Releases commemorative stamp and coin to honour the great spiritual guru
“Chaitanya Mahaprabhu was the touchstone of love for Krishna. He made spiritualism and meditation accessible to the masses”
“Bhakti is a grand philosophy given by our sages. It is not despair but hope and self-confidence. Bhakti is not fear, it is enthusiasm”
“Our Bhakti Margi saints have played an invaluable role, not only in the freedom movement but also in guiding the nation through every challenging phase”
We treat the nation as ‘dev’ and move with a vision of ‘dev se desh’”
“No room for division in India's mantra of unity in diversity”
“‘Ek Bharat Shreshtha Bharat’ is India’s spiritual belief”
“Bengal is a source of constant energy from spirituality and intellectuality”

ঙসিগী শেংলবা থৌরম অসিদা শরুক য়ারিবা নুংশিরবা সন্ত, আচার্য়া গোদিয় মিসনগী শ্রীদেব ভক্তি সুন্দর সনয়াসীজী, কেবিনেতকী শরুক ওইরিবা ঐহাক্কী মরুপ অর্জুনরাম মেঘ্বালগী, মীনাক্সী লেখীজী, লৈবাক অমসুং মীরমগী কৃষ্ণ ভক্ত, অতোপ্পা শক্নাইরবা মীথুংলে, ইবেম্মা অমসুং ইবুংঙোশিং!

হরে কৃষ্ণ! হরে কৃষ্ণ! হরে কৃষ্ণ! অদোম পুম্নমক্না ঙসি মফমসিদা লেংবীরক্তুনা থৌরম অসিদা শরুক য়াবনা ভারত মন্দপমগী মরাইবক হেন্না ফগৎহল্লে। ভবন অসিগী ৱাখল্লোনগা ভগ্বান বস্বেশ্বরগী অনুভব মন্দপমগা মরী লৈনৈ। অনুভব মন্দপম অসিদি অরিবা মতমগী ভারতকী স্পিরিচুএল সেন্তর ওইরম্লিবনি। মীয়ামগী য়াইফ য়ুম্বালগা মরী লৈনবা ইথিল অমসুং ৱারেপ কয়াগী ময়োল ওইরম্লিবনি। শ্রীলা ভক্তিসিধান্ত সরস্বতী গোস্বামী প্রভুপরাগী ঙসিগী 150শুবা মপোক কুমওনগী থৌরম অসিদা হায়রিবা ইথিল অসিগা চপ মান্নবা মতৌ উবা ফংলি। মন্দপম অসিবু হৌজিক্কী মতমগী ভারতকী পাঙ্গল অমসুং অরিবা মতমগী ভেল্যুগী ময়োল অমা ওইহনবা হায়বসি ঐখোয়গী পান্দম ওইখিবনি। থা খরগী মমাংদা, মফমসিদা পাংথোকখিবা জি-20 সম্মিত্তা ঐখোয়না অনৌবা ভারতকী মতিক মগুন উবা ঙমখ্রে। অদুগা ঙসি ঐখোয়না মফমসিদা ‘ৱর্ল্দ বৈশ্নব কনভেন্সন’ শিনবগী শেংলবা তাঞ্জা অমা ফংবসি ঐখোয়গী লাইবক ফবনি। মসিদি চাউখৎ থৌরাং অমসুং হেরিতেজ অনিমক্কী অপুনবা শক্তম ওইরিবা অনৌবা ভারতকী শক্তাক অমা ওইরে। ঐখোয়না মফমসিদা মোদর্নিতীবু তরাম্না ওক্লি অমসুং ইশাগী শক্তাক্তসু চাউথোকচবা ফাওরি।

 

