Share
 
Comments

 

প্ৰধানমন্ত্ৰী নৰেন্দ্ৰ মোদীৰ নেতৃত্বাধীন এনডিএ চৰকাৰে কৃষিক্ষেত্ৰক উজ্জীৱিত কৰাৰ বাবে বিভিন্ন পদক্ষেপ গ্ৰহণ কৰিছে৷ কৃষকসকলৰ উৎপাদন বৃদ্ধি, তেওঁলোকৰ সুৰক্ষা তথা উপাৰ্জন বৃদ্ধিৰ বাবে বিভিন্ন কল্যাণমূলক আঁচনি গ্ৰহণ কৰা হৈছে৷

প্ৰধানমন্ত্ৰী নৰেন্দ্ৰ মোদীয়ে ২০২২ চনৰ ভিতৰত কৃষকসকলৰ উপাৰ্জন দুগুণ কৰাৰ লক্ষ্য প্ৰাপ্তিৰ বাবে বহুভিত্তিক আঁচনি প্ৰণয়ন কৰিছে৷ বীজৰ পৰা আৰম্ভ কৰি শস্য বজাৰত উপলব্ধ হোৱালৈ কৃষি চক্ৰৰ বিভিন্ন সংশোধনমূলক কাৰ্যব্যৱস্থা গ্ৰহণ কৰা হৈছে৷ তাৰোপৰি কৃষকসকলৰ উপাৰ্জন বৃদ্ধি হোৱা বাবে সমান্তৰালভাৱে অন্য কাৰ্যসূচীও গ্ৰহণ কৰা হৈছে৷

এই প্ৰক্ৰিয়া আৰম্ভ কৰাৰ বাবে এনডিএ চৰকাৰৰ অধীনত কৃষিখণ্ড তথা কৃষকসকলৰ উন্নয়নৰ বাবে অভিলেখসংখ্যক বাজেট আৱণ্টন কৰা হৈছে৷ পূৰ্বৰ চৰকাৰৰ ২০০৯ চনৰ পৰা ২০১৪ চনলৈ আৱণ্টন কৰা ১,২১,০৮২ কোটি টকাৰ তুলনাত প্ৰধানমন্ত্ৰী নৰেন্দ্ৰ মোদীৰ চৰকাৰে ২০১৪-১৯ বৰ্ষৰ সময়চোৱাত ২,১১,৬৯৪ কোটি টকা আৱণ্টন দিছে৷ এয়া প্ৰায় দুগুণ৷

উৎপাদনৰ সময়ত কৃষকসকলক সাহায্য

কৃষকসকলৰ উন্নত পৰিমাণৰ উৎপাদনত নিশ্চিতি প্ৰদান কৰাৰ বাবে শস্য চপোৱাৰ সময়ৰ কাৰ্যাৱলী সৱলীকৰণ কৰাত গুৰুত্ব প্ৰদান কৰা হৈছে৷ চৰকাৰে এইক্ষেত্ৰত বিভিন্ন পদক্ষেপ গ্ৰহণ কৰিছে৷

কৃষিত শস্যৰ স্বাস্থ্যক মৌলিকতা প্ৰদান কৰি এই চৰকাৰে ২০১৫ চনৰ পৰা ২০১৮ চনলৈ ১৩ কোটিতকৈও অধিক ভূমি স্বাস্থ্য কাৰ্ড বিতৰণ কৰিছে৷ ভূমি স্বাস্থ্য কাৰ্ডে কৃষকসকলক তেওঁলোকৰ উৎপাদনশীলতা বৃদ্ধিৰ বাবে আৱশ্যকীয় পুষ্টি আৰু সাৰৰ বিষয়ে পৰামৰ্শ প্ৰদান কৰে৷

