ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਪ੍ਰਧਾਨਗੀ ਹੇਠ ਆਰਥਿਕ ਮਾਮਲਿਆਂ ਬਾਰੇ ਕੈਬਨਿਟ ਕਮੇਟੀ ਨੇ ਅੱਜ ਓਡੀਸ਼ਾ ਵਿੱਚ ਰਾਮੇਸ਼ਵਰਮ ਤੋਂ ਪਾਰਾਦੀਪ ਤੱਕ ਹਾਈਬ੍ਰਿਡ ਐਨੂਇਟੀ ਮਾਡਲ (HM) ਦੇ ਤਹਿਤ ਇੱਕ ਨਵੇਂ ਤੱਟਵਰਤੀ ਰਾਜਮਾਰਗ ਦੇ ਨਿਰਮਾਣ ਨੂੰ 2 ਪੈਕੇਜ ਦੇ ਤਹਿਤ ਪ੍ਰਵਾਨਗੀ ਦੇ ਦਿੱਤੀ। ਇਸਦੀ ਕੁੱਲ ਲੰਬਾਈ 160.18 ਕਿਲੋਮੀਟਰ ਅਤੇ ਕੁੱਲ ਪੂੰਜੀ ਲਾਗਤ 8300.79 ਕਰੋੜ ਰੁਪਏ ਹੈ।
ਰਾਮੇਸ਼ਵਰਮ ਤੋਂ ਪਾਰਾਦੀਪ ਤੱਕ ਨਵੇਂ ਤੱਟਵਰਤੀ ਹਾਈਵੇਅ ਦਾ ਪ੍ਰੋਜੈਕਟ ਸੈਕਸ਼ਨ ਓਡੀਸ਼ਾ ਦੇ ਖੁਰਦਾ, ਪੁਰੀ, ਕੇਂਦਰਪਾੜਾ ਅਤੇ ਜਗਤਸਿੰਘਪੁਰ ਜ਼ਿਲ੍ਹਿਆਂ ਵਿੱਚੋਂ ਲੰਘਦਾ ਹੈ। ਮੌਜੂਦਾ NH-16 ਸੜਕ ਨੈੱਟਵਰਕ ਗੋਲਡਨ ਚਤੁਰਭੁਜ ਦਾ ਹਿੱਸਾ ਹੈ ਅਤੇ ਪਹਿਲਾਂ ਤੋਂ ਹੀ ਇੱਕ 6- ਲੇਨ ਦਾ ਹਾਈਵੇਅ ਹੈ ਜੋ ਖੁਰਦਾ, ਭੁਵਨੇਸ਼ਵਰ ਅਤੇ ਕਟਕ ਵਰਗੇ ਪ੍ਰਮੁੱਖ ਸ਼ਹਿਰਾਂ ਵਿੱਚੋਂ ਲੰਘਦਾ ਹੈ। ਮੌਜੂਦਾ NH- 316 ਭੁਵਨੇਸ਼ਵਰ-ਪੁਰੀ ਨੂੰ ਜੋੜਦਾ ਹੈ ਅਤੇ ਸਤਪਾੜਾ ਅਤੇ ਕੋਣਾਰਕ ਵੱਲ ਜਾਰੀ ਰਹਿੰਦਾ ਹੈ। ਪੁਰੀ-ਸਤਪਾੜਾ ਅਤੇ ਪੁਰੀ-ਕੋਣਾਰਕ ਸੈਕਸ਼ਨਾਂ 'ਤੇ ਮੌਜੂਦਾ ਸੜਕੀ ਬੁਨਿਆਦੀ ਢਾਂਚਾ ਖਰਾਬ ਹੈ। ਸੜਕ ਦੇ ਲਗਭਗ 40 ਪ੍ਰਤੀਸ਼ਤ 'ਤੇ ਰਿਬਨ ਨਿਰਮਾਣ ਅਤੇ ਸੜਕ ਦੇ ਕਿਨਾਰੇ ਭਾਰੀ ਸਥਾਨਕ ਆਵਾਜਾਈ ਇਸ ਕੌਰੀਡੋਰ ਨੂੰ ਸੁਚਾਰੂ ਅਤੇ ਕੁਸ਼ਲ ਲੰਬੀ ਦੂਰੀ ਦੇ ਵਾਹਨਾਂ ਦੀ ਆਵਾਜਾਈ ਲਈ ਅਣਉਚਿਤ ਬਣਾਉਂਦੀ ਹੈ।