অদোমগুম্বা শেংলবা সন্তশিংগা শেংলবা থৌরম অসিগী শরুক ওইনা পুনবা ফংবসি ঐহাক্কী লাইবক ফবনি খঞ্জৈ। অদোমগুম্বা সন্তশিংগা অচেৎপা মরী লৈনবা অসিদসু ঐহাক্না নুংঙাইবা ফাওজৈ। ঐহাক্না ‘কৃষ্ণম বন্দে জগদগুরম’গী ৱাখল্লোনগা লোয়ননা ভগ্বানগী খুয়াখাদা কোক নোঞ্জরি। ঐহাক্না শ্রীলা ভক্তিসিধান্ত প্রভুপরাজীগী মফমদা থম্মোই শেংনা ইকায় খুম্নবগা লোয়ননা কোক নোঞ্জরি। ঐহাক্না প্রভুপরাগী মপোক কুমওন অসিগা মরী লৈননা খ্বাই পুম্নমক্কী মফমদা য়াইফ পাউজেল পীজরি। ঙসিগী থৌরম অসিদা ঐহাক্না মহাকপু নীংশিংনবা পোস্তেল স্তাম্প অমা ফোঙজবগী খুদোংচাবা ফংজরিবা অসিদা নুংঙাইবা পোকচবগা লোয়ননা মীয়াম খুদিংবু মসিগীদমক্তা থাগৎচরি।

ইকায়খুম্ননীংঙাই ওইরবা সন্তশিং,

নীংথিরবা রাম মন্দির অমা উজবা হায়বা চহি চা কয়াগী মঙলান অমা নুমিৎ খরনিগী মমাংদা মঙফাওনখ্রবা মতুংদা ঐখোয়না শ্রীলা প্রভুপরা গোস্বামীজীগী 150শুবা মপোক কুমওন পাংথোক্লি। অদোমগী মায়থোংদা তারিবা নুংঙাইবগী মমি অসিদা ঐখোয়গী মরক্তা শ্রীরাম মশামকসু লেংশিন্দুনা ফম্বীরি হায়বগী ৱাখল্লোনগী মমি অমসু উবা ফংজরি। মসিগুম্বা চাউরবা মহায়গ্যা অসিদি অদোমগুম্বা সন্তশিংগী ৱাখল চেৎপা অমসুং থৌজালদগী মপুং ফাবা ঙম্লিবনি।

মরুপশিং,

ঐখোয়না ঙসিদি ঈশ্বরগী মিনুংশি, কৃষ্ণ লিলা অমসুং পুন্সিদা থম্মোই চেৎনা নীংজবগী মচল কয়া ঐখোয়না খঙলে। য়ুগ অসিদা, চৈতন্য মহাপ্রভুগী থৌজালগী অচৌবা থৌদাং অমসু য়াওরি। চৈতন্য মহাপ্রভু অসিদি কৃষ্ণবু নীংজবগী খ্বাইদগী মশক নাইবা খুদম অমনি। মহাক্না স্পিরিচুএলিতী অমসুং স্পিরিরিচুএল প্রেক্তিসশিংবু মীচম মীয়ামদা ফংহনখি। ঈশ্বর অসি নীংজবখক্তা নত্তনা হরাও নুংঙাইবগী খুত্থাংদা ফংবা য়াই হায়না মহাক্না হায়বীরমখি। ঐহাক্না থেংনখিবা অমগী ৱারী তমজগে। ঐহাক ইশামকসু মসিগুম্বা চৎনবীশিংগী মরক্তা চাওরকপনি। ঐহাক্কী পুন্সিগী থাক কয়াগী মনুংদা, পুম্নমক্তগী তোঙানবা থাক অমা লৈখি। ঐহাক ভজন, কির্তন মরক্তা নাকলদা ফমদুনা য়েংজরগা লৈরম্মি। ঐহাক্না থৌরম খুদিংদা শরুক য়াজরবসু, থম্মোইদা অপেনবা ফাওজরবসু, থৌরমশিং অসিগা অমত্তা ওইবগী ঙমখিদে। মখল কয়াগী ৱাখল্লোন্না কোক্তা লাকখি। অমত্তা ওইবগা ঐহাক্কগী মরক্তা লৈনখিবা অথাপ্পা অদু করিনো হায়বা ঐহাক্না ভাব তাবা ঙমখিদে। মদুদগী ঐহাকসু খুবাক খুবা য়াওদুনা, ভজন শকপা য়াওদুনা থৌরমশিংগী নুংঙাইবা লৌবা হৌরকখি। মদুদগীদি ঐহাকসু উনা উনা অমত্তা ওইবগী মতৌ লাকপা থেংনজখি। মতমদুদা ঐহাক্না মসিগুম্বা চৈতন্য মহাপ্রভুগী চৎনবীগী মতিক খঙবা ঙমখি। অদুগা ঙসি অদোম্না খুবাক খুদুনা হরাও নুংঙাইবা উবদা ঐহাকসু খুবাক খুবা য়াওজখি। মীয়াম্না প্রধান মন্ত্রীসু খুবাক খুরে হায়নৈ। অদুবু, খুবাক খুরিবা মীওই অসিদি প্রধান মন্ত্রী নত্তে, ভক্ত অমনি।

