বিনা রিফাইনরিদা পেত্রোকেমিকেল কমপ্লেক্সকী উরেপ-উয়ুং তমখ্রে
নরমাদাপুরমদা ‘পৱার অমসুং রিনিউএবল ইনর্জি মেনুফেকচরিং জোন অমসুং রাতলমদা মেগা ইন্দস্ত্রিএল পার্ক শানবা উরেপ-উয়ুং তমখ্রে
ইন্দোরদা আই.তি পার্ক অনি শানবা অমসুং রাজ্য শীনবা থুংনা অনৌবা ইন্দস্ত্রিএল পার্কশিং শানবা উরেপ-উয়ুং তমখ্রে
“ঙসিগী প্রোজেকশিং অসিনা মধ্য প্রদেসকীদমক ঐখোয়না লৌরিবা ৱারেপশিং মশক তাক্লে”
“লৈবাক অমা নত্ত্রগা রাজ্য অমা চাউখৎনবা, লৈঙাক অদু অরোন-অথুপ লৈরোইদবনি অমসুং শেঞ্জা-থুমজা মুৎথৎকদবনি”
“মীনাই ওইবগী ৱাখল্লোল অমা ভারত্তা লৈহৌখি অমসুং নিংতম্বগী থাজবগা লোয়ননা হৌজিক মাঙলোমদা চঙশিনবা হৌরক্লে”
“জি-২০ মাইপাকপা অসি ভারতমচা করোর ১৪০গী মাইপাকপনি”
“মালেম অসি পুনশিন্দুনা অমসুং বিশ্বামিত্রা অমগী শক্তম লৌদুনা ভারতনা মসিগী তৌবা ঙম্বা উৎথোক্লে”
“লায়রবশিংগী থবক পায়খৎপা হায়বসি সরকারগী মরুওইবা লাইৱানি”
“মোদীনা পীখিবা থাজবশিংগী ত্রেক রেকোর্দ অদোমগী মাঙদা লৈরে”
“রানি দুর্গাবতিগী চহি ৫০০শুবা মপোক কুমওন পাংথোক্লগনি”
সান্ত রবিদাসজিগী মেমোরিএল শানবা উরেপ-উয়ুং তমখিবা অদু মহাক্না নিংশিংখি।
নরমাদাপুর, ইন্দোর অমসুং রাতলমগী প্রোজেকশিংনা মধ্য প্রদেসকী ইন্দস্ত্রিগী শক্তি হেনগৎহন্দুনা মীওই খুদিংমক কান্নবা পীগনি।

ভারত মাতা কী - জয়!

ভারত মাতা কী - জয়!

মধ্য প্রদেশকী মুখ্য মন্ত্রী ভাই শিবরাজজী, ঐগী কেন্দ্রগী মন্ত্রী-মন্দলগী মরুপ, হরদীপ সিংহ পুরি, অতোপ্পা MPশিং, MLAশিং অমসুং ঐগী নুংশিরবা ইমুং মনুংগী মীওইশিং!

বুন্দেলখান্দগী লমদম অসি অথৌবশিংগী লমদমনি। লমদম অসি বীনা অমসুং বেৎৱা অনিমক্কী থৌজাল ফংলি। অমসুং থা অসিদা অনিরকশুবা ওইনা ঐহাক্না সাগরদা লাকপা অমসুং নখোয়গা উনবা ফংজরি। অমসুং ঐহাক্না শিবরাজজীগী সরকারবু ঐহাক্না মফম অসিদা লাক্নবা খুদোংচাবা পীবিবা অমসুং ময়ামগী দর্শন ফংহনবগীদমক নুংঙাইবা অমসুং থাগৎপা ফোঙদোকচরি। মমাংদা ঐহাক্না সন্ত রবিদাসকী অচৌবা মেমোরিএল শাবগী উরেপ-উয়ুং তম্বগী থৌরমদা লাকপা ফংজখি। ঙসি ঐহাক্না মধ্য প্রদেশকী চাউখৎ খোঙচৎতা অনৌবা ইনোৎ হাপকদবা প্রোজেক্ত কয়াগী উরেপ-উয়ুং তম্নবা খুদোংচাবা ফংজখি। প্রোজেক্তশিং অসিনা লমদম অসিগী ইন্দস্ত্রিএল দিবেলপমেন্তদা অনৌবা শক্তি পীরগনি। কেন্দ্র সরকারনা প্রোজেক্তশিং অসিদা লুপা লিশিং 50 হেন্না চাদিং তৌগনি। নখোয় ৱাখলনা শাগৎপা ঙমব্রা করোর লিশিং য়াংখৈ অসি কয়ানো? চহি অমদা ঐখোয়গী লৈবাক্কী রাজ্য কয়াগী বজেৎ ভারত সরকারনা কাইথরিবা অসিদগী ঙসিগী প্রোগ্রাম অমা খক্তদা চাদিং তৌরিবা অসিনা হেন্না য়াম্লি। মসিনা ঐখোয়না মধ্য প্রদেশকীদমক অচৌবা ফিরেপশিং লৌই তাক্লি। প্রোজেক্ত পুম্নমক অসিনা তুংদা লাক্কদবা মতমশিংদা মধ্য প্রদেশকী নহা লিশিং কয়াদা থবক পীরগনি। প্রোজেক্তশিং অসিনা লায়রবা অমসুং মিদ্দল ক্লাসকী ইমুং মনুংশিংগী মঙলানশিং থুংহল্লগনি। বীনা রিফাইনরী পাকথোক-চাউথোকপা অমসুং অনৌবা ফেসিলিতী কয়াগী উরেপ-উয়ুং তমখিবদা ঐহাক্না মধ্য প্রদেশকী মীয়ামদা নুংঙাইবা ফোঙদোকচরি।

