റ്, റെയിൽവേ മന്ത്രാലയം, ബംഗ്ലാദേശ് ഗവൺമെന്റ് എന്നിവ തമ്മിലുള്ള ധാരണാപത്രം. | വിനയ് കുമാർ ത്രിപാഠി, റെയിൽവേ ബോർഡ് ചെയർമാൻ | മുഹമ്മദ് ഇമ്രാൻ, ഇന്ത്യയിലെ ബംഗ്ലാദേശ് ഹൈക്കമ്മീഷണർ |
| 4 | ഇന്ത്യയിലെ ബംഗ്ലദേശ് ജുഡീഷ്യൽ ഓഫീസർമാർക്കുള്ള പരിശീലനവും ശേഷി വർധിപ്പിക്കൽ പരിപാടിയും സംബന്ധിച്ച് ഇന്ത്യയിലെ നാഷണൽ ജുഡീഷ്യൽ അക്കാദമിയും ബംഗ്ലാദേശിലെ സുപ്രീം കോടതിയും തമ്മിലുള്ള ധാരണാപത്രം. | ശ്രീ വിക്രം കെ ദൊരൈസ്വാമി, ബംഗ്ലാദേശിലെ ഇന്ത്യൻ ഹൈക്കമ്മീഷണർ | മുഹമ്മദ് ഗോലം റബ്ബാനി, ബംഗ്ലാദേശ് സുപ്രീം കോടതി രജിസ്ട്രാർ ജനറൽ |
| 5 | കൗൺസിൽ ഫോർ സയന്റിഫിക് ആൻഡ് ഇൻഡസ്ട്രിയൽ റിസർച്ച് (സിഎസ്ഐആർ), ഇന്ത്യയും ബംഗ്ലാദേശ് കൗൺസിൽ ഓഫ് സയന്റിഫിക് ആൻഡ് ഇൻഡസ്ട്രിയൽ റിസർച്ചും (ബിസിഎസ്ഐആർ), ബംഗ്ലാദേശ് തമ്മിലുള്ള ശാസ്ത്ര സാങ്കേതിക സഹകരണം സംബന്ധിച്ച ധാരണാപത്രം | ഡോ എൻ കലൈശെൽവി, സിഎസ്ഐആർ ഡിജി | ബിസിഎസ്ഐആർ ചെയർമാൻ ഡോ. എംഡി അഫ്താബ് അലി ഷെയ്ഖ് |
| 6 | ബഹിരാകാശ സാങ്കേതികവിദ്യയുടെ മേഖലകളിലെ സഹകരണം സംബന്ധിച്ച ധാരണാപത്രം | എൻ എസ ഐ എൽ ചെയർമാനും മാനേജിംഗ് ഡയറക്ടറുമായ ശ്രീ. ഡി. രാധാകൃഷ്ണൻ | ബിഎസ്സിഎൽ ചെയർമാനും സിഇഒയുമായ ഡോ. ഷാജഹാൻ മഹമൂദ്, |
| 7 | പ്രസാർ ഭാരതിയും ബംഗ്ലാദേശ് ടെലിവിഷനും (ബിടിവി) ബ്രോഡ്കാസ്റ്റിംഗിലെ സഹകരണം സംബന്ധിച്ച ധാരണാപത്രം. | ശ്രീ മായങ്ക് കുമാർ അഗർവാൾ, പ്രസാർ ഭാരതി സിഇഒ | ഷൊഹ്റാബ് ഹൊസൈൻ, ഡയറക്ടർ ജനറൽ, ബിടിവി |
B. ഉദ്ഘാടനം ചെയ്ത/പ്രഖ്യാപിച്ച/അനാച്ഛാദനം ചെയ്ത പദ്ധതികളുടെ പട്ടിക
1. മൈത്രീ പവർ പ്ലാന്റിന്റെ അനാച്ഛാദനം - ഖുൽനയിലെ രാംപാലിൽ കൽക്കരി ഉപയോഗിച്ചുള്ള 1320 (660x2) മെഗാവാട്ട് സൂപ്പർ ക്രിട്ടിക്കൽ താപവൈദ്യുത നിലയം ഏകദേശം 2 ബില്യൺ യുഎസ് ഡോളർ ചെലവിൽ, 1.6 ബില്യൺ ഡോളറിന്റെ ഇന്ത്യൻ വികസന സഹായത്തോടെ ഇളവ് ധനസഹായപദ്ധതിക്ക് കീഴിൽ സ്ഥാപിക്കുന്നു.
