লুপা করোর ৫০০০ রোমগী লৌউ-শিংউ চাউখৎহন্নবা থৌরম লৈবাক মীয়ামদা কৎথোকখ্রে
শ্বাদেস দর্সন অমসুং প্রাসাদ স্কিমগী মখাদা লুপা করোর ১৪০০ হেনগী তুরিজম সেক্তরগী প্রোজেক ৫২ লৈবাক মীয়ামদা কৎথোকখ্রে অমসুং হৌদোকখ্রে
শ্রীনগরদা “ইন্তিগ্রেতেদ দিবলপমেন্ত ওফ হজরতবাল শ্রাইন” প্রোজেক লৈবাক মীয়ামদা কৎথোকখ্রে
চেলেঞ্জ বেজ দেস্তিনেসন দিবলপমেন্ত স্কিমগী মখাদা খনগৎলবা লমকোয়ফমশিং লাউথোক্লে
‘দেখো অপ্না দেস পিপলস চোইন্স ২০২৪’ অমসুং ‘চালো ইন্দিয়া গ্লোবেল দাইস্পোরা কম্পেন’ হৌদোক্লে
জম্মু অমসুং কাস্মিরদা নৌনা সরকারগী থবক খল্লবশিংদা এপোইন্তমেন্ত লেত্তরশিং য়েন্থোকখ্রে
“মীয়াম্না নুংশিবগী তৌবীমল উৎপা ওইনবা মোদীনা পায়খৎপা য়াবা থবকশিং পায়খৎকনি। অদোমগী থম্মোয়শিং জয় তৌনবা ঐনা মসিগী অকনবা থবকশিং পাংথোকপনি অমসুং ঐ অচুম্বা লম্বীদা চৎলি হায়না ঐ থাজৈ”
“চাউখৎপগী শক্তি, তুরিজমগী খুদোংচাবশিং, লৌমীশিংগী শুবা-নোম্বা অমসুং জম্মু অমসুং কাস্মিরগী নহারোলশিংগী লুচিংবনা বিকসিত জম্মু কাস্মিরগী লম্বী শেমগনি”
“জম্মু কাস্মির অসি শুপ্নগী মফম অমা খক নত্তে, জম্মু কাস্মির অসি ভারতকী মকোক্নি। চাউখৎপা অমসুং ইকায়খুম্নবগী খু
মহাক্না লুপা করোর ৫০০০ রোমগী লৌউ-শিংউ চাউখৎহন্নবা থৌরম লৈবাক মীয়ামদা কৎথোকখ্রে
মসিনা নাজরি মশামক ব্রান্দ অমা ওইরে অমসুং ৱেবসাইত অমা শেমদুনা লৈবাক শীনবা থুংবদগী কেজি ৫০০০ রোমগী ওর্দর লিশিং কয়া ফংখ্রে অমসুং মহাক্কী খোই উপু ২০০০ হেল্লে অমসুং লমদম অসিগী নহারোল ১০০ রোম থবক শীজিন্নরে
মহাক্না নুপীশিংগী স্কিল দিবলপমেন্তগী গভর্নমেন্ত পোলিতেক্নিকতা ইনকুবেসন সেন্তরনা মতেং পাংখি

জম্মু-কশ্মীরগী লেফতিনেন্ত গভর্নর শ্রী মনোজ সিনহাজী, কেন্দ্রগী মন্ত্রী-মন্দমগী ঐগী মরুপশিং, দা. জিতেন্দ্র সিংহ জী, মেম্বর ওফ পার্লিয়ামেন্তগী ঐগী মরুপ, লমদম অসিদা পোকচবা গুলাম অলী জী, অমসুং জম্মু-কশ্মীরগী ঐগী নুংশিরবা ইচিল-ইনাওশিং!

পৃথিবীগী শ্বর্গদা লাকপা ফংজবা, মসিগী এক্সপরিয়েন্স অসি ৱাহৈনা ফোঙদোকপা ঙমলোই। মহৌশাগী তোপ-তোপ্পা মওং, মসিগী নুংশিৎ, তম্পকশিং, এনভাইর্নমেন্ত মসিগা লোয়ননা কশ্মীরি ইচিল-ইনাওশিংনা পীবিরকপা মীনুংশি!