 

ঐখোয়গী পুন্সি হিংবদা শ্রী কৃষ্ণগী থৌওংশিং অমসুং মহাক্কী পুন্সিগী তাঙ্কক কয়াগা মরী লৈনবদা ঐখোয়না তসেংনা নুংঙাইবা ফাওবা ঙম্মি হায়বসি চৈতন্য মহাপ্রভুনা তাকপীরমখিবনি। সঙ্কির্তন, ভজন, জগোই অমসুং ঈশৈগী খুত্থাংদা মসিগুম্বা খম থেংনা নুংঙাইবগী মতৌ অসি মীওই কয়ানা ঙসি হকথেংননা থেংনরি। শ্রী কৃষ্ণগী লিলাগী নিংথীবা করিনো অমসুং পুন্সিদা ঐহাক্কী পান্দম খঙবগী মরু ওইবা করিনো হায়বা চৈতন্য মহাপ্রভুনা শন্দোক্না তাকপীরমখি। মসিনা মরম ওইরগা, ভক্ত কয়ানা ঙসি ফাওবদা ভগ্বত্তা থাজবা থম্লিবনি।

মরুপশিং,

চৈতন্য মহাপ্তভুগুম্বা লাইওইরবা মীওইশিংনা মখোয়গী থবকশিংবু মতমগী মতুং ইন্না মওং অমদা নত্ত্রগা মওং অমদা মখা চত্থদুনা লাকখি। শ্রীলা ভক্তিসিধান্ত প্রভুপরা অসিসু মহাক্কী মসিগুম্বা ৱারেপশিং অসিগা শাগোন্নবনি। মসিমক ঐখোয়না মহাক্কী পুন্সিদগী উবা ঙমখি। মহাক্না সাধনাদগী সিধী ফংখিবা, আর্থদগী পরমআর্থ ফাওবগী খোঙচৎ চৎখিবা অসি মতৌ করম্না ঙমখিবনো হায়বা খঙবা ঙমখি। প্রভুপরানা শুপ্নগী চহি 10 শুবা মতমদা গীতা মপুং ফানা খঙখি। মহাক্না ইনখৎলকপা মতমদা, মোদর্ন এজুকেসনগা লোয়ননা সংস্কৃত, গ্রাম্মার, ভেদ অমসুং ভেদঙ্গাশিংগী লৌশিং তানখি। মহাক্না সুর্য় সিধান্তগুম্বা তেক্সশিংবু এস্ত্রোলোজিকেল মেথমেতিক্সকী খুত্থাংদা তাক্লমখি। সিধান্ত সরস্বতীগী মিংথোল্ল ফংদুনা মহাক্না মশাগী চহি 24 শুরকপদা সংস্কৃতকী স্কুল হাংদোকখি। স্বামীজীনা মহাক্কী পুন্সিরোলদা লাইরিক 100 হেন্না, আর্তিকল চা কয়া ইরমখি অমসুং মীওই মিলিয়ন কয়াদা মাইকৈ তাকপীরমখি। থৌওং অসিমক্না মহাক্কী পুন্সিদা লৌশিং অমসুং নীংজবগী খল ঙাক্না থমখি। গান্ধীজীনা বৈশ্নবকী ইথিল অমবু “বৈশ্নব জন তো তেনে কহিয়ে, পীর পরাই জানা রে” হায়না শক্লম্মি। হিংশা তৌদবা অমসুং মীনুংশি ফাওবগী ইথিল অসিমকপু শ্রীলা প্রভুপরানা ভারত অমসুং মালেম মীয়ামদা য়ৌহনখি।

মরুপশিং,

ঐহাক্তি গুজরাত্তা পোকপনি। বৈশ্নবকী ইথিলবু হেক লাকপা মতমদা মদুদা গুজরাতসু অদুমক মরী লৈনবা হায়বসিনা গুজরাতকী শক্তাক্নি। ভগ্বান কৃষ্ণ মশামক মথুরাদা শাফোংখিবনি, অদুবু মহাক্কী লিলাবু পাকথোক চাউথোকহন্নবা দ্বার্কাদা লাকখিবনি। মীরাবাইগুম্বী শক্নাইরবী কৃষ্ণভক্তসু রাজস্থান্দা পোকখিবনি। অদুবু, শ্রী কৃষ্ণগা অমত্তা ওইনবগীদমক্তা গুজরাত্তা চৎখিবনি। গুজরাত অমসুং দ্বারিকাগা মরী লৈনখিবা মখোয়গুম্বা বৈশ্নব সন্ত কয়া লৈ। গুজরাতকী সন্ত কবি নরসী মেহতাসু গুজরাত্তা পোকখিবনি। মরম অদুনা, শ্রী কৃষ্ণগা মরী লৈনবা, চৈতন্য মহাপ্রভুগী চৎনবী, পুম্নমক অসিগা ঐহাক্কী পুন্সিগা অখন্নবা মরী অমা লৈনৈ।

 

মরুপশিং,

ঐহাকসু ইং 2016দা গৌদিয় মথকী চহি চাম্মা শুবগী থৌরমদা অদোমগী মরক্তা তিঞ্জখি। ঐহাক্না মতমদুদা অদোমগী মরক্তা লৈদুনা ভারতকী স্পিরিচুএল কন্সিয়সনেসকী মতাংদা শন্দোক্না পাউদমজখিবনি। খুন্নাই অমনা মহাক্কী হৌরকফমদগী থাপ্তোকপা মতমদা, মখোয়না মশাগী তৌবা ঙম্বগী মতিক কাওরকই। মসিগী খ্বাইদগী ফত্তবা মহৈদি ঐখোয়না ইশাগী গুন অমসুং পাঙ্গলগী মতাংদা হন্থনা খঞ্জবা হৌরকপা অসিনি। ভারতকী ফিলোসোফীদা ঐখোয়গী পুন্সিগী শরুক ওইরিবা ভক্তি অসি য়াওদবা নত্তে। করিগুম্বা অমদা নীংজবগী মতাংগী ওইনা মফমসিদা ফম্লিবা মরুপশিংনা ঐহাক্না হায়রিবশিং অসিগা মরী লৈনবা ঙমগনি। মীওই খরদি করিগুম্বা অমবু থম্মোই শেংনা নীংজবা, লোজিক অমসুং মোদর্নিতী অসি তোঙাল্লি হায়না খনবসু য়াওরমগনি। অদুবু তসেংবদি, ঈশ্বরবু থম্মোই শেংনা নীংজবা হায়বসিদি ঐখোয়গী মুনিশিংনা তাকপীরম্বা অথোইবা ফিলোসোফী অমনি। মসিদি অৱাবা নত্তে, মসিদি থাজবা অমসুং মঙাল পীবনি। মসিদি অকীবা পোকপা নত্তে, মসিদি থৱাই য়াওবগী মতৌনি। ভক্তিদা পুন্সিবু  য়াকাইবা অমসুং অপেনবনা থলহনবগী মচল য়াওই। ভক্তি অসিদি শ্রী কৃষ্ণনা লানফমদা লেপ্তুনা অথোইবা য়োগা অমনি হায়না তাকপীরম্মিবনি। মসিমক গীতাগী 12শুবা তাঙ্কক্তা য়াওরিবনি। মসিনা মরম ওইরগা, থম্মোই কায়বগী ৱাখল্লোন্না লাকহৎলবা অর্জুন্না মহাক্কী গন্দিবাবু মীওৎ মীনৈগী মাইয়োক্তা থাংগৎহনখিবনি। মরম অদুনা, করিগুম্বা অমবু থম্মোই শেংনা নীংজবা হায়বসি মায়থীবা নত্তে, মসিদি ইথিল পুরক্কে হায়বগী খোঙফম চেৎপনি।

