‘‘ہم اس بات کو یقینی بنائیں گے کہ تمام فوائد آخری شخص تک پہنچیں،‘مودی کی گارنٹی’ گاڑی ہر گاؤں تک جائے گی’’

وزیر اعظم جناب نریندر مودی نے آج ویڈیو کانفرنسنگ کے ذریعے وِکست بھارت سنکلپ یاترا کے استفادہ کنندگان سے بات چیت کی۔ انہوں نے پردھان منتری مہیلا کسان ڈرون کیندر بھی شروع کیا۔ پروگرام کے دوران، وزیر اعظم نے ایمس، دیوگھر میں تاریخی 10,000 ویں جن اوشدھی کیندر کو وقف کیا۔ مزید برآں، جناب مودی نے ملک میں جن اوشدھی کیندروں کی تعداد 10,000 سے بڑھا کر 25,000 کرنے کا پروگرام بھی شروع کیا۔ وزیر اعظم نے اس سال کے شروع میں یوم آزادی کی تقریر کے دوران خواتین کےخود امدادی گروپوں (ایس ایچ جیز) کو ڈرون فراہم کرنے اور جن اوشدھی کیندروں کی تعداد کو 10,000 سے بڑھا کر 25,000 کرنے کے لیے ان دونوں اقدامات کا اعلان کیا۔ یہ پروگرام ان وعدوں کی تکمیل کی نشان دہی کرتا ہے۔

رنگ پور گاؤں کی سرپنچ اور جموں ضلع کے ارنیا کی ایک کسان محترمہ بلویر کور نے وزیر اعظم کو بتایا کہ انہوں نے متعدد سرکاری اسکیموں جیسے کسان کریڈٹ کارڈ اسکیم، فارم مشینری بینک اسکیم اور کسان سمان ندھی یوجنا کے فوائد حاصل کیے ہیں۔ انہوں نے مزید کہا کہ اس کا گاؤں سرحد کے قریب واقع ہے۔ جناب مودی نے انہیں ایک ٹریکٹر کا مالک بننے پر مبارکباد دی جسے کسان کریڈٹ کارڈ کے ذریعے خریدا گیا تھا۔

وزیر اعظم نے اپنے علاقے کا ڈیٹا ہر وقت مہیا رکھنے پر ان کی تعریف کی، انہوں نے اس کے جواب میں کہا کہ ‘‘عوامی سطح پر کام کرنا آپ ہی سے  سیکھا ہے ۔ کام کرتی ہوں اور بھولتی نہیں ہوں’’۔ (میں نے آپ سے زمینی سطح پر کام کرنا اور کام کی تفصیلات کو نہیں بھولنا سیکھا ہے)۔

انہوں نے سرکاری اسکیموں  میں100 فیصد عمل درآمد کے ہدف کو  حاصل کرنے کے بارے میں بیداری پیدا کرنے کی ضرورت پر زور دیا اور محترمہ کور کو دس پڑوسی دیہاتوں تک پہنچنے اور وہاں اس بات کی تشہیر کرنے کا مشورہ دیا۔ وزیر اعظم نے اس یقین پر زور دیا کہ تمام فوائد قطار میں کھڑے آخری شخص تک پہنچتے ہیں۔ وِکست بھارت سنکلپ یاترا کے مقصد پر روشنی ڈالتے ہوئے، وزیر اعظم نے کہا کہ اس کا مقصد موجودہ فائدہ اٹھانے والوں کے تجربات سے سیکھنا ہے اور ان لوگوں کو بھی شامل کرنا ہے جنہوں نے ابھی تک فائدہ نہیں اٹھایا ہے۔

 

Explore More
لال قلعہ کی فصیل سے 77ویں یوم آزادی کے موقع پر وزیراعظم جناب نریندر مودی کے خطاب کا متن

Popular Speeches

لال قلعہ کی فصیل سے 77ویں یوم آزادی کے موقع پر وزیراعظم جناب نریندر مودی کے خطاب کا متن
India among the few vibrant democracies across world, says White House

Media Coverage

India among the few vibrant democracies across world, says White House
NM on the go

Nm on the go

Always be the first to hear from the PM. Get the App Now!
...
سوشل میڈیا کارنر، 18 مئی 2024
May 18, 2024

India’s Holistic Growth under the leadership of PM Modi