সাৰ বিতৰণৰ ক্ষেত্ৰত উত্থাপিত হোৱা অভিযোগ যথেষ্ট পৰিমাণে হ্ৰাস হৈছে৷ ইয়াৰ কাৰণটো হ’ল ইউৰিয়াৰ উৎপাদন বৃদ্ধি আৰু চৰকাৰৰ নতুন সাৰ কাৰখানা স্থাপনৰ পদক্ষেপ৷ যিহেতু চৰকাৰে ইউৰিয়াৰ ১০০% নীম কোটিঙৰ পদক্ষেপ গ্ৰহণ কৰিছে, ইয়াৰ দ্বাৰা কেৱল ভূমিৰ স্বাস্থ্য উত্তৰণ হোৱাই নহয়, সাৰসমূহৰ অন্য কামত প্ৰয়োগো বন্ধ হৈছে৷ বাকী ৰৈ যোৱা সাৰৰ সাহায্য প্ৰদান কৰাৰ বাবে ১০,০০০ কোটি টকাৰ এক বিশেষ ব্যৱস্থাও গ্ৰহণ কৰা হৈছে৷  

প্ৰধানমন্ত্ৰীৰ কৃষি সিঞ্চন যোজনা ‘প্ৰতিটো টোপালত অধিক শস্য’ই জলসিঞ্চনৰ অধীনত ২৮.৫ লাখ হেক্টৰ ভূমি সামৰি লৈছে৷ প্ৰতিটো কৃষিক্ষেত্ৰত জলসিঞ্চন নিশ্চিত কৰাৰ বাবে ৫০,০০০ কোটি টকা ধাৰ্য কৰা হৈছে৷ ক্ষুদ্ৰ জলসিঞ্চনৰ বাবে ৫,০০০ কোটি টকা আৱণ্টন দি কৃষকসকলক সৌৰ পাম্প স্থাপন কৰাত উদগনি জনোৱা হৈছে৷

কৃষকসকলৰ বাবে ঋণ

মোদী চৰকাৰে কৃষকসকলৰ সমস্যা সমধানৰ বাবে বিশেষ গুৰুত্বপূৰ্ণ পদক্ষেপ গ্ৰহণ কৰিছে আৰু কৃষকসকলক মহাজনসকলৰ ঋণৰ হাতোৰাৰ পৰা ৰক্ষা কৰিবলৈ কৃষি ঋণৰ ব্যৱস্থা কৰিছে৷

প্ৰধানমন্ত্ৰী ফচল বীমা যোজনা হ’ল চৰকাৰৰ দ্বাৰা প্ৰদান কৰা আটাইতকৈ বৃহৎ ক্ষতিশংকাৰ সুৰক্ষা৷

সুতৰ সাহায্য প্ৰদান আঁচনিৰ অধীনত হ্ৰস্বকালীন শস্যৰ বাবে ৩ লাখ টকা পৰ্যন্ত ঋণ ৭% সুত প্ৰতিবছৰৰ বাবে ধাৰ্য কৰিছে৷ 

কৃষকৰ উৎপাদনসমূহক বজাৰ প্ৰদান

শস্য চপোৱাৰ সময়ত চৰকাৰে কৃষকসকলৰ বাবে আন এক পদক্ষেপ গ্ৰহণ কৰিছে আৰু সেয়া হ’ল তেওঁলোকৰ উৎপাদিত সামগ্ৰীৰ উচিত মূল্য লাভ কৰাটো৷ ২০১৮ চনৰ জুলাই মাহত চৰকাৰে খাৰিফ শস্যৰ বাবে ব্যয়ৰ ১.৫ গুণ পৰ্যন্ত ঐতিহাসিক এমএছপি প্ৰণয়ন কৰে যাৰ দ্বাৰা কৃষকসকলে উৎপাদন ব্যয়ৰ ওপৰত ৫০% পৰ্যন্ত লাভ অৰ্জন কৰিব পাৰিব৷

