খুরুমজরি,
ঙসি নখোয়না ইতিহাসিক ওইরিবা তানফম অসিদা মহৈ তম্বীবগী মরু ওইবা থৌদাং লৌগদৌরি। হন্দক ঐহাক্না লাল কিলাদগী লৈবাক্কী চাউখৎপদা নেস্নেল করেক্তরনা করম্না মরু ওইবা থৌদাং লৌবগে হায়বগী মতাংদা কুপ্না থমখি। ভারতকী তুংগী মীরোল মখোঙ শোম্বীবা, মোদর্নিতীদা মখোয়বু চংহনবা অমসুং অনৌবা মাইকৈ তাকপা অসি নখোয় পুম্নমক্কী থৌদাংনি। মধ্য প্রদেশকী প্রাইমারী স্কুলশিংদা এপোইন্ত তৌখ্রবা ইচিল-ইনাও লিশিং মঙা মখাই হেনবদা ঐহাক্না য়াইফ-মঙ্গোল পীজরি। হৌখিবা চহি 3 অসিদা এম.পি.দা ওজা লিশিং 50 লৌখি হায়না ঐঙোন্দা খঙহনবীরকই। মসিগীদমক রাজ্য সরকারবু থাগৎফম থোকই।
মরুপশিং,
নেস্নেল এজুকেসন পোলিসী ইমপ্লিমেন্ত তৌবদা নখোয় পুম্নমক্না অচৌবা থৌদাং অমা লৌরগনি। নেস্নেল এজুকেসন পোলিসীনা চাউখৎপা ভারত অমা ওইহন্নবা ফিরেপ থুংহন্নবা মাইকৈদা চাউনা শরুম তম্মি। মসিদা ত্রেদিস্নেল নোলেজতগী হৌরগা ফ্যুচর তেক্নোলোজীদা চপ মান্ননা মরু ওইনা লৌখি। প্রাইমারী এজুকেসনগী লমদা অনৌবা করিকুলম শেমখি। মমা লোলদা মহৈ তম্বা ফংহনবা অসি অতোপ্পা শীংথানীংঙাই ওইবা থৌরাং অমনি। ইংলিশ খঙদবা মহৈরোয় কয়াদা মশাগী মমা লোলদা মহৈ তম্বা ফংহনদবা হায়বা অসি অচৌবা অরানবা থৌওং চত্থবনি। মসি সোসিএল জস্তিসকী মায়োক্তনি। হৌজিক ঐখোয়গী সরকারনা মসিগী অরানবা থৌওং অসি লৌথোকখ্রে। হৌজিক রিজনেল লোলশিংগী লাইরিক্কী সেলেবস্তা মীৎয়েং চংলি। মসিনা লৈবাক্কী এজুকেসন সিস্তেমদা অচৌবা অহোংবা পুরকপা ঙম্লগনি।
মরুপশিং,
অফবা ৱাখল্লোন, অচুম্বা ফিরেপ, মপুং ফানা কত্থোকপগা লোয়ননা ৱারেপশিং লৌবা মতমদা অপুনবা এনভাইর্নমেন্ত অদু পোজিতিবিতীনা থল্লি। অমৃত কালগী অহানবা চহিদা অফবা য়াম্না নুংঙাই পাউ অনি লাকখি। পাউশিং অসিনা লৈবাক অসিদা লাইরবা হন্থবা অমসুং চাউখৎপা হেনগৎপগী পাউ পুরকখি। NITI আয়োগকী রিপোর্ত্তা ভারত্তা লৈরিবা ভারত মচা করোর 13.5 অসি শুপ্নগী চহি মঙা মনুংদা পোভর্তী লাইনগী মথক্তা কাখৎলকপা ঙমখি হায়না য়াওরকখি। নুমিৎ খরনিগী মমাংদা রিপোর্ত অমা লাকখি। রিপোর্ত অসিগী মতুং ইন্না চহি অসিদা ইনকম তেক্স রিতর্নস ফাইল তৌরকপা মশিং অসিনা অতোপ্পা ইন্দিকেসন অমগা পীখি। হৌখিবা চহি 9 অসিদা এভরেজ ইনকমগী মীওইশিংগী মশিংদা চাউনা হেনগৎলকখি। ITR দেআ মতুং ইন্না 2014দা এভরেজ ইনকম লুপা লাখ 4 না ওইরমখিবা অদু 2023দা লুপা লাখ 13দা হেনগৎখি। ভারত্তা লোৱর ইনকম গ্রুপতগী অপ্পর ইনকম গ্রুপতা হাইগৎলকপা মীওইশিংগী মশিং অসিসু হেনগৎলকখি। নুংঙাইবা পোকপগা লোয়ননা মশিংশিং অসিনা লৈবাক্কী সেক্তর খুদিংমক মপাঙ্গল কনখৎখ্রে অমসুং অনৌবা থবক্কী খুদোংচাবশিং হেনগৎলি হায়নসু থাজবা পীরি।
মরুপশিং,