 

মরুপশিং,

অমৃত কালগী মতম অসিদা ইরৈবাকচা খুদিংমক্না চাউখৎপা ভারত ওইহন্নবা ৱাশক অমা লৌখি। ফিরেপ অসি ফংবা ঙমনবা ভারতনা মরোদোম লেপচবা ঙমগদবনি অমসুং ঐখোয়না মীরৈবাক্তগী পোৎশিং মশিং য়ামদনা ইম্পোর্ত তৌগদবনি। ঙসি ভারতনা মপালদগী পেত্রোল অমসুং দিজল ইম্পোর্ত তৌবা খক্তা নত্তনা ঐখোয়না পেত্রোকেমিকেল প্রদক্তশিংগীদমক অতোপ্পা লৈবাকশিংগী মীপাল তাংলি। ঙসি বীনা রিফাইনরীদা উরেপ-উয়ুং তমখিবা পেত্রো-কেমিকেল কমপ্লেক্সনা ভারতপু পোৎলম খরা পুথোকপদা মরোমদোম লেপ্পা ঙমহনবদা মতেং পাংলগনি। প্লাস্তিক পাইপ শাবদা, বাথরুমদা শীজিন্নরিবা প্লাস্তিক বাল্তী অমসুং মগশিং, প্লাস্তিক চৌক্রি অমসুং তেবলশিং অমসুং য়ুমদা শংলিবা রং শারিবা। কারশিংগী বম্পর, কারগী দেশবোর্দ, পেকিং মেতরিএল, মেদিকেল ইক্বিপমেন্ত, গ্লুকোস বোত্তলশিং, মেদিকেল সিরিঞ্জ, তোঙান-তোঙানবা মখলগী লৌউ-শিংউগী পোৎলম পুম্নমক অসিদা পেত্রোকেমিকেলশিং য়াওই হায়বা মীওই কয়ানা খঙনদে। মসি শাবদা পেত্রোকেমিকেলশিংনা মরু ওইবা থৌদাং লৌরি। বীনাদা হৌজিক অনৌবা পেত্রোকেমিকেল কমপ্লেক্স অসি শাবগা লোয়ননা লমদম পুম্বদা চাউখৎপগী অনৌবা পনখৈ তম্না পুরগনি, ঐহাক্না মসি ঙমগনি হায়না গরেন্তী পীবা লাকচবনি। মফম অসিদা মসিনা অনৌবা ইন্দস্ত্রীশিং পুরক্তুনা লৌমীশিং অমদি অপীকপা ওন্তপ্রিনোরশিংদা মতেং পাংবতা নত্তনা ঐগী নহাশিংনা থবক লিশিং কয়াগী খুদোংচাবশিং ফংলগনি।

ঙসিগী অনৌবা ভারত অসিদা মেন্যুফেকচরিং সেক্তরদসু অওনবা লাক্লি। লৈবাক্কী মথৌ তাবশিং হেনগৎলকপা অমসুং লৈবাক্কী মথৌ তাবশিং হোংলকপনা মেন্যুফেকচরিং সেক্তর মতমগা চুনবা ওইহনবসু চপ মান্ননা মরু ওই। ৱাখল্লোন অসিগা লোয়ননা ঙসিগী প্রোগ্রাম অসিদা MPগী অনৌবা ইন্দস্ত্রিএল প্রোজেক্ত তরাগী থবক পাইখৎলে। নর্মদাপুরমদা রিন্যুএবল ইনর্জীগা মরী লৈনবা মেন্যুফেকচরিং জোন অমা, ইন্দোরদা I-T পার্ক অনি, রতলামদা মেগা ইন্দস্ত্রিএল পার্ক অমা, পুম্নমক অসিনা মধ্য প্রদেশকী ইন্দস্ত্রিএলগী শক্তি হেন্না হেনগৎহল্লগনি। অমসুং মধ্য প্রদেশকী ইন্দস্ত্রিএলগী শক্তি হেনগৎলক্লবা মতমদা মসিদগী মীপুম খুদিংমক্না কান্নবা ফংগনি। মফম অসিগী নহা, মফম অসিগী লৌমী, মফম অসিগী অপীকপা ওন্তপ্রিনোর, মীপুম খুদিংমক্কী শেন্থোক হেনগৎলক্কনি, মীপুম খুদিংমক্না অনৌবা খুদোংচাবশিং হেন্না হেন্না ফংলগনি।

 