অমসুং গভর্নর সাহেবনা ঐঙোন্দা হায়বীরকখি মদুদি জম্মু-কশ্মীরগী মীয়াম্না স্তেদিয়ম অসিগী মপালদসু লৈ। তেক্নোলোজীগী খুত্থাংদা ব্লোক চনিগা মরফু-মঙাদগী মীওই লাখ অমগী ময়ানা ওনলাইন্দা লৈরি। ঙসি জম্মু-কশ্মীরগী মীয়ামদা নুংঙাইবা ফোংদোকচরি। মসি ঐখোয় পুম্নমক্না দিকেদ কয়া ঙাইরকখিবা অনৌবা জম্মু-কশ্মীর অদুনি। দা. শ্যাম প্রসাদ মুখর্জীনা মহাক্কী পুন্সি কত্থোকখিবা অনৌবা জম্মি-কশ্মীরনি। অনৌবা জম্মু-কশ্মীরগী মিৎ মাংদা তুংলমচৎনা ঙান্থোইরি। অনৌবা জম্মু অমসুং কশ্মীরগী অপাম্বশিংদা শীংনবশিং ময়োক্ননবা থৌনা লৈরি। লৈবাক অসিনা মসিগী মাইথোংশিং উবা ফংলি অমসুং ঙসি ইরৈবাকচা করোর 140না মসিগী নুংঙাইবা অসি ফংলি।

 

মরুপশিং,

ঐখোয় পুম্নমক্ন মনোজ সিনহাজীগী ৱারোল তাখ্রে। মহাক্না য়াম্না ফজরবা মওংদা ৱাফমশিং থমখি, চাউখৎ-থৌরাংদা থেংনরিবা সমস্যাশিংশিং নীংথিনা থমখি, মহাক্কী ৱারোলগী মতুংদা কনাগুম্বা অমনা ঙাংবগী মথৌ তাহনদে। অদুবু নখোয়গী মীনুংশি, নখোয়না মশিং য়াম্না মফম অসিদা লাকপীবা, মীওই লাখ কয়ানা জোইন তৌরকপা অসিনা ঐহাকপু চপ চানা নুংঙাইবা অমসুং অপেনবা পোকহল্লি। মোদীনা নখোয়গী মীনুংশি অসি শীংনবা হোৎনবা য়াবা হোৎনগনি। 2014গী মতুংদা ঐনা লাকপা খুদিং ঐহাক্না চপ মান্নবা ৱাফম হায়খি, নখোয়গী থমোয় জয় তৌনবা কন্না হোৎনৈ অমসুং নোংম-নোংমগী ঐহাক্না নখোয়গী থমোয় জয় তৌনবা অচুম্বা মাইকৈদা চংশিনবা উবা ফংলি, ঐহাক্না নখোয়গী থমোয় জয় তৌখি অমসুং মখা তানা তৌনবা হোৎনখিগনি। অমসুং মসি ‘মোদীগী গরেন্তীনি’.. অমসুং নখোয়না খঙলিদুনা মোদীগী গরেন্তীদি গরেন্তী থুংহনবনি।