ৰাষ্ট্ৰীয় কৃষি বজাৰ আঁচনি যি ই-নাম হিচাপেও পৰিচিত সেয়া ১৬ ৰাজ্য আৰু ২খন কেন্দ্ৰীয় শাসিত অঞ্চলৰ ৫৮৫খন বজাৰৰ সৈতে সংবদ্ধ কৰা হৈছে৷ ই-নামৰ জৰিয়তে ১৬৪.৫৩ লাখতকৈও অধিক কৃষিজাত সামগ্ৰীৰ লেনদেন কৰা হৈছে আৰু ৮৭ লাখতকৈও অধিক কৃষিত ইয়াত পঞ্জীভুক্ত হৈছে৷ ইয়াৰ দ্বাৰা কৃষকসকলে উচিত মূল্য লাভ কৰাৰ জৰিয়তে মধ্যভোগীৰ বিলোপ ঘটিছে৷

২২,০০০খন গ্ৰামীণ হাট গ্ৰামীণ কৃষি বজাৰলৈ ৰূপান্তৰিত কৰাৰ জৰিয়তে ৮৬% ক্ষুদ্ৰ কৃষক লাভান্বিত হৈছে৷

শীতলীকৰণ ভৱন আৰু শীতল শৃংখলত বৃহৎ বিনিয়োগ কৰা হৈছে যাতে শস্য চপোৱাৰ পিছত শস্যসমূহ নষ্ট হৈ নাযায় আৰু খাদ্য সংসাধনৰ জৰিয়তে মূল্য সংযোজন কৰাৰ ফলতো কৃষকসকল লাভান্বিত হৈছে৷

সহজে নষ্ট হৈ যোৱা খাদ্য সামগ্ৰী যেনে বিলাহী, আলু আৰু পিয়াজৰ মূল্য অস্থিৰতা প্ৰতিৰোধ কৰাৰ বাবে ‘অপাৰেচন গ্ৰীণ’ আঁচনি প্ৰণয়ন কৰা হৈছে৷

সম্বন্ধীয় ক্ষেত্ৰসমূহত গুৰুত্ব আৰোপ 

পূৰ্বতে উনুকিয়াই অহা মতে কৃষকসকলৰ উপাৰ্জন বৃদ্ধিৰ বাবে কৃষি সম্বন্ধীয় অন্যান্য ক্ষেত্ৰসমূহতো গুৰুত্ব প্ৰদান কৰা হৈছে৷ মীনপালন, একুৱা কালচাৰ আৰু পশুপালনৰ আন্তঃগাঁথনি সৃষ্টিৰ বাবে ১০,০০০ কোটি টকা নিৰ্ধাৰণ কৰা হৈছে৷

মীনপালনৰ সংহত বিকাশ আৰু ব্যৱস্থাপনাত ৩০০০ কোটি টকা আৱণ্টন, ২০টা গোকুল গ্ৰামৰ স্থাপন আদি এইসমূহৰ উদাহৰণ৷

উৎপাদন বৃদ্ধি

প্ৰধানমন্ত্ৰী নৰেন্দ্ৰ মোদীৰ কৃষি নীতি প্ৰণয়নে বিভিন্ন ধৰণে ফলাফল প্ৰদৰ্শন কৰিবলৈ সমৰ্থ হৈছে৷ কৃষিজাত উৎপাদনে ২০১৭-১৮ বৰ্ষত ২৭৯.৫১ মিলিয়ন টনৰ শস্য উৎপাদনৰ অভিলেখ গঢ়িবলৈ সমৰ্থ হৈছে৷

মাহজাতীয় শস্যৰ বাফাৰ ষ্ট’ক ১.৫ লাখ টনৰ পৰা ২০ লাখ টনলৈ বৃদ্ধি হৈছে৷ দুগ্ধ উৎপাদন ২০১৩-১৪ বৰ্ষৰ তুলনাত ২০১৬-১৭ বৰ্ষত ১৮.৮১% বৃদ্ধি হৈছে৷

প্ৰধানমন্ত্ৰী নৰেন্দ্ৰ মোদীৰ মূলমন্ত্ৰ- বীজ সে বাজাৰ তকক সৰোগত কৰি চৰকাৰে কৃষিক্ষেত্ৰত সামূহিক বিকাশৰ পদক্ষেপ গ্ৰহণ কৰিছে আৰু ইয়াৰ উজ্বল ফলাফল আজি আমি দেখিবলৈ পাইছো৷

donation
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India claims top 10 in list of fastest-growing cities

Media Coverage

India claims top 10 in list of fastest-growing cities
...

