মহাক্কী ১২শুবা নিংতম্বা নুমিৎকী ৱারোল ওইনা, প্রধান মন্ত্রী শ্রী নরেন্দ্র মোদীনা লাল কিলা অসি ভারত চাউখৎলক্নবগী মথংগী পন্দুবগী খোঙহৌফম অমা ওন্থোকখ্রে। ৭৯শুবা নিংতম্বা নুমিৎ থৌরমদা, মহাক্না মরুওইবা ৱাফম পরেং অমা লাউথোক্তুনা তুংলমচত্ত লৈবাক অসি, খোঙকাপ থাংবা খক নত্তনা, লাউনা চোঙনবা লৈবাক অসিনা থৌরাং তৌরিবা অদু ইঙ্গিৎ পীখ্রে।
ভারতকী অহানবা সেমিকন্দক্তর চিপ শাবদগী হৌরগা জেত ইঞ্জিনশিং শাবা, ন্যুক্লিয়ার ইনর্জি পুথোকপা শরুক ১০ হেনগৎপা, নহারোলশিং থবক পীনবা লুপা করোর লাখ ১ থাদবা, মহাক্কী পাউজেলদা চমম্নবা অমতা লৈখিদে: ভারতনা মশাগী মরাইবক লেপচগনি, মসিগী তার্মশিংগী শেমজগনি অমসুং ২০৪৭ দা বিকসিত ভারত অমা ওইনবা পান্দম থম্লি।
মরুওইবা লাউথোকখিবশিং :
1. সেমিকন্দক্তরশিং: চহি কয়া মাঙখিবদগী মিসন মোদ ফাওবা
চহি ৫০-৬০গী মমাঙদা সেমিকন্দক্তর ফেক্তরশিং লিংখৎনবা হোৎনখিবশিং অদু “পোকপগা হাৎপা” ওইখিবা অমসুং অতোপ্পা লৈবাকশিংনা চাউখৎখিবা অদু নিংশিংলদুনা, হৌজিক ভারতনা মিসনগী মওংদা লৈরে হায়না প্রধান মন্ত্রীনা লাউথোকখি। চহি অসি লোইশিল্লকপদা, লৈবাক অসিনা অহানবা মেদ ইন ইন্দিয়া চিপ পুথোক্লগনি।
2. ২০৪৭ ফাওবদা ন্যুক্লিয়ার ইনর্জি পুথোকপা শরুক ১০ হেনগৎহনবা
মথং চহি ২০ দা ন্যুক্লিয়ার পৱার পুথোকপা ঙম্বা শরুক ১০ দা হেনগৎহন্নবা ভারতকী মিসনগী শরুক অমা ওইনা অনৌবা ন্যুক্লিয়ার রিয়েক্তর ১০ গী থবক পায়খৎলি।
3. জি.এস.তিগী অহোংবশিং- দিৱালিগী খুদোল অমা
দিৱালিদা জি.এস.তিগী অহোংবশিং লাক্লগনি, তঙাইফদবা পোৎলমশিংদা তেক্সশিং হন্থরগনি অমসুং এম.এস.এম.ইশিং, লোকেল ভেন্দরশিং অমসুং কঞ্জুমরশিংদা খুদোংচাবা পীরগনি।
4. দোল্লর ত্রিল্লিয়ন ১০গী ভারত অমগীদমক রিফোর্ম তাক্স ফোর্স
তুংগী মীরোলগী অহোংবশিং পুরক্নবা অখন্নবা রিফোর্ম তাক্স ফোর্স অমা শেম্নবা প্রধান মন্ত্রী মোদীনা লাউথোক্লে। মসিনা হায়রি: শেন-থুম চাউখৎপা য়াংখৎহনবা, ৱাচৎ-ৱানোম লৈহন্দবা, মতমগা চুনবা ম ওংদা লৈবাক ঙাকপা অমসুং ২০৪৭ ফাওবা দোল্লর ত্রিল্লিয়ন ১০ গী ইকোনোমি অমগীদমক ভারত শেম-শাবা।
5. লুপা করোর লাখ ১ গী পি.এম বিকসিত ভারত রোজগার য়োজনা
নৌনা থবক ফংলবা নহারোলশিং থা অমদা লুপা ১৫,০০০ ফংনবা লুপা করোর লাখ ১ গী অচৌবা ইমপ্লোইমেন্ত স্কিম অমা প্রধান মন্ত্রীনা হৌদোক্লে। স্কিম অসিগী পান্দমদি ভারতকী নহারোল করোর ৩ দা কান্নবা পীবনি, শ্বাতন্ত্র ভারত্তগী সমরিদ্ধ ভারত ফাওবগী থোঙগী মপাঙ্গল কনখৎহনবনি।
6. শক্তি লৈরবা দেমোগ্রাফি মিসন
ঙমখৈগী শরুকশিংদা নারোন্দা অমসুং আইন্না য়াদনা মীওই কয়া চঙলকপদগী থেংনরিবা মীশিং হেনগৎলকপগী খুদোংথিবশিং প্রধান মন্ত্রীনা ফোঙদোকখ্রে। লৈবাক্কী সেকুরিতিদা শিংনবা অসি থেংননবা শক্তি লৈরবা দেমোগ্রাফি মিসন অমা হৌদোক্লগনি অমসুং মসিনা অপুনবগী শক্তম, ঙমখৈগী অপুনবা অমসুং ভারতকী মীয়াম অশোই-অঙাম থোকহল্লোই হায়না প্রধান মন্ত্রীনা ফোঙদোকখ্রে।
7. ইনর্জিগী নিংতম্বা-সমুদ্র মন্থন হৌরে
প্রধান মন্ত্রীনা হায়খি মদুদি ভারতকী বজেতকী অয়াম্বা শরুক মপান লৈবাকশিংদগী পেত্রোল, দিজল অমসুং গ্যাস লৈবদা শীজিন্নরি। সোলার, হায়দ্রোজেন, হায়দ্রো অমসুং ন্যুক্লিয়ার পৱারগী থবকশিং ফগৎহনবগা লোয়ননা, সমুদ্রগী লনশিং শীজিন্ননবা নেসনেল দিপৱাতর এক্সপ্লোরেসন মিসন হৌদোক্লে।
8. মেদ ইন ইন্দীয়া জেত ইঞ্জিনশিং- লৈবাক অসিগী শিংনবা অমা
প্রধান মন্ত্রীনা হায়খি কোবিদ মনুংদা ঐখোয়না ভেক্সিনশিং পুথোকপগুম অমসুং দিজিতেল পেমেন্তশিংগী য়ু.পি.আই পুথোকপগুম্না, ঐখোয়গী জেত ইঞ্জিনশিংগীদমক ঐখোয়না ইশাগী জেত ইঞ্জিনশিং শাগদবনি অমসুং মসি শিংনবা অমা ওইনবা লৌনবা ঐখোয়গী সাইন্তিস্তশিং অমসুং নহারোলশিংদা খঙহল্লি।
