सन्माननीय पंतप्रधान नेत्यनाहू,
माझ्या बंधू-भगिनींनो,
शालोम ले कुलाम अनी सेमिया मायोद लेहीयोत पो (इस्रायलमध्ये येऊन मला अतिशय आनंद झाला आहे.) इस्रायलचा दौरा करणारा पहिला भारतीय पंतप्रधान म्हणून मला हा वैयक्तिक सन्मान मिळाला आहे. मला इस्रायलला येण्याचे निमंत्रण दिल्याबद्दल तसेच माझे इतक्या आपुलकीने स्वागत केल्याबद्दल मी, माझे मित्र, पंतप्रधान नेत्यनाहू यांचा आभारी आहे. दोन्ही देशांमधल्या शतकांपासूनच्या दृढ संबंधांचा उत्सव या भेटीमध्ये साजरा होत आहे. गेल्या 25 वर्षांपासून दोन्ही देशांमध्ये निर्माण झालेल्या राजनैतिक संबंधांमध्ये कायमच एक शाश्वत आणि दृढ बंध जपला गेला आहे.
मित्रांनो,
इस्रायलच्या जनतेने लोकशाही मूल्यांवर आधारित एका देशाची निर्मिती केली आहे. तसेच अपरंपार कष्ट, सदिच्छा आणि नाविन्याच्या प्रेरणेतून त्यांनी हा देश घडवला आहे. आलेल्या अनेक अडथळयांना तुम्ही पार केले आणि आव्हानांचे संधीत रुपांतर केले. तुमच्या या कामगिरीला भारताचा सलाम !
आज 4 जुलै आहे. 41 वर्षांपूर्वी याच दिवशी इस्रायलमध्ये ऑपरेशन एन्टेबे झाले होते. याच दिवशी इस्रायलच्या अनेक ओलीस ठेवलेल्या नागरिकांची सुटका करतांना तुमचे पंतप्रधान बीबी यांचे मोठे बंधू योनी यांना वीरमरण आले होते. तुमचे हे वीर आणि त्यांचे कर्तृत्व आजही नव्या पिढीला प्रेरणादायी आहे.
मित्रांनो,
भारत ही अतिशय जुनी नागरी संस्कृती असली तरीही ते युवा राष्ट्र आहे. भारतातले 80 कोटी नागरिक 35 वर्षे वयाखालील आहे. भारताचे गुणवान आणि कुशल युवक आमच्या देशाला पुढे नेणारी शक्ती आहे. भारताला, भारतातील उद्योग, अर्थव्यवस्था, व्यापार करण्याची पध्दत आणि जगाचा सामना करण्याची दृष्टी या सर्व बाबतीत माझ्या दृष्टीकोनाला ही युवा शक्ती सत्य स्वरुपात आणते आहे.
मित्रांनो,
आमच्या या शाश्वत आणि गतिमान वृध्दीत व सर्वांगिण विकासात इस्रायल हा अतिशय महत्वाचा भागिदार आहे. विज्ञान, तंत्रज्ञान, संशोधन आणि उच्च तंत्रशिक्षण यांच्या आधारे विकासातील आव्हानांचा सामना करण्याचा दोन्ही देशांचा सामायिक प्रयत्न आहे. याच क्षेत्रात दोन्ही देशातील कुशल युवा शक्ती आणि स्वयं उद्योजकांना एकत्र आणून त्यांच्या सर्जनशील ऊर्जेचा आणि कल्पनांचा वापर करण्यासाठी दोन्ही राष्ट्र उत्सुक आहे. त्याशिवाय वित्तीय समृध्दीसाठी व्यापक भागिदारी निर्माण करणे, संरक्षण क्षेत्रात सहकार्य करुन दहशतवादाचा मुकाबला करणे हे आमचे सामायिक उद्दिष्ट आहे.
पंतप्रधान नेत्यनाहू यांच्यासोबत माझे होणारे संभाषण या सर्व क्षेत्रात एक प्रगतीशील भागिदारी निर्माण करण्यासाठी आकार देणारे ठरेल. तसेच इस्रायलमधील भारतीय समुदाय आणि भारतीय वंशाच्या ज्यू नागरिकांसोबत संवाद साधण्यास मी अत्यंत उत्सुक आहे. या संवादातून दोन्ही देशांच्या नागरिकांना लाभ होईल.
मान्यवर आणि मित्रांनो,
माझ्या या दौऱ्यामुळे दोन्ही देशांमध्ये एका नव्या प्रवासाची नोंद होणार आहे. दोन्ही देशांच्या नागरिकांच्या कल्याणासाठी हा एकत्रित प्रवास करण्यास दोन्हीकडचा समाज अतिशय उत्सुक आहे. आपल्या या एकत्रित प्रवासातून भारत आणि इस्रायल दरम्यान एक भक्कम आणि मजबूत भागिदारी तयार व्हावी असा माझा उद्देश आहे. आपण केलेल्या भव्य स्वागताबद्दल मी पुन्हा एकदा आपले आभार मानतो.
धन्यवाद. खूप-खूप धन्यवाद.
My honour to be the 1st ever Indian PM to undertake this ground breaking visit to Israel: PM @narendramodi
— PMO India (@PMOIndia) July 4, 2017
I thank my friend PM @netanyahu for receiving me. My visit is about the strength of our societies and our strong partnership: PM
— PMO India (@PMOIndia) July 4, 2017
My honour to be the 1st ever Indian PM to undertake this ground breaking visit to Israel: PM @narendramodi
— PMO India (@PMOIndia) July 4, 2017
India is an old civilisation but young nation. We have a talented and skilled youth, who are our driving force: PM @narendramodi
— PMO India (@PMOIndia) July 4, 2017
We consider Israel an important development partner: PM @narendramodi
— PMO India (@PMOIndia) July 4, 2017
We have to secure our societies against the common threat of terrorism: PM @narendramodi
— PMO India (@PMOIndia) July 4, 2017
This is an exciting journey that we will undertake together, for the good of our people and our society: PM @narendramodi to PM @netanyahu
— PMO India (@PMOIndia) July 4, 2017
Partners for peace and prosperity, partners for a better future for humanity...PM @netanyahu welcomes PM @narendramodi to Israel. pic.twitter.com/mZgl8pAqz2
— PMO India (@PMOIndia) July 4, 2017
