ସେୟାର
 
Comments

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ଉତ୍ତର ପ୍ରଦେଶର ଘାଜିପୁର ଗସ୍ତ କରିଛନ୍ତି । ସେ ମହାରାଜ ସୁହେଲଦେବଙ୍କ ଉପରେ ସ୍ମାରକୀ ଡାକଟିକେଟ ଉନ୍ମୋଚନ କରିଥିଲେ । ସେ ମଧ୍ୟ ଘାଜିପୁର ମେଡିକାଲ କଲେଜର ଆଧାରଶିଳା ସ୍ଥାପନ କରିଥିଲେ ।

ଏହି ଅବସରରେ ବକ୍ତବ୍ୟ ରଖି ପ୍ରଧାନମନ୍ତ୍ରୀ କହିଥିଲେ ଯେ ଆଜି ବିଭିନ୍ନ କାର୍ଯ୍ୟକ୍ରମରେ ଉନ୍ମୋଚିତ ହେବାକୁ ଥିବା ପ୍ରକଳ୍ପଗୁଡ଼ିକ ପୂର୍ବାଂଚଳକୁ ଏକ ମେଡିକାଲ କେନ୍ଦ୍ରରେ ପରିଣତ କରିବାରେ ଏବଂ କୃଷି ଗବେଷଣା କେନ୍ଦ୍ର ରୂପେ ଗଢିବାରେ ଅନେକ ପରିମାଣରେ ସଫଳ ଓ ସହାୟକ ହେବେ ।

ପ୍ରଧାନମନ୍ତ୍ରୀ ମହାରାଜ ସୁହେଲଦେବଙ୍କୁ ସ୍ମରଣ କରି କହିଥିଲେ ଯେ ସେ ଜଣେ ସାହସୀ ବୀର ଥିଲେ ଯିଏକି ଜନସାଧାରଣଙ୍କୁ ଅନୁପ୍ରାଣିତ କରିଛନ୍ତି । ସେ ମହାରାଜ ସୁହେଲଦେବଙ୍କ ରଣନୈତିକ କୌଶଳ ଏବଂ ପ୍ରଶାସନିକ ଦକ୍ଷତା ସମ୍ବନ୍ଧରେ ପ୍ରକାଶ କରିଥିଲେ । ଭାରତର ପ୍ରତିରକ୍ଷା, ସୁରକ୍ଷା ଏବଂ ଏହାର ସାମଜିକ ଜୀବନକୁ ସୁଦୃଢ଼ କରିବା ପାଇଁ ଯୋଗଦାନ କରିଥିବା ବ୍ୟକ୍ତିତ୍ୱମାନଙ୍କ ଐତିହାସିକ ସଂରକ୍ଷଣ କରିବା ନେଇ କେନ୍ଦ୍ର ସରକାର ସଂକଳ୍ପବଦ୍ଧ ବୋଲି ପ୍ରଧାନମନ୍ତ୍ରୀ ପ୍ରକାଶ କରିଥିଲେ ।

ପ୍ରଧାନମନ୍ତ୍ରୀ କହିଲେ ଯେ ଉଭୟ କେନ୍ଦ୍ର ସରକାର ଏବଂ ଉତ୍ତରପ୍ରଦେଶର ରାଜ୍ୟ ସରକାର ଜନସାଧାରଣଙ୍କ ଆବଶ୍ୟକତାକୁ ନେଇ ସଚେତନ । ସେ କହିଲେ ଯେ ଲକ୍ଷ୍ୟ ହେଉଛି ସମସ୍ତଙ୍କ ପାଇଁ ଏକ ମର୍ଯ୍ୟଦାପୂର୍ଣ୍ଣ ଜୀବନ ଧାରଣ ନିଶ୍ଚିତ କରିବା ।

