প্ৰধানমন্ত্ৰী শ্ৰী নৰেন্দ্ৰ মোদীয়ে আজি ৰাষ্ট্ৰীয় একতা দিৱস উপলক্ষে কেৱাড়িয়াস্থিত ষ্টেচু অৱ ইউনিটীত জনসাধাৰণক ৰাষ্ট্ৰীয় একতা দিৱসৰ শপত বাক্য পাঠ কৰায়৷ তেওঁ লগতে সমগ্ৰ দেশৰ বিভিন্ন আৰক্ষী বাহিনীৰদ্বাৰা প্ৰদৰ্শন কৰা ৰাষ্ট্ৰীয় একতা দিৱসৰ পেৰেডতো ভাগ লয়৷
২০১৪ৰ ৩১ অক্টোবৰৰ পৰা ৰাষ্ট্ৰীয় একতা দিৱস পালন কৰি অহা হৈছে আৰু সমগ্ৰ দেশত সকলো শ্ৰেণী লোকে একতাৰ দৌৰত অংশ লয়৷
সকলো ৰাজ্যৰ পতাকা বহনকাৰী আৰু গুজৰাট ষ্টুডেণ্ট কেডেট কৰ্পছে প্ৰধানমন্ত্ৰীৰ সন্মুখত ‘এক ভাৰত শ্ৰেষ্ঠ ভাৰত’ক লৈ ড্ৰিল প্ৰদৰ্শন কৰে৷ এনএছজি, চিআইএছএফ, এনডিআৰএফ, চিআৰপিএফ, গুজৰাট আৰক্ষী আৰু জম্মু-কাশ্মীৰ আৰক্ষীয়ে প্ৰধানমন্ত্ৰীৰ সন্মুখত পৃথককৈ তেওঁলোকৰ বাহিনীৰ কলা-কৌশল প্ৰদৰ্শন কৰে৷
ইয়াৰ পিছত প্ৰধানমন্ত্ৰীয়ে কেৱাড়িয়াত প্ৰযুক্তি প্ৰদৰ্শনী স্থলী উদ্বোধন কৰে৷ আৰক্ষী বাহিনীয়ে তেওঁক বিপনীসমূহ দৰ্শন কৰায়, য’ত অসামৰিক বিমান সুৰক্ষা, আৰক্ষী বাহিনীৰ আধুনিকীকৰণৰ পৰা আৰম্ভ কৰি বিভিন্ন বিষয়ক লৈ আধুনিক প্ৰযুক্তিৰ ব্যৱহাৰ প্ৰদৰ্শন কৰা হৈছে৷