ইনকম তেক্স রিতর্নগী অনৌবা মশিং অসিদা ৱাফম অমগা য়াওরি, মদুদি লৈবাক্কী প্রজাশিংনা সরকারদা থাজবা লেপ্পা লৈতনা হেনগৎলক্লি। মসিগী মরমদি লৈবাক্কী প্রজাশিংনা মখোয়গী তেক্সশিং থমোয় শেংনা থীদোক্নবা মশিং য়াম্না থোক্নরক্লি। মখোয়না খঙই মদুদি মখোয়গী তেক্সকী শেনফম খুদিংমক লৈবাক্কী চাউখৎ থৌরাংদা চাদিং তৌরি। 2014গী মমাংদা ইকনোমী অসি 10দা লৈরমখি ঙসি মসি 5শুবদা লৈরে। লৈবাক্কী প্রজাশিংনা 2014গী মমাংদা স্কেম অমসুং শেঞ্জা থুমজাগী ওইরম্বা মতম অদু কাউবা ঙমলোই। লাইরবগী হকশিং অসি মখোয়দা য়ৌদ্রিঙৈদা মৎপীখি। ঙসি লাইরবনা ফংফম থোকপা শেল খুদিংমক মখোয়গী একাউন্তদা হকথেংননা য়ৌহল্লি।
মরুপশিং,
সিস্তেমদগী লীকেজ লৈহনদবগী ফল অসি সরকারনা মমাংদা তৌখিবা অদুদগী হেন্না লাইরবশিংগী য়াইফনবা চাদিং তৌবা ঙমহনখি। পাক চাউনা ইনভেস্তমেন্ত তৌবনা লৈবাক্কী কাচিন কোয়াদা থবক পীবসু ঙমহনখি। কম্মন সর্ভিস সেন্তর অসি খুদম অমনি। 2014দগী হৌদিনা লৈবাক্কী খুঙ্গংশিংদা অনৌবা কম্মন সর্ভিস সেন্তর লাখ 5 হাংবা ঙমখ্রে। কম্মন সর্ভিস সেন্তর খুদিংমক্না ঙসি মীওই কয়াদা থবক পীরি। হায়বদি খুঙ্গংগী লাইরবগী য়াইফমবা থবকসু তৌখি, অমসুং থবক্কী খুদোংচাবশিংসু পীখি।
মরুপশিং,
ঙসি লৈবাক অসিদা হেন্না য়ৌশিনবা ঙম্বা পোলিসীশিং অমসুং ৱারেপশিংগা লোয়ননা লেবেল অহুমমক্তা এজুকেসন, স্কিল দিবেলপমেন্ত অমসুং এমপ্লোইমেন্তদা ফাইনান্সিএল ইনিসিএতিব কয়ামরুম পাইখৎলি, ফাইনান্সিএলগী ওইবা থবকশিংসু তৌরি। ওগস্ত 15দা ঐহাক্না পি.এম. বিশ্বকর্ম য়োজনা লাল কিলাদগী লাউথোকখি। স্কিম অসি বিজন অসিগী মমি অমনি। পি.এম. বিশ্বকর্ম য়োজনা অসি 21শুবা চহিচাগী মথৌ তাবশিং থুংহন্নবা ঐখোয়গী বিশ্বকর্মগী ত্রেদিস্নেল স্কিলশিং শীজিন্ননবা শেমখিবনি। মসিগীদমক লুপা করোর লিশিং 13রোম চাদিং তৌখি। মসিগা লোয়ননা তোঙান-তোঙানবা স্কিল 18 লৈবা মীওইশিংগী ইমুং মনুংশিংদা মতেং পুম্নমক পীগনি, মসিদগী মখোয়না কান্নবা ফংলগনি। মসিনা মখোয়গী মরু ওইবদি খন্নবা অদুবু মখোয়গী ফীভম ফগৎহন্নবা থবক্তি পাইখৎপীদবা খুন্নাইগী শরুকশিংদা কান্নবা পীরগনি। বিশ্বকর্ম য়োজনাগী মখাদা ত্রেনিংগা লোয়ননা মোদর্ন তুলশিং লৈবা বেনিফিসরীশিংদা ভৌচরশিংসু পীগনি। হায়বদি পি.এম. বিশ্বকর্মগী খুত্থাংদা নহাশিংনা মখোয়গী স্কিলশিং হেনগৎহন্নবা খুদোংচাবশিং পীরগনি।
মরুপশিং,
ঙসিগী য়াইফরবা নুমিৎ অসিদা ওজা ওইগদৌরিবা মীওইশিংদ ঐহাক্না ৱাফম অমগা থমজগে। নখোয় পুম্নমক্না ৱানা হোৎনদুনা মফম অসি য়ৌরকখিবনি, মখা তানা তমশিন্নবগী ইথিল অদু হিংদুনা থম্বীয়ু। অদোমগী মতেং পাংনবা সরকারনা ওনলাইন লর্নিং প্লেৎফোর্ম IGoT Karmayogi শেমদুনা থম্মি। মসিগী কান্নবা য়ারিবা মখৈ লৌনবা হোৎনবীয়ু। অদোম অমসুং অদোমগী ইমুং মনুংগী মীওইশিংদা অনৌবা মাইপাকপা অসিগীদমক, অনৌবা খোঙচৎ অসিগীদমক, মঙলানশিং মঙফাওননবা খুদোংচাবা অমা ফংবা অসিদা ঐহাক্না হন্না-হন্না নুংঙাইবা ফোঙদোকচরি, থাগৎচরি।
