নৌনা থবক খল্লবশিংগী মফমদা থবক খনবগী চাউরাকপা চিথী 51,000 য়েন্থোকখ্রে
“থবক খল্লবা মীওইশিংনা মশাগী সর্ভিস্তা থৱাই য়াওবনা লৈবাক অসিনা মশাগী পান্দম ফংবদা তেংবাংগনি”
“নারিশক্তি বন্দন অভিয়ান অসিদি অনৌবা পার্লিয়ামেন্ততা পাংথোকখিবা লৈবাক্কী অনৌবা খোঙথাং অমনি”
“তেক্নোলোজীনা শেঞ্জা থুমজা মুত্থৎলে, ক্রেদিবিলিতী হেনগৎহল্লে, কমপ্লেক্সিতী হন্থহল্লে অমসুং নুংঙাইবা হেনগৎহল্লে”
“সরকারগী পোলিসীশিং অসিদি অনৌবা ৱাখল্লোন, লেপ্তনা য়েংশিনবা, মিসন মোদতা থবক পাংথোকপা অমসুং মীয়াম্না শরুক য়াবগী মতৌদা য়ু্ফম ওইবনি, মসিনা মশক নাইরবা পান্দম কয়া ফংনবা লম্বী য়াৎলে”

খুরুমজরি,

ঙসিগী রোজগার মেলদা সরকারগী থবক্কীদমক এপোইন্তমেন্ত লেত্তরশিং ফংখ্রবা কেন্দিদেৎ পুম্নমক্তা ঐহাক্না থমোয় শেংনা নুংঙাইবা ফোঙদোকচরি। নখোয় পুম্নমক্না কন্না হোৎনরবা মতুংদা মাইপাকপা অসি ফংবা ঙমখিবনি। কেন্দিদেৎ লাখ কয়াগী মরক্তা নখোয়বু খনখি; মরম অসিনা মাইপাকপা অসি নখোয়গী পুন্সিদা য়াম্না মরু ওই।


লৈবাক শিনবা থুংবদা হৌজিক নুমিৎ খরনি অসিদা গনেশ ছতুর্থিগী কুহ্মৈ পালন তৌরি। য়াইফরবা থৌরম অসিদা নখোয়গী পুন্সিদা অনৌবা পন্দুপ অমা হৌরি। গভৱান গনেশ অসি মাইপাকপগী ঈশ্বরনি। নখোয়গী শেবা তৌনবগী ফিরেপনা লৈবাক্কী পান্দমশিং থুংহনবা ঙম্বা ওইরসনু।

 

মরুপশিং,

লৈবাক অসিনা হৌজিক পুৱারী ওইরবা মাই পাকপা অমসুং ৱারেপশিং উবা ফংলি। নুমিৎ খরনিগী মমাংদা লৈবাক্কী অপুনবা মীশিংগী তংখায়বু নারী শক্তি বন্দন অভিনিয়মনা অচৌবা ইনোৎ হাপখি। চহি 30দগী পন্দুনা লৈরক্লবা নুপীগী ফম খাকপগী হীরম অসিবু হাউস অনিমক্না রেকোর্দ ওইরবা ভোত মশিং ফংদুনা অয়াবা পীখ্রে।


য়েংবীয়ু মসি কয়াদা অচৌবা মাইপাকপনো! দিমান্দ অসি নখোয় অয়াম্বনা পোক্ত্রিঙৈ মতমদগী তৌরক্তুনা লাকখি। ৱারেপ অসি অনৌবা পার্লিয়ামেন্তকী অহানবা সেসন্দা লৌখিবনি। মরম অদুনা, মসিনা অনৌবা পার্লিয়ামেন্ততা লৈবাক্কী অনৌবা তুংলমচৎ অমগী অহৌবনি।


