یوم آزادی کے اپنے 12ویں خطاب کے موقع پر، وزیر اعظم جناب نریندر مودی نے لال قلعہ کو ہندوستان کی ترقی اور عروج کے اگلے باب کے لیے لانچ پیڈ میں تبدیل کر دیا۔ 79 ویں یوم آزادی کے موقع پر،انہوں نے جرأت مندانہ اعلانات کا ایک سلسلہ کیا جو ایک قوم کو مستقبل میں صرف قدم نہیں، بلکہ چھلانگ لگانے کے لیے تیار ہونے کا اشارہ دیتا ہے۔
ہندوستان کی پہلی سیمی کنڈکٹر چپ بنانے سے لے کر جیٹ انجن بنانے تک، دس گنا جوہری توسیع سے لے کر ایک لاکھ کروڑ نوجوانوں کو روزگار فراہم کرنے تک، ان کا پیغام بالکل واضح تھا: بھارت 2047 تک ایک ترقی یافتہ ملک بننے کا مقصد حاصل کرنے کے لیے اپنی تقدیر خود طے کرے گا اور اپنی شرائط خود طے کرے گا۔
اہم اعلانات:
- سیمی کنڈکٹرز: کھوئی ہوئی دہائیوں سے مشن موڈ تک
اس بات کو یاد کرتے ہوئے کہ کس طرح60-50 سال پہلے سیمی کنڈکٹر فیکٹریوں کو قائم کرنے کی کوششیں ‘‘آزادی کے وقت ہی مار دی گئیں’’ جبکہ دیگر ممالک کی ترقی ہوئی، وزیر اعظم مودی نے اعلان کیا کہ ہندوستان اب مشن موڈ پر ہے۔ اس سال کے آخر تک، ملک اپنی پہلی میڈ ان انڈیا چپ متعارف کرائے گا۔
- جوہری توانائی کی صلاحیت 2047 تک دس گنا بڑھ جائے گی
اگلے دو دہائیوں میں جوہری توانائی کی پیداواری صلاحیت کو دس گنا سے زیادہ بڑھانے کے ہندوستان کے مشن کے حصے کے طور پر 10 نئے جوہری ری ایکٹرز پر کام جاری ہے۔
- جی ایس ٹی اصلاحات – دیوالی کا تحفہ
ضروری اشیاء پر ٹیکسوں میں کمی اور ایم ایس ایم ای، مقامی دکانداروں اور صارفین کو ریلیف فراہم کرنے کے لیے اگلے سلسلے کی جی ایس ٹی اصلاحات دیوالی کے موقع پر منظر عام پر لائی جائیں گی۔
- 10 ٹریلین ڈالر کے بھارت کے لیے ریفارم ٹاسک فورس
وزیر اعظم مودی نے اگلے سلسلے کی اصلاحات کو چلانے کے لیے ایک مخصوص اصلاحاتی ٹاسک فورس کے قیام کا اعلان کیا۔ اس کا مقصد: اقتصادی ترقی کو تیز کرنا، فیتہ شاہی نظام کو ختم کرنا حکمرانی کو جدید بنانا اور بھارت کو 2047 تک 10 ٹریلین ڈالر کی معیشت کے مطالبات کے لیے تیار کرنا ہے۔
- ایک لاکھ کروڑ کی پی ایم وکست بھارت روزگار یوجنا
وزیر اعظم مودی نے 1 لاکھ کروڑ روپے کی ایک بڑی روزگار اسکیم کا آغاز کیا، جس کے تحت نئے ملازمت کرنے والے نوجوانوں کو ماہانہ 15,000 روپے ملیں گے۔اس اسکیم کا مقصد3 کروڑ نوجوان ہندوستانیوں کو فائدہ پہنچانا ہے،سوتنتر بھارت سے سمردھ بھارت تک پل کو مضبوط کرنا ہے۔
- ہائی پاورڈ ڈیموگرافی مشن
وزیر اعظم مودی نے سرحدی علاقوں میں دراندازی اور غیر قانونی نقل مکانی کی وجہ سے آبادیاتی عدم توازن کے خطرات کو اجاگر کیا۔ انہوں نے قومی سلامتی کے اس چیلنج سے نمٹنے کے لیے ایک اعلیٰ طاقت والے ڈیموگرافی مشن کے آغاز کا اعلان کیا، جس سے ہندوستان کے شہریوں کے اتحاد، سالمیت اور حقوق کی حفاظت کو یقینی بنایا جائے گا۔
- توانائی کی آزادی - سمندر منتھن کا آغاز
وزیر اعظم مودی نے نشاندہی کی کہ ہندوستان کے بجٹ کا ایک بڑا حصہ اب بھی پٹرول، ڈیزل اور گیس کی درآمد پر خرچ ہوتا ہے۔ انہوں نے سولر،ہائیڈروجن، ہائیڈرو اورنیوکلیئر پاور میں بڑی توسیع کے ساتھ ساتھ سمندری وسائل کو استعمال کرنے کے لیے نیشنل ڈیپ واٹر ایکسپلوریشن مشن کے آغاز کا اعلان کیا۔
- میڈ ان انڈیا جیٹ انجن - ایک قومی چیلنج
وزیر اعظم مودی نے ایک اہم اعلان کیا کہ جس طرح ہم نے کووڈ کے دوران ویکسین بنائی اور ڈیجیٹل ادائیگیوں کے لیے یو پی آئی،ہمیں اپنے جیٹ انجنوں کے لیے بھی اپنے جیٹ انجن بنانے چاہئیں اور اپنے سائنسدانوں اور نوجوانوں سے کہا کہ وہ اسے براہ راست چیلنج کے طور پر لیں۔
