“ভারতকী সেমিকন্দক্তর সেক্তর অসি ইন্দস্ত্রীদা অওনবা পুরক্নবা অনৌবা এদভান্সমেন্তশিংগা লোয়ননা রিভোল্যুসন অমা পুরক্নবা লম্বীদা চংশিল্লি”
“ঙসিগী ভারতনা মালেমদা থাজবা পোকহল্লি… চিপ্স দাউন চৎপা মতমদা ভারত্তা থাজবা থম্বা য়াগনি”“ভারতকী সেমিকন্দক্তর ইন্দস্ত্রী অসিদা মাইকৈ অনিমক্তা ইনর্জী ফ্লোশিং লাক্লিবা স্পেসিএল দাইওদশিং য়াওরি”“ভারত্তা দাইমেন্সনেল পাৱর অহুম লৈ মমিং ওইনা পল্লবদা হৌজিক লৈরিবা রিফোর্মিস্ত গভর্নমেন্ত, লৈবাক্কী চাউখৎলক্লিবা মেন্যুফেকচরিং বেজ অমসুং তেক্নোলোজীকেল ত্রেন্দশিং খঙবা লৈবাক্কী এস্পিরেস্নেল মার্কেৎ”“ভারত্তা লাস্ত-মাইল দেলিভরী তৌনবা অপীকপা চিপ অসিনা অচৌবা থবকশিং তৌরি”“ঐখোয়গী মঙলানদি মালেমদা লৈরিবা দিভাইস খুদিংমক্তা ভারত্তা শাবা চিপ অমা য়াওহনবনি”“ভারতনা গ্লোবেল সেমিকন্দক্তর ইন্দস্ত্রী শাহৌ পীবদা মরু ওইবা থৌদাং অমা লৌরগনি”“ঐখোয়গী পান্দম অসি ইলেক্ত্রোনিক মেন্যুফেকচরিংগী 100% ভারত্তা তৌবনি”“মোবাইল পুথোকপা, ইলেক্ত্রোনিক্স, নত্ত্রগা সেমিকন্দক্তরশিং ওইরবসু ঐখোয়গী মীৎয়েংদি ময়েক শেংই – ঐখোয়না অৱাবা তারবা মতমদা তোক্তবা নত্ত্রগা লেপ্পা তৌদনা মাংদা চংশিনবা মালেম অমা শেমগৎপা পাম্মি”উত্তর প্রদেশকী মুখ্য মন্ত্রী যোগী আদিত্যনাথজী, কেন্দ্রগী মন্ত্রীমন্দলগী ঐহাক্কী মরুপ অশ্বিনী বৈষ্ণব, জিতিন প্রসাদ, গ্লোবেল সেমিকন্দক্তর ইন্দস্ত্রীগা মরী লৈনবা মীহুৎশিং, এজুকেসন, রিসর্স অমসুং ইন্নোবেসন ৱার্ল্দগা মরী লৈনবা মরুপশিং, অতৈ মীথুংলেনশিং! অদোম পুম্নমক্তা হন্না-হন্না নুংঙাইবা ফোংদোকচরি!
