शेअर करा
 
Comments

पंतप्रधान नरेंद्र मोदी 14 फेब्रुवारी 2019 रोजी उत्तराखंडमधल्या रुद्रपूरला भेट देणार आहेत. या भेटीदरम्यान पंतप्रधान राज्य एकात्मिक सहकारी विकास प्रकल्पाचा शुभारंभ करतील, तसेच दीनदयाळ शेतकरी कल्याण योजनेतील निवडक लाभार्थींना कर्ज राशीच्या धनादेशाचे वितरणही करतील.

उत्तराखंडमधील ग्रामीण अर्थव्यवस्था सुधारण्याचे लक्ष्य असलेल्या एकात्मिक सहकारी विकास प्रकल्पामुळे सहकार, कृषी आणि संलग्न क्षेत्रांना चालना मिळेल. या प्रकल्पामुळे कृषी आणि संलग्न कार्यात सहभागी असलेल्यांना पुरेसे पाठबळ उपलब्ध होईल आणि त्यामुळे उत्तराखंडमधल्या डोंगराळ प्रदेशातून होणारे सक्तीचे स्थलांतर थांबेल. या प्रकल्पातील निधीचा पहिला टप्पा म्हणून पंतप्रधान उत्तराखंडच्या मुख्यमंत्र्यांकडे राष्ट्रीय सहकार विकास महामंडळाने राज्य सरकारकडे हस्तांतरीत केलेल्या 100 कोटी रुपयांचा धनादेशही सुपूर्द करतील.

दीनदयाळ उपाध्याय शेतकरी योजनेतील निवडक लाभार्थ्यांना पंतप्रधान कर्जाच्या धनादेशांचे वाटपही करतील. उत्तराखंड सरकारच्या या योजनेअंतर्गत शेतकऱ्यांना केवळ 2 टक्के व्याजाने एक लाख रुपयांपर्यंतचे बहुउद्देशीय कर्ज उपलब्ध होईल. 2022 पर्यंत राज्यातल्या शेतकऱ्यांचे उत्पन्न दुप्पट करण्याच्या राज्य सरकारच्या लक्ष्याच्या दिशेने टाकलेले हे महत्वपूर्ण पाऊल आहे.

पंतप्रधानांनी आधी 7 नोव्हेंबर 2018 रोजी भारतीय लष्कर आणि भारत-तिबेट सीमा दलातल्या जवानांसोबत दिवाळी साजरी करण्यासाठी उत्तराखंडमधल्या हरसिलला भेट दिली होती. तसेच 7 ऑक्टोबर 2018 रोजी डेहराडून येथे ‘डेस्टीनेशन उत्तराखंड: गुंतवणूकदार परिषद 2018’ लाही संबोधित केले होते.

 

Explore More
चलता है' ही मनोवृत्ती सोडायची वेळ आता आली आहे. आता आपण 'बदल सकता है' असा विचार करायला हवा : पंतप्रधान मोदी

लोकप्रिय भाषण

चलता है' ही मनोवृत्ती सोडायची वेळ आता आली आहे. आता आपण 'बदल सकता है' असा विचार करायला हवा : पंतप्रधान मोदी
Landmark day for India: PM Modi on passage of Citizenship Amendment Bill

Media Coverage

Landmark day for India: PM Modi on passage of Citizenship Amendment Bill
...

Nm on the go

Always be the first to hear from the PM. Get the App Now!
...
सोशल मीडिया कॉर्नर 12 डिसेंबर 2019
December 12, 2019
शेअर करा
 
Comments

Nation voices its support for the Citizenship (Amendment) Bill, 2019 as both houses of the Parliament pass the Bill

India is transforming under the Modi Govt.