Share
 
Comments

ঙসি প্রধান মন্ত্রী নরেন্দ্র মোদী উত্তর প্রদেশকী গাজিপুরদা চৎখ্রে। মহাক্না মহারাজ সুহেলদেবগী নীংশিং স্তাম্প ফোংখ্রে। মহাক্না গাজিপুরদা মেদিকেল কোলেজ অমা শানবগী উরেপ-উয়ুংসু তমখি।

থৌরম অদুদা প্রধান মন্ত্রীনা হায়খি, তোঙান-তোঙানবা থৌরমশিংদা ঙসি হাংদোক্লিবা প্রোজেক্তশিং অসিনা পুরবাঞ্জল অসি মেদিকেল মফম অমা অমসুং এগ্রিকলচরগী রিসর্সকী সেন্তর অমা ওইহল্লগনি।

মহারাজ সুহেলদেব অসি থৌনা ফবা লান্মী অমা অমসুং মীয়ামদা থৌনা পীখিবা অথৌবা অমনি হায়না প্রধান মন্ত্রীনা নীংশিংখি। মহাক্না মহারাজ সুহেলদেবগী শরিৎ-শরাৎ অমসুং লালহৈবা অমসুং লৈবাক ঙাকপগী হৈশিংবশিং অদু শিংথাখি। ভারতকী ঙাক-শেন অমসুং মসিগী খুন্নাইগী য়াইফনবা অচৌবা থৌদাং লৌরম্বশিংগী চৎন-লোনচৎশিং ঙাক্নবা কেন্দ্র সরকারনা থবক পায়খৎলি হায়না প্রধান মন্ত্রীনা হায়খি।

প্রধান মন্ত্রীনা হায়খি, কেন্দ্র সরকার অমসুং য়ু পিগী রাজ্য সরকার অনিমক্না মীয়ামগী য়াইফনবা খন্দুনা লৈরি। সরকারগী পান্দমদি মী খুদিংমক অফবা চিংলেম্বা পুন্সি অমা লৈহনবনি।

প্রধান মন্ত্রীনা হায়খি, উরেপ-উয়ুং তম্লিবা মেদিকেল কোলেজ অসিনা লমদম অসিদা মতমগা চুনবা অনা-লায়েংগী খুদোংচাবশিং ফংহনগনি। মসি লমদম অসিগী মীয়াম্না মতম কয়াগী মমাংদগী তানদুনা লাক্লবনি অমসুং মসি অথুবা মতমদা মঙফাওনরগনি। মসি লমদম অসিদা অনা-লায়েংগী খুদোংচাবা হেনগৎহন্নবা লিংখৎকদবা হোস্পিতালশিংগী মরক্তগী অমনি। গোরাগপুর অমসুং বরানসীদসু হোস্পিতালশিং শেমগৎলি।

প্রধান মন্ত্রীনা হায়খি, নিংতম্বা মতুংদগী অহানবা ওইনা, কেন্দ্র সরকারনা অনা-লায়েংগী মতাংদা য়াম্না চাওনা মীৎয়েং চংলি। মহাক্না অয়ুশ্মান ভারত য়োজনা অমসুং অনাবশিংদা পীরিবা লায়েংবগী খুদোংচাবশিং পনখি। মহাক্না হায়খি, প্রধান মন্ত্রী জন আরোগ্য য়োজনাগী মখাদা নুমিৎ ১০০নিগী মনুংদা মীওই লাখ ৬ হেন্না কান্নবা ফংলে।

কেন্দ্র সরকারনা হৌদোকখিবা ইন্সুরেন্স স্কিমগী মতাংদা প্রধান মন্ত্রীনা হায়খি, লৈবাক অসিগী মীওই ক্রোর ২০ হেন্না জীবন জ্যোতিদা শরুক য়ারে।

লৌউ-শিংউগা মরি লৈন্নবা লমদম অসিদা পায়খৎলিবা প্রোজেক্ত কয়া প্রধান মন্ত্রীনা পনখি। মখোয়গী মনুংদা বরানসীদা ইন্তর্নেসনে্ল রাইস রিসর্স ইন্সতিতুৎ, বরানসী অমসুং গাজিপুরদা কার্গো সেন্তরশিং, গোরখপুরদা হার শুংফম অমসুং বনসাগারদা ইথৈগী প্রোজেক্ত য়াওরি। মহাক্না হায়খি, থবকশিং অসিনা লৌমীশিং কান্নহনগনি অমসুং মখোয়গী শেন্থোক হেনগৎহনগনি।

প্রধান মন্ত্রীনা হায়খি, রাজনিতীগী খুদোংচাবা ফংনবা খুদক্কী ওইনা পায়খৎপা থবকশিংনা লৈবাক অসিনা থেংনরিবা খুদোংচাদবশিং কোকহনবা ঙম্লোই। লৌ উবদা চংবা মমলগী শরুক ১.৫দা য়ুমফম ওইদুনা মহৈ-মরোং ২২গী এম এস পি কেন্দ্র সরকারনা লেপ্লে। লৌমীশিংগী য়াইফনবা সরকারনা থৌরাং কয়া পায়খৎলি।

লম্বী-থোংগী মতাংদা প্রধান মন্ত্রীনা হায়খি, পুরবাঞ্চল এক্সপ্রেসৱে শেমগৎপগী থবক য়াম্না য়াংনা চৎথরি। তারীঘাৎ-গাজিপুর-মাও থোং শাবগী থবক কন্না চৎথরি। হন্দক হাংদোকখিবা বরানসী অমসুং কোলকতা অনিগী মরক্ত লৈরিবা ঈশিং লম্বী অসিনা গাজিপুরদসু কান্নবা ফংহল্লগনি। হায়রিবা প্রোজেক্তশিং অসিনা লমদম অসিদা ললোন-ইতিক্কী থবক ফগৎহল্লগনি।

Click here to read PM's speech

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
Capital expenditure of States more than doubles to ₹1.71-lakh crore as of Q2

Media Coverage

Capital expenditure of States more than doubles to ₹1.71-lakh crore as of Q2
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 6 দিসেম্বর, 2021
December 06, 2021
Share
 
Comments

India takes pride in the world’s largest vaccination drive reaching 50% double dose coverage!

Citizens hail Modi Govt’s commitment to ‘reform, perform and transform’.