ঐগী নুংশিরবা ইমুং-মনুংগী মীওইশিং,

লৈবাক নত্ত্রগা রাজ্য অমা হেক্তগী চাউখৎনবগীদমক গভর্নান্স অদি মপুং ফানা মনুং মপান ফাওনা উবা ঙম্বা অমসুং শেঞ্জা থুমজা লাকশিন্দুনা চল্লাইবা মথৌ তাই। মফম অসিদা মধ্য প্রদেশতা ঙসিগী মীরোলনদি নীংথিনা নীংশিল্লরোই অদুবু মধ্য প্রদেশস অসি মতম অমদা লৈবাক অসিগী খ্বাইদগী ফত্তবা রাজ্যশিংগী মনুং চল্লমখি। নীংতম্বা ফংলবা মতুংদা মতম শাংনা MP ওইরমখিবশিংনা শেঞ্জা থুমজা অমসুং ক্রাইম নত্তনা করি অমত্তা তৌরমখিদে, করিগুম্বা অমত্তা পীরমখিদে। মতম অদুদা MP অসি ক্রিমিনেলশিংনা থল্লমখি। মীয়াম্না লো অমসুং ওর্দরগী সিস্তেমদা থাজবা মাংখি। অসিগুম্বা ফীভম অসিদা করম্না মধ্য প্রদেশতা ইন্দস্ত্রীশিং লিংখৎকনি? মফম অসিদা বিজিনেসমেন অমনা করম্না লাকপা ঙমগনি? ঐখোয়দা নখোয়গী শেবা তৌনবা খুদোংচাবা পীবদা অমসুং ঐখোয়গী মরুপশিংদা শেবা তৌনবা খুদোংচাবা পীবা মতমদা ঐখোয়না মধ্য প্রদেশকী লাইবকপু মপুং ফানা অওনবা পুরক্নবা থমোয় শেংনা হোৎনখি। ঐখোয়না মধ্য প্রদেশপু অকিবা কোকহনখি অমসুং লো অমসুং ওর্দর মফম অসিদা লৈহনখি। অরিবা মীরোলশিংনা নীংশিংলমগনি বুন্দেলখান্দবু কংগ্রেসনা লম্বী শেমবীদনা, মৈ-ঈশিং ফংহনদনা থমলমখিবা অদু। ঙসি BJP সরকারগী মখাদা খুঙ্গং খুদিং য়ৌনবা লম্বী শেম্লে অমসুং য়ুমথোং খুদিংদা মৈ ফংহল্লি। মফম অসিদা কন্নেক্তিবিতী ফগৎলবা মতমদা অফবা অমসুং পোজিতিব ওইবা এনভাইর্নমেন্ত অমা ইন্দস্ত্রীশিংগীদমক শেম্বা ঙমগনি। ঙসি মধ্য প্রদেশতা অচৌবা ইনভেস্তরশিং লাকপা পাম্মি অমসুং মফম অসিদা অনৌবা ফেক্তরীশিং লিংখৎপা পাম্মি। ঐহাক্না থাজৈ মদুদি মধ্য প্রদেশনা লাক্কদৌরিবা চহি খরা অসিদা ইন্দস্ত্রিএল দিবেলপমেন্তদা অনৌবা পনখৈশিং য়ৌবা শোইদনা ঙম্লগনি।

ঐগী নুংশিরবা ইমুং-মনুংগী মীওইশিং,

ঙসিগী অনৌবা ভারত অসি য়াম্না খোঙজেল য়াংনা অহোংবা লাক্লি। নখোয়না নীংশিংলমগনি, লাল কিলাদগী ঐহাক্না মীনাই নাইথং ওইরম্বগী ৱাখল্লোনদগী নীংখা তম্নবা অমসুং সবকা প্রয়াসকী মতাংদা ফোঙদোকখি। ঙসি ভারতনা মীনাই নাইথং ওইরম্বগী ৱাখল্লোন তুংওইনদুনা থনমদুনা নীংখা তম্বগী ইকাই খুম্নবগা লোয়ননা মাংদা চংশিনবা হৌখিবা অসি উবদা য়াম্না চাউথোকচবা পোকই। অমসুং লৈবাক অমা হেক্তনা অসিগুম্বা ৱারেপ অমা লৌবা মতমদা মাগী অওনবা পুরকপা হৌই। হৌজিক অদোমনা মসিগী মমি G-20 সম্মিৎতা উবা ফংখি। মরুপশিং, G-20 হায়বা ৱাহৈ অসিনা খুঙ্গং খুদিংমক্তা লৈরিবা অঙাংশিংদা থাজবা পোকপগী খোন্থাংনা নীলহল্লি। ময়াম উবীখ্রে ভারতনা করম্না G20 মাইপাক্না শীনখিবগে হায়বা অদু। মরুপশিং অদোম্না হায়বীয়ু, নখোয়না হায়বীয়ু, নখোয়না পাউখুম পীবীয়ু, নখুৎ থাংগৎতুনা পাউখুম পীবীয়ু, তুংদা লেপ্পীশিংনসু পাউখুম পীবীয়ু, মীপুম খুদিংমক্না হায়বীয়ু, G-20 মাইপাকখিবা অসিদা চাউথোকচবা পোকপরা নত্ত্রগা পোক্তব্রা? নখোয় চাউথোকচদব্রা? লৈবাক অসিনা চাউথোকচদব্রা? নখোয়না ঙক ৱাংনা হাইগৎতব্রা? নখোয়না থবাক ফন্না লৈতব্রা?

