মুম্বাই মেত্রো লাইন 3গী ফেস -1গী আরে JVLRদগী BKC সেক্সন শঙ্গাখ্রে
থানে ইন্তিগ্রেল রিং মেত্রো রেল প্রোজেক্ত অমসুং এলিভেতেদ ইস্তর্ন ফ্রীৱে এক্সতেন্সনগী উরেপ-উয়ুং তমখ্রেনভি মুম্বাই এয়রপোর্ত ইনফ্ল্যুন্স নোতিফাইদ এরিয়া (NAINA) প্রোজেক্তকী উরেপ-উয়ুং তমখ্রে থানে ম্যুনিসিপাল কোর্পোরেসনগী উরেপ-উয়ুং তমখ্রেমহারাস্ত্রনা ভারতকী চাউখৎপদা মরু ওইবা থৌদাং অমা লৌরি, রাজ্য অসিগী চাউখৎ-থৌরাং খোঙজেল য়াংখৎহন্নবা থানেদা অওনবা পুরক্কদবা প্রোজেক্ত কয়ামরুম হৌদোক্লি: পি.এম.ঐখোয়গী সরকারগী ৱারেপ, ফিরেপ অমসুং থৌশিল খুদিংমক ভিকসিৎ ভারতকী পান্দমগীদমক কত্থোক্লি: পি.এম.প্রধান মন্ত্রী শ্রী নরেন্দ্র মোদীনা ঙসি লমদম অসিদা অর্বান মোবিলিতী ফগৎহন্নবা মরু ওইবা মীৎয়েং অমগা লোয়ননা মহারাস্ত্রগী থানেদা লুপা করোর 32,800 হেনবগী প্রোজেক্ত কয়া শঙ্গাখ্রে অমসুং উরেপ উয়ুংসু তমখ্রে।ভারত মাতা কি জয়,
ভারত মাতা কি জয়,
মহারাস্ত্রাগী রাজ্যপাল সি.পি রাধাকৃষ্ণন জি, চীফ মিনিস্তর একনাথ সিন্দে জি, দিপুতি চীফ মিনিস্তর দেবেন্দ্র ফদনাবিস জি, অজিত পৱার জি রাজ্য সরকারগী অতোপ্পা মিনিস্তরশিং, এম.পিশিং, এম.এল.এশিং অমসুং অতোপ্পা শক্নাইরবশিং অমসুং মহারাস্ত্রাগী ঐগী নুংশিরবা ইনাওশিং অমসুং ইচলশিং!
মহারাস্ত্রাগী দেবী শক্তিচে, সাদাতেন শক্তিপীথ তুলজাপুরচিগী ভাবানি, কোলহাপুরগী মহালক্ষমী দেবী, মহুরগারচিগী রেনুকা অমসুং বানিচিগী সাপ্তসরুংগী দেবী, ঐনা মশিং খঙদনা খুরুমজরি। ঐনা থানে লমদম অসিদা শ্রী কোপিনেশ্বরগী খুয়াদা চঙজরি। ঐনা ছত্রপতি সিবাজি মহারাজ অমসুং বাবা সাহেব অম্বেদকারগী মফমদশু ইকায়খুম্নবা উৎচরি।
ইনাওশিং অমসুং ইচলশিং,
ঙসি ঐ নুংঙাইবা পাউ অমগা লোয়ননা মহারাস্ত্রাদা লাক্লি। কেন্দ্র সরকারনা ঐখোয়গী মরাথি লোল অসি ক্লাসিকেল লোলগী থাক্তা পুখৎলে। মসি মরাথি অমসুং মহারাস্ত্রা খক্তগী ইকায়খুম্নবা অমা নত্তে। মসি লৈবাক অসিগী ইনাকখুল্লবা লৌশিং, ফিলোসোফি, অধ্যাতিক অমসুং সাহিত্যদা ইকায়খুম্নবা উৎপনি। লৈবাক অসিদা লৈরিবা অমসুং মালেম শীনবা থুংনা লৈরিবা মরাথি ঙাংবা মীওইশিং ঐনা হরাওবা ফোঙদোকচরি।
মরুপশিং,