মরুপশিং,

মতম খরগী মমাংদা ঐহাক্না জম্মুদা লাকলমখি। ঐহাক্না মদুদা লুপা করোর 32,000রোম ওইবা ইনফ্রাস্ত্রকচর অমসুং এজুকেসনগা মরী লৈনবা প্রোজেক্ত অমা হৌদোকখি। অমসুং ঙসি, অতেনবা মতমগী মনুংদা ঐহাক্না শ্রীনগরদা লাকপগী খুদোংচাবা অমসুং নখোয়গী উনবা ফংজখি।ল ঙসি ঐহাক্না মফম অসিদা তুরিজম অমসুং চাউখৎ-থৌরাংগী মরী লৈনবা প্রোজেক্ত কয়া উরেপ-উয়ুং তম্বা অমসুং শঙ্গাবা ফংজখি। লৌউ-শিংউ সেক্তরগা মরী লৈনবা স্কিমশিং লৌমীশিংদা কত্থোকখি। নহারোল 1000দা সরকারগী থবক্কী এপোইন্তমেন্ত লেত্তরশিংসু পীখি। চাউখৎ-থৌরাংগী শক্তি, তুরিজমগী ওইথোকপা য়াবশিং, লৌমীশিংগী মতিক-ময়াই অমসুং জম্মু অমসুং কশ্মীরগী নহারোলগী লুচিংবগী মতৌ, চাউখৎপা জম্মু অমসুং কশ্মীর অমা শেমগৎনবা লম্বেল অসি মফম অসিদগী লাক্কদবনি। জম্মু অমসুং কশ্মীর অসি শুপ্নগী রিজন অমা খক্তা নত্তে। জম্মু অমসুং কশ্মীর অসি ভারতকী মকোক্নি। অমসুং মকোক্না ৱাংনা থাংগৎপা অসি চাউখৎপা অমসুং ইকাই খুম্নবগী খুদম অমনি। মরম অসিনা চাউখৎপা জম্মু অমসুং কশ্মীর অসি চাউখৎপা ভারতকী মরু ওইবনি।

 

মরুপশিং,

মতম অমদা লৈবাক অসিদা চৎনরম্বা আইনশিং জম্মু অমসুং কশ্মীরদা চৎবা য়ারমদে। মতম অমদা লায়রবগী য়াইফ থৌরাংগী স্কিমশিং লৈবাক পুম্বদা ইমপ্লিমেন্ত তৌখি অদুবু জম্মু অমসুং কশ্মীরগী ইচিল ইনাওশিংনা মদুগী কান্নবশিং ফংহনখি। অমসুং হৌজিক য়েংবীয়ু, মতম অসিদা কয়া য়াম্না হোংলে। ঙসি শ্রীনগরদগী মফম অসিদা নখোয় খক্তনা নত্তনা ভারত পুম্বগীদমক স্কিমশিং হৌদোক্লি। ঙসি শ্রীনগরনা অনৌবা তুরিজমগী থৌশিলশিং জম্মু-কশ্মীর খক্তগী নত্তনা লৈবাক পুম্বগীদমক পাইখৎলি। মরম অসিনা জম্মু-কশ্মীর খক্তগী নত্তনা লৈবাক্কী সহর 50গী মীয়াম্না  ঐখোয়গা লোয়ননা কন্নেক্ত তৌরি, লৈবাক অসি ঙসি শ্রীনগরগসু কন্নেক্ত তৌরি। ঙসি স্বদেশ দর্শন স্কিমগী মখাদা লৈবাক অসিদা প্রোজেক্ত তরুক কত্থোক্লি। মসিগী মথক্তা স্বদেশ দর্শন স্কিমগী মথংগী তাঙ্ককসু হৌদোকখি। মসিগী মখাদা জম্মু-কশ্মীর অমসুং লৈবাক অসিগীদমক প্রোজেক্ত 30 রোমসু য়াওরি। ঙসি প্রসাদ য়োজনাগী মখাদা প্রোজেক্ত অহুম হৌদোকখি, প্রোজেক্ত 14সু হৌদোকখি। শেংলবা হজরতবল দরগাহদা মীয়ামগী খুদোংচানবা চাউখৎ থৌরাংগী থবকশিং পাইখৎপা লোইখ্রে। সরকারনা মথংগী চহি অনি অসিদা লমকোইফম ওইনা শেমগৎনবা মফম নিফু হেন্নসু মশক খঙদোকখ্রে। ঙসি ‘দেখো অপ্না দেশ পীপলস চোইস’ কেম্পেনসু হৌদোকখি। মরম অসিনা মসি য়াম্না অখন্নবা কেম্পেন অমনি। লৈবাক অসিগী মীয়াম্না ওনলাইনদা য়েংবদা মসি য়েংবা চৎপা য়াবা মফম অমনি হায়গনি অমসুং মকোক্তা লৈবা অদুনা সরকারনা লমকোইফম ওইনা শেমগৎলনি। ৱারেপ অসি মীয়াম্না শরুক য়াদুনা লৌগনি। ঙসিদগী হৌনা মালেমদা লৈরিবা NRIশিংদা ঐহাক্না হায়জরি নখোয়না দোলর, পাউন পুরক্ত্রসু য়ামদ্রবদা ভারত য়েংনবা ভারত মচা নত্তবা ইমুং মঙা পুরকউ। অমসুং ঙসি NRIশিংদা ভারত্তা লাক্নবা পুক্নিং থৌগৎলি, মখোয়গী মরুপশিংবু পুক্নিং থৌগৎপীয়ু। অমসুং মসিনা মরম ওইরগা ‘চলো ইন্দিয়া’ কেম্পেন হৌদোক্লি। কেম্পেন অসিগী মখাদা অতো্পা লৈবাকশিংদা লৈরিবা মীয়ামদা ‘চলো ইন্দিয়া’ ৱেবসাইৎকী খুত্থাংদা ভারত্তা লাক্নবা ইথিল পীগনি। জম্মু-কশ্মীরগী মীয়ানা স্কিম অমসুং কেম্পেনশিং অসিগী চাউবা কান্নবা ফংগনি। অমসুং নখোয়না খঙলি ঐহাক্না অতোপ্পা পান্দম অমগা লোয়ননা থবক তৌরি। ঐহাক্না ভারতকী লমকোইবা পুম্নমক্তা  ৱাফম অমা হায়জনীংই মদুদি মখোয়গী অপুনবা ত্রেবেল বজেৎ অদুদগী য়ামদ্রবদা 5-10%দি লোকেলগী ওইবা পোৎলমশিং লৈবীয়ু। মসিনা মফম অদুগী মীয়ামদা ইনকম লাকহনগনি, মখোয়গী এমপ্লোইমেন্ত হেনগৎহনগনি অমসুং তুরিজমসু চাউখৎহনগনি।