সেমিগা মরী লৈনবা মরুপশিংবু ঐনা অখন্ননা থাগৎপা ফোংদোকচরি। ভারত অসি মালেমগী সেমিকন্দক্তর ইন্দস্ত্রীগা মরী লৈনবা অসিগুম্লবা চাউরবা থৌরম অসি পাংথোক্লিবা মালেমগী ৮শুবা লৈবাকনি। অমসুং ঐহাক্না হায়জনীংবদি- মসি ভারত্তা লৈনবগী অচুম্বা মতমনি। অদোম্না অচুম্বা মতমদা, অচুম্বা মফমদা লৈরে। 21শুবা চহি চা অসিদা অচৌবা শিংনবা মতম হায়বা লৈত্রে। অচৌবা শিংনবা লাকপা মতমদা ভারত্তা থাজবা থম্মু হায়না ঐহাক্না ঙসি থাজবা পীজনিংই।
মরুপশিং,
সেমিকন্দক্তরগী মালেমগা মরী লৈনবা মীওইশিংদি দাইওদশিংগা মরী লৈনৈ। অমসুং অদোম্না খংলে, দাইওদ অমদা, ইনর্জী অসি দিরেক্সন অমখক্তদা চেল্লি। অদুবু ভারতকী সেমিকন্দক্তর ইন্দস্ত্রীদা অখন্নবা দাইওদশিং লৈরি। মফম অসিদা ঐখোয়গী ইনর্জী অসি দিরেক্সন অনিমক্তা চেল্লি। অদোমগী ৱাখলদা করম্না লাক্কনি? অমসুং মসিসু য়াম্না নুংঙাইবা অমনি, অদোম্না শেল থাদৈ অমসুং ভেল্যু শেম্মী। অমরোমদা, সরকারনা অদোমদা স্তেবল পোলিসীশিং অমসুং ইজ ওফ দুইং ব্যুজিনেস পীরি। সেমি কন্দক্তরগী ইন্দস্ত্রী অসি ইন্তিগ্রেতেদ সর্কিৎশিংগা মরী লৈনৈ। ভারতনা অদোমদা "ইন্তিগ্রেতেদ ইকোসিস্তেম" অমা পীরি। ভারতকী দিজাইনরশিংনা মখোয়গী অফবা হৈশিংবশিং অদু অদোম্না ফজনা খঙবিয়ু। দিজাইনিংগী মালেমদা ভারতনা তেলেন্তগী ২০% কন্ত্রিব্যুৎ তৌরি। অমসুং মসিনা লেপ্পা লৈতনা পাকথোক চাউথোক্লি। ঐখোয়না সেমিকন্দক্তর ৱার্কফোর্সকী টেক্নিসিয়ন, ইঞ্জিনীয়র অমসুং আর অমসুং দি এক্সপর্ত লিশিং ৮৫ শেমগৎলি। ভারতকী মীৎয়েং অসি সেমিকন্দক্তর ইন্দস্ত্রীগীদমক্তা মহৈরোইশিং অমসুং প্রোফেস্নেলশিং শেমগৎপদনি। ঙরাং নেস্নেল রিসর্স ফাউন্দেসনগী অহানবা মীফম পাংথোকখি। ফাউন্দেসন অসিনা ভারতকী রিসর্স ইকোসিস্তেমদা অনৌবা দিরেক্সন অমসুং ইনর্জী ফংহল্লগনি। মসিগী মথক্তা ভারতনা লুপা ত্রিলিয়ন অমগী অখন্নবা রিসর্চ ফন্দসু শেম্লে।
মরুপশিং,
অসিগুম্বা থৌরাংশিং অসিনা সেমি কন্দক্তর অমসুং সাইন্স সেক্তরদা ইনোভেসনগী লমদা চাউনা চাউখৎহনগনি। সেমিকন্দক্তরগা মরী লৈনবা ইনফ্রাস্ত্রকচরদা ঐখোয়না অকনবা মীৎয়েং থম্লি। মসিগী মথক্তা অদোমদা দিমেন্সনেল পাৱর অহুমসু লৈ। অহানবদা, ভারতকী ঙসিগী ঐখোয়গী রিফোর্মস্ত গবর্নমেন্ত, অনিশুবদা, ভারত্তা চাউখৎলক্লিবা মেন্যুফেকচরিং বেজ অমসুং অহুমশুবদা, ভারতকী এস্পিরেস্নেল মার্কেৎ। তেক্নোলোজীগী মগুন খঙবা কৈথেল অমা। অদোমগীদমক্তসু থ্রী-দি পাৱর সেমিকন্দক্তর ইন্দস্ত্রীগী অসিগুম্বা য়ুম্ফম অসি লৈ, মসি অদোম্না অতোপ্পা মফমদা ফংবদা অরুবা অমনি।