2. രൂപ്ഷാ പാലത്തിന്റെ ഉദ്ഘാടനം - 5.13 കി.മീ ദൈർഘ്യമുള്ള രൂപ്ഷ റെയിൽപ്പാലം 64.7 കി.മീ ദൈർഘ്യമുള്ള ഖുൽന-മോംഗ്ല തുറമുഖ സിംഗിൾ ട്രാക്ക് ബ്രോഡ് ഗേജ് റെയിൽ പദ്ധതിയുടെ ഒരു പ്രധാന ഭാഗമാണ്. ഇത് ആദ്യമായി മോംഗ്ലാ തുറമുഖത്തെ ഖുൽനയുമായി റെയിൽ മാർഗവും തുടർന്ന് മധ്യഭാഗത്തേക്കും വടക്കോട്ടും ബന്ധിപ്പിക്കുന്നു. തുടർന്ന് , ബംഗ്ലാദേശ്, പശ്ചിമ ബംഗാളിലെ പെട്രാപോൾ, ഗെഡെ എന്നിവിടങ്ങളിലെ ഇന്ത്യയുടെ അതിർത്തിയിലേക്ക്.
3. റോഡ് നിർമ്മാണ ഉപകരണങ്ങളുടെയും യന്ത്രസാമഗ്രികളുടെയും വിതരണം - ബംഗ്ലാദേശ് റോഡ് ആൻഡ് ഹൈവേ ഡിപ്പാർട്ട്മെന്റിന് 25 പാക്കേജുകളിലായി റോഡ് അറ്റകുറ്റപ്പണികളും നിർമ്മാണ ഉപകരണങ്ങളും യന്ത്രങ്ങളും വിതരണം ചെയ്യുന്നതാണ് പദ്ധതി.
4. ഖുൽന ദർശന റെയിൽവേ ലൈൻ ലിങ്ക് പദ്ധതി - ഗെഡെ-ദർശനയിലെ നിലവിലെ ക്രോസ് ബോർഡർ റെയിൽ ലിങ്ക് ഖുൽനയുമായി ബന്ധിപ്പിക്കുന്ന നിലവിലുള്ള (ബ്രോഡ് ഗേജ് ഇരട്ടിപ്പിക്കൽ) അടിസ്ഥാന സൗകര്യങ്ങളുടെ നവീകരണമാണ് പദ്ധതി. അതുവഴി ഇരുരാജ്യങ്ങളും തമ്മിലുള്ള, പ്രത്യേകിച്ച് ധാക്കയിലേക്കുള്ള റെയിൽ കണക്ഷനുകൾ വർധിപ്പിക്കുന്നു. ഭാവിയിൽ മോംഗ്ല തുറമുഖത്തേയ്ക്കും . 312.48 മില്യൺ യുഎസ് ഡോളറാണ് പദ്ധതിയുടെ ചെലവ്.
5. പർബതിപൂർ -കൗനിയ റെയിൽവേ ലൈൻ - നിലവിലുള്ള മീറ്റർ ഗേജ് പാതയെ ഡ്യുവൽ ഗേജ് പദ്ധതിയാക്കി മാറ്റുന്നതിന് 120.41 ദശലക്ഷം യുഎസ് ഡോളറാണ് കണക്കാക്കിയിരിക്കുന്നത്. അതിർത്തിയിലെ ബിറോൾ (ബംഗ്ലാദേശ്)-രാധികാപൂർ (പശ്ചിമ ബംഗാൾ) എന്നിവയെ ബന്ധിപ്പിക്കുകയും ഉഭയകക്ഷി റെയിൽ കണക്റ്റിവിറ്റി വർദ്ധിപ്പിക്കുകയും ചെയ്യുന്നതാണ് പദ്ധതി.