নবরাত্রি মনুংদা, চাউখৎ-থৌরাংগী থবক অমগী মতুংদা থবক অমা শঙ্গানবা অমসুং উরেপ-উয়ুং তম্নবগী খুদোংচাবা ঐনা ফংলে। থানেদা থুংলদ্রিঙৈদা, ঐ ৱাসিমদা চৎখি। মফম অদুদা, ঐনা লৈবাক অসিগী লৌমী করোর ৮.৫ রোমদা কিষান সম্মান নিধি য়েন্থোকখ্রে অমসুং চাউখৎ-থৌরাংগী প্রোজেক কয়া শঙ্গাখ্রে। হৌজিক, মহারাস্ত্রাগী চাউখৎ-থৌরাংগী অচৌবা থবক কয়া থানেদা হৌদোক্লে। মুম্বাই-এম.এম.আর অমসুং মহারাস্ত্রাগী খোঙজেল য়াংবা চাউখৎ-থৌরাং অসিনা মহারাস্ত্রাগী অফবা তুংলমচৎ অমা পীরে। ঙসি মহায়ুতি সরকারনা মুম্বাই-এম.এম.আরদা লুপা করোর লিশিং ৩০ হেনবগী প্রোজেকশিং হৌদোক্লে। ঙসি লুপা করোর লিশিং ১২ হেনবগী থানে ইন্তরগ্রেল রিং মেত্রোগী উরেপ-উয়ুং তম্লে। ঙসি নবি মুম্বাই এয়রপোর্ত ইনফ্লুয়েন্স এরিয়া হায়বদি নাইনা প্রোজেক, ইলাভেতেদ ইস্তর্ন ফ্রি-ৱে(ছেদানগর-অনন্দ নাগর) উরেপ-উয়ুং তম্লে। হায়রিবা চাউখৎ-থৌরাংগী থবকশিং অসিনা মুম্বাই অমসুং থানেগী অনৌবা মশক অমা উবা ফংলগনি।
মরুপশিং,
ঙসি আরেদগী কে.বি.সি ফাওবগী এক্বা লাইন মেত্রোশু শঙ্গারে। মুম্বাইগী মীয়াম্না লাইন অসি মতম কয়াগী মমাঙদগী ঙাইরক্লবনি। ঙসি ঐনা জপান সরকার থাগৎপা পাম্মী। জপানিজ ইন্তরনেসনেল কোওপরেসন এজেন্সিগী খুৎথাংদা প্রোজেক অসিদা জপান্না অচৌবা মতেং পাংলি। মরম অদুনা, মসিগী মেত্রো অসি ভারত-জপান মরুপ-মপাং ওইবা মরীগী খুদম অমশু ওইরে।
মরুপশিং,
বালা সাহেব থাক্করেনা থানে য়াম্না নুংশিজখি। মসি লৈখিদ্রবা অনন্দ দিঘে জিগী সহর অমশু ওইরি। সহর অসিনা লৈবাক অসিগী অহানবা নুপী এক্তর অনন্দিবাই জোসি পুথোকখি। ঙসিদি, চাউখৎ-থৌরাংগী থবকশিং অসিগী খুৎথাংদা, শক্নাইরবা মীওইশিং অসিগী মঙালানশিং ঐখোয়না মঙফাউনহল্লে। হায়রিবা চাউখৎ-থৌরাংগী থবকশিং অসিগীদমক ঐনা থানে-মুম্বাই অমসুং মহারাস্ত্রাগী হরাওবা ফোঙদোকচরি।
মরুপশিং,
ঙসি, লৈবাক অসিগী মীওই খুদিংমক্কী পান্দম অমা লৈরি-বিকসিত ভারত! মরম অদুনা ৱারেপ খুদিংমক, ৱাশক খুদিংমক, ঐখোয়গী সরকারগী মঙলান খুদিংমক বিকসিত ভারতকীদমক কৎথোক্লে। পান্দম অসি ফংনবা, মুম্বাই-থানেগুম্বা সহরশিং ঐখোয়না তুংগীদমক থৌরাং তৌগদবনি। মদুগীদমক ঐখোয়না থবক শরুক অনিদা হেনগৎহল্লে। ঐখোয়না চাউখৎ-থৌরাংগী থবকশিং পায়খৎলে অমসুং ঐখোয়না কংগ্রেস সরকারগী পোতহোলশিংশু মেনলে। কংগ্রেস