Nm on the go

Always be the first to hear from the PM. Get the App Now!
...
Share
 
Comments

যিকোনো ৰাষ্ট্ৰৰ বাবে আন্তঃগাঁথনি আৰু সংযোগ বিকাশৰ ধমনীৰ দৰে কাম কৰে৷ প্ৰধানমন্ত্ৰী নৰেন্দ্ৰ মোদীৰ নেতৃত্বাধীন এনডিএ চৰকাৰৰ আমোলত এই আন্তঃগাঁথনি বিকাশত বিশেষ ধ্যান দিয়া পৰিলক্ষিত হৈছে৷ নতুন ভাৰতৰ সপোন পূৰণ কৰিবলৈ এনডিএ চৰকাৰে ৰে’লৱে, স্থলপথ, জলপথ, বিমানখণ্ড অথবা ব্যয়সাধ্য গৃহত গুৰুত্ব নিৱেশ কৰিছে৷

ৰে’লৱে

ভাৰতীয় ৰে’লৱেৰ নেটৱৰ্ক সমগ্ৰ বিশ্বৰ ভিতৰতে বৃহৎ ৰে’লৰ নেটৱৰ্ক৷ ট্ৰেকৰ পুনৰ নিৰ্মাণ, ৰখীয়াবিহীন ৰে’লৱে ক্ৰ’ছিং আৰু ব্ৰ’ডগজৰ সম্প্ৰসাৰণ আদি প্ৰধানমন্ত্ৰী মোদীৰ নেতৃত্বাধীন এনডিএ চৰকাৰৰ আমোলত উল্লেখযোগ্য উন্নতি সাধন হৈছে৷

২০১৭-১৮ বৰ্ষত ৰে’লজনিত দূৰ্ঘটনা ১০০ত কৈও কম হৈছে৷ তথ্যত প্ৰকাশ যে ২০১৩-১৪ বৰ্ষত ৰে’লজনিত দূৰ্ঘটনাৰ সংখ্যা আছিল ১১৮টা যি ২০১৭-১৮ বৰ্ষত ৭৩টালৈ হ্ৰাস পাইছে৷ ৫,৪৬৯টা ৰখীয়াবিহীন লেভেল ক্ৰ’ছিং নোহোৱা কৰা হৈছে আৰু ২০০৯-১৪ বৰ্ষৰ তুলনাত ই ২০% অধিক হৈছে৷ ব্ৰ’ডগজ পথসমূহৰ সকলো ৰখীয়াবিহীন লেভেল ক্ৰ’ছিং ২০২০ চনৰ ভিতৰত নোহোৱা কৰাৰ পদক্ষেপ গ্ৰহণ কৰা হৈছে৷

ৰে’লৱেৰ বিকাশক গতি প্ৰদান কৰাৰ বাবে ৰে’লপথ পুনৰ নিৰ্মাণৰ কাম ৫০% বৃদ্ধি হৈছে, ২০১৩-১৪ বৰ্ষৰ ২,৯২৬ কিলোমিটাৰৰ তুলনাত ২০১৭-১৮ বৰ্ষত ইয়াৰ সংখ্যা ৪,৪০৫ কিলোমিটাৰলৈ বৃদ্ধি পাইছে৷ এনডিএ চৰকাৰৰ আমোলত বিগত চাৰিটা বৰ্ষত ব্ৰ’ডগজ সম্প্ৰসাৰণৰ সংখ্যা (৯,৫২৮ কিলোমিটাৰ)ৰ বিপৰীতে ২০০৯-১৪ বৰ্ষত ইয়াৰ সংখ্যা আছিল ৭,৬০০ কিলোমিটাৰ৷

