PM Modi interacts with scientists from the Indian Institute of Science Education and Research in Pune
Develop low-cost technologies that would cater to India specific requirements and help in fast-tracking India's growth: PM urges IISER scientistsঙসি মহারাস্ত্রাগী পুনেদা লৈবা ইন্দিয়ন ইন্সতিত্যুৎ ওফ সাইন্স এজুকেসন এন্দ রিসর্স (আই আই এস ই আর)গী সাইন্তিস্তশিংগা প্রধান মন্ত্রী নরেন্দ্র মোদীগা উনখ্রে।
আই আই এস ই আরগী সাইন্তিস্তশিংনা প্রধান মন্ত্রী নরেন্দ্র মোদীদা অনৌবা পোৎলমশিং, মৈখু চেন্দবা ইনর্জীগী খুৎলায়শিং, লৌউ–শিংউগী বাইওতেক্নোলোজী অমসুং নেচরেল রিসোর্স মেপ্পিং য়াওনা তোঙান–তোঙানবা হীরমশিং উৎখি। উৎখিবশিং অদুদা মোলিকুলর বাইওলোজী, এন্তিমাইক্রোবিয়েল রেজিস্তেন্স, ক্লাইমেত স্তুদ অমসুং মেথেমেতিকেল ফাইনান্স রিসর্সকী অনৌবা তেক্নোলোজীশিং য়াওখি।
মখোয়না কান্নবা কয়া উৎপগীদমক প্রধান মন্ত্রীনা সাইন্তিস্তশিংবু থাগৎখি। ভারতকী দরকার ওইবশিং ফংনবা অমসুং ভারত চাউখৎপদা মতেং পাংনবা মমল হোংবা তেক্নোলোজীশিং শেমগৎনবা মহাক্না মখোয়দা তকশিনখি।
মমাংদা, প্রধান মন্ত্রীনা আই আই এস ই আর, পুনে কেম্পসতা চৎখি অমসুং মহৈরোয়শিং অমসুং রিসর্স তৌরিবা মীওইশিংগা উনখি। মহাক্না আই আই এস ই আরদা সি-দাগনা থম্লিবা, তেরাফ্লোবস ৭৯৭গী শক্তি লৈবা পরম ব্রহমা সুপর কম্প্যুতর য়েংখি।
ইন্দিয়ন ইন্সতিতুৎ ওফ সাইন্স এজুকেসন এন্দ রিসর্স (আই আই এস ই আর) অসি ভারতকী মাংজিল থারিবা সাইন্স এজুকেসন অমসুং রিসর্স ইন্সতিত্যুৎশিংগী মনুংদা অমনি।
পুনেদা দি জি পিশিংগী মীফম অমা শরুক য়ানবা নুমিৎ নিনিগী খোঙচৎতা প্রধান মন্ত্রী লৈরিবনি।