মরুপশিং,
ভারতকী এস্পিরেস্নেল অমসুং তেক্নোলোজী ওরিয়েন্তেদ সোসাইতী অসি য়াম্না তোপ-তোপ্পা অমনি। ভারতকীদমক চিপকী ৱাহন্থোক অসি তেক্নোলোজী খক্তমক নত্তে। ঐখোয়গীদমক্তদি, মসি কোতি কয়াগী আশাশিং মপুং ফাহনবা পাম্বৈনি। ঙসি ভারত অসি চিপশিংগী য়াম্না চাউবা কঞ্জুমর অমা ওইরে। অসিগুম্বা চিপ অসিদা ঐখোয়না মালেমগী খ্বাইদগী ফবা দিজিতেল পব্লিক ইনফ্রাস্ত্রকচর শেমগৎলে। ভারত্তা অরোইবা মাইলগী দেলিভরী ফংহন্নবা ঙসিদি হায়রিবা অপীকপা চিপ অসিনা অচৌবা থৌদাং লৌরি। কোরোনাগী মতুং ইন্না মালেমগী খ্বাইদগী মপাঙ্গল কনখৎপা বেঙ্কিং সিস্তেমশিংসু কন্না থিংজিল্লকপা মতমদা ভারত্তা বেঙ্কশিং লেপহন্দনা চৎথখি। ভারতকী য়ু.পি.আই. ওইগেরা, রুপে কার্দ ওইগেরা, দিজি লোকরদগী হৌরগা দিজি যাত্রা ফাওবা তোঙান তোঙানবা মখলগী দিজিতেল প্লেৎফোর্মশিং অসি ভারতকী মীয়ামগী পুন্সিগী শরুক অমা ওইরে। ঙসি ভারতনা আত্মনির্ভর ওইনবা সেক্তর খুদিংমক্তা মেনুফেকচরিং হেনগৎহল্লে। ঙসি ভারতনা গ্রীন ত্রাঞ্জিসন অসি পাক-শন্না পাংথোক্লি। ঙসি ভারত্তা দেতা সেন্তরশিংগী দিমান্দ লেপ্তনা হেনগৎলক্লি। গ্লোবেল সেমিকন্দক্তর ইন্দস্ত্রীদা ভারতনা অচৌবা থৌদাং অমা লৌগদৌরি।
মরুপশিং,
অরিবা মতমগী চৎনবী অমনা হায়রি- "মখোয়না পাম্বা মফমদা চিপশিং থাদোক্কনি।" হায়বদি, চৎথরিবা অসি চত্থদুনা লৈগদবনি। ঙসিগী নহা ওইরিবা অমসুং আশা লৈরবা ভারত অসি ৱাখল্লোন অসিগা লোয়ননা চৎনদে। ঙসি ভারতকী মন্ত্রদি ভারত্তা পুথোকপা চিপশিংগী মশিং হেনগৎহনবা হায়বসিনি। অমসুং মরম অসিনা ঐখোয়না সেমিকন্দক্তর মেনুফেকচরিংবু খুমাং চাউশিলহন্নবা খোংথাং কয়া লৌখৎলে। ভারত্তা সেমিকন্দক্তর মেনুফেকচরিং ফেসিলিতী লিংখৎনবগীদমক ভারত সরকারনা ৫০% সপোর্ত পীরি। মসিদা রাজ্য সরকারশিংনসু মখোয় মশাগী থাক্তা মতেং পাংলি। ভারতকী পোলিসীশিং অসিনা মরম ওইদুনা য়াম্না অতেনবা মতমগী মনুংদা ভারতকী সেক্তর অসিদা লুপা ত্রিলিয়ন ১.৫ হেন্না ইনভেস্ত তৌখ্রে। অমসুং ঙসি প্রোজেক্ত কয়া পাইপলাইন্দা লৈরি। সেমিকোন ইন্দিয়া প্রোগ্রাম অসিসু অঙকপা স্কিম অমনি। মসিগী মখাদা, ফ্রন্ত এন্দ ফেবশিং, দিসপ্লে ফেবশিং, সেমিকন্দক্তর পেকেজিং, কম্পাউন্দ সেমিকন্দক্তরশিং, সেন্সরশিং অমসুং দিসপ্লে মেন্যুফেকচরিংগীদমক শেলগী তেংবাং পীরি। ভারতনা ৩৬০ দিগ্রী এপ্রোচকা লোইননা থবক পায়খৎলি। ঐখোয়গী সরকারনা ভারত্তা মপুংফাবা সেমিকন্দক্তর সপ্লাই চেন ইকোসিস্তেম অমা পুখৎলক্লি। চহি অসিদা লাল কিল্লীদগী ঐনা হায়জখি মদুদি মালেমগী খুদিংমক্তা ইন্দিয়ন মেদ চিপ অমা লৈগদবনি। সেমিকন্দক্তর পাৱর হাউস অমা ওইনবগীদমক করিগুম্বা মথৌ তারক্লবদি ভারতনা মদু পাংথোক্কনি।