 

ঐগী নুংশিরবা ইমুং-মনুংগী মীওইশিং,

নখোয়না ঙসি ফাওরিবা ইহুল অসি লৈবাক পুম্বনা ঙসি ফাওরিবা ইহুল অদুনি। মাইপাক্লবা G20দগী ফংখিবা অচৌবা মাইপাকপা অসি কনাদা মনা পীফম থোকই? মসিগী মনা কনাদা পীগনি? মসিগী মনা কনাদা পীগনি? কনানা মসি তৌখি? কনানা মসি তৌখি? নত্তে মসি মোদীনা তৌহনবা নত্তে, নখোয় ময়াম্না ঙমহনখিবনি। মসি নখোয়গী শক্তিনি। মরুপশিং, মসি ভারত মচা করোর 140গী মাইপাকপনি। মসি ভারতকী অপুনবগী শক্তিনি। অমসিং মালেম পুম্বদগী ফোরেন গেস্তশিংনা ভারত্তা কনফরেন্স অসি য়াওবা লাখখি মখোয়না মমাংদা অসিগুম্বা থৌরম অমুক্তা উখিদ্রি হায়নসু ফোঙদোক্লমখি। ভারতনা লৈবাক অসিগী তোঙান-তোঙানবা সহরশিংদা ফোরেন গেস্তশিংবু তরাম্না ওকখি, মখোয়দা ভারতপু উহনখি, মখল-মচুনা থল্লবা ভারতনা  মখোয়বু শুমহৎখি, ভারতকী হেরিতেজ, ভারতকী চাউখৎপা অসি উবদা মখোয়না অঙকপা পোকখি। মফম অসিদা মধ্য প্রদেশতা G-20গী মীফমশিং ভোপাল, ইন্দোর, খাজুরাহোদা পাঙথোকখি, মসিদা শরুক য়াখিবা মীওইশিংনা নখোয়বু থাগৎখি। ঐহাক্না G20 মাইপাক্না পাঙথোকখিবগীদমক অমসুং মফম অসিদা থবক তৌনবা খুদোংচাবা পীবীখিবগীদমক থমোয় শেংনা তৌবীমল খঙবা উৎচরি। নখোয়না মালেমগী মাংদা মধ্য প্রদেশকী নাৎ, তুরিজম, এগ্রিকলচর, অমসুং ইন্দস্ত্রীগী মতিক ময়াই অদু উহনখি। মসিনা মরম ওইরগা মধ্য প্রদেশকী অনৌবা মীংচৎ অমা মালেম পুম্বদা হেনগৎখি। ঐহাক্না G20 মাইপাক্না পাঙথোকখিবগীদমক শিবরাজজী অমসুং মহাক্কী তীমবু থাগৎপা ফোঙদোকচরি।

ঐগী নুংশিরবা ইমুং-মনুংগী মীওইশিং,

নাকল অমরোমদা ঙসিগী ভারতনা মালেমবু শম্নহন্নবা মাগী মতিক-ময়াই উৎখি। ঐখোয়গী ভারত অসি মালেমগী ফোরমশিংদা মালেমগী মরুপ অমা ওইরক্লি। নাকল অমরোমদা লৈবাকশিং অমসুং খুন্নাইবু তোখাই তোখাই তাহন্নবা থব তৌবা দল খরসু লৈ। মখোয়না পুনশিন্দুনা ইন্দী-এলাইন্স শেমখি। মীওই খরনা ইন্দী-এলাইন্স অসি ঘমন্দিয়া গথবন্ধন হায়নসু কৌরি। মখোয়গী লুচিংবা লৈতে, লুচিংবা খনবদা চমম্নবা পোক্নরি। হন্দক্তা মুম্বাইদা মখোয়গী মীফম অমা পাঙথোকখি। ঐনা খনবদা মীফম অদুদা মখোয়না ঘমন্দিয়া গথবন্ধন অসিনা তুংদা করম্না থবক তৌগদগে হায়বগী পোলিসী অমসুং লালোং য়াৎপা মাল্লি। মখোয়না মখোয়গী অরোনবা এজেন্দা অমসু শেমখি, অমসুং পোলিসী স্ত্রেতেজী অদু করিনো? ইন্দী এলাইন্সকী পোলিসী অদু করিনো হায়রবদি ভারতকী কলচরদা এতেক্ত চত্থবনি। ইন্দী এলাইন্সকী ৱারেপ অসি ভারত মচাগী থাজবা অসি মাংহনবনি। ইন্দী এলাইন্সকী অপাম্বা অসি চহি লিশিং কয়াদগী অমত্তা ওইনা লৈহনখিবা ৱাখল্লোন, ভেল্যুশিং অমসুং চৎনবী অসি মাংহনবনি। সনাতন, দেবী অহিল্যাবাই হোল্করনা ইথিল পীদুনা লৈবাক্কী কাচিন কোয়া খুদিংদা সোসিএল ৱার্ক তৌখি, নুপীশিং চাউখৎহন্নবা, লৈবাক্কী থাজবা ঙাকশেন্নবা কেম্পেন অমা হৌদোকখি, ইন্দী এলাইন্স, ঘমন্দিয়া গথবন্ধন্না সনাতনগী ৱাখল্লোন অমসুং চৎনবী অসি মাংহন্নবা হোৎনরি।