 

মরুপশিং,

স্কিমশিং অসিগা লোয়ননা তুরিজম ইন্দস্ত্রীশিং অসি মফম অদুদা শেমগৎকনি অমসুং অনৌবা থবক্কী খুদোংচাবশিং পীগনি। ঐহাক্না চাউখৎ-থৌরাংগী থবকশিংগীদমক জম্মু-কশ্মীরগী ইচিল-ইনাওশিংদা নুংঙাইবা ফোঙদোকচরি। অমসুং হৌজিক ঐহাক্না অনৌবা লম অমদা ময়াম্না ইনভাইৎ তৌজরি। মফম অসি ফিল্ম নমবগীদমক পাম্নরবা মফম অমনি। হৌজিক ঐহাক্কী অনিশুবা মিসন অসি ‘ৱেদ ইন ইন্দিয়া’নি, ভারত্তা লুহোংঙু হায়বা অসিনি। ভারতকী মপালদগী লাকপা মীওইশিংনা মসিদা লুহোংবা, শেল অমসুং দোলর চাউনা চাদিং তৌবনি…অদুনা মীয়াম্না মফম অসিদা লুংহোংবগীদমক লাক্নীংহনবা অমসুং মফম অসিদা ৱেদ্দিং বুক তৌদুনা নুমিৎ হুমনি, মরিনি ৱেদ্দিং প্রোসেসন চত্থহনবা, মদুদগী মফম অসিগী মীয়াম্না হিংনবগী লম্বী ফংগনি। ঐহাক্না কেম্পেন অসি শৌগৎলি।

অমসুং মরুপশিং,

তৌগদৌরিবা অদু ঙম্নবা তৌগে খনবা অমসুং খোঙফম চেৎলবদি ফিরেপ অদু থুংহনবা ঙম্মি মদুগী মহৈসু ফংই। মালেম পুম্বনা জম্মু-কশ্মীরদা করম্না G-20 মাইপাক্না পাঙথোকখিবগে উবা ফংখ্রে। করিগুম্বদা মীওই খরনা হায় – কনানা তুরিজমগীদমক জম্ম-কশ্মীরদা চৎকদৌরিনো? ঙসি তুরিজমগী রেকোর্দ পুম্নমক জম্মু-কশ্মীরদা থুগাইরি। লমকোইবা করোর অনি হেনবনা 2023 খক্তদা মফম অসিদা লাকখি। হৌখিবা চহি তরা অসিদা অমরনাথ য়াত্রাদা তীর্থ য়াত্রা চৎপা মীওইশিংনা মশিং খ্বাইদগী য়াম্না শরুক য়াখি। ভৈষ্ণো দেবীদা লাকপা ভক্তাশিংগী মশিং রেকোর্দ ওইনা হেনগৎখি। ফোরেন তুরিস্তশিংগী মশিংসু মমাংদগী শরুক অনি মখাই হেনগৎখি। হৌজিক অচৌবা স্তারশিং, সেলেব্রেতীশিং, ফোরেন্ত গেস্তশিং ফাওবনা কশ্মীরদা চৎৎতনা হনখিদে, মখোয়না তম্পাক অসিদা লাক্তুনা ভিদিওশিং, রীলশিং মফম অসিদা নম্মি অমসুং মসি ভাইরেল চৎলি।

