কর্নাতকাগী মুখ্য মন্ত্রী, শ্রী বসবরাজ বোম্মৈজী, সদগুরু শ্রী মধুসুদন সাইজী, ফম্পাক অসিদা লেংশিনবীরিবা মশক নাইবা মীওইশিং, নুপী অমদি নুপাশিং।
কর্নাতকা দা এল্লা সহোদরা সহোদরিয়ারিগে নন্না নমস্কারাগলু!
ময়াম্না থৱায় য়াওবগা লোয়ননা মঙলান কয়া অমদি অনৌবা ফিরেপশিংগা লোয়ননা শেবা তৌবগী অচৌবা চৎনবীদা শরুক য়ারি। ময়ামবু উবা ফংজবা অসিসু ঐহাক্কী লাইবক ফবনি। ঐহাক্না ময়ামদা তৌবীমল খঙবা উৎচরি। চিক্কাবল্লাপুর অসি মোদর্ন ইন্দিয়াগী আর্কিতেক্ত অমা ওইরিবা, শ্রী এম বিশ্বশ্বেরৈয়াগী পোক্নফম লমদমনি। হৌজিক্তা ঐহাক্না সর বিশ্বশ্বেরৈয়াগী সমাধিদা হৈকৎ লৈকৎ তমজবা অমসুং মহাক্কী ম্যুজিয়মদা চৎপা ফংজখি। শেংলবা লমদম অসিবু ইকোক নোন্না খুরুমজরি। শেংলবা লমদম অসিদগী ইথিল লৌদুনা মহাক্না লৌমীশিং অমসুং মীচম প্রজাশিংগীদমক অনৌবা ইন্নোভেসনশিং পুথোকখি, খ্বাইদগী ফবা ইঞ্জিনীয়রিং প্রোজেক্তশিং পাইখৎখি।
মরুপশিং,
লমদম অসিনা সথ্য সাই গ্রামগী মওংদা লৈবাক অসিদা ফজরবা শেবা তৌবগী মোদেল অমা পীখি। এজুকেসন অমসুং হেল্থকী খুত্থাংদা মফম অসিদা মীওইবগী শেবা তৌবগী মিসন পাইখৎপগী মওং অসি য়াম্না নীংথিজৈ। ঙসি মেদিকেল কোলেজ হাংদোক্লে, মিসন অসি হেন্না শক্তি লৈহনখি। শ্রী মধুসুদন সাই ইন্সতিত্যুত ওফ মেদিকেল সাইন্স এন্দ রিসর্চতা চহি খুদিংগী অনৌবা তেলেন্ত লৈবা দোক্তর কয়ানা লৈবাক্কী মীওই করোর কয়াগী শেবা তৌনবা লৈবাক্কীদমক কত্থোক্কনি। ঐহাক্না চিক্কাবল্লাপুরগী মীয়ামদা ইন্সতিত্যুত অসিগীদমক নুংঙাইবা ফোঙদোকচরি।
ইচিল-ইনাওশিং,
আজাদি কা অমৃত মহোৎসব অসিদা লৈবাক্না চাউখৎনবা ফিরেপ লৌখি। ঐহাক্না নীংতম্বগী চহি চামা শুরকপা ২০৪৭ ফাওবদা হায়বা অসিদা মীওই কয়ানা কয়ারক হন্না হঙলি করম্না অতেনবা মতমগী মনুংদা ভারতনা চাউখৎপা ঙমগদৌরিবনো? শীংনবা কয়া লৈ, থবক কয়া লৈ, করম্না অতেনবা মতমগী মনুংদা লোইশিনবা ঙমগদৌরিবনো? ৱাহং অসিগী পাউখুম অমা খক্তা লৈ, শক্তি লৈবা পাউখুমনি, ফিরেপনা থনবা পাউখুমনি, মাইপাকপা ফংবা ঙমগদবা শক্তি য়াওবা পাউখুমনি অমসুং পাউখুম অসি জন ভাগিদরিনি। মসি ইরৈবাকচা খুদিংমক্না পুন্না হোৎনরনা খক্তদা ওইথোক্কনি। মরম অসিনা বিজেপি সরকারনা লেপ্পা লৈতনা জন ভাগিদরিদা অকনবা মীৎয়েং চংলি। ঐখোয়গী সোসিএল ওর্গনাইজেসনশিং, ধর্মগী ওর্গনাইজেসনশিংগী থৌদাং অসি চাউখৎপা ভারতকী পান্দম ফংনবা হোৎনবদা য়াম্না চাউই। কর্নাতকা অসি ঋসি, আশ্রম অমসুং অঙ্কাগী ফজরবা চৎনবী লৈজৈ। মসিগী ধর্ম অমসুং খুন্নাইগী ওইবা ইন্সতিত্যুসনশিং অসিনা থাজবা অমদি স্পিরিচুএলিতীগা লোয়ননা লায়রবা, দলিৎ, শোত্থরবা, ত্রাইবেলশিংবু শক্তি পীখি। ঐখোয়গী ওর্গনাইজেসন্না জন ভাগিদরিগী ৱাখল্লোন অসি মপাঙ্গল কনখৎহনখি।