 

অদুবু মরুপশিং,

মসিগুম্বা মায় পাকপা অসি ঐখোয়না অতোপ্পগী মথক্তা ফংগদবা নত্তে, ইশাগী মথক্তা মায় পাকহনগদবনি। ঐখোয়না ইশাগীদমক্তা লান্থেংনগদবা নত্তে, ‘ধর্মখেত্রে কুরুখেত্রে’গী ইথিলগা লোয়ননা মীওইবা খুন্নাইগীদমক্তা লান্থেংনগদবনি। মসিগুম্বা ৱাখল্লোন অসি ঐখোয়গী লু তোংদা য়াওরবনি। অদুনা ভারতনা কৈদৌনুংদা অতোপ্পগী মফমদা লান্দাদ্রিবনি।

মরুপশিং,

দিভোসনগী লম্বীদা চত্তুনা মায় পাকপা কয়া ফংলবা সন্ত কয়া ঙসি ঐখোয়গী মরক্তা ফম্লি। অদোম খুদিংনা লম্বী অসি মমুৎ তানা খঙলবনি। ঐখোয়গী নিংতম ইহৌদা ভক্তি সন্ত অমসুং ভক্তি ইহৌনা তমখিবা শরুক অসিগী মমল লৈতে। ভারতকী খুদোংচাদবা মতম খুদিংদা, অথোইবা সন্ত নত্ত্রগা আচার্য় অমা লৈবাক অসিদা মাইকৈ তাক্নবা অদুমক থোক্লকখিবনি। মেদিবেল মতমগী ভারতকী অৱাবা মতমদা, মায়থীবনা ভারতপু চিংথবা মতমদা, ভক্তি ইহৌগী সন্তশিংনা ঐখোয়দা ‘হরে কো হরিনাম’, ‘হরে কো হরিনাম’গী মন্ত্রা পীবিরম্বনি। সরেন্দর হায়বসিদি খ্বাইদগী অহেনবা মহাক্কী মফমদা খক্তা তৌগদবনি হায়না ভক্তি সন্তশিংনা তাকপীরম্বনি। চহি চা কয়া লেপ্তনা হুরানবীখিবদগী ঐখোয়না লাইরবগী খয়াত্তা তাখিবনি। কত্থোকপা অমসুং তিতিকশাগী পুন্সি হিংদুনা ইশাগী ভেল্যু ঙাক শেনগদবনি হায়না সন্তশিংনা ঐখোয়দা তাকপীরম্বনি। অচুম্ববু ঙাক শেন্নবা ঐখোয়না লৈজবা খুদিং কত্থোক্লবা মতুংদা ইশাদা থাজবগী মতৌ লাকখিবনি। মদুদগী ঐখোয়না সত্যমেব জয়তে – অচুম্বখক্তনা মায় পাকই হায়বা ৱাখল্লোন খঙখিবনি। মসিনা মরম ওইরগা ঐখোয়গী নিংতম ইহৌবু স্বামী বিবেকানন্দ অমসুং শ্রীলা স্বামী প্রভুপরাগুম্বা সন্তশিংগী মপাঙ্গল লৈবা শক্তিনা ইনোৎ হাপ্পীখিবনি। নেতাজী সুভাস চন্দ্র বোস অমসুং মহামনা মালবিয়াগীগুম্বা শক্নাইবা মীওই কয়ানা শ্রীলা প্রভুপরাগী মফমদা পাউতাক লৌনবা লাক্নখ্রিবনি।