মরুপশিং,

তুরিজমগা লোয়ননা লৌউ-শিংউ অমসুং লৌউ-শিংউগী পোত্থোকশিং অসি জম্মু অমসুং কশ্মীরগী অচৌবা শক্তি লৈ। মফম অসিগী সেফ্রোন, শেম, দ্রাই ফ্রুতশিং, চেরী অসিনা জম্মু-কশ্মীরবু অচৌবা ব্রান্দ অমা ওইহল্লি। হৌজিক সেক্তর অসি এগ্রিকলচরেল দিবেলপমেন্ত প্রোগ্রামগা লোয়ননা হেন্না মপাঙ্গল কনখৎহল্লগনি। লুপা করোর 5000গী প্রোগ্রাম অসিনা মথংগী চহি মঙাদা জম্মু-কশ্মীরগী লৌউ-শিংউগী সেক্তরদা অমুক্তং উখিদ্রিবা চাউখৎ-থৌরাং পুরক্লগনি। মসিনা মরু ওইনা হোর্তিকলচর অমসুং লাইবস্তোক চাউখৎপদা মতেং চাউনা পাংগনি। অমসুং হৌজিক্তা ঐহাক্না ইচল হমিদাগা ৱারী শাখি, মঙোন্দগী এনিমেল হসবেন্দ্রীদা করম্বা মখলগী শক্তি চেনবগে খঙবা ঙমখি। মসিনা থবক্কী খুদোংচাবা লিশিং কয়া পীরগনি। ভারত সরকারনা কিসান সম্মান নিধিগী মখাদা লৌমীশিংগী একাউন্তশিংদা লুপা করোর লিশিং অহধম হকথেংননা থাখি।মতম শাংনা উহৈ অমসুং মনা-মশিং প্রিজর্ব তৌদুনা থমনবা জম্মু-কশ্মীরদা স্তোরেজ কেপাসিতীসি চাউনা হেনগৎহনখি। মালেমগী খ্বাইদগী চাউবা স্তোরেজ স্কিম নুমিৎ খরনিগী মমাংদা মফম অসিদা হৌদোকখি। মসিগী মখাদা জম্মু-কশ্মীরদা অনৌবা ৱেয়রহাউস কয়া শারগনি।

 