মরুপশিং,
ঐহাক্না শ্রী সথ্য সাই য়ুনিভর্সিতীগী মোতো উরে – “য়োগ: কর্মসু কৌশলম”। হায়বদি থবক তৌবদা হৈশিংবা হায়বা অসিদি য়োগ হায়বনি। হৌখিবা চহি ৯দা ভারত্তসু ঐখোয়না হেল্থ সর্ভিসেসকী লমদা য়াম্না থমোয় শেংনা অমসুং য়াম্না হৈশিংনা থবক তৌখি। লৈবাক অসিদা মেদিকেল এজুকেসনগা মরী লৈনবা রিফোর্ম কয়া পুরকখি, মসিগা লোয়ননা সরকার লোয়ননা অতোপ্পা ওর্গনাইজেসনশিংনা হোস্পিতাল অমসুং মেদিকেল কোলেজশিং হাংদোকপদা লাইথোকহনখি। সরকার, প্রাইবেৎ সেক্তর, সোসিএল সেক্তর ওইরবসু, কলচরেল এক্তিবিতী ওইরবসু মীয়াম্না হোৎনবগী ফলশিং ঙসি ময়েক শেংনা উবা ফংখি। ২০১৪দা লৈবাক অসিদা মেদিকেল কোলেক ৩৮০দগী তানা লৈরমখি। ঙসিদু লৈবাক অসিদা মেদিকেল কোলেজশিংগী মশিং ৬৫০ হেল্লে। এস্পিরেস্নেল দিস্ত্রিক্তশিংদা মেদকেল কোলেজ ৪০ শাখি।
মরুপশিং,
হৌখিবা চহি ৯ অসিদা লৈবাক্কী মেদিকেল কোলেজ মশিংনা শরুক অনি হেনগৎখি। মথংগী চহিদা লৈবাক অসিনা পুথোক্কদৌরিবা দাক্তর মশিংনা লৈবাক অসিনা নিংতম্বা হেক ফংবদগী পুথোকখিবা দাক্তর মশিংগা মান্নরগনি। লৈবাক অসিনা পায়খৎলিবা চাউখৎ থৌরাংগী খোঙথাংশিং অসিদগী কর্নাতকাসু কান্নবা ফংলি, রাজ্য অসিদা লৈবাক্কী মেদিকেল কোলেজ চাউরাক্না ৭০মুক লৈ অমসুং চিক্কাবল্লপুরদা শঙ্গারিবা মেদিকেল কোলেজ অসিনা দবল ইঞ্জিন সরকারগী হোৎনজমনগী খুদম অমসু ওইরি। হন্দক্কী চহিগী বজেৎকী শরুক অমা ওইনা লৈবাক অসিদা নর্সিং ইন্সতিত্যুসন ১৫০ হেন্না লিংখৎনবা ৱারেপ লৌখি। মসিনা নর্সিং সেক্তরদা নহাশিংগী খুদোংচাবা কয়া পীগনি।
মরুপশিং,
ঙসি ঐহাক্না নখোয়গী নরক্তা লাকপা অসিদা ঐহাক্না ভারতকী মেদিকেল প্রোফেসন্না মায়োক্নরিবা শীংনবা অমা হায়জনীংই। শীংনবা অসিনা মরম ওইদুনা খুঙ্গং, লায়রবা, শোত্থরবা খুন্নাইদগী নহাশিংনা দোক্তর ওইবদা অৱাবা ওইখি। মখোয়গী রাজনিতীগী ওইজবা খরগীদমক দল খরনা ভোৎ বেঙ্ককীদমক লোলগী গেম শান্নখি। অদুবু লোল অসি মপাঙ্গল কনখৎহন্নবা থবক্তি পাইখৎলমখিদে। কন্নরা অসি অরিবা লোল অমনি, লোল অসিনা লৈবাক্কী মীংচৎ হেনগৎহনখি। মমাংদা সরকারনা কন্নরাদা মেদিকেল, ইঞ্জিনীয়রিং অমসুং তেক্নোলোজী এজুজেসন ফংহন্নবা খোঙথাংশিং লৌখৎখিদে। রাজনিতী দলশিংনা খুঙ্গং, লায়রবা, শোত্থরবা খুন্নাইদগী নহাশিংনা দোক্তর অমদি ইঞ্জিনীয়র ওইনা পামখিদে। ঐখোয়গী সরকারনা লায়রবগী য়াইফনবা থবক তৌরি, কন্নরা য়াওনা ভারতকী লোল পুম্নমক্তা মেদিকেল তম্নবা ওপ্সন ফংহনখি।
ইচিল-ইনাওশিং,
মতম কয়াদগী অসিগুম্বা রাজনিতীগী থবক অসি চত্থদুনা লাকখি, লায়রবশিংবু ভোৎ বেঙ্ক খক্তা ওইনা খনখি। অমরোমদা বিজেপি সরকারনা লায়রবগী শেবা তৌবা অসি খ্বাইদগী মরু ওইবা থৌদাং ওইনা লৌরি। ঐখোয়না লায়রবা অমসুং মিদল ক্লাসকী হকশেলদা মীৎয়েং চংখি ঐখোয়না অহোংবা হীদাক্কী দুকান, জন ঔশাধি কেন্দ্র লৈবাক অসিদা হাংদোকখি। ঙসি লৈবাক অসিদা জন ঔশাধি কেন্দ্র ১০,০০০ হেন্না লৈ মসিগী মনুংদা কর্নাতকা খক্তাদা ১০০০ হেন্না লৈ। সেন্তরশিং অসিনা মরম ওইদুনা লুপা করোর লিশিং কয়া কর্নাতকাগী লায়রবশিংগীদমক হীদাক লাংথংতা চাদিং তৌগদবদগী তুংশিনবা ঙমখি।
মরুপশিং,
লায়েংনগীদমক লায়রবশিংনা হোস্পিতালদা চৎপা ঙমলমদবা মতমশিং অদু নীংশিহন্নীংই। বিজেপি সরকারনা লায়রবশিংগী অৱাবা খঙনা মদু কোকহনখি। ঙসি আয়ুশ্মান বারত য়োজনানা লায়রবশিংগীদমক অফবা হোস্পিতাকশিং হাংদোকখি। বিজেপি সরকারনা লায়রবশিংগীদমক লুপা লাখ ৫ ফাওবগী লেম্না লায়েং ফংহনখি। কর্নাতকাগী মীওই লাখ কয়ানা স্কিম অসিগী কান্নবা ফংখি।
মরুপশিং,
মমাংদা হর্ত সর্জরী, নী রিপ্লেসমেন্ত, দাইলাইসিস অসিগুম্বা অসি য়াম্না তাংখি। লায়রবগী সরকার, বিজেপি সরকারনা মসি হোংহনখি। লেম্না দাইলাইসিস তৌবগী ফেসিলিতী অসিনা লুপা করোর লিশিং চাদিং তৌবদগী কনবা ঙমখি।
মরুপশিং,
ঐখোয়না হকশেলগা মরী লৈনবা পোলিসী খুদিংদা ইমা অমসুং ইচে-ইচলশিংদা অহেনবা অমসুং অহানবা মিৎয়েং চঙলি। ঐখোয়গী ইমাশিংগী হকশেল ফগৎলকপা অমসুং মখোয়না মচি ওইবা চিঞ্জাক ফংলকপা মতমদা অপুনবা চারোন-শুরোনগী হকশেলসু ফগৎলি। সরকারনা মাইকৈ অসিদা অখন্নবা মিৎয়েং চঙলি, অমাংশঙ শাবা, গ্যাস কন্নেক্সন লেম্না পীবা, য়ুমথোং খুদিংদা তোতি ঈশিং ফংহনবা, সেনিতরী পেদ লেম্না য়েন্থোকপা অমসুং মচি ওইবা চিঞ্জাক ফংহন্নবগীদমক্তা বেঙ্ক একাউন্ততা হকথেংননা শেল হাপ্পগী স্কিম কয়া লৈ। ব্রেস্ত কেন্সরদা সরকারনা অখন্নবা মিৎয়েং চঙলি, অসিগুম্বা লাইনাশিংবু অঙনবা থাক্তা