মরুপশিং,

ঙসি রোজগার মেলদা ঐখোয়গী ইচানুপীশিংনা মশিং য়াম্না এপোইন্তমেন্ত লেত্তরশিং ফংখি। ঙসি ঐখোয়গী ইচানুপীশিংনা স্পেস্তগী হৌরগা স্পোর্তস ফাওবগী লম খুদিংদা অনৌবা রেকোর্দশিং থম্মি। “ঐখোয়গী নারিশক্তিগী মায় পাকপশিংদা ঐহাক্না চাউথোকচৈ অমসুং মখোয়দা শক্তি পীনবা অনৌবা থোঙ কয়া হাংদোকপা হায়বসি সরকারগী পোলিসীনি। ঐখোয়গী ইচানুপীশিং হৌজিক লৈবাক্কী আর্মদ ফোর্সেসতা কম্মিসন তৌদুনা লৈবাক্কী শেবা তৌবগী লম্বীদা মাংদা চংশিল্লি। অনৌবা শক্তিগা লোয়ননা লম খুদিংদা নারী শক্তিনা মতম চুপ্পদা অহোংবশিং করম্না পুরকখি উবা ফংখ্রে। ঐখোয়গী মীশিংগী 50% অসিগীদমক গুদ গভর্নান্সকী অনৌবা ৱাখল্লোনশিংদা থবক তৌগদবনি।

 

মরুপশিং,

ঙসি 21শুবা চহিচাগী ভারতকী অনীংবা অপাম্বশিং অসি য়াম্না ৱাংই, ঐখোয়গী খুন্নাই অমসুং সরকারগী অনীংবশিংসু য়াম্না ৱাংই। ঙসি অনৌবা ভারতকী নীংথিজরবা মাইপাকপশিং নখোয় নশানা উবা ফংগনি! মসি নুমিৎ  খরনিগী মমাংদা থাদা মচু অহুমগী ফিরাল চীংখৎখিবা ভারত অদুনি। অনৌবা ভারতকী মঙলানশিং অসি য়াম্না ৱাংই। লৈবাক অসিনা 2047 ফাওবদা চাউখৎপা লৈবাক অমা ওইনবগী ফিরেপ লৌখি।


মথংগী চহি খরগী মনুংদা, লৈবাক অসিনা মালেমগী অহুমশুবা খ্বাইদগী চাউবা শেন্মিৎলোন ওইরগনি। ঙসি লৈবাক অসিদা থবক কয়া পাইখৎলি মসিগীদমক্তা ইমপ্লোয়ীশিংনা লাক্কদৌরিবা মতমশিংদা য়াগদৌবা থৌদাং য়াম্না লৈগনি। নখোয়না ‘মীয়াম্না মাঙদা’ হায়বা ৱাখল্লোন ইনগদবনি। নখোয় অসি তেক্নোলোজীগা শাগোন্নদুনা চাউরকপা মীরোলগী শরুক অমনি।


হৌজিক নখোয়গী থবক মফমদা তেক্নোলোজীগী খুদোংচাবা অসি লৌবীয়ু। তেক্নোলোজীগী মতেংগা লোয়ননা গভর্নান্সতা অনৌবা ইমপ্রুবমেন্তশিং পুরক্নবা লম্বীশিং থীদোক্কদবনি। নখোয়না তেক্নোলোজীগী খুত্থাংদা নখোয় নশাগী লমশিংদা ইফিসিএন্সী করম্না হেনগৎহনগনি য়েংবীয়ু?

 

মরুপশিং,

হৌখিবা চহি 9দা নখোয়না লৈঙাকপগী থৌওংদা তেক্নোলোজীদা অহোংবা লাকপনা মরম ওইদুনা লায়থোকহনখিবা উবা ফংখ্রে। মমাংদা রেলৱে তিক্কেৎশিং ফংনবা বুকিং কাউন্তরশিংদা শাংনা ক্যু লেপ্নরমখি। তেক্নোলোজীনা মসিগী থৌওং অসি লায়থোকহনখি। আধার কার্দ, দিজিলোক্কর, E-KYC শীজিন্নদুনা চে-চাং শেন্নবা লুবগী থৌওং হন্থহনখি। গ্যাস সিলিন্দর বুক তৌবদগী বিল থীবা ফাওবা পুম্নমক অসি হৌজিক এপশিংগী খুত্থাংদা তৌরি। DBTগী খুত্থাংদা সরকারগী স্কিমশিংগী মখাদা মীওইশিংগী একাউন্তশিংদা হকথেংননা য়ৌহল্লি। দিজিয়াত্রানা ঐখোয়না চৎথোক চৎশিন তৌবদা লায়থোকহনখি। হায়বদি তেক্নোলোজীনা শেঞ্জা থুমজা মুত্থৎলে, ক্রেদিবিলিতী হেনগৎহল্লে, কমপ্লেক্সিতী হন্থহল্লে অমসুং নুংঙাইবা হেনগৎহল্লে হায়বনি।