মরুপশিং,
মরুওইবা মিনরেলশিংগী দোমেস্তিক প্রদক্সন অমসুং মসিগী ওভরসিজ এক্বিজিসনগীদমক ঐখোয়না মতম খরগী মমাংদা মরুওইবা মিনরেল মিসন লাউথোকখ্রে। ক্রিতিকেল মিনরেলশিংবু কস্তম দ্যুতীদগী অয়াবা পীবা, ক্রিতিকেল মিনরেল ব্লোকশিংগী মাইনিংগী নিলাম তৌবা, হায়রিবা পুম্নমক্তা খোঙজেল য়াংনা থবক পায়খৎলি। অমসুং মসি খক্তমক নত্তে, ঐখোয়না ইন্দিয়ন ইন্সতিত্যুৎ ওফ স্পেস সাইন্সতা সেমিকন্দক্তর রিসর্স সেন্তর অমা শেম্নবা থবকসু পায়খৎলি। ঐখোয়না আই.আই.তি.শিংগা খুৎশম্নরি, মসিনা ঐখোয়গী ইঞ্জিনীয়রশিংনা হৌজিক্কীদমক অৱাংবা তেক্নোলোজীগী চিপশিং শেম্বা খক নত্তনা মথংগী জেনরেলগী চিপশিংদা রিসর্চ তৌনবগীদমক। ঐখোয়না ইন্তর্নেস্নেল কোলাবোরেসনসু মাংলোমদা চংশিল্লি। অদোম্না ওল দিপ্লোমেতীগী মমিং খঙলে, ঙসিগী মতম অসি সিলিকোন দিপ্লোমেতীগী মতমনি। চহী অসিদা ভারত অসি ইন্দো-পেসিফিক ইকোনোমিক ফ্রেমৱার্ককী সপ্লাই চেন কাউন্সিলগী ভাইস চেয়র ওইনা ৱাশক লৌখ্রে। ঐখোয়না ক্বাদ সেমিকন্দক্তর সপ্লাই চেন ইনিসিএতিবকীসু অচৌবা পার্তনর অমা ওইরি অমসুং হৌজিত্তি ঐখোয়না জপান অমসুং সিঙ্গাপুর য়াওনা লৈবাক কয়াগা লোয়ননা এগ্রীমেন্ত সাইন তৌনখ্রে। সেক্তর অসিদা ভারতনা য়ু.এস.কা লোয়ননা তেংবাং পীনবা হেনগৎলক্লি।
মরুপশিং,
অদোম পুম্নমক্না ভারতকী সেমিকন্দক্তর মিসন অসি খঙনরবনি। করিগীদমক্তা ভারতনা মসিদা মীৎয়েং থম্লিবনো হায়না মীওই খরনা ৱাহং হংখি। অসিগুম্বা মীওইশিংনা ঐখোয়গী দিজিতেল ইন্দিয়া মিসন অসি তম্বা মথৌ তাই। দিজিতেল ইন্দিয়া মিসনগী পান্দমদি লৈবাক অসিদা ত্রান্সপরেন্ত, ইফেক্তিব অমসুং লিকেজ ফ্রী গবর্নান্স অমা পীনবনি। অমসুং ঙসিদি ঐখোয়না মসিগী মল্তিপ্লাইয়র ইফেক্ত অসি থেংনরি। দিজিতেল ইন্দিয়াগী মায় পাক্নবগীদমক ঐখোয়না মমল হোংবা য়াবা মোবাইল হেন্দসেৎশিং অমসুং দেতা মথৌ তাই। মসিগীদমক ঐখোয়না তঙাইফদবা রিফোর্মশিং অমসুং তঙাইফদবা ইনফ্রাস্ত্রকচর শেম্লে। চহী তরাগী মমাংদা, ঐখোয়না মোবাইল ফোন পুশিল্লকপা খ্বাইদগী চাউবা লৈবাক অমা ওইখি। ঙসিদি ঐখোয়না মালেমগী নম্বর-২ প্রদক্তর অমসুং এক্সপোর্তর ওইরে। হৌজিক অনৌবা রিপোর্ত অমা লাক্লে। ঙসি ভারত অসি 5G হেন্দসেতশিংগী