وزیراعظم جناب نریندر مودی نے آج پونے، مہاراشٹر میں انڈین انسٹی ٹیوٹ آف سائنس ایجوکیشن اینڈ ریسرچ (آئی آئی ایس ای آر) کے سائنسدانوں سے بات چیت کی۔
آئی آئی ایس ای آر کے سائنسدانوں نے صاف ستھری توانائی کے استعمال کے لیے نئے مادے اور آلات سے لے کر زرعی بایو ٹکنالوجی تک اور قدرتی وسائل کا نقشہ تیار کرنے تک مختلف موضوعات پر وزیراعظم کے سامنے پرزینٹیشن پیش کی۔ پرزینٹیشنز میں مالی کیولر بائیو لوجی، اینٹی مائیکروبیئل رکاوٹ ، ماحولیات کا مطالعہ اور ریاضیاتی فائنینس ریسرچ کے شعبے میں جدید ترین ٹکنالوجی کا تذکرہ کیا گیا۔
وزیراعظم نے معلوماتی پرزینٹیشنز کے لیے سائنسدانوں کی تعریف کی۔ انہوں نے اُن سے کہا کہ وہ کم لاگت والی ٹکنالوجی تیار کریں جس سے کہ ہندوستان کی مخصوص ضرورتوں کو پورا کیا جا سکے اور ہندوستان کی ترقی کی رفتار کو تیز کرنے میں مدد ملے۔
اس سے قبل وزیراعظم نے آئی آئی ایس ای آر، پونے کیمپس کا دورہ کیا اور طلبا و ریسرچرز سے بات چیت کی۔ انہوں نے آئی آئی ایس ای آر میں سی –ڈیک کے ذریعے لگائے گئے جدید ترین سُپر کمپیوٹر پرم برہما کو بھی دیکھا، جو 797 ٹیرا فلاپس کی زیادہ سے زیادہ کمپیوٹنگ کی صلاحیت رکھتا ہے۔
انڈین انسٹی ٹیوٹ آف سائنس ایجوکیشن اینڈ ریسرچ (آئی آئی ایس ای آر ) ہندوستان میں اعلیٰ سائنسی تعلیم اور تحقیق کے اداروں کا ایک گروپ ہے۔
وزیراعظم پونے میں ڈی جی پی کی دو روزہ کانفرنس میں شرکت کے لیے گئے ہوئے ہیں۔