 

ঝান্সিগী রানি লক্ষ্মিবাইনা ব্রিতিশপু শীংনবা ঙমহনখিবা অসি সনাতনগী শক্তিননি, মহাক্না ঝান্সীগীদমক কৈদৌনুংদং তুং হল্লোই হায়রমখি। গান্ধীজীনা মহাক্কী পুন্সি চুপ্পা থাজবা থমজখিবা সনাতান, মহাক্কী পুন্সি চুপ্পা ভগবান শ্রী রামনা ইথিল পীখিবা অসিগী অরোইবা ৱাহৈ – হে রাম! হায়বা অসিনা লোইশিনখি। সনাতনগী চৎনবীনা মখোয়বু শোক্না শম্নবা য়াদবগী মায়োক্তা ইহৌ হৌনবা ইথিল পীখি, ইন্দী এলাইন্স, ঘমন্দিয়া গথবন্ধন অসিনা সনাতনগী চৎনবী অসি লোইশিনবা পাম্মি। সনাতন্না ইথিল পীদুনা স্বামী বিবেকানন্দনা মীয়ামদা খুন্নাইগী ফত্তবশিংগী মরমদা খঙহনখি, ইন্দী এলাইন্সকী মীওইশিংনা সনাতন অসিবু মাংহনবা পাম্মি। সনাতনদগী লোকমান্য তিলক্না ইমা ভারতকী নীংতম্বা ফংনবা থবক পাইখৎনবা ইথিল পীখি, গনেশ পুজা অসি নীংতম ইহৌগা মরী লৈনহনখি, মীয়ামগী গনেশ উৎসবকী চৎনবী হৌদোক্লমখি ঙসি ইন্দী এলাইন্সনা হায়রিবা সনাতন অসিবু মাংহনবা পাম্মি।

মরুপশিং,

সনাতনগী শক্তি অসিনা নীংতম ইহৌ হৌখিবা থৌরি য়ান্দুনা থৱায় থাখ্রবা অথৌবশিংনা মথংগী মপোক্তা ইমা ভারত্তা অমুক হন্না পোকচগে হায়হনখি। সনাতন কলচর অসি সন্ত রবিদাসতা মমি তাখি, সনাতন কলচর অসিনা মাতা শাবরিগী শক তাকখি, সনাতন কলচরনা মহাঋসি বালমিকিগী য়ুম্ফম ওইখি, সনাতন কলচরনা ভারতপু চহি লিশিং কয়া অমত্তা ওইনা পুনশিন্দুনা থমলকখি, মীওইশিংঅসিনা হায়রিবা সনাতন অসিবু মচেৎ মচেৎ তাহনবা পাম্মি। ঙসি মীওইশিং অসিনা ফোঙনা মরিবু শীংনদুনা  ঙাংলি। হয়েং মীওইশিং অসিনা ঐখোয়না লান্দারকপা হেনগৎলক্কনি। লৈবাককী কাচিন কোয়া খুদিংদা লৈরিবা সনাতনি খুদিংমক, লৈবাক অসিবু নুংশিজবা মীপুম খুদিংমক, মীপুম খুদিংমক্না চেকশিনবা মথৌ তাই। সনাতন মাংহন্দুনা মখোয়না লৈবাক অসিবু চহি লিশিং কয়া মীখা পোন্দুনা লৈহন্নবা হোৎনরি।অদুবু পুন্না ঐখোয়না অসিগুম্বা শক্তি অসি থীংগদবনি, মখোয়গী থৌরাংশিংবু ঐখোয়গী ওর্গনাইজেসন অমসুং ঐখোয়গী সোলিদরিতীগী শক্তিনা মাইথীবা পীগদবনি।

ঐগী নুংশিরবা ইমুং-মনুংগী মীওইশিং,

ভারতীয় জনতা পার্তী অসি পেত্রোতিজমগী পোলিতিক্সতা কত্থোকই, মীয়ামগী শক্তি অমসুং মীয়ামগী শেবদা কত্থোকই।

 