অমসুং মসিগা চৎমিন্নবা দলশিংগী সরকার লৈবা মতমদা মুম্বাই-থানেগুম্বা সহরশিংগী ফিবম অদোম নিংশিংলমগনি। সহর অসিগী মীশিং অমসুং ত্রাফিক হেনগৎলক্লি। অদুবু মসি কোকহন্নবা পাম্বৈ অমতা লৈরমদে। লৈবাক অসিগী শেন-থুমগী কোনুং ওইরিবা মুম্বাই চপ লেপখিবা য়াবগী অকিবা অমা লৈখি। ফিবম অসিদগী অহোংবা পুরক্নবা ঐখোয়গী সরকারনা হোৎনখি। ঙসিদা মুম্বাইদা কিমি ৩০০ রোমগী মেত্রো নেতৱার্ক অমা লৈরে। ঙসিদি, কোস্তেল রোদ ফাওরগা মেরিন দ্রাইভতগী বন্দ্রা ফাওবা চৎপা অসি মিনিত ১২ খক চঙলে। অতল সেতুনা সাউথ মুম্বাই অমসুং নবি মুম্বাইগী মরক্তা অথাপ্পা হন্থহল্লে। ওরেঞ্জ গেত্তগী মেরিন দ্রাইভ অন্দরগ্রাউন্দ তন্নেল প্রোজেক য়াংনা শেমগৎলি। অসিগুম্বা অচৌবা প্রোজেকশিং করিগুম্বা ঐনা মশিং থিরবদি, মতম য়াম্না চঙলগনি। বরসোভা-বন্দ্রা সি ব্রিজ প্রোজেক, ইস্তর্ন ফ্রি-ৱে, থানে-বোরিবালি তন্নেল, থানে সর্কুলার মেত্রো রেল প্রোজেক অসিনা সহরশিং অসিগী ফিবমশিং হোংহল্লে। মসিদগী মুম্বাইগী মীয়াম্না কান্নবা য়াম্না ফংলগনি। প্রোজেকশিং অসিনা মুম্বাই অমসুং মসিগী অকোয়বগী সহরশিংদা খুদোংচাদবশিং হন্থহল্লগনি। মফম অসিদা অনৌবা থবক ফংনবা খুদোংচাবশিং পীরগনি অমসুং লমদম অসিদা উদ্যোগ চাউখৎহল্লগনি।
মরুপশিং,
ঙসিদি, মহায়ুতি সরকারনা মহারাস্ত্রাগী চাউখৎ-থৌরাং অসি মখোয়গী পান্দম অমা ওইরে। অমরোমদা, কংগ্রেস অমসুং মহা অঘাদি মীয়াম লৈরি। মখোয়না খুদোংচাবা অমা ফংবগা, মখোয়না চাউখৎ-থৌরাংগী থবক লেপহল্লি। কমদৌনা চাউখৎ-থৌরাংগী থবক থেংথহনগনি অমসুং লান্না লমজিংগনি হায়বা মহা অঘাদি মীয়াম্না খঙই। মুম্বাই মেত্রো অসিমক মসিগী অচৌবা খুদম অমনি। দেবেন্দ্র ফদনাবিসনা চীফ মিনিস্তর ওইরকপা মতমদা মুম্বাইদা মেত্রো লাইন ৩ থবক হৌখিবনি। মসিগী থবক চাদা ৬০ মহাক্কী মতমদা লোইশিনখি। অদুবু, মহা অঘাদি সরকার লাকখি। মহা অঘাদি সরকারনা মেত্রোগী থবক তপথহনখি। চহি ২.৫ থবক লেপ্পদগী প্রোজেক অসিগী অচঙবা শেনফম লুপা করোর লিশিং ১৪ দা হেনগৎলকখি। লুপা করোর লিশিং ১৪ অসি কনাগী শেন্নো? মসি মহারাস্ত্রাগী শেন নত্তবরা? মসি মহারাস্ত্রাগী মীয়ামগী শেন নত্তবরা? মসি মহারাস্ত্রাগী তেক্স থিরিবা মীওইশিংনা ৱানা তাঞ্জবা শেন নত্তবরা?
