وزیر اعظم جناب نریندر مودی نے آج کینیڈا کے شہر کنانسکس میں جی 7 سربراہی اجلاس کے حاشیے پر میکسیکو کے صدر عزت مآب ڈاکٹر کلاڈیا شین بوم پارڈو سے ملاقات کی۔ دونوں رہنماؤں کے درمیان یہ پہلی ملاقات تھی۔ وزیر اعظم نے میکسیکو کے صدر کو ان کی تاریخی جیت پر مبارکباد دی۔
وزیر اعظم نے دہشت گردی کے خلاف بھارت کی لڑائی میں میکسیکو کی طرف سے دی گئی حمایت کے لیے صدر شین بوم کا شکریہ ادا کیا۔ بھارت اور میکسیکو کے درمیان دوستی کے تاریخی تعلقات کو اجاگر کرتے ہوئے، دونوں رہنماؤں نے تجارت، سرمایہ کاری، اسٹارٹ اپس، اختراع، سائنس اور ٹیکنالوجی اور آٹوموٹو سیکٹر میں تعلقات کو مزید وسعت دینے اور عوام سے عوام کے تبادلے کو فروغ دینے کے لیے کام کرنے پر اتفاق کیا۔ دونوں ممالک کے درمیان بڑھتے ہوئے تجارتی اور سرمایہ کاری کے تعاون پر اطمینان کا اظہار کرتے ہوئے، رہنماؤں نے اپنے ملک سے باہر کام کرانے کے تناظر میں میکسیکو کی طرف سے پیش کردہ مواقع کے سلسلے میں تبادلۂ خیال کیا۔ دواسازی کے شعبے میں بڑھتے ہوئے مواقع، جہاں بھارت سستی معیاری دوائیں اور دیگر دواسازی کی مصنوعات کی فراہمی اور پیداوار کے ساتھ ساتھ زرعی اور مجموعی صحت میں بھی اہم کردار ادا کر سکتا ہے، پر بات چیت میں نمایاں طور پر روشنی ڈالی گئی۔
صدر شین بوم نے ٹیکنالوجی، اختراع اور ڈیجیٹل عوامی بنیادی ڈھانچے میں بھارت کی پیش رفت کی ستائش کی اور ان شعبوں میں بھارت کے ساتھ تعاون کی خواہش کا اظہار کیا۔ وزیر اعظم نے اس بات پر زور دیا کہ دونوں ممالک کو سیمی کنڈکٹر، اے آئی، کوانٹم اور اہم معدنیات کے شعبوں میں تعاون کا بغور جائزہ لینا چاہیے۔ رہنماؤں نےفریقین کے اعلیٰ ماہرین کے درمیان آئندہ مصروفیات اور دونوں ممالک کے درمیان متمول ثقافتی اور عوام سے عوام کے تعلقات کا بھی ذکر کیا، جس سے سیاحت کو بھی فروغ ملے گا۔
شراکت دار ممالک کے طور پر، رہنماؤں نے عالمی اور علاقائی مسائل اور عالمی جنوب کی ترجیحات پر تبادلۂ خیال کیا۔ وزیر اعظم نے 2016 میں اپنے میکسیکو کے دورے کویاد کیا اور صدر شین بوم کو بھارت آنے کی دعوت دی ۔
Had a very good meeting with President Claudia Sheinbaum of Mexico. Personally congratulated her on her historic electoral win, becoming the first female Mexican President in two centuries. We both see immense potential in India-Mexico ties growing even stronger in the times to… pic.twitter.com/iH9usejSqM
— Narendra Modi (@narendramodi) June 17, 2025
Tuve una muy buena reunión con la Presidenta de México, Claudia Sheinbaum. La felicité personalmente por su histórica victoria electoral, convirtiéndose en la primera mujer Presidente de México en dos siglos. Ambos vemos un inmenso potencial para que los lazos entre la India y… pic.twitter.com/8hg1BHEi4U
— Narendra Modi (@narendramodi) June 17, 2025
