কেবিনেৎ কম্মিতি ওন ইকনোমিক এফিয়র্সনা প্রসার ভারতী হায়বদি ওল ইন্দিয়া রেদিও (এ.আই.আর.) অমসুং দুরদর্শন (দি.দি.)গী ইনফ্রাস্ত্রকচর শেমগৎনবা লুপা করোর ২,৫৩৯.৬১ চংগদবা সেন্ত্রেল সেক্তর স্কিম ‘ব্রোদকাস্তিং ইনফ্রাস্ত্রকচর এন্দ নেৎৱার্ক দিবেলপমেন্ত (বি.আই.এন.দি.)’গী মতাংদা ইনফোর্মেসন অমদি ব্রোদকাস্তিং মন্ত্রালয়না পুখৎলকখিবা ৱাফম অয়াবা পীখ্রে। মন্ত্রালয় অসিগী ‘ব্রোদকাস্তিং ইনফ্রাস্ত্রকচর এন্দ নেৎৱার্ক দিবেলপমেন্ত (বি.আই.এন.দি.)’ স্কিম অসি প্রসার ভারতীগী ব্রোদকাস্তিং ইনফ্রাস্ত্রকচর, কন্তেন্ত দিবেলপমেন্ত পাকথোক-চাউথোক্নবা অমসুং অপগ্রেদ তৌবগা মরী লৈনবা অমসুং ওর্গনাইজেসন অসিগা মরী লৈনবা চাদিংশিংগীদমক ফাইনান্সিএল সপ্পোর্ত পীনবা ভেহিকল অমা ওইরি।
লৈবাক্কী পব্লিক ব্রোদকাস্তর ওইনা প্রসার ভারতী অসি দুরদর্শন অমসুং ওল ইন্দিয়া রেদিওগী খুত্থাংদা মরু ওইনা লৈবাক্কী মনুং হঞ্জিনবা মফমশিংদা লৈরিবা মীয়ামদা ই-পাউ, মহৈ-মশিং, এন্তর্তেনমেন্ত অমসুং এঙ্গেজমেন্তগী খ্বাইদগী মরু ওইবা ভেহিকল অমা ওইরি। প্রসার ভারতীনা কোবিদ লাইচৎ মনুংদা মীয়ামদা পব্লিক হেল্থকী পাউজেল অমসুং এৱের্নেস শন্দোকপদা মরু ওইবা থৌদাং লৌখি।
বি.আই.এন.দি. স্কিমনা পব্লিক ব্রোদকাস্তরদা এল.দবল্যু.ই., ঙমখৈ অমসুং স্ত্রেতেজিক এরিয়াশিং য়াওনা মানা য়ৌশিনবা হেনগৎহন্নবা অফবা ইনফ্রাস্ত্রকচরগা লোয়ননা মাগী ফেসিলিতীশিং অসি চাউনা অপগ্রেদ তৌবা ঙমহনগনি অমসুং ভ্যুৱরশিংদা হায়-ক্বালিতী কন্তেন্ত পীবা ঙমগনি। স্কিম অসিগী অতোপ্পা মরু ওইবা লম অসি দোমেস্তিক অমসুং ইন্তর্নেস্নেল ওদিয়ন্সকীদমক্তা হায়-ক্বালিতী কন্তেন্ত দিবেলপ তৌবা অমসুং চেনেল হেন্না য়ামহন্নবা দি.তি.ঐচ. প্লেৎফোর্মগী কেপাসিতী অপগ্রেদ তৌদুনা ভ্যুৱরশিংদা মখল কয়াগী কন্তেন্ত ফংহনবা অসিনি। প্রোজেক্তকী শরুক ওইনা ও.বি. ভেনশিং লৈবা অমসুং দি.দি. অমদি এ.আই.আর. স্তুদিওশিংগী দিজিতেল অপগ্রেদেসন তৌদুনা মখোয়বু ঐচ.দি. রেদী ওইহনবগী থবকসু পাইখৎকনি।
হৌজিক্কী ওইনা দুরদর্শননা রিজনেল চেনেল ২৮ য়াওনা তি.ভি. চেনেল ৩৬ ওপরেৎ তৌরি অমসুং ওল ইন্দিয়া রেদিওনা ব্রোদকাস্তিং সেন্তর ৫০০ হেন্না ওপরেৎ তৌরি। স্কিম অসিনা লৈবাক অসিদা এ.আই.আর. এফ.এম. ত্রান্সমিত্তরশিংগী কবরেজ অসি মথংশিৎনা ৫৯% অমসুং ৬৮%দগী জিওগ্রাফিকেল এরিয়াদা ৬৬% অমসুং মীশিংগী মতুং ইন্না ৮০%দা হেনগৎহল্লগনি। স্কিম অসিনা মনুং হঞ্জিনবা, ত্রাইবেলনা খুন্দাবা, এল.দবল্যু.ই., ঙমখৈগী মফমশিংদা লৈরিবা মীওইশিংদা দি.দি. ফ্রী দিশ দি.তি.ঐচ. সেৎ তোপ বোক্স (দি.তি.বি.) লাখ ৮ লেম্না য়েন্থোক্নবা পান্দম থম্মি।
পব্লিক ব্রোদকাস্তিংগী স্কোপ হেনগৎহনবগী মথক্তা ব্রোদকাস্ত ইনফ্রাস্ত্রকচর মোদর্নাইজেসন অমসুং ওগমেন্তেসন তৌনবগী প্রোজেক্ত অসিদা ব্রোদকাস্ত ইক্বিপমেন্তগী সপ্লাই অমসুং ইনস্তোলেসনগা মরী লৈনবা মেন্যুফেকচরিং অমসুং সর্ভিসকী খুত্থাংদা নাকোইননা থবক পীবা ঙম্বগী মতিক-ময়াইসু চেল্লি। এ.আই.আর. অমসুং দি.দি.গীদমক কন্তেন্ত জেনরেসন অমসুং কন্তেন্ত ইনোভেসন তৌবনা তি.ভি./রেদিও প্রদক্সন, ত্রান্সমিসন অমসুং এসোসিএতেদ মেদিয়াগী মরী লৈনবা সর্ভিসশিং য়াওনা কন্তেন্ত প্রদক্সন সেক্তরদা তোঙান-তোঙানবা মেদিয়াগী লমশিংগী মখল কয়াগী এক্সপরিয়েন্স লৈবা মীওইশিংদা নাকোইননা থবক পীবা ঙম্বগী মতিক-ময়াই চেল্লি। মখা তানা দি.দি. ফ্রী দিশ য়ৌহনবা হেনগৎনবগী প্রোজেক্তনা দি.দি. ফ্রী দিশ দি.তি.ঐচ. বোক্সশিং শাবদা থবক্কী খুদোংচাবশিং পীরগনি পানরি।
ভারত সরকারনা লেপ্পা লৈতবা থৌওং অমা ওইরিবা দুরদর্শন অমসুং আকাশবানী (প্রসার ভারতী)গী ইনফ্রস্ত্রকচর অমসুং সর্ভিসকী দিবেলপমেন্ত, মোদর্নাইজেসন তৌনবা অমসুং মপাঙ্গল কনখৎহনবগী মাগী ফিরেপ নৌহৌনা ফোঙদোকখ্রে।