মরুপশিং,

জম্মু-কশ্মীরনা ঙসি খোঙজেল য়াংনা চাউখৎপগী লম্বীদা মাংদা চংশিল্লি। মফম অসিগী মীয়াম্না শুপ্নগী অমা খক্তা নত্তনা এম্স অনিগী খুদোংচাবা ফংলগনি। এম্মস জম্মু অসি শঙ্গাখ্রে অমসুং এম্স কশ্মীরগী থবক খোঙজেল য়াংনা পাইখৎলি। অনৌবা মেদিকেল কোলেক তরেৎ, অচৌবা কেন্সর হোস্পিতাক অনি লিংখৎখি। IIT অমসুং IIMগুম্বা এজুকেস্নেল ইন্সতিত্যুসনশিংসু শাখি। জম্মু-কশ্মীরদা ভন্দে ভারত ত্রেন অনিসু চেল্লি। শ্রীনগরদগী শঙ্গলদান ফাওবগী অমসুং সঙ্গলদানদগী বারামুলা ফাওবগী ত্রেন সর্ভিস হৌখ্রে। কন্নেক্তিবিতী ফগৎলকপনা মরম ওইরগা জম্মু-কশ্মীরদা ইকনোমিক এক্তিবিতীশিংসু হেনগৎলকখি। অনৌবা ইনফ্রাস্ত্রকচর প্রোজেক্তশিংসু জম্মু-কশ্মীর স্মার্ত সিতীশিংদা পুরক্লি। নখোয়না উবা ফংগনি, মদুদি লাক্কদৌরিবা চহিশিংদা মফম অসিগী সক্সেস স্তোরীনা মালেম পুম্বগী অচৌবা সেন্তর ওফ এত্রেক্সন ওইরগনি। নখোয়না উবা ফংলম্লগনি, রেদিওদা তারম্লগনি, ঐহাক্না মন কী বাতকী থৌরমদা জম্মু-কশ্মীরগী মাইপাকপশিংগী মরমদা হায়নবা খুদোংচাব ফংবা খুদিং হায়জৈ। স্বচ্ছতা অভিয়ান, হেন্দিক্রাফকী মতাংদা মন কী বাত্তা ফোঙদোকচৈ। ঐহাক্না নাদ্রু, থম্বাল, থবীগী মতাংদা হায়জৈ। মফমসিগী পাৎ খুদিংমক্তা থম্বাল শাৎপা উরমগনি। চহি য়াংখৈগী মমাংদা শেমখিবা জম্মু-কশ্মীর ক্রকেৎ এসোসিএসনগী মার্কা অসিসু থম্বাল ওইরি। মসিগা  BJPগী সিম্বলগা মান্নবা অসি নুংঙাই। মফম  অসিগা থম্বালগী অচেৎপা মরী অমা লৈনব্রা?

মরুপশিং,

 

ঐখোয়গী সরকারনা লম খুদিংমক্তা জম্মু-কশ্মীরগী নহারোল খুমাং চাউশিনহন্নবা হোৎন্দুনা লাকখি। স্কিল দিবেলপমেন্তদগী স্পোর্তস ফাওবা নহারোলদা অনৌবা খুদোংচাবশিং ফংহল্লি। ঙসি জম্মু-কশ্মীরগী জিলা খুদিংমক্তা মোদর্ন স্পোর্তস ফেসিলিতীশিং শাগৎলি। জিলা 17তা মলতি-পর্পস ইন্দোর স্পোর্তস হোলশিং শাখি। চহি খরা অসিদা মফম অসিদা নেস্নেল স্পোর্তস তোর্নামেন্ত কয়া পাঙথোকখি। হৌজিক জম্মু-কশ্মীরমনা লৈবাক্কী ৱিন্তর স্পোর্তস কেপিতেল ওইরক্লি – মসি ঐগী জম্মু-কশ্মীরনি। লৈবাক শিনবা থুংবদগী চাউরাক্না শান্নরোয় লিশিং অমগী ময়ানা খেলো ইন্দিয়া ৱিন্তর গেম্সতা শরুক য়াখি।

 