শোত্থরবশিংদা খুদোংচাবা ফংহনবা অসিনা BJPগী গুদ গভর্নান্সকী মরু ওইবা মন্ত্র ওইরি। BJP সরকার অসি মীগী খনবা সরকারনি। দিল্লী নত্ত্রগা ভোপাল ওইরবসু ঙসিগী সরকারনা নখোয়গী য়ুমদা লাক্তুনা নখোয়গী শেবা তৌনবা হোৎনরি। কোবিদগুম্বা তমথিরবা খুদোংথিবা থোকখিবা মতমদা সরকারনা ইরৈবাকচা করোর কয়াদা লেম্না তীকা থাবগী থবক পাইখৎখি। অৱাবা অমসুং নুংঙাইবদা সরকারনা নখোয়গী মপাং ওইনা লেপ্পী। ঐখোয়গী সরকারনা ইরৈবাকচা করোর 80 হেনবদা লেম্না রাসন ফংহনখি, লায়রবশিংগী য়ুমদা চাকশঙ মৈ মুৎহনখিদে, লায়রবশিংগী পুক হাংলগা তুমহনখিদে। ঐখোয়গী খোঙথাংশিং অসিনা লায়রবা, দলিত, শোত্থরবা অমসুং ত্রাইবেলগী ইমুংগী মমাশিংনা মহাক্কী চাখাও হাংনা তুমদবা হোৎনরি। মমা অদুবু মচানা চরাম চদৎনবগী মৈশা ফংহনদনবা হোৎনখি। মরম অসিনা লাবরবগী মচা অমা ওইনা লায়রবগী ইমুংগী রাসনগীদমক ৱাজখি, লায়রবা মমাগীদমক ৱাজখি। অমসুং ময়ামগী থৌজালশিংগা লোয়ননা থৌদাংশিং অসি ঐহাক্না পাঙথোকচরি।

ঐগী নুংশিজরবা ইমুং-মনুংগী মীওইশিং,

ঐখোয়না লেপ্পা লৈতনা হোৎনরিবদি মধ্য প্রদেশনা চাউখৎ থৌরাংগী লমদা অনৌবা পন্দোম ফংবা ঙম্নবা অমসুং মধ্য প্রদেশতা লৈরিবা য়ুমথোং খুদিংমক্না নুংঙাই য়াইফনা লৈনবা অমসুং য়ুমথোং খুদিংদা হরাউ তয়াম্বা পুরক্নবনি। মোদীগী ৱাশক্কী ত্রেক রেকোর্দ অদু নখোয়গী থোংজিন্দা লৈরে। মখোয় ত্রেক রেকোর্দ অমসুং ঐহাক্কী ত্রেক রেকোর্দকী মরক্তা চাংদম্নবা কাওবীগনু। ঙসিদি মধ্য মথন্তদা ইমুং লাখ 40 হেনবনা কনক্রিৎ য়ুমশিং ফংবা ঙমখ্রে। ঐখোয়না য়ুমথোং খুদিংদা অমাংশঙ শারি, অমসুং ঐখোয়না মদুগী ৱাশক অদু ঙাক্লি। ঐখোয়না লাইরবশিংগী মরক্তা খ্বাইদগী লাইরবদা লেম্না হেল্থক্যের পীরি। ঐখোয়না য়ুমথোং খুদিংগী বেঙ্ক একাউন্ত অমমা হাংনবা গরেন্তী পীরি। ঐখোয়না ইমাশিং অমসুং ইচেল-ইচলশিংগী মৈখু চেন্দবা চাকশঙ অমা পীরি। ঙসিদি নখোয়গী সেবক মোদীনা মসিগী গরেন্তীশিং অসি থুংহল্লি। ঐখোয়গী সরকারনা ইচে-ইচলশিংগী অপাম্বা মতুং ইন্না গ্যাস সিলিন্দরগী মমল হন্থহনখ্রে। মসিনা তাকপদি উজজ্বালা স্কিমগী বেনিফিসিয়রিশিংনা গ্যাস সিলিন্দর অসি লুপা 400 হন্থনা ফংলি। ঐখোয়গী অপাম্বদি ঐখোয়গী ইচেল ইচল অমত্তনা মৈখু মরক্তা চাক থোংদবা অদুনি। মসিনা মরম ওইরগা কেন্দ্র সরকারনা ঙরাং য়াম্না মরুওইবা ৱারেপ অমা লৌখ্রে। লৈবাক অসিগী অহেনবা ইচে-ইচল লাখ 75দা লেম্না গ্যাস কন্নেক্সন ফংহল্লগনি। মতম অমদা ঐখোয়না ঐখোয়গী পান্দম অসি ফংখ্রবনি অদুবু ইমুং খরদা য়ুম চাওথোরকপা থেংনরে, য়ুম খাইদোক্নবা থেংনরে, মরম অদুনা অতোপ্পা ইমুং অমনা গ্যাস কন্নেক্সন মথৌ তারক্লি। মসিনা মরম ওইরগা লিস্ততা য়াওরিবা মমিংশিং অদুগীদমক মসিগী অনৌবা প্লান অসি পাইখৎলিবনি।

মরুপশিং,

ঐখোয়না ঐখোয়গী ৱাশক খুদিংমক থুংহন্নবা পুকচেল শেংনা হোৎনরি। ঐখোয়না মিদ্দলমেন লৌথোকখ্রে অমসুং বেনিফিসিয়রী খুদিংমক্তা মপুংফানা কান্নবা ফংহল্লি। মসিগী খুদম অমদি প্রধান মন্ত্রী কিসান সম্মান নিধিনি। মসিগী স্কিম অসি কান্নবা ফংলিবা লৌমী খুদিংমক্তা মখোয়গী বেঙ্ক একাউন্তশিংদা লুপা 28,000 হকথেংননা থারি। মসিগী স্কিম অসিদা সরকার অসিনা লুপা করোর লাখ 2গা লিশিং হুমফু চাদিং তৌরি।