 

মরুপশিং,

ঐখোয়না ভক্তি য়োগগী খুত্থাংদা কত্থোকপগী থৌওং পাংথোক্লবা মতুংদা ওমোর ওইগনি হায়বগী থাজবা লৈনরম্মি। মসিনা মরম ওইরগা ঐখোয়গী সন্তশিংনা হায়রম্লিবনি – অমৃত স্বরুপা চা। মসিনা হায়বদি, মসিগী দিভোসন অসিদি অমৃতগী মওংদা লাকপনি। মসিগুম্বা থাজবা অসিগা লোয়ননা, লৈবাক মীয়াম করোর কয়ানা মরৈবাক নুংশিবগী ইথিল লৈদুনা ওমোর ওইনরিবনি। হৌজিক্কী অমৃতকাল অসিদা, ঐখোয়না ভারতপু চাউখৎপা লৈবাক ওইহনগনি হায়বগী ৱারেপ লৌরি। ঐখোয়না লৈবাকপু ঈশ্বরনি খন্দুনা অমসুং ‘ঈশ্বরদগী লৈবাক ফাওবা’ হায়বা মিৎয়েংগা লোয়ননা তুংলমচত্তা চঙশিল্লি। ঐখোয়না দাইবর্সিতীবু ঐখোয়গী পাঙ্গল ওইহল্লি।

 

মরুপশিং,

অদোম মশিং য়াম্বনা ঙসি পুল্লি। পুম্নমক তোঙান-তোঙানবা মফমশিংদগীনি। লোল, ৱাঙাং অমসুং পুন্সি মহিং খেন্নবা ঙাক্তনি। অদুবু, অচম্বা ৱাখল্লোন অমনা পুম্নমকপু মতৌ করম্না অমত্তা ওইহল্লিবনো। ভগ্বান কৃষ্ণনা ঐখোয়দা তাকপীরম্মি – ‘অহম আত্মা গুরকেশ সর্ব ভুতাসয় স্তিথা’। মসিনা হায়বদি, অহিংবা জিব খুদিংদা ঈশ্বর লৈ হায়বনি। পুম্নমক্কী নুংদা ঈশ্বরনা থৱাই ওইনা য়াওই। মসিগী থাজবা অসিদি ভারতকী ৱাখল্লোন্দা ‘নরদগী নরায়ন’ অমসুং ‘জিবদগী শিব’ হায়বগী কাঙলোনগা লোয়ননা শাগোন্নরিবনি। ভারতকী খেন্নবা কয়া লৈজরবসু অমত্তা ওইবা হায়বা মন্ত্রা অসিদি য়াম্না চম্বনি, পাক শনবা অমসু ওইবনি। মসিদা য়েৎনীংঙাই করিমত্তা লৈতে। ঐখোয়না শ্রী কৃষ্ণ হায়না শোন্দুনা অমগা অমগগী থম্মোইনুংদা মরী শাগৎলি। অদুনা, মালেমগী ওইনদি লৈবাক অমা হায়বসি রাজনীতিগী ৱাখল্লোন্দা য়েংলম্বা য়াই, অদুবু ঐখোয়গী ওইনদি, “এক ভারত, শ্রেস্থ ভারত” হায়বসি স্পিরিচুএলগী ৱাখল্লোন ওইরিবনি।