মরুপশিং,

ঙসি জম্মু-কশ্মীরনা চাউখৎপগী অনৌবা পনখৈশিং য়ৌবা ঙম্লি মসিগী মরমদা জম্মু-কশ্মীর মনীং তম্না শ্বর হোনবা ফংলে। অথিংবশিংদগী মনীংতম্বা অসি আর্তিকল 370 লৌথোকখ্রবা মতুংদা লাকখি। দিকেদ কয়া রাজনিতীগী কান্নবশিংগীদমক কোংগ্রেস অমসুং মাগী এলিশিংনা জম্মু-কশ্মীরগী মীয়ামবু অমসুং লৈবাক অসিবু 370গী মরুমদা লান্না লমজিংখি। জম্মু-কশ্মীর অসিনা 370দগী কান্নবা ফংব্রা নত্ত্রগা রাজনিতী তৌবা ইমুং খরনা মসিগী কান্নবা লৌব্রা হায়বগী অশেংবা অদু মীয়াম্না খঙলমখি। মফম অসিবু ইমুং খরগী কান্ননবগীদমক ফাজিন্দুনা থমখি। ঙসি 370 লৈত্রে, মরম অসিনা জম্মু-কশ্মীরগী নহারোলগী তেলেন্তপু মপুং ফানা ইকাই খুম্নরি অমসুং মখোয়না অনৌবা খুদোংচাবশিং ফংলি। ঙসি মফম অসিদা মীপুম খুদিংমক্তা চপ মান্নবা হকশিং অমসুং চপ মান্নবা খুদোংচাবশিং ফংহল্লি।  পকিস্তানগী রিফ্যুজীশিং, ঐখোয়গী বাল্মিকী ফুরুপগী ইচিল-ইনাওশিং, ঐখোয়গী সেনিতেসন ৱার্করশিং, মখোয়না চহি 70 ভোৎ থাদবগী হক ফংদনা লাকখি। বাল্মিকী ফুরুপনা SC কেতগোরীগী কান্নবা ফংনবা চহি অমা ফারবা দিমান্দ অদু থুংহনখি। সেদ্যুল্দ ত্রাইবশিংগীদমক বিধান সভাদা সীত খাক্তুনা থমখি। ‘পহারী জনজাতি’, ‘পহারী আতীয় সমুহ’, ‘গদ্দা ব্রাহ্মন’ অমসুং ‘কোলী’ ফুরুপশিং অসি সেদ্যুল্দ ত্রাইবশিংদা চলহনখি। ঐখোয়গী সরকারনা পঞ্চায়ৎ, ম্যুনিসিপালিতী, অমসুং ম্যুনিসিপাল কোর্পোরেসনদা অদর বেকৱার্দ ক্লাসশিংগী রিজর্বেসন ফংহনখি। ইমুংদা য়ুম্ফম ওইবা জম্মু-কশ্মীরগী মীয়ামদা দিকেদ কয়া হকশিং ফংহনদনা লাকখি। ঙসি কাংলুপ খুদিংমক্তা চপ মান্নবা হকশিং ফংহল্লি।

 

মরুপশিং,

ঐখোয়গী J&K বেঙ্কনা জম্মু অমসুং কাশ্মীরদা নেপোতিজম অমসুং করপ্সনদগী চাউনা চৈথেং নংখি। মমাংগী সরকারশিংনা বেঙ্ক অসি নমথনবা হোৎনবা য়াবা হোৎনখি, মখোয়গী মরী-মতাশিং ওইনা থবক হাপখি, মসিনা ওপরেসন তৌবদা অপনবা ওইহনখি। মিসমেনেজমেন্তনা চাউনা অমাংবা থোকহনখি, লুপা করোর লিশিং কয়া রিস্কতা লৈহনখি – লায়রবগী শেল, কশ্মীরগী মীয়াম্না ৱানা তানখিবা শেল। J&K বেঙ্ক কন্নবা, ঐখোয়গী সরকারনা রিফোর্ম কয়া ইমপ্লিমেন্ত তৌখি অমসুং লুপা করোর 1,000গী ফাইনান্সিএল এসিস্তেন্স পীখি। এন্তি-করপ্সন ব্যুরোগা লোয়ননা থীজিন্দুনা বেঙ্ক অসিদা অরানবা মওংদা থবক হাপখিবগী মায়োক্তা ঙসি ফাওবা লিশিং লিশিং কয়াগী মথক্তা অকনবা এক্সনসু লৌখৎখি। হৌখিবা চহি মঙা হেনবা অসিদা জম্মু অমসুং কশ্মীরগী নহারোল লিশিং কয়ানা ত্রান্সপরেন্ত প্রোসেসশিংগী খুত্থাংদা বেঙ্ককী থবকশিং ফংবা ঙম্লে। ঙসি সরকারগী লেপ্পা লৈতবা খোঙথাংশিংনা মরম ওইরগা J&K বেঙ্কনা মাগী শক্তি অমুক হন্না ফংবা ঙমলে। মতম অমদা অৱাবা মায়োক্নরমখিবা বেঙ্ক অসিগী প্রোফিতেবিলিতী অসি মোদীগী গরেন্তীনা উবদা হৌজি লুপা করোর 1700 য়ৌরে। মসি নখোয়গী শেলনি, নখোয়গী ফংফম থোকপা হকশিং অমরোমদা মোদীনা থোংঙাকপা ওইনা লেপ্পী। চহি মঙাগী মমাংদা বেঙ্ককী অপুনবা বিজিনেস অসি শুপ্নগী লুপা করোর লাখ 1.25 ওইখি। হৌজিক মসি করোর লাখ  2.25 হেন্দুনা শরুক অনিগী ময়া ওইরি। মতৌ অসুম্না চহি মঙাগী মমাংদা দিপোজিৎশিং অসি করোর লিশিং মর্ফুগী মখাদা লৈরমখিবা অদু করোর লাখ 1.25দগী হেন্দুনা সাইজ দবল ওইরকখি। বেঙ্ককী নন-পরফোর্মিং এসেৎশিং (NPA) রেসিও অসি চাদা 11 হেনখিবা অসি হৌজিক চাদা 5গী মখাদা হন্থখ্রে। হৌখিবা চহি মঙা হেনবা অসিদা J&K বেঙ্ককী শিয়র প্রাইস অসি লুপা 12দগী চাউরাক্না লুপা 140দা শরুক তরানিথোইগী ময়াদা হেনগৎলকখি। মীয়ামগী য়াইফনবা তৌবা পুকচেল শেংবা সরকারগী ফিরেপনা শীংনবশিং অসি মায়োক্নবা ঙমখি, মীয়ামগী য়াইফনবা তৌবা ঙমখি।