মরুপশিং,
নাকল অমদা মহা য়ুতি সরকারনা থবক লোইশিল্লে, অদুগা নাকল অমদা মহা অঘাদি মীয়াম্না থবক লেপহল্লে। মহা অঘাদিগী থবকশিং অসিনা মখোয়গী এন্তি-মহা বিকাসনি হায়বগী খুদম ওইরে। মখোয়না অতল সেতু অপনবা পীখি। মখোয়না মুম্বাই-অহমেদবাদ বুল্লেত ত্রেন পায়খৎতনবা লৌতুনখি। মখোয়না সরকার পায়রিবমখৈ, মখোয়না বুল্লেত ত্রেনগী থবক য়াংশিনহল্লোই। ইকং মায়োক্নরিবা মহারাস্ত্রাগী মফমশিংদা পায়খৎপা ঈশিংগা মরী লৈনবা প্রোজেকশিং ফাওবা মখোয়না লেম্না থাখিদে। মহারাস্ত্রাগী মীয়ামগী খৌরাংবা কোক্নবা থবকশিং পায়খৎপা হৌরকপদা মহা অঘাদি সরকারনা লেপহনখি। অদোমগী থবক খুদিংমক মখোয়না লেপহনখি। হৌজিক অদোম্না মখোয় লেপহনবা মতম অদু লাক্লে। মহারাস্ত্রাগী চাউখৎ-থৌরাংগী য়েক্নবশিং অসি শক্তি পায়হল্লোইদবনি, মাইল চা কয়া লাপ্না তানথোকখিগদবনি।
মরুপশিং,
ভারত্তা কংগ্রেস খ্বাইদগী পুকচেল শেংদবা অমসুং শেঞ্জা-থুমজা তৌবা দলনি। মতম অমদা, রাজ্য অমদা কংগ্রেসকী লমচৎ অসি অহোংবা লৈতে। হৌখিবা চয়োলদা ওইখিবা ফিবম অদোম উরে। লমগী স্কাম অমদা কংগ্রেস চীফ মিনিস্তর অমা চেন্নরে। মখোয়গী মিনিস্তর অমনা নুপীশিং তাথি-তাওইনা তৌরে। হরিয়ানাদা কংগ্রেসকী লুচিংবা দ্রগকা কোন্না ফারে। মীখল মনুংদা কংগ্রেসনা ৱাশক কয়া শকখি। অদুবু, সরকার পায়রবা মতুংদা, মীয়াম ওৎনবা মখোয়না অনৌবা লম্বীশিং থিখি। মখোয়গী পান্দমদি নুমিৎ খুদিংগী অনৌবা তেক্সশিং লৌদুনা মখোয়গী স্কামশিংগী শেন খোমগৎপনি। কংগ্রেস সরকারনা হিমাচলদা পনখৈশিং লান্থোকখি। কংগ্রেস সরকারনা হিমাচলদা অনৌবা তেক্স লৌখি। মসি অদোমগী ৱাখলদা লাম্বা ফংলোই। নৌবা তেক্স অসি করিনো? মখোয়না তোইলেত তেক্স অমা লৌখি। অমরোমদা মোদীনা হায়রি, তোইলেতশিং শাসি অমসুং অতোপ্পা অমদা মখোয়না হায়রি ঐখোয়না তোইলেতশিং তেক্স লৌগনি। অতোপ্পা ৱাহৈশিংদা, কংগ্রেস অসি নমথাক তৌবা অমসুং হুরানবগী খুৎপু অমনি। মখোয়না অদোমগী লম হুরানগনি, নহারোলশিং দ্রগ পীজগনি, অদোমদগী তেক্সশিং লৌগনি অমসুং নুপীশিং ওৎকনি। ওইদবা, শেঞ্জা-থুমজা অমসুং অরানবা লৈঙাক্কী পেকেজ অসি কংগ্রেসকী মশক্নি। হন্দক্কী নুমিৎ খরনি অসিগী শক্তমশিং ঐনা অদোমগী মফমদা হায়বনি অমসুং মতম ফংদবদগী লোইনা হায়বা ঙমদ্রে। কংগ্রেসনা চহি কয়া মসি পাংথোক্তুনা লাক্লি।