মরুপশিং,

ভারতকী চাউখৎ থৌরাংগী খোঙজেল অসি মালেম পুম্বনা ঙাংনরি। ভারতনা মালেমগী চাউখৎলবা অমসুং তেক্নোলোজী ৱাংবা লৈবাকশিংগা মান্নবা থাক্তা লৈরে। ঐখোয়না চাউখৎপা লৈবাক কয়াবু হীরম কয়াদা য়াম্না হেন্দুনা লাক্লে। ঐখোয়বু লুচিংবগী শক্তাক পীরি। লোয়ননা, ঐখোয়গী য়োগনা মালেমগী মফম খুদিংদা য়ৌরি। মালেম্না ঐখোয়গী আয়ুর্বেদ অমসুং নেচ্যুরোপেথীদা থাজবা থম্নরি। লৈবাক কয়াগী রাস্ত্রপতি অমসুং প্রধান মন্ত্রীশিংনা ঐখোয়গী অরিবা লাইশঙদা চৎনরি। মসিগুম্বা অহোংবা অসি মতৌ করম্না অশুক থুনা লাকখিবনো? মসি মতৌ করম্না ওইরকপনো? মসিগী অহোংবা অসিদি ঐখোয়গী নহাশিংগী শক্তিনা পুরকপনি। ঙসিদি, ঐখোয়গী নহাশিংনা লৌশিং অমসুং রিসর্চকা খুৎশম্ননা চৎলি। ঐখোয়গী হৌজিক্কী চারোন শুরোন অসিনা মশাগী চৎনবীবু চাউথোকচনা উৎচরি, মশাগী শক্তাক ওইহল্লি। ঐখোয়গী নহাশিংনা ঙসিদি স্পিরিচুএলিতী অমসুং স্তার্তঅপকী মরু ওইবা খঙলি। মসিদা মায় পাকপগী মতিকসু লৈরে। অদুনা, কাশী নত্ত্রগা অয়োধ্যা ওইরো, লাইনিংফম অসিদা লাক্লিবা মশিং য়াম্লবা মীওইদি নহা ওইরবনি।

ইচিল ইনাওশিং,

লৈবাক্কী অনৌবা চারোন শুরোন্না অসুক য়াম্না খঙলবা মতমসিদা, লৈবাক অসিনা চন্দ্রয়ান শাদুনা ‘চন্দ্রসেখর মহাদেব দাম’না লৈতেংবা ঙম্বা হায়বসিদি মহৌশানা তাবনি। লৈবাক্কী নহানা লুচিং থৌদাং পায়রকপা মতমদা, লৈবাক্কী রোভরনা থাদা শোইদনা খোঙদাবা ঙমগনি। অদুগা, মফমদুবু ‘শিবশক্তি’ হায়না মিংথোন্দুনা চৎনবীসু ঙাক্কনি। হৌজি, বন্দে ভারত ত্রেন্না লৈবাক শিনবা থুংনা চেল্লগনি। নমামী গঙ্গে স্কিমগী মখাদা, বেঙ্গলগী মায়াপুরদা নিংথিরবা গঙ্গা ঘাত শাবগী থবক হৌরে হায়না ঐহাক্না চাউথোকচবগা লোয়ননা পাউদমজরি।

মরুপশিং,

চাউখৎ থৌরাং অমসুং হেরিতেজকী মসিগুম্বা খোঙথাং অসি মথংগী চহি 26তসু মখা চত্থখিগনি। মসিমক ঐখোয়গী সন্তশিংগী থৌজালদগী ওইথোকপনি। মখোয়গী থৌজালদগী ঐখোয়না চাউখৎপা ভারত অমা শেমগনি। ঐখোয়গী স্পিরিচুএলিতীনা মালেমগী মীওইবা খুন্নাইগী লম্বী য়াৎকনি। মসিগুম্বা য়াইফ পাউজেল অসিগা লোয়ননা, ঐহাক্না মীপুম খুদিংগী মফমদা হায়জরি – হরে কৃষ্ণ! হরে কৃষ্ণ! হরে কৃষ্ণ!

পুম্নমকপু থাগৎচরি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
India is a top-tier security partner, says Australia’s new national defence strategy

Media Coverage

India is a top-tier security partner, says Australia’s new national defence strategy
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 21 এপ্ৰিল, 2024
April 21, 2024

Citizens Celebrate India’s Multi-Sectoral Progress With the Modi Government