মরুপশিং,

জম্মু অমসুং কশ্মীরনা মতম শাংনা নীংতম্বা ফংলবা মতুংদা দাইনাস্তিক পোলিতিক্সকী চৈথেং নংদুনা লাকখি। মীওইশিং অদুনা ঐঙোন্দা পর্সনেল এত্তেকশিং তৌরক্লি। মখোয়না মোদীগী ইমুং মনুং লৈতে হায়রি অদুবু লৈবাক অসিনা মতিক চাবা পাউখুম পীরি। লৈবাক শিনবা থুংবদা মীয়াম্না হায়রি “ঐহাক মোদীগী ইমুংনি!” ঐহাক্না মতম চুপ্পদা জম্মু-কশ্মীর অসি ঐগী ইমুং ওইনা লৌখি। মরম অসিনা কশ্মীরিশিংনা হায়রি – “ঐ মোদীগী ইমুংনি। ঐ মোদীগী ইমুংনি”। মথংগী চহি মঙাদা মফম অসিনা খোঙজেল য়াংনা চাউখৎকনি।

মরুপশিং,

শেংলবা চাকহেন থা রামাদন লাক্কলগনি। জম্মু-কশ্মীরদগী লমদম অসিদগী ঐহাক্না লৈবাক পুম্বদা শেংলবা থা অসিনা লাকপদা য়াইফ পাউজেল পীজরি।

 

অমসুং ঐগী মরুপশিং,

লমদম সি আদি শঙ্করাচার্য়নগী খোঙথাংশিংনা শেংদোকলমখি। হয়েং অসি মহাসিবরাত্রীগী শেংলবা থৌরমনি অমসুং ঐহাক্না শেংলবা কুহ্মৈ অসিনা লাকপদা ঐগী ইরৈবাকচাশিংদা য়াইফ-পাউজেল পীজরি। অমুক হন্না ঙসিগী প্রোজেক্তশিং অসিগীদমক ঐহাক্না নুংঙাইবা ফোঙদোকচরি।

হন্না-হন্না থাগৎচরি!

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Elon Musk congratulates PM Modi on being most followed world leader on X

Media Coverage

Elon Musk congratulates PM Modi on being most followed world leader on X
NM on the go

Nm on the go

Always be the first to hear from the PM. Get the App Now!
...
PM condoles passing away of Vietnamese leader H.E. Nguyen Phu Trong
July 19, 2024

The Prime Minister, Shri Narendra Modi has condoled the passing away of General Secretary of Communist Party of Vietnam H.E. Nguyen Phu Trong.

The Prime Minister posted on X:

“Saddened by the news of the passing away of the Vietnamese leader, General Secretary H.E. Nguyen Phu Trong. We pay our respects to the departed leader. Extend our deepest condolences and stand in solidarity with the people and leadership of Vietnam in this hour of grief.”