প্ৰথমবাৰৰ বাবে উত্তৰ পূৰ্বাঞ্চল ব্ৰ’ডগজ ভাৰতৰ অন্য প্ৰান্তৰ সৈতে জড়িত হৈছে৷ স্বাধীনতাৰ ৭০ বছৰৰ পিছত ই মেঘালয়, ত্ৰিপুৰা আৰু মিজোৰামক ৰে’লৱে মানচিত্ৰৰ অন্তৰ্ভুক্ত কৰিবলৈ সক্ষম হৈছে৷

নতুন ভাৰতৰ বিকাশৰ বাবে আমাক অত্যাধুনিক প্ৰযুক্তিৰো প্ৰয়োজন৷ মুম্বাইৰ পৰা আহমেদাবাদলৈ পৰিকল্পিত বুলেট ৰে’লে ৮ ঘণ্টাৰ যাত্ৰাৰ সময় ২ ঘণ্টালৈ হ্ৰাস কৰিব৷

 

বিমানখণ্ড

অসামৰিক বিমানখণ্ডতো অভূতপুৰ্ব উত্তৰণ ঘটিছে৷ উড়ান (উৰে দেশ কা আম নাগৰিক) আঁচনিৰ অধীনত ব্যয়সাধ্য বিমানযাত্ৰা সম্ভৱ হৈছে, যোৱা চাৰিটা বৰ্ষত ২৫টা কাৰ্যকৰী বিমানবন্দৰ সংযোজিত হৈছে৷ স্বাধীনতা বৰ্ষৰ পৰা ২০১৪ চনলৈ কেৱল ৭৫টা বিমানবন্দৰ আছিল৷ সেৱাৰহিত আৰু সেৱাৰ অধীনৰ বিমানবন্দৰসমূহলৈ প্ৰতিঘণ্টাত ২,৫০০টকাৰ আঞ্চলিক সংযোগৰ ফলত ভাৰতীয়সকলৰ আকাশত উৰাৰ সপোন সাৰ্থক হৈছে৷ সেয়ে, প্ৰথমবাৰলৈ দেশৰ নাগৰিকে বাতানুকূল ৰে’লৰ পৰিৱৰ্তে বিমানেৰে যাত্ৰা কৰিছে৷

বিগত তিনিটা বৰ্ষত ১৮-২০%ৰ যাত্ৰী বৃদ্ধিৰ জৰিয়তে ভাৰতে বিশ্বৰ ভিতৰত বিমানখণ্ডত তিনি নম্বৰ স্থান দখল কৰিবলৈ সক্ষম হৈছে৷ ২০১৭ বৰ্ষত ঘৰুৱা বিমানযাত্ৰীৰ সংখ্যা ১০০ মিলিয়ন অতিক্ৰম কৰিছে৷

 

জলপৰিবহণ

প্ৰধানমন্ত্ৰী নৰেন্দ্ৰ মোদীৰ চৰকাৰৰ অধীনত ভাৰতে জলপৰিবহণ ক্ষেত্ৰতো সাফল্য অৰ্জন কৰিছে৷ বন্দৰসমূহৰ বিকাশত অগ্ৰগতি প্ৰদান কৰি প্ৰধান বন্দৰসমূহৰ টাৰ্ণ এৰাউণ্ড সময় ২০১৩-১৪ বৰ্ষৰ ৯৪ ঘণ্টাৰ পৰা এক তৃতীয়াংশ হ্ৰাস হৈ ২০১৭-১৮ বৰ্ষত ৬৪ ঘণ্টা হৈছে৷

প্ৰধান বন্দৰসমূহত কাৰ্গো ট্ৰেফিকক গুৰুত্ব প্ৰদান কৰা হৈছে৷ ২০১০-১১ বৰ্ষত ৫৭০.৩২ মেট্ৰিকটনৰ পৰা ২০১২-১৩ বৰ্ষত ৫৪৫.৭৯ মেট্ৰিকটনলৈ হ্ৰাস হৈছিল৷ কিন্তু এনডিএ চৰকাৰে এই ব্যৱস্থাৰ সংশোধন ঘটাই ২০১৭-১৮ বৰ্ষত ইয়াক ৬৭৯.৩৬৭ মেট্ৰিক টন অৰ্থাৎ ১০০ মেট্ৰিকটনতকৈও অধিক বৃদ্ধি কৰিবলৈ সমৰ্থ হৈছে৷