মরুপশিং,

হৌখিবা চহি 9 অসিদা লৌমীশিংদা লৌ উবদা শেল চংদনবা অমসুং মখোয়দা অহোংবা মমলদা হার ফংহন্নবা কেন্দ্র সরকারনা হোৎনদুনা লাক্লি। মসিগীদমক চহি 9 অসিদা ঐখোয়গী সরকারনা সরকারগী ত্রেজরীদগী লুপা লাখ করোর 10 হেন্না চাদিং তৌখ্রে। ঙসিদি নখোয়না লৌবুক্তা পুরিবা য়ুরিয়াগী বেগ অদু নুংশিরবা ইচিল ইনাওশিং অমেরিকাদা লুপা 3000দা য়োল্লি অদুবু ঐখোয়না লৈবাক অসিগী লৌমীশিংদা চপ মান্নবা বেগ অদু লুপা 300দা ফংহল্লি অমসুং মসিগীগীদমক সরকারগী লন্থুমদগী লুপা করোর লাখ তরা চাদিং তৌরি। নখোয়ন নিংশিংলমগনি মদুদি য়ুরিয়াগী মমিংদা লুপা করোর লিশিং কয়াগী স্কেমশিং মমাংদা তৌরম্মি অদুবু হৌজিক্তি মফম খুদিংমক্তা য়ুরিয়াশিং অসি অরাইবা মওংদা ফংহল্লে।

ঐগী নুংশিজরবা ইমুং-মনুংগী মীওইশিং,

ইথৈ-লৌখোং হায়বসি করিনো হায়বগী মতাংদা বুন্দেলখন্দগী হেন্না খংবা কনা লৈ। BJPগী দবল ইঞ্জিন সরকার অসিনা বুন্দেলখন্দদা ইথৈ লৌখোংগী প্রোজেকজ্ত কয়ামরুমদা থবক পাইখৎখ্রে।  কেন-বেত্বা লিঙ্ক কেনেল অসিনা বুন্দেলখন্দ য়াওনা মফম অসিগী লৌমী লাখ কবাদা কান্নবা পীরগনি অমসুং মসি পুন্সি চুপ্পগী অমসু লাক্কদৌরিবা চারোল শুরোলশিংগী ওইহৌরগনি। ঐখোয়গী সরকার অসিনা লৈবাক অসিগী ইচে ইচলশিংগী য়ুমথোং খুদিংদা তোতি ঈশিং ফংহন্নবা লেপ্পা লৈতনা হোৎনরি। চহি 4 খক্তদা লৈবাক অসিগী অনৌবা য়ুমথোং করোর 10 রোমদা তোতি ঈশিং ফংহনখ্রে। মধ্য প্রদেশতসু য়ুমথোং লাখ 65দা তোতি ঈশিং ফংহনখ্রে। বুন্দেলখন্দদা লৈরিবা ঐহাক্কী ইমা ইবেল ইচে ইচলশিংনা মসিদগী চাউনা কান্নবা ফংলি। বুন্দেলখন্দদা অতল গ্রুন্দ ৱাতর স্কিমগী মখাদা ৱাতর সোর্সশিং শেমগৎনবা চাউনা থবক পাইখৎলি।

 

মরুপশিং,

ঐখোয়গী সরকার অসিনা মফম অসিগী চাউখৎ থৌরাংদা কত্থোক্লি অমসুং মফম অসিগী মীংচৎ পুরক্নবা হোৎনরি অমসুং নখোয় পুম্নমক্কীদমক কত্থোক্লি। চহি অসিগী ওক্তোবর 5 অসি রানি দুর্গাবতিগী 500শুবা মপোক কুমওন্নি। মসিগী য়াওফরবা থৌরম অসি দবল ইঞ্জিন সরকার অসিনা হরাউ তয়াম্বগা লোয়ননা পাংথোক্কনি।

মরুপশিং,

ঐখোয়গী সরকারনা পাইখৎলিবা থবকশিং অসিদগী লাইরবা, দলিৎ, শোত্থরবা কাংলুপ অমসুং ত্রাইবলশিংনা খ্বাইদগী কান্নবা ফংলি। শোত্থরবা কাংলুপতা মীৎয়েং চংবা, পুম্নমক্কী মতেং পাংবা, পুম্নমক্কী চাউখৎ-থৌরাং হাবরিবা মোদেল অসিনা ঙসিদি মালেমদা পাম্বৈ অমা তাক্লি। ভারতনা মালেমগী মকোকথোংবা ইকনোমী-3গী মনুংদা চন্নবা পান্দমগা লোয়ননা থবক পাইখৎলি। ভারতপু মকোকথোংবা¬-3 মনুংদা চলহনবদা মধ্য প্রদেশকী অচৌবা থৌদাং অমা লৈ অমসুং মধ্য প্রদেশনা মদু পাংথোক্কনি। মসিনা মফম অসিদা লৈরিবা লৌমীশিং, ইন্দস্ত্রীশিং, অমসুং নহারোলশিংগী অনৌবা খুদোংচাবশিং পীবা ঙমগদৌরিবনি। লাক্কদৌরিবা চহি 5 অসিদা মধ্য প্রদেশকী চাউখৎ থৌরাংদা অনৌবা পনখৈ অমা ফংবা ঙম্লগনি। ঙসি উরেপ উয়ুং তম্লিবা প্রোজেক্তশিং অসিনা মধ্য প্রদেশকী চাউখৎ-থৌরাংদা মখাতানা খোঙজেল য়াংখৎহল্লগনি। নখোয়না মশিং য়াম্না থোরক্তুনা মসিগী চাউখৎ-থৌরাংগী কুহ্মৈ অসিদা শরুক য়াবীরি, মসিগী চাউখৎ=থৌরাংগী কুহ্মৈ অসিদা অদোমগী থৌজাল পীবীরি, মসিগীদমক ঐহাক্না নখোয় পুম্নমকপু থাগৎপা ফোঙদোকচরি অমসুং পুম্নমকপু য়াইফ-পাউজেল পীজরি।

