وزیر اعظم جناب نریندر مودی 26 اپریل 2025 کو صبح تقریباً 11 بجے ویڈیو کانفرنسنگ کے توسط سے، مختلف سرکاری محکموں اور تنظیموں میں نئے بھرتی شدہ نوجوانوں کو 51000 سے زائد تقرری نامے تقسیم کریں گے۔ اس موقع پر موصوف مجمع سے خطاب بھی کریں گے۔
روزگار بہم رسانی کو اعلیٰ ترین ترجیح دینے کی وزیر اعظم کی عہد بندگی سے ہم آہنگ ، یہ 15واں روزگار میلہ ملک بھر کے 47 مقامات پر منعقد کیا جائے گا۔ یہ میلہ نوجوانوں کو ان کی اختیار دہی اور ملک کی ترقی میں ان کے مؤثر تعاون کے لیے ایک بامعنی موقع فراہم کرے گا۔
ملک بھر سے منتخب کیے گئے نئے بھرتی شدہ نوجوان محکمہ مالیات، عملہ اور عوامی شکایات اور پنشن کی وزارت، وزارت داخلہ، محکمہ ڈاک، محکمہ اعلیٰ تعلیم، وزارت ریلوے، محنت و روزگار کی وزارت، وغیرہ سمیت مرکزی حکومت کی مختلف وزارتوں/محکموں میں شمولیت اختیار کریں گے۔