অন্তঃৱৰ্তী জলপৰিবহণত পৰিবহণ ব্যয় হ্ৰাস হোৱাৰ ফলত কাৰ্বন ফুট প্ৰিণ্ট হ্ৰাস হোৱাৰ উপৰিও অৰ্থনৈতিক বিকাশ সম্ভৱ হৈছে৷ বিগত ৩০টা বৰ্ষত ৫টা ৰাষ্ট্ৰীয় জলপথৰ পৰিৱৰ্তে কেৱল বিগত ৪টা বৰ্ষতে ইয়াৰ সংখ্যা ১০৬টালৈ বৃদ্ধি পাইছে৷

পথ পৰিবহণ

ভাৰত মালা পৰিযোজনাৰ অধীনত মাল্টি-ম’ডেল সংবদ্ধকৰণৰ জৰিয়তে ৰাষ্ট্ৰীয় ঘাইপথসমূহৰ সম্প্ৰসাৰণ কৰা হৈছে৷ ২০১৩-১৪ বৰ্ষৰ ৯২,৮৫১ কিলোমিটাৰৰ তুলনাত ২০১৭-১৮ বৰ্ষত ৰাষ্ট্ৰীয় ঘাইপথৰ সম্প্ৰসাৰণ ১,২০,৫৪৩ কিলোমিটাৰলৈ হৈছে৷

সুৰক্ষিত পথৰ বাবে সেতু ভাৰতম প্ৰকল্পত ২০,৮০০ কোটি টকা ব্যয় কৰা হৈছে৷ ইয়াৰ অধীনত সকলো ৰাষ্ট্ৰীয় ঘাইপথত ৰে’লৱে ক্ৰ’ছিংসমূহত ৰে’লৱে অভাৰব্ৰীজ নিৰ্মাণ কৰা হৈছে৷

পথ নিৰ্মাণৰ দ্ৰুতি প্ৰায় দুগুণ কৰা হৈছে৷ ২০১৩-১৪ বৰ্ষত ৰাষ্ট্ৰীয় ঘাইপথ নিৰ্মাণৰ কাম প্ৰতিদিনে ১২ কিলোমিটাৰৰ পৰিৱৰ্তে ২০১৭-১৮ বৰ্ষত প্ৰতিদিনে ২৭ কিলোমিটাৰলৈ বৃদ্ধি পাইছে৷

 

জম্মুত ভাৰতৰ বৃহত্তম দৈৰ্ঘৰ সুৰংগ চেনানি-নাশ্ৰি, ঢলা-শদিয়াত ভাৰতৰ সৰ্ববৃহৎ দৈৰ্ঘৰ দলং যিয়ে অৰুণাচলক সংযোজিত কৰিছে, এইসমূহৰ বিকাশৰ জৰিয়তে পূৰ্বৰ স্পৰ্শৰহিত অঞ্চলসমূহ সংযোজিত হৈছে৷ ভাৰুচত নৰ্মদা নদীৰ ওপৰত দলং আৰু চম্বলৰ ওপৰত কোটাত দলং নিৰ্মাণৰ জৰিয়তে অঞ্চলকেইটাৰ যোগাযোগৰ উত্তৰণ হৈছে৷  