 
মাইকৈ অসিদা ঐখোয়না হেন্না হেন্না থবক তৌগদবনি। লায়রবশিংগী মথৌ তাবা খুদিংমক করম্না লায়না থুংহনগনি অমসুং সরকারগী থবক খুদিংমক তেক্নোলোজীগী খুত্থাংদা লায়থোকহল্লি? নখোয়না অনৌবা পাম্বৈশিং থীদপকপা, মসিগীদমক অনৌবা মওংশিং থীদোক্তুনা মসি মাংদা পুখৎকদবনি।


মরুপশিং,

হৌখিবা চহি 9দা, সরকারগী পোলিসীশিং অসিদি অনৌবা ৱাখল্লোন, লেপ্তনা য়েংশিনবা, মিসন মোদতা থবক পাংথোকপা অমসুং মীয়াম্না শরুক য়াবগী মতৌদা য়ু্ফম ওইবনি, মসিনা মশক নাইরবা পান্দম কয়া ফংনবা লম্বী য়াৎলি। হৌখিবা চহি 9দা সরকারনা মিসন মোদতা পোলিসীশিং সরকারনা ইমপ্লিমেন্ত তৌখি। স্বচ্ছ ভারত অমসুং জল জীবন মিসন ওইরবসু স্কিম পুম্নমক্তা চাদা 100গী সেচুরেসন ফংনবা থবক তৌরি।  সরকারগী থাক খুদিংদা স্কিমশিং অসি মোনিতর তৌরি।

 

ঐহাক ইশামক্না PRAGATI প্লেতফোর্মগী খুত্থাংদা প্রোজেক্তশিংগী খোঙজেল য়াংশিল্লি। পুম্নমক অসিগী মরক্তা সরকারগী স্কিমশিংবু গ্রাউন্দ লেভেল ফাওবদা নীংথিনা পায়খৎপগী খ্বাইদগী চাউবা থৌদাংদি সরকারগী থবক তৌরিবা মীওইশিংগীনি। নখোয়গুম্বা নহা লাখ কয়ানা গভর্নমেন্ত সর্ভিসেস্তা য়াওবা মতমদা পোলিসীশিং অসি ইমপ্লিমেন্ত তৌবগী স্পীদ অমসুং স্কেল হেনগৎহনগনি। মসিনা সরকারগী সেক্তরগী মপান্দা থবক্কী খুদোংচাবশিং পীরি মসিগী মথক্তা অনৌবা ৱার্ক-কলচরসু শেমগৎখি।


মরুপশিং,

প্রগ্লোবেল ইকনোমীশিংনা শীংনবশিং মায়োক্নরিঙৈ চৈরক্তা ভারতকী GDPগী গ্রোথ অমসুং পোত্থোক পুথোকপা অমদি একপোর্তকী চাং য়াম্না ৱাংখৎলক্লি। অহানবা ওইনা মোদর্ন ইনফ্রাস্ত্রকচরদা মমাংদা অমুক্তা পাংথোকখিদ্রিবা মওংদা ইনভেস্ত তৌরিবা। ঙসি লৈবাক অসিদা অনৌবা সেক্তরশিং থোরক্লি। ঙসি রিন্যুএবল ইনর্জী, ওর্গানিক ফার্মিং, দিফেন্স অমসুং তুরিজমগুম্বা তোঙান-তোঙানবা সেক্তরশিংদা অমুক্তা উখিদ্রিবা গ্রোথ উবা ফংখি।


ভারতকী আত্মানির্ভর অভিয়ান্না মোবাইল ফোন্দগী এয়রক্রাফ কেরিয়র, অমসুং কোরোনা ভেক্সিন্দগী ফাইতর জেৎ ফাওবগী লমদা অপাম্বা মহৈ উবা ফংলে। 2025 ফাওবদা ভারতকী স্পেস ইকনোমী খক্তনা লুপা করোর লিশিং 60 হেন্না য়ৌরক্কনি। হায়বদি ঙসি লৈবাক অসিদা অনৌবা খুদোংচাবা কয়া নহাশিংগীদমক হাংদোক্লে।