ਪ੍ਰਸਤਾਵਿਤ ਪ੍ਰੋਜੈਕਟਾਂ ਵਿੱਚ ਰਾਮੇਸ਼ਵਰਮ ਤੋਂ ਕੋਣਾਰਕ ਤੱਕ 4-ਲੇਨ (ਪੈਕੇਜ 1) ਅਤੇ ਕੋਣਾਰਕ ਤੋਂ ਪਾਰਾਦੀਪ ਤੱਕ ਪੱਕੇ ਸ਼ੋਲਡਰ ਵਾਲੀ 2- ਲੇਨ (ਪੈਕੇਜ 2) ਸ਼ਾਮਲ ਹੈ। ਇਹ 100 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਗਤੀ ਸੀਮਾ ਨੂੰ ਯਕੀਨੀ ਬਣਾਏਗਾ ਅਤੇ ਓਡੀਸ਼ਾ ਦੇ ਖੁਰਦਾ, ਪੁਰੀ, ਕੇਂਦਰਪਾੜਾ ਅਤੇ ਜਗਤਸਿੰਘਪੁਰ ਜ਼ਿਲ੍ਹਿਆਂ ਵਿੱਚ ਯਾਤਰਾ ਕੁਸ਼ਲਤਾ ਵਿੱਚ ਸੁਧਾਰ ਕਰੇਗਾ। ਇਹ ਪ੍ਰੋਜੈਕਟ ਖੇਤਰੀ ਗਤੀਸ਼ੀਲਤਾ ਨੂੰ ਵੀ ਵਧਾਏਗਾ ਅਤੇ ਸਮਾਜਿਕ-ਆਰਥਿਕ ਵਿਕਾਸ ਨੂੰ ਪ੍ਰੋਤਸਾਹਿਤ ਕਰੇਗਾ।
ਇਹ ਪ੍ਰੋਜੈਕਟ ਪ੍ਰਧਾਨ ਮੰਤਰੀ ਦੇ ਗਤੀ ਸ਼ਕਤੀ ਸਿਧਾਂਤਾਂ ਦੇ ਅਨੁਸਾਰ ਹਨ ਅਤੇ 9 ਆਰਥਿਕ ਨੋਡਾਂ ਅਤੇ ਪੰਜ ਲੌਜਿਸਟਿਕ ਨੋਡਾਂ ਨੂੰ ਆਪਸ ਵਿੱਚ ਜੋੜਨਗੇ। ਇਸਦਾ ਦੇਸ਼ ਦੇ ਲੌਜਿਸਟਿਕਸ ਪ੍ਰਦਰਸ਼ਨ ਸੂਚਕਾਂਕ (LPI) 'ਤੇ ਸਕਾਰਾਤਮਕ ਪ੍ਰਭਾਵ ਪਵੇਗਾ।
ਇਸ ਪ੍ਰੋਜੈਕਟ ਦੇ ਪੂਰਾ ਹੋਣ 'ਤੇ, ਰਾਮੇਸ਼ਵਰਮ ਅਤੇ ਪਾਰਾਦੀਪ ਵਿਚਕਾਰ ਯਾਤਰਾ ਦੇ ਸਮੇਂ ਨੂੰ ਲਗਭਗ 2 ਘੰਟੇ ਅਤੇ 30 ਮਿੰਟ ਘਟਾਉਣ ਦੀ ਉਮੀਦ ਹੈ। ਇਹ ਯਾਤਰੀਆਂ ਅਤੇ ਮਾਲ ਢੋਆ-ਢੁਆਈ ਦੋਵਾਂ ਲਈ ਸੁਰੱਖਿਅਤ, ਤੇਜ਼ ਅਤੇ ਸਹਿਜ ਸੰਪਰਕ ਨੂੰ ਵੀ ਯਕੀਨੀ ਬਣਾਏਗਾ। ਇਸ ਤੋਂ ਇਲਾਵਾ, ਇਸ ਪ੍ਰੋਜੈਕਟ ਨਾਲ ਈਂਧਣ ਦੀ ਖਪਤ, ਕਾਰਬਨ ਨਿਕਾਸ ਅਤੇ ਵਾਹਨ ਸੰਚਾਲਨ ਲਾਗਤਾਂ (VOCs ) ਨੂੰ ਕਾਫ਼ੀ ਕਮੀ ਆਵੇਗੀ।
ਕੌਰੀਡੋਰ ਦਾ ਨਕਸ਼ਾ
ਅੰਤਿਕਾ - I: ਪ੍ਰੋਜੈਕਟ ਵੇਰਵੇ
|
ਵੇਰਵਾ |
ਰਾਮੇਸ਼ਵਰਮ-ਕੋਣਾਰਕ 4- ਲੇਨ ਪਹੁੰਚ-ਨਿਯੰਤਰਿਤ ਹਾਈਵੇਅ |
ਕੋਨਾਰਕ-ਪਾਰਾਦੀਪ ਪੱਕੇ ਸ਼ੋਲਡਰ ਵਾਲੀ 2-ਲੇਨ ਵਾਲੀ ਸੜਕ |
|
ਲੰਬਾਈ (ਕਿਲੋਮੀਟਰ) |
79.40 |