পথসমূহে গ্ৰামীণ বিকাশৰ ক্ষেত্ৰত অনুঘটকৰ কাম কৰে৷ ইয়াৰ গুৰুত্ব উপলব্ধ কৰি বিগত চাৰিটা বৰ্ষত প্ৰায় ১.৬৯ কিলোমিটাৰ গ্ৰামীণ পথ নিৰ্মাণ কৰা হৈছে৷ ২০১৩-১৪ বৰ্ষৰ পথ নিৰ্মাণৰ গড় দ্ৰুতি প্ৰতিদিনে ৬৯ কিলোমিটাৰৰ বিপৰীতে ২০১৭-১৮ বৰ্ষত ইয়াৰ সংখ্যা প্ৰতিদিনে ১৩৪ কিলোমিটাৰ হৈছে৷ বৰ্তমানে ২০১৪ বৰ্ষৰ ৫৬%ৰ বিপৰীতে গ্ৰামীণ পথৰ সংযোগ ৮২%তকৈও অধিক হৈছে, ইয়াৰ জৰিয়তে গাঁওসমূহক ভাৰতৰ বিকাশৰ কক্ষপথত চামিল কৰা হৈছে৷

নিয়োজন বৃদ্ধিৰ ক্ষেত্ৰত পৰ্যটনে গুৰুত্বপূৰ্ণ ভূমিকা পালন কৰে৷ তীৰ্থযাত্ৰীসকলৰ অভিজ্ঞতা বৃদ্ধিৰ উপৰিও পৰ্যটন ক্ষেত্ৰত বিকাশৰ বাবে চাৰধাম মহামাৰ্গ বিকাশ পৰিযোজনা মুকলি কৰা হৈছিল৷ ইয়াৰ দ্বাৰা ভ্ৰমণ সুৰক্ষিত, ক্ষীপ্ৰ আৰু অধিক বিশ্বস্ত কৰাত গুৰুত্ব প্ৰদান কৰা হৈছে৷ ইয়াৰ বাবে প্ৰায় ১২,০০০ কোটি টকা ব্যয়েৰে ৯০০ কিলোমিটাৰৰ ৰাষ্ট্ৰীয় ঘাইপথ নিৰ্মাণ কৰা হৈছে৷

আন্তঃগাঁথনিত গুৰুত্ব প্ৰদান কৰি দেশৰ অৰ্থনৈতিক বিকাশৰ বাবে অধিক মালবাহনৰ পদক্ষেপ হাতত লোৱা হৈছে৷ এনডিএ চৰকাৰৰ প্ৰচেষ্টাৰ ফলতেই ২০১৭-১৮ বৰ্ষত সৰ্বাধিক মাল পৰিবহণ (১,১৬০ মেট্ৰিক টন)ৰ অভিলেখ নথিভুক্ত কৰা হৈছিল৷

নগৰ ৰূপান্তৰণ

স্মাৰ্ট চিটীৰ জৰিয়তে নগৰ ৰূপান্তৰণৰ বাবে প্ৰায় ১০০টা নগৰ কেন্দ্ৰ জীৱন-ধাৰণৰ মান উন্নতি, বহনক্ষম নগৰ পৰিকল্পনা আৰু বিকাশৰ বাবে বাচনি কৰা হৈছে৷ এই নগৰসমূহৰ বাবে গ্ৰহণ কৰা বিভিন্ন বিকাশৰ প্ৰকল্পৰ জৰিয়তে প্ৰায় ১০ কোটি ভাৰতীয়ক প্ৰভাৱান্বিত কৰিব৷ এই প্ৰকল্পটোত প্ৰায় ২,০১,৯৭৯ কোটি টকা ব্যয় কৰা হ’ব৷

গ্ৰামাঞ্চল আৰু নগৰাঞ্চলত প্ৰধানমন্ত্ৰী আৱাস যোজনাৰ অধীনত প্ৰায় ১ কোটি ব্যয়সাধ্য ঘৰ নিৰ্মাণ কৰা হৈছে৷ মধ্যবিত্ত আৰু নিম্ন মধ্যবিত্তসকল উপকৃত হোৱাকৈ গৃহ ঋণ ৯ লাখ টকা পৰ্যন্ত ৪% আৰু ১২ লাখ টকা পৰ্যন্ত ৩% সুতৰ আৰ্থিক সুবিধা প্ৰদান কৰা হৈছে৷