মরুপশিং,

নখোয়গী কেরিয়রগী মথংগী চহি 25 অসি অমৃত কালগী মথংগী চহি 25গা চপ মান্ননা মরু ওই। নখোয়না তীমৱর্ক্তা খ্বাইদগী অহেনবা মীৎয়েং চঙগদবনি। G20 মীফমশিং অসি লৈবাক অসিদা থা অসিদা মাইপাক্না পাঙথোকপা ঐখোয়না উবা ফংখি। দিল্লী য়াওনা লৈবাক্কী সহর 60দা মীফম 200 হেন্না পাঙথোকখি।


মীরৈবাক্কী মীথুংলেনশিংনা মতম অসিগী মনুংদা ঐখোয়গী লৈবাক্কী তোঙান-তোঙানবা মখল মখা কয়াগী মচুশিং উবা ফংখি। G20 অসি ঐখোয়গী চৎনবী, ৱারেপ অমসুং মীয়োক মীচান ফবগী মমিং তাখিবা থৌরম অমা ওইখি। G20 সম্মিৎ মাইপাকপা অসি পব্লিক অমসুং প্রাইভেতকী তোঙান-তোঙানবা বিভাগশিংগী মায় পাকপনি। মীপুম খুদিংনা G20না মায় পাক্নবগীদমক্তা তীম অমা ওইনা থবক তৌমিন্নখি। ঙসিগী নুমিৎ অসিদগী অদোম খুদিংসু সরকারগী থবক তৌবা থৌমীশিংগী তীম ইন্দিয়াগী শরুক অমা ওইরকপা অসিদা ঐহাক্না য়াম্না নুংঙাইবা ফাওই।


মরুপশিং,

নৌনা থবক খল্লবশিংনা মখোয়গী সরকারগা হকথেংননা থবক তৌমিন্নবগী খুদোংচাবা ফংগনি। নখোয়গী মহৈ তাশিনবগী খোঙচৎ মখা চত্থবীয়ু অমসুং নশাগী অপাম্বা লমদা লৈরিবা নখোয়গী লৌশিং হেনগৎহন্নবা থ্রু ওনলাইন লর্নিং পোর্তেল - iGOT কর্ময়োগী পোর্তেল শীজিন্নবীয়ু।


ফেসিলিতী অসিগী খুদোংচাবা ময়াম্না লৌবীয়ু। অমুক হন্না ঐহাক্না নুংঙাইবা ফোঙদোকচরি। ভারতকী পান্দম মহৈ য়ালহন্নবা নখোয়দা য়াইফ মঙ্গোল পীজরি। নখোয়গী ইমুং মনুংদসু নুংঙাইবা ফোঙদোকচরি। নখোয় নশাসু খুমাং চাউশিনগদবনি অমসুং মসিগী চহি 25 অসি নখোয়গী লোয়ননা লৈবাক্কীনি। মসিগী অতাংবা কম্বিনেসন অসি অতাংনা ফংই, অদুবু নখোয়দি ফংলে।


লাক্লো মরুপশিং, ঐখোয়না ৱাশক লৌদুনা মাংদা চংশিল্লসি। লৈবাক্কীদমক হিংসি, লৈবাক্কীদমক করিগুম্বা অমা তৌরসু। ঐহাক্না নখোয়দা য়াইফ মঙ্গোল পীজরি।

হন্না-হন্না থাগৎচরি।

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Union Cabinet approves amendment in FDI policy on space sector, upto 100% in making components for satellites

Media Coverage

Union Cabinet approves amendment in FDI policy on space sector, upto 100% in making components for satellites
NM on the go

Nm on the go

Always be the first to hear from the PM. Get the App Now!
...
10 years of unprecedented development in Varanasi
February 22, 2024

Last ten years have seen unprecedented development in Varanasi. Realising PM Modi's mantra of "Vikas Bhi, Virasat Bhi", the city is transforming into a modern hub while preserving its rich cultural heritage. Infrastructure development and improved connectivity have revitalised the city. Renovated ghats, Kashi Vishwanath Dham Corridor and recent developments mark significant chapter in its ongoing evolution.

Download the Booklet Here