ঙসি রাস্ত্রীয় এক্তা দিৱসতা কেবদিয়াগী স্তেচু ওফ য়ুনিতীদা প্রধান মন্ত্রী শ্রী নরেন্দ্র মোদী লৈবাক্কী অপুনবা শক্তম ঙাক্নবা ৱাশক লৌখি। মহাক্না লৈবাক্কী মফম কয়াদগী লাকপা পুলিস কন্তিজেন্তশিংগী রাস্ত্রীয় এক্তা পেরেদ অমা য়েংখি।
২০১৪দগী হৌনা, ওক্তোবর ৩১ অসি রাস্ত্রীয় এক্তা দিৱস হায়না পাংথোক্তুনা লাক্লি অমসুং শীনফম খুদিংমক্কী মীওইশিংনা লৈবাক শীনবা থুংনা অপুনবগী লমজেল পাংথোক্লি।
রাজ্যশিং ফিরাল পায়বশিং অমসুং গুজরাত স্তুদেন্ত কেদেৎ কোরনা প্রধান মন্ত্রীদা ‘এক ভারত শ্রেস্থ ভারত’কী দ্রিল উৎখি। এন এস জি, সি আই এস এফ, সি পি আর এফ অমসুং গুজরাত পুলিস অমসুং জে অমসুং কে পুলিস ফোর্সশিংনা প্রধান মন্ত্রীগী মমাংদা থৌরম কয়া উৎখি।
তুংদা প্রধান মন্ত্রীনা কেবদিয়াদা তেক্নোলোজী উৎনবা মফম অমা হাংদোকখি। পুলিস ফোর্সশিংনা মতমগী অনৌবা খুৎলায়শিং উৎপা স্তোলশিং মহাক্না য়েংখি।