ପ୍ରଧାନମନ୍ତ୍ରୀ କହିଲେ ଯେ ଆଧାରଶିଳା ସ୍ଥାପନ କରାଯାଇଥିବା ମେଡିକାଲ କଲେଜ ଏହି ଅଂଚଳରେ ଅତ୍ୟାଧୁନିକ ଚିକିତ୍ସା ସୁବିଧା ଉପଲବ୍ଧ କରାଇବ । ସେ କହିଲେ ଯେ ଏହା ଏହି ଅଂଚଳର ଜନସାଧାରଣଙ୍କର ଏକ ବହୁ ଦିନର ଦାବି ରହି ଆସିଥିଲା । ଅଂଚଳରେ ସ୍ୱାସ୍ଥ୍ୟ ସେବା ସୁବିଧାରେ ଉନ୍ନତି ଆଣିବା ପାଇଁ  ପ୍ରତିଷ୍ଠା କରାଯାଉଥିବା ଅନେକ ଗୁରୁତ୍ୱପୂର୍ଣ୍ଣ ହସପିଟାଲ ମଧ୍ୟରେ ଏହା ଅନ୍ୟତମ । ଏହି ପ୍ରସଙ୍ଗରେ ସେ ଗୋରଖପୁର ଏବଂ ବାରାଣସୀରେ ପ୍ରତିଷ୍ଠା ହେବାକୁ ଥିବା ହସପିଟାଲ ସମ୍ବନ୍ଧରେ ପ୍ରକାଶ କରିଥିଲେ ।

ପ୍ରଧାନମନ୍ତ୍ରୀ କହିଲେ ଯେ ସ୍ୱାଧୀନତା ପରଠାରୁ ପ୍ରଥମ ଥର ପାଇଁ ସ୍ୱାସ୍ଥ୍ୟସେବାକୁ କେନ୍ଦ୍ର ସରକାରଙ୍କ ତରଫରୁ ଏତେ ପରିମାଣରେ ଧ୍ୟାନ ଦିଆଯାଉଛି । ସେ ମଧ୍ୟ ଆୟୁଷ୍ମାନ ଭାରତ ଯୋଜନା ଏବଂ ରୋଗୀମାନଙ୍କୁ ପ୍ରଦାନ କରାଯାଉଥିବା ଚିକିତ୍ସା ସମ୍ବନ୍ଧରେ ସୂଚନା ପ୍ରଦାନ କରିଥିଲେ । ସେ କହିଲେ ଯେ ମାତ୍ର 100 ଦିନ ମଧ୍ୟରେ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା ଦ୍ୱାରା 6 ଲକ୍ଷରୁ ଉର୍ଦ୍ଧ୍ଵଜନସାଧାରଣ ଲାଭବାନ ହୋଇଛନ୍ତି ।

ପ୍ରଧାନମନ୍ତ୍ରୀ ମଧ୍ୟ କେନ୍ଦ୍ର ସରକାରଙ୍କ ଦ୍ୱାରା ଆରମ୍ଭ କରାଯାଇଥିବା ବୀମା ଯୋଜନା ସମ୍ବନ୍ଧରେ ସୂଚନା ପ୍ରଦାନ କରିଥିଲେ ଏବଂ କହିଥିଲେ ଯେ ଦେଶବ୍ୟାପୀ 20 କୋଟି ଲୋକ ଜୀବନଜ୍ୟୋତି ଏବଂ ସୁରକ୍ଷା ବୀମା ଯୋଜନାରେ ସାମିଲ ହୋଇଛନ୍ତି ।

ପ୍ରଧାନମନ୍ତ୍ରୀ ଏହି ଅଂଚଳରେ କୃଷି ସହିତ ସଂପୃକ୍ତ ଅନେକ ପ୍ରକଳ୍ପ ବାବଦରେ ସୂଚନା ଦେଇଥିଲେ । ଏଥିରେ ଅନ୍ତର୍ଭୁକ୍ତ ରହିଛି  ବାରାଣସୀର ଆନ୍ତର୍ଜାତିକ ଧାନ ଗବେଷଣା ପ୍ରତିଷ୍ଠାନ, ବାରାଣସୀ ଓ ଘାଜିପୁରର କାର୍ଗୋ ସେଣ୍ଟର, ଗୋରଖପୁରର ସାର କାରଖାନା ଏବଂ ବନସାଗର ଜଳସେଚନ ପ୍ରକଳ୍ପ । ସେ କହିଲେ ଯେ ଏହି ପଦକ୍ଷେପଗୁଡ଼ିକ କୃଷକମାନଙ୍କୁ ସହାୟକ ହେବ ଏବଂ ସେମାନଙ୍କ ଆୟ ବୃଦ୍ଧିରେ ସାହାଯ୍ୟ କରିବ ।