খঙদোক্নবগীদমক্তা খুঙ্গংশিংদা হেল্থ অমসুং ৱেলনেস সেক্তর কয়া হাংদোক্তুনা হোৎনরি। বোম্মৈজী অমসুং মহাক্কী তীম্বু রাজ্যসিদা হেল্থ অমসুং ৱেলনেস সেন্তর ৯০০০ হেন্না হাংদোকপগীদমক্তা থাগৎপা ফোংদোকচরি। ঐখোয়না ইচানুপীশিংগী পুন্সি নুংঙাইহল্লি মখোয়না মশা মউ ফনা লৈবা ঙমহনখি অমসুং তুংলমচৎতা মখোয়গী অঙাংশিংবু হকচাং ফনা থম্বা ঙম্নবা থবক তৌরি।
ইচিল-ইনাওশিং,
ঙসি ঐহাক্না কর্নাতকা সরকারবু এ.এন.এম. অমসুং আশাগী থৌমীশিংগী মপাঙ্গল হেনগৎহনবগীদমক্তা থাগৎপা ফোংদোকচরি। এ.এন.এম. অমসুং আশাগী থৌমী লিশিং ৫০ অমসুং কর্নাতকাগী রেজিস্তর তৌরবা নর্স অমসুং হকশেলগী থৌমী লাখ ১না মোদর্ন গেজেতশিং ফংলি অমসুং মখোয়গী মফমদা খুদোংচাবা পুম্নমক পীনবগীদমক্তা দবল ইঞ্জিন সরকার অসিনা কন্না হোৎনরি।
মরুপশিং,
দবল ইঞ্জিন সরকার অসিনা হকশেল খক্তা নত্তনা, নুপীশিংগী শেন্মিৎলোনগী মপাঙ্গল হেনগৎহনবগী মতাংদসু অহেনবা মিৎয়েং চঙলি। কর্নাতকাবু শঙ্গোম অমসুং মুগা ফীগী লমদমনি। শা-শন লোইবা লৌমীশিংগী কিসান ক্রেদিত কার্দ অমসুং শা-শনগীদমক্তা তীকা কাপথোকপগী লুপা করোর লিশিং ১২গী চাউরবা ভেক্সিনেসন দ্রাইব চত্থখি। দাইরী কোওপরেতিবশিংদা নুপীশিংনা শরুক য়াবা হেনগৎহন্নবা চত্থরিবা খোঙথাং অসিসু দবল ইঞ্জিন সরকার অসিগী থবক্নি। খুঙ্গংগী নুপীশিংগী সেল্ফ হেল্প গ্রুপশিংসু মপাঙ্গল হাপ্লে। লৈবাক অসিনা মশা-মউ ফরবা অমসুং সবকা প্রয়াস অসিনা চাউখৎ থৌরাংগীদমক্তা খোঙফম চেৎলবদি, ঐখোয়না চাউখৎপা ভারত অমা ফংবগী পান্দম থম্লিবা অসিসু খোঙজেল য়াঙনা ফংবা ঙমগনি।
মরুপশিং,
লৈবাক অসিনা মশা ফরবা মতমদা মীয়ামগী খোঙথাংশিং পাইখৎলবা মতমদা চাউখৎপা ঙমগনি, মতম অদুদা চাউখৎপা ভারতকী পান্দম অসি থুনা ফংবা ঙমগনি। অমুক হন্না ঐহাক্না শ্রী মধুসুদন সাই ইন্সতিত্যুতকা মরী লৈনবা মরুপশিংবু মীওইবা জাতিগীদমক লৌখৎলিবা অফবা খোঙথাংগীদমক থাগৎপা ফোঙদোকচরি।
ভগৱান সাই বাবা অমসুং সংস্থান অসিগা ঐহাক্কা অনকপা মরী লৈনৈ। মরী অসি চহি ৪০ হেন্না শুরে, মরম অসিনা ঐহাক মফমসিদা মীথুংলেন অমা নত্তে, ঐহাক্তি মফম অমসুং লমদম অসিগী শরুক অমনি। ঐহাক্না মফমসিদা লাকপা খুদিংদা, মরী অসি অমুক্কা হন্না নৌথোকই অমসুং হেন্না চেৎপা মরী লৈনিংবগী ইথিল অমা থম্মোইনুংদা ফাওরকই।
মফম অসিদা ঐহাকপু লাক্নবা হায়বীরকপগীদমক ঐহাক্না অমুক হন্না তৌবীমল খঙবা উৎচরি। হন্না-হন্না থাগৎচরি।
