آج وزیرِاعظم جناب نریندر مودی کو جمہوریہ فرانس کے صدر جناب ایمانوئل میکرون کی جانب سے ایک ٹیلیفون کال موصول ہوئی۔
دونوں رہنماؤں نے یوکرین اور مغربی ایشیا کے خطے میں جاری تنازعات کے پرامن حل کے لیے کی جانے والی کوششوں پر تبادلہ خیال کیا۔
صدر میکرون نے واشنگٹن میں یورپ، امریکہ اور یوکرین کے رہنماؤں کے درمیان حالیہ ملاقاتوں پر اپنا تجزیہ پیش کیا، اور غزہ کی موجودہ صورتحال کے حوالے سے بھی اپنے خیالات سے آگاہ کیا۔
وزیرِاعظم جناب مودی نے ان تنازعات کے پرامن حل اور امن و استحکام کی جلد بحالی کے لیے بھارت کی مستقل حمایت کا اعادہ کیا۔
رہنماؤں نے دوطرفہ تعاون کے ایجنڈے میں پیش رفت کا جائزہ لیا، جس میں تجارت، دفاع، سول نیوکلیئر تعاون، ٹیکنالوجی اور توانائی کے شعبے شامل تھے۔ دونوں نے بھارت-فرانس اسٹریٹجک شراکت داری کو مزید مضبوط بنانے کے اپنے مشترکہ عزم کو دہرایا، اور سال 2026 کو 'سالِ اختراع ' (ایئر آف اننوویشن) کے طور پر شایانِ شان طریقے سے منانے پر اتفاق کیا۔
صدر میکرون نے بھارت اور یورپی یونین کے درمیان آزاد تجارتی معاہدے (ایف ٹی اے)کی جلد تکمیل کے لیے اپنی حمایت کا بھی اظہار کیا۔
دونوں رہنماؤں نے تمام اہم امور پر رابطے میں رہنے پر اتفاق کیا۔
Had a very good conversation with my friend President Macron. Exchanged views on efforts for peaceful resolution of conflicts in Ukraine and in West Asia. Reaffirmed our commitment to further strengthen the India-France strategic partnership.@EmmanuelMacron
— Narendra Modi (@narendramodi) August 21, 2025