80.78 |
|
ਬ੍ਰਾਊਨਫੀਲਡ ਦੀ ਲੰਬਾਈ (ਕਿਲੋਮੀਟਰ) |
2.560 |
- |
|
ਗ੍ਰੀਨਫੀਲਡ ਦੀ ਲੰਬਾਈ (ਕਿਲੋਮੀਟਰ) |
76.840 |
80.78 |
|
ਕੁੱਲ ਸਿਵਲ ਲਾਗਤ (ਕਰੋੜ ਰੁਪਏ) |
3129.06 |
1566.02 |
|
ਜ਼ਮੀਨ ਅਤੇ ਹੋਰ ਨਿਰਮਾਣ ਤੋਂ ਪਹਿਲਾਂ ਦੀਆਂ ਲਾਗਤਾਂ (ਕਰੋੜ ਰੁਪਏ ਵਿੱਚ) |
751.62 |
668.13 |
|
ਕੁੱਲ ਪੂੰਜੀ ਲਾਗਤ (ਕਰੋੜ ਰੁਪਏ) |
5304.80 |
2995.99 |
|
ਮੋਡ |
ਹਾਈਬ੍ਰਿਡ ਐਨੂਇਟੀ ਮਾਡਲ (HAM) |
ਹਾਈਬ੍ਰਿਡ ਐਨੂਇਟੀ ਮਾਡਲ (HAM) |
|
ਕੁੱਲ ਰਿਆਇਤ ਮਿਆਦ |
17.5 ਸਾਲ ( 2.5 ਸਾਲ ਨਿਰਮਾਣ + 15 ਸਾਲ ਸੰਚਾਲਨ ਅਤੇ ਰੱਖ-ਰਖਾਅ) |
17.5 ਸਾਲ ( 2.5 ਸਾਲ ਨਿਰਮਾਣ + 15 ਸਾਲ ਸੰਚਾਲਨ ਅਤੇ ਰੱਖ-ਰਖਾਅ) |
|
ਆਰਥਿਕ |
2 SEZs- ਭੁਵਨੇਸ਼ਵਰ , ਖੋਰਧਾ (ਖੰਡਗਿਰੀ) , ਮੈਗਾ ਫੂਡ ਪਾਰਕ- ਭੁਵਨੇਸ਼ਵਰ , ਫਿਸ਼ਰੀਜ਼ ਕਲੱਸਟਰ- ਪਾਰਾਦੀਪ , ਕੋਨਾਰਕ , ਜਗਤਸਿੰਘਪੁਰ , ਪੁਰੀ , ਕੇਂਦਰਪਾੜਾ , ਫਾਰਮਾ ਕਲਸਟਰ- ਕਟਕ। |
|
|
ਲੌਜਿਸਟਿਕਸ ਨੋਡ |
ਪੁਰੀ ਰੇਲਵੇ ਸਟੇਸ਼ਨ , ਪੁਰੀ ਹਵਾਈ ਅੱਡਾ , ਅਸਤਰੰਗਾ ਬੰਦਰਗਾਹ , ਪਾਰਾਦੀਪ ਬੰਦਰਗਾਹ ਅਤੇ MMLP-ਜਗਤਸਿੰਘਪੁਰ। |
|
|
ਰੁਜ਼ਗਾਰ ਪੈਦਾ ਕਰਨ ਦੀ ਸੰਭਾਵਨਾ |
53.61 ਲੱਖ ਸਿੱਧੇ ਮਨੁੱਖੀ-ਦਿਨ ਅਤੇ 67.01 ਲੱਖ ਅਸਿੱਧੇ ਮਨੁੱਖੀ-ਦਿਨ |
|
|
ਵਿੱਤੀ ਸਾਲ 2027-28 ਦੌਰਾਨ ਅਨੁਮਾਨਿਤ ਸਲਾਨਾ ਔਸਤ ਰੋਜ਼ਾਨਾ ਆਵਾਜਾਈ (AADT ) |
ਪੈਕੇਜ I: 10,437 PCU ( 9,236 PCU ਟੋਲ-ਫ੍ਰੀ) ਪੈਕੇਜ II: 7,249 PCU ( 6,369 PCU ਟੋਲ-ਫ੍ਰੀ) |