মরুপশিং,
মখোয়না মহারাস্ত্রাদা মখোয়গী অশেংবা মচুশিং উৎপা হৌখ্রে। য়েংউ, মহায়ুতি সরকারনা মহারাস্ত্রাগী নুপীশিংগী লরকি বহিন য়োজনা হৌদোক্লে। স্কিম অসিগী মখাদা, নুপীশিংনা থা অমদা লুপা ১৫০০ অমসুং চহি অমদা এল.পি.জি সিলিন্দর অহুম লেম্না ফংগনি। মহা অঘাদি মীয়াম্না মসি খঙবা ঙমদে। মখোয়না খুদোংচাবা অমা ঙাইরি অমসুং করিগুম্বা মহা অঘাদি সরকারনা খুদোংচাবা অমা ফংলবদি, মখোয়না অহানবা তৌগদবা থবক অসি সিন্দেজিগী মথক্তা মখোয়গী অশাওবা ফোঙদোকপা অসিনি অমসুং সিন্দেজিনা হৌদোক্লম্বা স্কিমশিং মখোয়না থিংজিনগনি। মহা অঘাদি সরকারনা ইচলশিংগী মখুত্তা শেন য়ৌহনবা পামদে অদুবু মখোয়গী মিদলমেনগী মখুত্তা য়ৌহনবা পাম্মী। মরম অদুনা ঐখোয়গী ইমাশিং অমসুং ইচলশিংনা কংগ্রেস অমসুং মহা অঘাদি মীয়ামদগী খর হেন্না চেকশিনগদবনি।
মরুপশিং,
কংগ্রেসনা সরকার পায়রকপদা, ৱাহং অমা য়াম্না তোইনা হংলি: করিগীদমক কংগ্রেসনা লৈবাক অসিগী চাউখৎ-থৌরাংদা অপনবা পীরিবনো? অদুবু মখোয়না শক্তি পায়দ্রবা মতমদা, মখোয় মশামক্না পাউখুম পীজরে। ঙসিদি কংগ্রেসকী অশেংবা মচু উবা ফংলে। ঙসি কংগ্রেসনা অর্বান নেক্সাল গেং অমা থবক তৌরে। মালেম শীনবা থুংনা, ভারতকী চাউখৎপা লেপহনবা পাম্বা মীওইশিংগা হৌজিক কংগ্রেসকা চৎমিন্নরে। মরম অদুনা, মখোয়না চাউনা মাইথিরবশু, সরকার শেম্নবা কংগ্রেসনা হৌজিক ফাওবা মঙ মঙলি। মখোয়গী ভোৎ ফংফম লেংদনা লৈগনি হায়না কংগ্রেসনা খল্লি, অদুবু অতোপ্পা মীওইশিং লাইনা তোখাই তাগনি। মরম অদুনা কংগ্রেস অমসুং মসিগা চৎমিন্নরিবশিংগী পান্দম অমা লৈরি: খুন্নাই তোখাই তাহনবা, মীয়াম তোখাই তাহনবা অমসুং শক্তি পায়বা অসিনি। মরম অদুনা, অদোম্না হৌখিবা থৌদোকশিংদগী তমগদবনি। লৈবাক অসিগী ঙাকথোক্নবা ঐখোয়গী অপুনবা শেমগৎকদবনি। ঐখোয়না নিংশিংগদবনি, করিগুম্বা ঐখোয় মচোই মচোই তারবদি, থুগাইবা পাম্বশিং হরাওগনি। ঐখোয়না কংগ্রেস অমসুং মহা অঘাদি মীয়ামগী থৌরাং মাইপাকহল্লোইদবনি।
মরুপশিং,