ঐহাক্কা লোয়ননা হায়বীয়ু-

ভারত মাতা কি – জয়,

ভারত মাতা কি – জয়,

ভারত মাতা কি – জয়,

থাগৎচরি!

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Railways cuts ticket prices for passenger trains by 50%

Media Coverage

Railways cuts ticket prices for passenger trains by 50%
NM on the go

Nm on the go

Always be the first to hear from the PM. Get the App Now!
...
Viksit Bharat Ambassador Meet-Up in Pune: Volunteers Assemble To Pledge Towards Building a Developed India
February 28, 2024

Volunteers in Pune responded to PM Narendra Modi's call to become "Viksit Bharat Ambassadors" by hosting a national meet-up on February 28th at the Sumant Moolgaokar Auditorium, MCCIA. The objective of this meet-up was to gather local support for the Viksit Bharat Ambassador movement, which aims to make a developed India (Viksit Bharat) a reality by 2047.

The event was attended by Shri Rajeev Chandrasekhar, Hon'ble Minister of State for IT, Skilling and Entrepreneurship. Distinguished entrepreneurs, institution owners, corporates, and professionals from Pune were also present.

"In 2014, the economy that was left behind was one of the fragile five. 16 quarters of runaway inflations, 18 quarters of declining growth, a financial sector that had been shattered beyond bits, and an overall image of dysfunctional governance that was causing investors to pause and re-look at India. That was from 2004-14, which we refer to as a lost decade. From 2014-19, PM Modi rebuilt the economy and financial sector... The second term was about building the New India..." said Union Minister Rajeev Chandrasekhar at the 'Viksit Bharat Ambassador Meet'.

The Vision of Viksit Bharat: 140 crore dreams, 1 purpose

The Viksit Bharat Ambassador movement aims to encourage citizens to take responsibility for contributing to the development of India. To achieve this goal, VBA meet-ups and events are being organized in various parts of the country. These events provide a platform for participants to engage in constructive discussions, exchange ideas, and explore practical strategies to contribute to the movement.

Join the movement on NaMo App:

https://www.narendramodi.in/ViksitBharatAmbassador

The NaMo App: Bridging the Gap

Prime Minister Narendra Modi's personal app, the Narendra Modi App (or NaMo App), is a crucial technological link in taking this vision forward. The NaMo App has provided a platform for citizens to join, stay informed and create events around the Viksit Bharat Ambassador movement. Participants can easily track down and engage with various initiatives in their locality and connect with other like-minded individuals. The 'VBA Event' section in the 'Onground Tasks' tab of the 'Volunteer Module' of the NaMo App allows users to stay updated with the ongoing VBA events.


Ravi Petite, Managing Director of Agni Solar Pvt Ltd, highlighted the significant impact of PM Modi's vision on the booming solar energy industry, expressing confidence in its continuous growth without any signs of slowdown.

Dr. S Sukanya Iyer, Chairperson of the Mentoring Panel at CII's BYST, highlighted PM Mdoi’s commitment to inclusivity with the motto 'Sabka Sath, Sabka Vikas, Sabka Vishwas, and Sabka Prayas’ and inclusive approach for balance regional development from Kashmir to Kanyakumari.

Hemant Thakkar, the Technical Director of Pawar Rubber Products, acknowledged significant changes over the past 8-10 years, particularly highlighting government initiatives aimed at supporting entrepreneurs and MSMEs.

Investment Advisor Mandar Shende proposes that if all 140 crore Indians support the PM's vision of Viksit Bharat, India could achieve developed status by 2037 instead of 2047. He emphasized that this goal is not solely PM Modi's but belongs to every Indian.

Anurag Dhooth, MD of Epitome Component Pvt Ltd, emphasized that Viksit Bharat represents progress for all sections of society, noting ongoing transformative developments and global attention towards India.

Indraneel Chitale of Chitale Bandhu Mithaiwale commended the campaign, remarking that it effectively portrays India's narrative on the global stage.

Union Minister Rajeev Chandrasekhar encouraged citizens of Pune to join the movement towards building Viksit Bharat as envisioned by PM Modi by becoming Viksit Bharat Ambassadors. He highlighted India's remarkable transformation over the past decade, evolving from a fragile economy to one among the top five globally, and now serving as an inspiration to nations worldwide.