ପ୍ରଧାନମନ୍ତ୍ରୀ ଗୁରୁତ୍ୱ ପ୍ରଦାନ କରି କହିଥିଲେ ଯେ ତୁରନ୍ତ ରାଜନୈତିକ ଲାଭ ପାଇଁ ଗ୍ରହଣ କରାଯାଇଥିବା ପଦକ୍ଷେପ ଦେଶର ସମସ୍ୟା ସମାଧାନ କରିବାରେ ସହାୟକ ହେବେ ନାହିଁ । ସେ କହିଲେ ଯେ କେନ୍ଦ୍ର ସରକାର  ଶସ୍ୟ ଆମଦାନୀ ଖର୍ଚ୍ଚର 1.5 ଗୁଣା ଆଧାରରେ ସର୍ବନିମ୍ନ ସହାୟକ ମୂଲ୍ୟ ଘୋଷଣା କରିଛନ୍ତି । କୃଷି କ୍ଷେତ୍ର ପାଇଁ ଗ୍ରହଣ କରାଯାଇଥିବା ଅନ୍ୟାନ୍ୟ ପଦକ୍ଷେପ ସମ୍ବନ୍ଧରେ ମଧ୍ୟ ସେ ବର୍ଣ୍ଣନା କରିଥିଲେ ।

ସଂଯୋଗ ସମ୍ପର୍କିତ ବିକାଶ ସମ୍ବନ୍ଧରେ ପ୍ରକାଶ କରି ପ୍ରଧାନମନ୍ତ୍ରୀ କହିଲେ ଯେ ପୂର୍ବାଂଚଳ ଏକ୍ସପ୍ରେସସଡକ କାର୍ଯ୍ୟ ଦ୍ରୂତ ଗତିରେ ଆଗେଇ ଚାଲିଛି । ସେ କହିଲେ ଯେ ତାରିଘାଟ-ଘାଜିପୁର-ମାଉ ବ୍ରିଜର କାର୍ଯ୍ୟ ମଧ୍ୟ ଚାଲିଛି । ବାରାଣସୀ ଏବଂ କୋଲକାତା ମଧ୍ୟରେ ଏଇ ନିକଟରେ ଆରମ୍ଭ କରାଯାଇଥିବା ଜଳପଥ ମଧ୍ୟ ଘାଜିପୁର ପାଇଁ ଲାଭପ୍ରଦ ହେବ ବୋଲି ସେ ପ୍ରକାଶ କରଥିଲେ । ସେ କହିଲେ ଯେ ଏହି ପ୍ରକଳ୍ପଗୁଡ଼ିକ ଦ୍ୱାରା ସ୍ଥାନୀୟ ଅଂଚଳରେ ବାଣିଜ୍ୟ ବ୍ୟବସାୟକୁ ଗତି ମିଳିବ ।

Click here to read PM's speech

ପ୍ରଧାନମନ୍ତ୍ରୀ ମୋଦୀଙ୍କ 'ମନ କି ବାତ' ପାଇଁ ଆପଣଙ୍କ ବିଚାର ଏବଂ ଅନ୍ତର୍ଦୃଷ୍ଟି ପଠାନ୍ତୁ !
20ଟି ଫୋଟଚିତ୍ର 20 ବର୍ଷର ସେବା ଓ ସମର୍ପଣର ବ୍ୟାଖ୍ୟା କରୁଛି
Explore More
ଆମକୁ ‘ଚଳେଇ ନେବା’ ମାନସିକତାକୁ ଛାଡି  'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ

ଲୋକପ୍ରିୟ ଅଭିଭାଷଣ

ଆମକୁ ‘ଚଳେଇ ନେବା’ ମାନସିକତାକୁ ଛାଡି 'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ
Forex reserves up by USD 1.492 billion to USD 641 billion

Media Coverage

Forex reserves up by USD 1.492 billion to USD 641 billion
...

Nm on the go

Always be the first to hear from the PM. Get the App Now!
...
ସେୟାର
 
Comments

Join Live for Mann Ki Baat