অনিশুবা খ্বাইদগী চাউবা কৈথেল ওইরে। চহি অনিগী মমাংদা ঐখোয়না ৫জি রোলওৎ হৌখি। ঙসি ঐখোয়না কদাইদগী কদাইদা য়ৌরক্লিবনো য়েংসি। ঙসি ভারতকী ইলেক্ত্রোনিক্স সেক্তর অসি দোল্লর বিল্লিয়ন ১৫০দগী হেন্না ওইখ্রে। অমসুং হৌজিক ঐখোয়গী পান্দম অসি হেন্না চাউই। চহি চামগী লোইশিল্লকপদা ঐখোয়না ইলেক্ত্রোনিক্স সেক্তর অসি দোল্লর বিল্লিয়ন ৫০০ য়ৌহন্নবা পান্দম থম্লি। মসিনা ভারতকী নহারোলশিংগীদমক চাউরাক্না মিলিয়ন ৬ নৎত্রগা লাখ ৬০গী থবক্কী খুদোংচাবা পীগনি। ভারতকী সেমিকন্দক্তর সেক্তরসু মসিগী কান্নবা য়াম্না ফংগনি। ঐখোয়গী পান্দমদি ইলেক্ত্রোনিক মেনুফেকচরিংগী থবক ১০০% ভারত্তা ওইবনি। ভারতনা সেমিকন্দক্তর চিপশিং অমসুং মখোয়গী ফিনিসদ গুদসশিংসু পুথোক্কনি।
মরুপশিং,
ভারতকী সেমি কন্দক্তর ইকোসিস্তেম্না ভারতকী খক্তদা নত্তনা মালেমগী ওইবা শিংনবশিংদসু সোলুসন পীরি। দিজাইনিংগা মরী লৈনবা মেতাফোর অমা অদোম্না ইরমগনি। মসি মেটাফোরনি- "মখাগী অশোয়বা পোইন্ত" দিজাইনিংগী মহৈরোইশিংনা অশোয়বা অসিদগী লাপথোকপা মথৌ তাই হায়না পুক্নিং চিংশিনখি। মসিগী পান্দমদি সিস্তেম অসি কম্পোনেন্ত অমখক্তদা মখা পোল্লোই হায়বসিনি। মসিগী পাউখুম অসি দিজাইন তৌবদা খক্তদা অকক্নবা ওইদে। মসি ঐখোয়গী পুন্সিদা, মরু ওইনা সপ্লাই চেনগী মতাংদাসু চপ মান্ননা চৎনৈ। কোবিদ ওইগেরা, লান ওইগেরা, মমাংঙৈদা সপ্লাই চেনগী খুদোংচাদবশিংনা শোকহন্দবা ইন্দস্ত্রী অমত্তা লৈখিদে। মরম অসিনা সপ্লাই চেনগী রেসিলিয়েন্স অসি য়াম্না মরু ওই। অমসুং মরম অসিনা তোঙান তোঙানবা সেক্তরশিংদা রেসিলিয়েন্স শেমগৎনবা মিসন অসিগী মরুওইবা শরুক অমা ভারতনা ওইরিবা অসিদা ঐহাক নুংঙাইবা ফাওই। অমসুং ঐখোয়না অতোপ্পা ৱাফম অমা নীংশিংগদবনি। তেক্নোলোজীগা লোয়ননা দেমোক্রেতিক ভেল্যুশিং অসি পুনশিন্নরকপা মতমদা তেক্নোলোজীগী পোজিতিব এনর্জীগী মপাঙ্গল হেনগৎলকই। তেক্নোলোজীদগী দেমোক্রে তিক ভেল্যুশিং লৌথোক্লবদি, তেক্নোলোজীনা খুদোংথীনিঙাই ওইরকপদা মতম শাংনা লৈরোই। মরম অদুনা, মোবাইল মেন্যুফেকচরিং ওইগেরা, ইলেক্ত্রোনিক্স মেন্যুফেকচরিং ওইগেরা নত্ত্রগা সেমিকন্দক্তর ওইগেরা, ঐখোয়গী মীৎয়েং অসি ময়েক শেংই। ঐখোয়না খুদোংচাদবা মতমদসু লেপ্লোইদবা, লেপ্লোইদবা, লেপ্পা লৈতনা চত্থরিবা মালেম অমা শেম্বা পাম্মি। অদোম্না ভারতকী হোৎনরিবশিং অসিবু মপাঙ্গল কনখৎহল্লগনি, মসিগী থাজবা অসিগা লোয়ননা অদোম পুম্নমকপু য়াইফ-পাউজেল পীজরি। য়াম্না থাগৎচরি !
