وزیر اعظم جناب نریندر مودی 25 اگست، 2022 کو شام 4:30 بجے ویڈیو کانفرنسنگ کے ذریعے تمام ریاستوں اور مرکز کے زیر انتظام علاقوں کے وزرائے محنت کی قومی کانفرنس سے خطاب کریں گے۔ مرکزی وزارت محنت اور روزگار کی طرف سے 26-25 اگست، 2022 کو آندھرا پردیش کے تروپتی میں اس دو روزہ کانفرنس کا انعقاد کیا جا رہا ہے۔
یہ کانفرنس کوآپریٹو فیڈرلزم کے جذبے کے تحت بلائی جا رہی ہے، تاکہ مزدوروں سے متعلق مختلف امور پر تبادلہ خیال کیا جا سکے۔ اس سے مرکزی اور ریاستی حکومتوں کے درمیان بہتر پالیسیاں بنانے اور کارکنوں کی فلاح و بہبود کے لیے اسکیموں کے مؤثر نفاذ کو یقینی بنانے میں مزید ہم آہنگی پیدا کرنے میں مدد ملے گی۔
اس کانفرنس کے چار موضوعاتی اجلاس ہوں گے:سماجی تحفظ کو عالمگیر بنانے کے مدنظر آن بورڈنگ سوشل سیکورٹی کی اسکیموں کے لیے ای-شرم پورٹل کو مربوط کرنا؛ ریاستی حکومتوں کے ذریعے چلائے جا رہے ای ایس آئی اسپتالوں اور پی ایم جے اے وائی کے ساتھ انضمام کے ذریعے طبی نگہداشت کو بہتر کرنے کے لیے سواستھیہ سے سمردھی؛ چار لیبر قوانین کے تحت ضابطوں کی تشکیل اور ان کے نفاذ کے لیے طریقہ کار؛ کام کے منصفانہ اور مساوی حالات، جی آئی جی اور پلیٹ فارم کے کارکنوں سمیت تمام کارکنوں کو سماجی تحفظ، کام کی جگہ پر جنسی مساوات وغیرہ پر توجہ مرکوز کرتے ہوئے وژن شرمیو جیتے @2047۔
