نئی دہلی،31؍اکتوبر:وزریر اعظم جناب نریندرمودی نے آج راشٹریہ ایکتا دوس کے موقع پر گجرات کے کیوڑیا میں اسٹیچو آف یونٹی یعنی مجسمہ اتحادکے قریب راشٹریہ ایکتا دوس یعنی قومی یوم اتحاد حلف دلایا۔انہوں نے ملک بھر کے متعدد پولس دستوں کے ذریعے پیش کی گئی راشٹریہ ایکتا دوس پریڈ کا بھی جائزہ لیا۔
2014ء سے 31اکتوبر کو راشٹریہ ایکتا دوس کے طورپر منایا جاتا ہے اور سبھی شعبہ ہائے حیات سے تعلق رکھنے والے لوگ ملک بھر میں رن فار یونٹی یعنی اتحاد کے لئے دوڑ میں حصہ لیتے ہیں۔
سبھی ریاستوں اور گجرات اسٹوڈنٹ کیڈٹ کورپس(ایس سی سی)کے جھنڈا برداروں نے وزیر اعظم کو ‘ایک بھارت ، شریسٹھ بھارت’ کے موجوع پر ڈرل پیش کی۔این ایس جی، سی آئی ایس ایف، این ڈی آر ایف ، سی آر پی ایف، گجرات پولس اور جموں و کشمیر پولس کے عملے نے وزیر اعظم کے سامنے اپنی اپنی فورسیز کی طرف سے الگ الگ ڈیمونسٹریشن پیش کئے۔
بعد میں وزیر اعظم نے کیوڑیا میں ٹیکنالوجی نمائش مقام کا افتتاح کیا۔انہوں نے ایوی ایشن سیکورٹی، پولس دستوں کی جدید کاری جیسے مختلف موضوعات پر جدید ٹیکنالوجی کی نمائش کرنے والے ، پولس دستوں کے اسٹالز کا دورہ کیا۔