কংগ্রেস লাকপদা মতম খুদিংমক্তা, মসিনা মাংহন-তাকহনগনি। মখোয়না লৈবাক অসি লায়রহনখি। মখোয়না মহারাস্ত্রা মাংহনখি, মখোয়না মহারাস্ত্রাগী লৌমীশিং মাংহনখি। মখোয়না সরকার পায়বা খুদিংগী, মখোয়না রাজ্য অদুসু মাংহল্লি। মসি খক নত্তনা, মখোয়গা চৎমিন্নরিবা দল ফাওবা মাংহল্লি। মতম অমদা লৈবাক্কী ৱা ঙাংলম্বা মীওইশিং হৌজিক পেনহলবগী রাজনিতি তৌদুনা লৈরে। আইন্না য়াদবা ৱাক বোর্দনা লম লৌশিনবা থিংনবা বিল অমা ঐখোয়গী সরকারনা পুথোকখিবা অদু অদোম খঙলমগনি। কংগ্রেসনা মখোয়গী পেনহলবগী রাজনিতি তৌদুনা, ঐখোয়গী ৱাক বিল অসি অপনবা পীরি। মখোয়না হায়খি মদুদি আইন্না য়াদবা ৱাক লম লৌশিনবশিং লৌথোকপা য়ারোই। কংগ্রেসকী মীওইশিংনা বীর সাভরকারগী মথক্তা অরানবা কয়া ঙাংখি, অদুবু কংগ্রেসকী তুংইন্নবশিংনা মখা তানা মখোয়গী তুংদা লৈরি। হৌজিক, মখোয়না জম্মু অমসুং কাস্মিরদা অমুক হন্না আর্তিকেল ৩৭০ চৎনহনগনি হায়না কংগ্রেসনা ফোঙনা লাউরি অমসুং মখোয়গী সেবকশিংনা তুমিন্না লৈরি। অসিগুম্বা থবক অসিনা অনৌবা ভোৎ বেঙ্ক অমা শেমগৎলে অমসুং কংগ্রেসকী পেনহনবগী থবক অসিনা কংগ্রেসকী ইথিল মখাদা লৈবা কনাগুম্বা অমগী থাক হন্থহল্লে হায়বসি খুদম অমনি।
মরুপশিং,
ঙসিদি, লৈবাক অসিনা অমসুং মহারাস্ত্রানা পুকচেল শেংবা অমসুং তুংদু-লৈতাবা সরকারন অমা অশেংবা থৌশিলশিংগা লোয়ননা দরকার ওইরে। বি.জে.পি অমসুং মহায়ুতি সরকার খক্তনা মসি ফংহনবা ঙমগনি। সোসিএল ইনফ্রাস্ত্রকচর শেমগৎপগা লোয়ননা বি.জে.পি খক্তনা লৈবাক অসিদা অনৌবা ইনফ্রাস্ত্রকচরশিং শেমগৎলি। হায়ৱেশিং, এক্সপ্রেসৱেশিং, লম্বীশিং অমসুং এয়রপোর্তশিং শেমগৎপদা ঐখোয়না রেকোর্দশিং থম্লে অমসুং ঐখোয়না মীওই করোর ২৫ লায়রবা কোকহল্লে। লৈবাক অসি চাউখৎনবা পাংথোক্কদবা থবক কয়া লৈরি। এন.দি.এগা চৎমিন্ননবা, মহারাস্ত্রাগী মীয়াম্না ৱাশক অসিগা লোয়ননা চৎমিন্নগনি হায়না ঐনা থাজবা থম্লি। ঐখোয় অপুনবা ওইনা মহারাস্ত্রাগী অনিংবশিং থুংহনগনি। মসিগী থাজবা অসিগা লোয়ননা, চাউখৎ-থৌরাংগী থবকশিং অসিগীদমক ঐনা অদোমগী মফমদা অমুক হন্না হরাওবা ফোঙদোকচরি। ঐগা লোয়ননা পুন্না হায়মিন্নসি:
ভারত মাতা কি-জয়!
ভারত মাতা কি-জয়!
ভারত মাতা কি-জয়!
অদোম থাগৎচরি।
